|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
17-11-2008, 06:10 PM
|
||||
|
||||
عــ حقى ـــايز .. كلاكيت تانى مرة
السلام عليكم ورحمة الله وبركاته
********** كلنا اتفرجنا على فيلم "عايز حقى" لما هانى رمزى كان عايز يشترى شقة ومعرفش ولما زنقت اوى باع البلد وقولنا دى خرافات وخزعبلات افلام السنيما بس الحكومة المبجله وبكل جدارة اثبتت لينا ان مافيش حاجه اسمها خرافات واصبح الحلم حقيقه اقصد الكابوس بس الفرق بين الفيلم والواقع ان ف الفيلم الشعب هو اللى باع والحكومة كانت رافضه اما الواقع الشعب برده هو اللى هيبيع بس بتصريح من الحكومة او بمعنى ادق بتحريض من الحكومة تحت مسمى " توزيع ملكية القطاع العام وشركاته علي المواطنين " وده مقال بقلم* :محمد عمر عن الموضوع ده اسمه .. مش فاهم! اكتشفت اني مش الوحيد اللي مش فاهم ازاي حتمشي حكاية توزيع ملكية القطاع العام وشركاته علي المواطنين،* ولا الهدف من ان كل مواطن حيبقي معاه* »صك*« ملكية للشركات دي بما قيمته الفين جنيه يتصرف فيه،* فانتهزت فرصة بداية جلسات مجلس الشعب،* وقلت لما اسأل بقي الأعضاء*.. أكيد هما فاهمين،* وسألت أول واحد ياعم النائب*.. ايه بقي الموضوع*.. فبص لي وكأني جبت سيرة أهله بكلمة قبيحة وقال لي*.. احنا حنبتديها تريقه ومألسه*.. قلت له ياعم انا با تكلم جد انا مش فاهم الحكاية دي حتمشي ازاي،* وفيه علامات استفهام كتير حواليها*.. قالي لي ومين سمعك*.. علي الطلاق بالتلاتة ما فيه حد فاهم*.. واللي يقول لك* غير كده يبقي بيسرح بيك*.. وبيشتغلك*. رحت للثاني وسألته*.. »بص لي بنص عين*« وقالي لي*: يالئيم يعني انت مش عارف*.. الحكومة قرفت*.. كل ما تبيع شركة يتقال*.. باعتها بتراب الفلوس*.. دي اتسرقت*.. دي كانت تسوي اكتر*.. راحوا موزعينها علي المواطنين علشان هما بقي اللي يبيعوا وساعتها محدش حيقدر يفتح بقه*.. وحيتقال لهم*.. مش انتم اللي بعتم ولا احنا*.. قلت له*.. بس كده انت مش فاهم القانون كله*.. فقال*: وافهمه ليه*.. ما انا عارف* »الفولة*« أنت عمرك شفت* »حداية*« بتحدف كتاكيت*.. قلت له آه شفت*.. جارتنا شكلها زي الحداية وبترمي علينا الكتاكيت* »المخنوقة*« من علي السطوح* سألت* »الثالث*«.. قال لي بص يا حلاوة*.. الحكاية مش كيميا* »محيي الدين*« الوزير ما انت عارفه*.. شاف ان كلمة خصخصة بتفكر المصريين بحاجات* »وحشة*« قال* »اشيلها*« وبدل ما يخصخصنا هوه* »قال كل واحد يخصخص نفسه يا رجاله*.. ها*.. ها*.. ها*.. با اقول لك ايه*.. يا عم ما تشغلش مخك*.. ما هي لو كانت الحكومة قلبها علينا قوي،* وعاوزة تدينا حقنا في القطاع العام كانت اديتنا حقنا في اللي باعته قبل كده*.. قلت له واضح كده*.. ان القانون مش مفهوم،* وده معناه انكم حتعدلوا فيه*.. فابتسم ابتسامة جابت وشه كله*.. وبرضه مافهمتش*.. *********** والسؤال بقى حاجه زى دى ايه المخزى منها ومين اللى المستفيد ؟؟ ولو فعلا اتطبقت ايه الفايدة من تطبيقها ؟؟ او ممكن تطبق اصلا ولا ده مجرد جس نبض؟؟  |
|
#2
18-11-2008, 01:36 PM
|
||||
|
||||
|
أحلا حاجه إن مفيش حد فاهم حاجه
ثم إن لو كل واحد هيبقى معاه صق قيمته 2000 جنيه إيه هيخليه يبيعه ما هو لما هيبيعه هيخسر شغله ثم إن لو الكلام ده إتنفذ الناس اللى هتطلع معاش هتسلم الصق للى بعدها بيع وشرى ولا إيه بجد القانون مش مفهوم خالص وأنا حاسس إنه صعب يتنفذ أو بمعنى أصح مستحيل
__________________
 Always remember two things Don’t' take any decision when you are Angry Don’t' make any promises when you are Happy |
|
#4
18-11-2008, 07:05 PM
|
|||
|
|||
|
هقول ايه خربوها وقعده على تلها
معدتش فى حاجة فى البلد تتباع البلد كلها بعوها حتى جثث الاموات بعوها لكليات الطب فى دول الخليج لك الله يامصر |
|
#5
18-11-2008, 08:42 PM
|
||||
|
||||
|
بصوا انا مش فاهم الموضوع ده كويس
بس ع قد ما افهم ان كده كده الناس الغلبانة هيبيعوا الأسهم بتعتهم علشان يعيشوا فالأغنياء هما اللى هيشتروا والبلد هتبقى طبقتين غنى شديد وفقر قحط ويمكن اسرائيل هى اللى تشترى الأسهم ده ع ما افهم وربنا يستر
__________________
أشوفكم فى الجنة ان شاء الله
|
|
#6
18-11-2008, 08:50 PM
|
||||
|
||||
|
هبدأ الرد بالجملة الخنيقة القانون مصلحتك اولا ( هيا كانت الضرايب قبل كدا ) وفعلا صدق الحاج هانى عايز حقى يا صابر بدل ماهما يخصخصو احنا اللى نخصخص
وفى النهاية الشركات هتتخصخص سواء وافقنا او لا دا زى ما تقولى ضحك على الدقون احنا عاملين نفسنا فاهمين القانون وهما عاملين نفسهم بيدونا حقنا وفى الاخر لاحنا فاهمين القانون ولا هما هيدونا حقنا وصدق الشاعر حيث قال عظيمة يا مصر يا ارض البلح دمتم فى رعاية الله
__________________
 ......استودعكم الله الذى لاتضيع ودائعه.... ....closed 4 ever
|
|
#7
19-11-2008, 12:26 AM
|
||||
|
||||
|
انا اول مرة افضل مش فاهم موضوع بيحصل في البلد بالدرجة دي اني اتفرج علي برنامج واتنين وتلاتة واقرأ حاجات بتكلم عن الموضوع دا وفي الاخر مفهمش وفي الاخر اتخنقت وقولت ما انا كدا كدا هتسرق والموضوع مليش فيه دلوقتي لسه لما اتم الـ21 سنة الموضوع هيبقي يخصني لاني هيبقي ليا صك من حقي انا بفهم في البورصة الي حد ما مش قليل بس لحد دلوقتي برضو مش عارف اتخيل وافهم احنا ازاي هناخد الاسهم دي ربنا يستر وحسبي الله ونعم الوكيل
__________________
نحن قوم أعزنا الله بالإسلام فإن ابتغينا العزة بغيره أذلنا الله( عمر بن الخطاب ) |
|
#8
20-11-2008, 05:27 PM
|
||||
|
||||
|
اقتباس:
فعلا قانون غريب الاطوار .. ميرسى لمرورك  اقتباس:
ميرسى لمرورك اقتباس:
ميرسى لمرورك |
|
#9
20-11-2008, 05:31 PM
|
||||
|
||||
|
اقتباس:
ميرسى لمرورك اقتباس:
ميرسى لمرورك اقتباس:
ميرسى لمرورك |
|
#10
21-11-2008, 10:02 AM
|
|||
|
|||
|
اصلييييييييييييييييييييييييييييييييييييييييييييييي يييييييييييييييييييييييييييييييييي
__________________
|
|
#11
21-11-2008, 10:25 AM
|
||||
|
||||
|
لا بقي
مش كل موضوع افكر اعمله الاقيك بتعمليه بس انا هفهمك بالراحة بصوا يا جماعة الدولة دي او الحكومة تملك شركات والشركات مش ملك للحكومة ولكنها هي التي تديرها وهذه الشركات ملك للشعب وتسمى القطاع العام ولكن ليس لنا الحق في البيع فيها لاننا لا نملك ما يثبت ملكيتنا فيها وفي مؤتمر الحزب الوطني الاخير قرر رجال الحزب الاوفياء ان يأخذ كل واحد حقه بمعنى بص يا سيدي في عدد شركات تصل إلى 154 شركة قطاع عام والشركات دي كثيرة زي المطاحن والحديد والصلب والاسمنت والادوية والغزل والسجاير والمصرية للاتصالات وزي عمر افندي اللي اتباع وغيره فراحوا مقسمين الشركات الى فئات الفئة الاولى شركات خاسرة ودي مفيش حد هيتملك فيها اسهم لانها خاسرة ومش هنستفيد منها بحاجة الفئة الثانية شركات اصلا وصل عدد المساهمين فيها الى 49 % وما ينفعش يزيد عن كدا علشان الادارة تفضل في ايد الحكومة زي شركات السجاير وشركة المصرية للاتصالات الفئة الثالثة شركات شغالة وكويسة زي بعض شركات الصلب ودي لسا النسبة المملوكة في الدولة كبيرة وهما هيوزعوا فيها اسمهم للمواطنين علشان كل مواطن يضمن حقه في ايده بمعنى ايه بقي موضوع الاسهم ده هيعملوا حاجة اسمها صك يعني زي المحفظة المالية والصك ده فيه عدد من الاسهم قيمة الاسهم لا تتعدى 400 جنية والفلوس بتاعك هتكون على شكل سهم يعني لو حبيت تبيع اسهمك في الشركات بيع واقبض حقك في ايدك ولكن في النهاية قيمة الاسهم كلها او الصك لا تتعدى 400 جنية اللي يقدر يستفيد الان هما سن 21 سنة ومن فوق واللي اقل من 21 سنة لما يوصل للسن ده يقدر يأخذ حقه من حاجة اسمها صندوق الاجيال القادمة ولو عبقرينو حلل الموضوع هيكون بالشكل ده اولا الاسهم دي سعرها رخيص جداااااا ثانيا ممكن يكون في البيت 4 خمسة كلهم هيأخذوا اسهم ويمسكهم كلهم ولي الأمر ويبدأ يبيعهم وده اللي هيحصل فعلا ثالثا بعد فترة هنلاقي كل الناس بتبيع الاسهم لانهم مش عارفين يتعاملوا معها وعلشان قيمة السهم ضعيفة وعلشان الحالة المعشية الصعبة وعلشان وعلشان رابعا اصلا بعد كام يوم كل الناس هتبدأ تبيع الاسهم دي هيبدأ يحصل انهيار في البورصة من كثرة عمليات البيع ومفيش الا كام مستثمر اللي هيشتري الاسهم وبالفعل هينزل ثمن السهم يعني ممكن الصك اللي كان قيمته 400 جنية يوصل لحد 100 جنية وانت هتبيع خوفا من الهبوط خامسا هتلاقي المستثمرين لموا اسهم الناس في دقيقة وبقت الشركات مملوكة للمستثمرين وهو وجه جديد للخصخصة وتوتا توتا ( وبيع يا صابر وريحنا ) بس يا جمااااااااااااعة انتو بقي هتبيعوا ولا هتبيعوا
__________________
[CENTER][SIZE=4][COLOR=red]ابتسم يا عبقرينو فالحياة لا تساوي شيء دون العمل لوجه الله لا يهمني من أين يأتي الحق ولكن يهمني أن يأتي الحق أشرف السيد
|
|
#12
21-11-2008, 11:34 AM
|
||||
|
||||
|
شكرا للاستاذ اشرف ( عبقرينومان ) على هذا التوضيح
لا زال هناك استفسارات تم بيع عدد من الشركات بالفعل اين ذهب ثمن البيع ؟ هل اضيف الى مصادر الدخل الاخرى مثل الضرائب و تم استهلاكه فى توفير رغيف العيش ابو شلن و الذى استهلك هو الاخر و اصبح مصيره فى الصرف الصحى؟!! بعد توزيع جميع الصكوك لن يكون هناك مصدر للدخل للحكومة غير الضرائب و بعض المصادر الاخرى و التى هى الان فى اسوأ حالاتها البترول اسعاره انخفضت من 140 الى 50 دولار فى فترة قصيرة قناة السويس انخفض الدخل بسبب الازمة المالية و القراصنة السياحة سينخفض دخلها بسبب الازمة الاقتصادية اذن لن يتبقى مورد امام الحكومة تصرف منه على التعليم و الصحة و المرافق و غيرها من الخدمات الا الضرائب اذا كانت كل هذه الموارد مجتمعة و معها القطاع العام المتبقى لم تكن تكفى حاجتنا فما الوضع بعد بيع القطاع العام أو توزيعه فى صورة صكوك ( يعنى بيع ) ؟ هل ستعوض الحكومة مواردها بزيادة الضرائب و توسيع قاعدتها لتشمل الكادحين الذين اصبحوا فى لحظة رأسماليين يملكون اسهما فى البورصة ؟؟!!! شكرا لصاحبة هذا الموضوع
__________________
اللهم احفظ مصر
آخر تعديل بواسطة سعيد نجم ، 21-11-2008 الساعة 11:38 AM |
|
#13
21-11-2008, 11:41 AM
|
|||
|
|||
|
اقتباس:
الضرايب مصلحتك اولا
يعنى مش هتدفعوا ضرايب كتير  يعنى خلاص روحوا اعلنوا افلاسكم او الشعب كله يروح يشتغل بياعين بليلة اصل العيب مش فى الحكومة العيب فى الشعب الشعب اللى يستاهل 
__________________
 وَغدَتْ نَفْسِي كَورْدةٌ ذَابِلة؛ لا غُصْنَ يَحمِيْها وَلا أوْرَاق حَانِيَة! نَادَيْتُها: أنْ مُدّي يَديْك فِي المِياه الدافِئَة، وَاسْتنِيرِي بِضِيَاء أنْوَارِ السّمَاءِ العَالِيَة. وَلتَشْمَخِي فَالعِزّة لِلإسْلامِ بَاقِية!
|
|
#14
21-11-2008, 11:45 AM
|
|||
|
|||
|
مااااااااااااااااااااااااااااااااااااااااااااااااا ااشي
__________________
|
|
#15
21-11-2008, 11:57 AM
|
|||
|
|||
|
اقتباس:
اقتباس:
__________________
وَغدَتْ نَفْسِي كَورْدةٌ ذَابِلة؛ لا غُصْنَ يَحمِيْها وَلا أوْرَاق حَانِيَة! نَادَيْتُها: أنْ مُدّي يَديْك فِي المِياه الدافِئَة، وَاسْتنِيرِي بِضِيَاء أنْوَارِ السّمَاءِ العَالِيَة. وَلتَشْمَخِي فَالعِزّة لِلإسْلامِ بَاقِية!
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 04:00 PM.
