الى ادارة القسم التعليمى فقط ومعهم المديرين

[الاستاذ محمد سرور]

السلام عليكم ورحمة الله وبركاته

انا مش عارف ابدأ منين والله


هو الكلام كله لاشرف السيد

انتم نسيتوا ان المدرسين على الموقع هنا بتعمل بدون مقابل و لا ايه
ولما بيطلب من مدرس انه يشرف على قسم دة بيكون عمل تطوعى منه ليس اكثر

أنا خايف ان يكون حد من الادارة فاكر ان اى صفة بياخدها مدرس على الموقع من اول صفة مدرس الى مشرف قسم الى موجه عام الى مشرف قسم تعليمى بتزوده حاجه

دة بالعكس
دة بياخد من وقته ومجهوده وصحته ورعايته لبيته
مش علشان عيون حد

ولا فى كل ترقيه مرتبه بيزيد ولا حاجه

ولكن علشان يعمل خير ومش مستنى ان الادارة تعطى له حاجه

وافتكر ان الاستاذ عصام عرض على فكرة انه يكون فى مقابل للمدرسين وكان ردى عليه ان الفلوس دى اولى بيها نقدم بيها خدمات للطلبه


خلاصة الكلام للادارة

انتم بتتعاملوا مع مدرسين مش ناس جايه من الشارع ولا شغالين عندكم بفلوس
كلنا شغالين لله

يعنى لما يكون فيه موضوع خاص بالمدرسين ولا مشرفى الاقسام التعليمى
مش الاقى موضوع معمول بينتقد فيه شغلهم على الموقع

والله حاجة غريبة
هو انت فاكر نفسك يا اشرف رئيس الوزراء واحنا شغالين فى حكومتك


شوفت حاجه غلط ولا مخالفه
عندك حل من حلين
يا تصلحها انت بنفسك ما دام شوفتها انها مخالفه او مش مظبوطه
يا تكلم الاستاذ المحترم المشرف على القسم فى رسالة خاصة وتناقشه

لكن تعملى موضوع وتقول فيه يا تظبطوا القسم يا نجيب مشرفين مش مدرسين غيركم

يعنى ايه هم شغالين عندك وبتخيرهم ما بين انهم يشوفوا شغلهم يا ترفدهم
ركز فى كلامك وراجعه قبل ما تقوله

احنا كلنا فريق عمل على الموقع ومحدش احسن من حد
واديك شوفت رد مستر منتصر لما قرأ كلامك
قالك ببساطه مع السلامة مش عايزكم

ملحوظة اخيرة
هذا الموضوع خاص بمشرفى القسم التعليمى فقط والمديرين
برجاء لمن يقرأه غير هؤلاء عدم الرد واعتبار ما قرأه كانه لم يراه

وماحدش ياخد كلامى على محمل شخصى
ولكن لابد من وضع النقط على الحروف