من اجل الارتقاء بمنتدى الرياضيات 2

silent_eyes · #1 01-12-2008, 01:38 PM

بسم الله الرحمن الرحيم

اولا فى اول موضوع ليا فى المنتدى احب اعبر عن اعجابى الشديد بفكره المنتدى
وبالتعاون الجميل من المدرسين المشتركين فيه
ثانيا انا لاحظت ان منتدى الرياضيات2 نايم شويه
طبعا دة بعيدا عن شغل الاساتذه لكن مفيش تفاعل جامد من الطلبه على عكس منتدى الفيزياء مثلااو الانجليزي
بالرغم من ان كلنا عارفين ايه اللى حصل السنه اللى فاتت فى الرياضه
علشان كده انا بقترح اننا هنا كل اللى عنده مساله مش عارفها يعرضها وناقشها كلنا او لو حد عنده مساله قابلته وعجبته فكرتها يعرضها علينا علشان الكل يستفاد
اتمنى ان الفكره تعجبكم ونشارك فيها كلنا وده طبعا لمصلحتنا كلنا

الاستاذ محمد سرور · #2 01-12-2008, 04:49 PM

انت بتقول كدة علشان انت لسة جديد على الموقع بس

احنا فى قسم الرياضيات عاملين موضوع اسمه ضع سؤالك هنا ........خاص بالطلبة على هذا الرابط
http://www.thanwya.com/vb/showthread.php?t=53980

وفيه الطلاب يضعوا اسألتهم والمدرسين بيجابوا عليه

وكل نشاط الطلبه فى هذا الموضوع ..........لما تدخل حتعرف ليه تم لم الطلبة كلهم فى موضوع واحد يبقى بنك للاسئلة

وطبعا انت لاحظت ان النشاط للمدرسين فقط ........ودة طبيعى لان الطالب يهموا يشوف موضوعات شرح ونماذج امتحانات للمدرسين ..........وعلشان كدة سيبنا مواضيع المدرسين بس هى اللى حرة ومواضيع الطلبه فى موضوع واحد فقط (بنك الاسئلة )

ان شاء الله ساترك هذا الموضوع حتى ترد عليه وبعدها سيتم دمجه مع موضوع الطلبه باذن الله

ملحوظة :
طلاب رياضة 2 على الموقع عباقرة
بس هم بيفكروا بهدوء ولو عايز تعرفهم ادخل الغرف الصوتية 2 يوم الاحد والاربعاء الساعة 10 مساء