حصرياً كلمات اغنية شعبان عبدالرحيم عن أوباما (مفاجأة)

[عبقرينومان]

السلام عليكم

بداية الجميع سيقوم بالقوم وان الاغاني والاخبار الفنية ممنوعة في الموقع

سارد واقوم ان قمت بوضع هذه الكلمات فقط للاغنية وليست الاغنية

وكمان الكلمات وطنية مش هبل واسفاف

لاني وجدت كلمات الاغنية في تصفح احد المواقع

وعجبتني الكلمات التي تتحدث بصدق عن الحال الذي فيه جميع العرب

وبداخل الكلمات الحل للمشكلة

وهذه هي الكلمات

أنا شايف الإبتسامة والفرحة ع الوشوش .. اياك بارك اوباما ما يكونش زي بوش

مين يعرف ولا يعلم في ايه جوه النفوس .. بلاش من بدري نحلم لا يكون الحلم كابوس

خلينا زي ما احنا ما الهم خدنا عليه .. راح بوش وجه اوباما ايه يعني هيحصل ايه

لسه فلسطين محتله والحرب في العراق .. والناس عايشه في مذله وعداء يجيب عداء

مهما هيعمل اوباما ويلف شمال ويمين .. لا يرجع الحريري ولا حتي الشيخ ياسين

عرفات مش جاى تانى اللى عاش ايام سواد .. ومات والكل عارف بحركات من الموساد

يا عربى الف سلامة يا عربى يا عينى عليك .. قاعد مستنى اوباما علشان ياخد بأيديك

ولا بوش ولا اوباما هيفكروا ابدا فيك .. يا عربى مفيش غير ايدك هى اللى راح تحميك

بوش يخرب بيت سنينة باعنا وضيعنا سنين .. وأوباما الناس فاكرينه هيكون صلاح الدين

ما هو بوش ابن المجنونة شعللها في كل مكان .. افغان وعراق وغزة واخرها سوريا كمان

هيعمل ايه اوباما في مصايب بوش وابوه .. ما سابوش مكان في العالم الا ما خربوه

مجاعات وأزمة ماليه وخرب ودمار وحروب .. اهو غار ابن المؤزية وسايبهالنا ع الطوب


الكلمات فعلا بتثبت الاحلام اللي في ناس كثير بتحلمها ومتخيلة ان الدنيا هتبقي جنة بعد اوباما
وقال في الكلمات ان ان العرب بس هو الوحيد اللي يقدر يحل مشكلته

وللعلم اول حاجة عملها اوباما هي تعيين يهودي اسرائيلي امين للبيت الابيض
انت بقي شايف ان الكلام ده صح ولا حاسس ان اوباما هيغير من شكل العرب