====>>> العصا لمن عصا <<<====

[hazem_ayman]

>>> --- العصـــا لمـــن عصـــا ---<<<





في الآونة الأخيرة سمعنا عن وفات تلاميذ إثر تعرضهم للضرب من قبل المدرسين

وبما ان وزارة التربية والتعليم قد أصدرت قوانين تمنع الضرب في المدارس من فترة طويلة

فمن يخالف تلك القوانين يعرض نفسه للمساءلة وخاصة اذا حدثت عواقب من ذلك الحدث

كما شاهدنا في قصة التلميذ اسلام






فمدرسين كثر يقومون بالضرب ولكن لم يحدث وأن توفى طفل إثر هذا الفعل لذلك كانت الأمور

عادية بالنسبة للمدرسين والطلاب وأولياء الأمور

بسمع ديما جملة بتكرر من الأكبر مننا في العمر ( ماحنا كنا زمان بنضرب بالخرزانة ونتمد

ومكناش بنقدر نبص للمدرس نص بصة وأولياء الأمور مكنش حد بيعترض وأدينا أهو

مجرلناش حاجة بالعكس اتعلمنااااا ولازم تمد في اتعلمنااااا دي )

بسمع الكلام ده كتييير جدا بنفس الأسلوب .

كتير دلوقتي بعد القرارات اللي بتتخذ ضد المدرسين اللي بيستخدموا الضرب

كل يوم نشوف عنوانين في الجرائد عن مثل هذه المواقف


كلنا هنا في المنتدى كنا في مدارس بمختلف أعمارنا ..


- ايه رأيك في المدرس اللي كان بيدخل بعصاية ده كان بيدي انطباع عندك ؟

- هل لما كنت تعرف ان المدرس ده بيضرب بخليك تبقى مجتهد أكتر وتحافظ على انتباهك

ومستواك حتى في اداء الواجبات ؟

- هل بتؤيد قرار الوزارة في منع الضرب في المدارس بشكل جذري ولا ترفضه

وان لازم الضرب يكون رادع لبعض الطلبة ؟


- لو عندك أي قصة مرتبط بموضوع الضرب في الفصل ممكن تضيفه ؟


ياريت الاجابة على الاسئلة


أتمنى أن يكون موضوع النقاش نال اعجابكم

مع أطيب تحياتي لكم