طنطاوى «حصار إيه، وقرف إيه؟!

بسم الله الرحمن الرحيم

حصلت «المصرى اليوم» على تسجيل صوتى للمداخلة التليفونية التى أجراها الإمام الأكبر الدكتور محمد سيد طنطاوى، شيخ الأزهر، مع برنامج «اختراق» للإعلامى عمرو الليثى، على القناة الثانية بالتليفزيون المصرى، انتقد فيها بعبارات حادة من هاجموه على خلفية مصافحته الرئيس الإسرائيلى شيمون بيريز على هامش مؤتمر حوار الأديان بمدينة نيويورك، ووصف انتقاداتهم، خاصة من يطالبونه بالاعتذار، بأنها «أحقر وأتفه من أن يرد عليها».
وبلغت مدة التسجيل ٦ دقائق و٣٧ ثانية، حذفت منها الرقابة ٣ دقائق كاملة، كان فيها طنطاوى «عنيفاً»، مستخدماً لهجته الصعيدية فى رده على الليثى، لدرجة أنه قال رداً على رأيه فى الحصار الإسرائيلى لغزة: «حصار إيه وقرف إيه؟ وإحنا مالنا»، إضافة إلى قوله: «لا أعلم أن هناك حصاراً على غزة»، كما وصف سؤال للإعلامى عمرو الليثى حول الانتقادات الموجهة إليه بأنه «سخيف».
بدأ الليثى المداخلة الهاتفية بسؤال حول ظروف المصافحة التى تمت بين شيخ الأزهر والرئيس الإسرائيلى، فقاطعه طنطاوى قائلاً: «لأ أنا لست على استعداد لأن أتكلم فى هذا الموضوع»، إلا أن الليثى حاول إقناعه بالإجابة، فقاطعه مرة أخرى، وقال: «هذا أتفه من أن أتكلم فيه»، وعاود الليثى بسؤال: «أنا بس اللى عايز أعرفه حاجة واحدة»، فقاطعه الإمام الأكبر بعنف: «لأ ولا تعرفش، إنت رد على اللى بيقول، ها تعرف إيه؟»
وحاول الليثى تهدئة أجواء الحوار قائلاً: «إنت عارف كلنا بنحبك أد إيه»، وأصر طنطاوى على مقاطعته: «أيوه بس قل لى إنت عاوز تعرف إيه؟.. واحد قابلنى فى السكة سلمت عليه، دى كل المسألة، هو موجود فى مكان، وأنا فى نفس المكان وماشى كده فقابلنى.. مد إيده.. سلمت عليه».
وعندما سأله الليثى عما إذا كان يعرف وقتها شخصية بيريز، رد بهدوء: «معرفش»، ثم تابع منفعلاً: «أنا سلمت على عدد لكن الوجه ده مش غريب علىَّ، وافرض إنى باعرفه.. دى فيها إيه؟ افرض إن أنا اللى سلمت عليه، اتهدت فلسطين؟ ليه ما هو من دولة إحنا معترفين بيها، ومن شهرين كان هنا وقاعد مع الرئيس، إنتم ردوا، بتسألنى السؤال السخيف ده ليه؟ إيه يعنى لما واحد سلم على واحد؟».
وهنا تدخل الإعلامى عمرو الليثى وتحدث مع شيخ الأزهر حول الحصار الإسرائيلى لغزة ومنعه الحجاج الفلسطينيين من عبور الحدود، إلا أن الإمام الأكبر، قال متسائلاً: «هى إسرائيل اللى مانعة الحجاج؟ وافرض إنها عاملة الحصار وإحنا مالنا، الكلام ده كلام سخيف، انتوا يجب أن تردوا انت بتسألنى، واحد بيسلم على واحد دى فيها إيه؟ قول لى، واحد يهودى، واحد مسيحى، واحد ملحد فى حفل عام وماشى سلم علىَّ».
استمرت محاولات الليثى لتهدئة الحوار، وقال: «هو اللى استفز الناس حاجة واحدة بس يا مولانا إن صحيفة (معاريف) الإسرائيلية امبارح نشرت خبر بتقول فيه إن سيادتك روحت سلمت عليه مش هو الذى جاء ليسلم على حضرتك، وعلشان كده إحنا بنستوضح من سيادتك»، فرد طنطاوى: «هما كدابين ولاد ستين كلب، إيه اللى رحت أنا أسلم عليه؟ إزاى أنا هروح أسلم عليه»، وتحدث بعدها عن ظروف دعوته إلى المؤتمر.
ورداً على سؤال الإعلامى عمرو الليثى بشأن الانتقادات التى وجهت له بسبب مصافحته الرئيس الإسرائيلى شيمون بيريز، قال طنطاوى: «دول أتفه من أن أرد عليهم، أتفه من أن أرد عليهم، الأستاذ طلعت السادات رد عليهم، ما تكتفى بالرد بتاعه».
وحول رأيه فى الحصار الإسرائيلى المفروض على غزة، قال طنطاوى: «أنا لا أعرف أن هناك حصاراً على غزة، لا أعرف، هى دى شغلتى أنا كمان؟ ما تسألوا وزير الخارجية فقاطعه الليثى: «لأ أنا أسأل عن رأى فضيلة الإمام الأكبر شيخ الأزهر فى هذا الحصار»، إلا أنه رد عليه بعنف: «حصار إيه؟ وقرف إيه؟ حصار إيه؟ ما الحصار ده موجود من شهور».
وهنا سأله الليثى: «ترد بإيه على اللى بيقولوا إن شيخ الأزهر يجب أن يعتذر عن هذه الصورة»، فرد طنطاوي: «هذا الكلام أحقر من أن أرد عليه.. خلاص!»، وهنا انتهت المكالمة التليفونية.




لا تعليق

http://www.almasry-alyoum.com/articl...ticleID=189445

[roro555]

لأ لأ معقول ده كلام شيخ الأزهر

المشاركة الأصلية كتبت بواسطة roro555

لأ لأ معقول ده كلام شيخ الأزهر

ياريته كان شيخ ده الامام الاكبر
المفروض ده ميتقلش عليه شيخ
طنطاوى كده حاف

[ayadooo]

الموضوع ده (سياسي بالدرجه الاولي) وكتر خير ناقل الخبر ولكن الامام الاكبر برضه كبير المقام والسن ولا يصح ان نعلق تعليقات غبر (مستحسنه) وخاصه ان فضيلته علي اعتاب القبر وله اسره وله من سوف يحزن عليه ويبكي عوضا عن الدموع دم
اما راي الشخص هذا المنتدي ليس مكان لهذا الموضوع اما اذا كان صاحب (النقل عن المصري) يريد من الاخوه الاطلاع (ماشي او التثقيف ماشي) غير ذلك لا
لان الامام الاكبر للاسباب سابقه الذكر له احترامه (علاوه علي ان دي اراءه )اذا قال هذا بالفعل الله وحده سبحانه وتعالي سيحاسبه ان أاخطأ ( فلا تشططوا وتبعدوا عن الوسطيه)
عياد

المشاركة الأصلية كتبت بواسطة ayadooo

الموضوع ده (سياسي بالدرجه الاولي) وكتر خير ناقل الخبر ولكن الامام الاكبر برضه كبير المقام والسن ولا يصح ان نعلق تعليقات غبر (مستحسنه) وخاصه ان فضيلته علي اعتاب القبر وله اسره وله من سوف يحزن عليه ويبكي عوضا عن الدموع دم
اما راي الشخص هذا المنتدي ليس مكان لهذا الموضوع اما اذا كان صاحب (النقل عن المصري) يريد من الاخوه الاطلاع (ماشي او التثقيف ماشي) غير ذلك لا
لان الامام الاكبر للاسباب سابقه الذكر له احترامه (علاوه علي ان دي اراءه )اذا قال هذا بالفعل الله وحده سبحانه وتعالي سيحاسبه ان أاخطأ ( فلا تشططوا وتبعدوا عن الوسطيه)
عياد

الكلام ده بالظبط هو اللى مخليه هو وامثاله من المدعين وطرطير السلاطين
يتحكمه فينا
علشان عارفين ومتاكدين ان فى حاجة اسمها قدسية الشيخ او الامام
لدرجة ان كل امام او شيخ يتوفى الشعب الغبى والمتخلف والجاله
يعمله ضريح ويفضل يتعبدله اناء الليل واطراف النهار
وان شاء الله لما يموت مش هقول غير الله لا يرحمه
ولن يذكر الا فى مزابل التاريخ
هو وكل واحد غيره ضيع الامة

[Travel]

المشاركة الأصلية كتبت بواسطة _GUIDE_

وعندما سأله الليثى عما إذا كان يعرف وقتها شخصية بيريز، رد بهدوء: «معرفش»، ثم تابع منفعلاً: «أنا سلمت على عدد لكن الوجه ده مش غريب علىَّ، وافرض إنى باعرفه.. دى فيها إيه؟ افرض إن أنا اللى سلمت عليه، اتهدت فلسطين؟

الوجه مش غريب

هى إسرائيل اللى مانعة الحجاج؟ وافرض إنها عاملة الحصار وإحنا مالنا، الكلام ده كلام سخيف، انتوا يجب أن تردوا انت بتسألنى، واحد بيسلم على واحد دى فيها إيه؟ قول لى، واحد يهودى، واحد مسيحى، واحد ملحد فى حفل عام وماشى سلم علىَّ».

وحول رأيه فى الحصار الإسرائيلى المفروض على غزة، قال طنطاوى: «أنا لا أعرف أن هناك حصاراً على غزة، لا أعرف، هى دى شغلتى أنا كمان؟ ما تسألوا وزير الخارجية

لا صراحة مش لاقية اى رد على الموضوع
غير انى اقول
NO COMMENT

[ayadooo]

المشاركة الأصلية كتبت بواسطة _guide_

الكلام ده بالظبط هو اللى مخليه هو وامثاله من المدعين وطرطير السلاطين
يتحكمه فينا
علشان عارفين ومتاكدين ان فى حاجة اسمها قدسية الشيخ او الامام
لدرجة ان كل امام او شيخ يتوفى الشعب الغبى والمتخلف والجاله
يعمله ضريح ويفضل يتعبدله اناء الليل واطراف النهار
وان شاء الله لما يموت مش هقول غير الله لا يرحمه
ولن يذكر الا فى مزابل التاريخ
هو وكل واحد غيره ضيع الامة

الامام الاكبر (مش باادافع عنه) ولكن الرجل علي اعتاب القبر يقول ما يريد اذا كان قال هذا الكلام فعلا (الله وحده سيحاسبه كما قلت ) وانا وانت والشعب كله لن يستطيع حسابه لسبب بسيط ان بينفذ اجندة حكومته ( وده برضه اكل عيش) ومنصب وجاه وحضرتك لو مكانه حتعمل كده واكتر من كده مش بعيد استغفر الله يعني(تعيش هناك....................) احنا في مصر عن دول العالم اجمع بندور علي (الخبزه) ورغيف العيش. الامام الاكبر من حقه برضه يخاف علي لقمه عيشه وحضرتك لو كنت مكانه برضه حتبحث وتنقب علي لقمه عيشك
.ارجوان تقبل ردي
عياد

[ayadooo]

[quote=TRAVEL;950926]الوجه مش غريب





لا صراحة مش لاقية اى رد على الموضوع
غير انى اقول
NO COMMENT
اختي العزيزه ( من الافضل لحضرتك تذاكري احسن ) خصوصا كليه العلوم صعبه ضع نفسك في مقام ابنه الامام هل تقبلي روح السخريه التي في طيات رسالتك ام لا واذا كان قال هذا الكلام( ليس دفاعا عنه برضه) مش يمكن استغفر في سره وغسل يديه ( ببرفان )وصلي ركعتين حتي يغفر الله ما ارتكبه من ذنب( ده اذا كان قال هذا الكلام)
الامور للحظات اثناء الغضب تجعلنا نقول كلا م مش لازم نقوله ( المنصب ده سياسي والامام ينفذ اجنده ( منهج يعني) بس خلاص
عياد

[Travel]

المشاركة الأصلية كتبت بواسطة ayadooo

اختي العزيزه ( من الافضل لحضرتك تذاكري احسن ) خصوصا كليه العلوم صعبه ضع نفسك في مقام ابنه الامام هل تقبلي روح السخريه التي في طيات رسالتك ام لا
والله حضرتك شايف ان فى طيات رسالتى روح سخرية

لو فى يارييت حضرتك تقولى علشان اخد بالى المرة الجاية
ما اعتقدش ان كليتى ومزاكرتى ليهم دخل بالموضوع
واذا كان قال هذا الكلام( ليس دفاعا عنه برضه) مش يمكن استغفر في سره وغسل يديه ( ببرفان )وصلي ركعتين حتي يغفر الله ما ارتكبه من ذنب( ده اذا كان قال هذا الكلام)
اعتقد ان اسلام
جايب لينك الموضوع
وماكده كمان
وبعدين حضرتك مش ملاحظ ان كلامك
روح السخريه التي في طيات رسالتك

الامور للحظات اثناء الغضب تجعلنا نقول كلا م مش لازم نقوله ( المنصب ده سياسي والامام ينفذ اجنده ( منهج يعني) بس خلاص
عياد

كل سنة وانت طيب
وبرضه هقول
no comment
وكل واحد حر فى رايه

[EnG.BeLaL]

يا جماعة هو ده فعلا شيخ الازهر !!!!!!!!!!

[ayadooo]

المشاركة الأصلية كتبت بواسطة travel

كل سنة وانت طيب
وبرضه هقول
no comment
وكل واحد حر فى رايه

كل سنه وانت طيبه لم اقصدسوي الحق وما يمليه علي ضميري( كلام جرايد) معظمه كدب نتحري الدقه لو احنا اولاد الامام نقبل هذا الكلام عليه
قلت لحضرتك الامام الاكبر علي اعتاب القبر ( نترفق به) ده اذا كان فعل مافعل وقال ما قيل والامام ينفذ اجنده حكومته ( اكل العيش والبحث عن الخبزه)
اما نصادر اراء الاخرين ده الخطأ بعينه ولما قلت (ذاكري ) اقصد ما قلته مستقبلك اهم ( وبلاش ردود سينمائيه ) من نوعيه (مالكش فيه)
وعندما نصادر اراء الاخرين نفعل ما تفعله الحكومه من 7000 سنه الي الان "الاعدام النفي من الارض او بناء هرم اكبر من هرم الامام خوفو"
الشعب المصري بعيدكل البعد عن السياسه وتطبيقاتها ونظرياتها لاسباب كتيره جدا من ضمنها عدم قبول الاخر
كل سنه وانت طيبه والاخ اسلام كذلك
وكلكم
عياد

كل سنة وانتوا طيبين ياجماعة
صلوه على النبى

[omarelmokhtar]

المشاركة الأصلية كتبت بواسطة ayadooo

الموضوع ده (سياسي بالدرجه الاولي) وكتر خير ناقل الخبر ولكن الامام الاكبر برضه كبير المقام والسن ولا يصح ان نعلق تعليقات غبر (مستحسنه) وخاصه ان فضيلته علي اعتاب القبر وله اسره وله من سوف يحزن عليه ويبكي عوضا عن الدموع دم
اما راي الشخص هذا المنتدي ليس مكان لهذا الموضوع اما اذا كان صاحب (النقل عن المصري) يريد من الاخوه الاطلاع (ماشي او التثقيف ماشي) غير ذلك لا
لان الامام الاكبر للاسباب سابقه الذكر له احترامه (علاوه علي ان دي اراءه )اذا قال هذا بالفعل الله وحده سبحانه وتعالي سيحاسبه ان أاخطأ ( فلا تشططوا وتبعدوا عن الوسطيه)
عياد

ومن يحزن علي المسلمين الذين يقتلون في كل انحاء العالم
ومن قال انه امام للمسلمين الامام هو من يدافع عن اتباعه
دا كلامه ما يقنعش عيل صغير

[** ضي القمر **]

لا ياجماعة كده مينفعش ابدا

انا عايزة اشوف دم ورقاب طايرة

يلا مهو احنا داخلين على عيد بقى

المشاركة الأصلية كتبت بواسطة ** ضي القمر **

لا ياجماعة كده مينفعش ابدا

انا عايزة اشوف دم ورقاب طايرة

يلا مهو احنا داخلين على عيد بقى

ربنا يكفينا شرك