هل تفضلون البوح بالسر ؟؟ " موضوع للمناقشة أتمنى الكل يشارك "

[!DreAmeR!]

من منا لا يحمل بين حناياه بأسرار يحتفظ بها ، و تأبى نفسه إلا البوح بما يختلج فيه لغيره ،

و هنا يستوجب وجود صديق حميم نفضي إليه بسرنا ، و نبوح له بدوامة همومنا و بعدها لا يعترينا

سوى إحساس بالراحة النفسية ، و منا من يفضل الاحتفاظ بالسر لنفسه ، و يصبر على ثقله ، و يرفض

البوح به لأي أحد ..

فهل تفضليون البوح بالسر ؟؟ أم تفضلون الإحتفاظ به لنفسك ؟؟



من وجهة نظر اغلب الناس وليس كلهم ان كتمان السر أفضل من البوح به ، لأن كلمة سر تعني أن شخصا

قال شيئا لأخر لا يريد البوح به ، و لا يريد لأحد ان يعرفه ، و ان أسوأ ما يتصف به الإنسان

هو البوح بأسراره لغير ذوي الثقة ، و يكون الإنسان في أفضل حالاته عندما يكون كاتما لأسراره

، فلا توجد ضمانات كافية لكتم الأسرار من قبل الآخرين ..

و في قول الشاعر :

إذا ضاق صدر المرء عن سر نفسه ** فصدر الذي يستودع السر أضيق

و قديما قالوا : " من عرف سرك ، عرف طريقا ليخنقك "

فهل تفضليون البوح بالسر ؟؟ أم تفضلون الإحتفاظ به لنفسك ؟؟



أنا في انتظار آراءكم و وجهات نظركم

[7med@]

انا رأيي ان كتمان السر افضل إلا لمن تثق به ثقة عمياء ممكن تقوله على السر

[دينا وهبه]

انا افضل انى احتفظ بسرى لنفسى لو كنت خايفة عليه من البوح
لكن لو سر مش خايفة عليه, مش هتبقى مشكلة انى ابوح به لحد,
بس طبعا مش اى حد, لازم حد محل ثقة
وخصوصا ان الاسرار هى اللى بتقرب الاصحاب من بعض, دى الى جانب معايير تانية مش هتتطرق اليها

[lover rose]

انا بفضل احتفظ بالسر لنفسى بس احيانا برتاح لما اقول سر بس لازم يبقى لحد ثقه اوى
ونادرا لما تلاقى حد تثقى فيه

[الرهينه]

إذا ضاق صدر المرء عن سر نفسه ** فصدر الذي يستودع السر أضيق

و قديما قالوا : " من عرف سرك ، عرف طريقا ليخنقك "

ده مثل ابتزازى .. لو حد واثق فيه ايه المانع انك تقوله اسرارك

فهل تفضليون البوح بالسر ؟؟ أم تفضلون الإحتفاظ به لنفسك ؟؟

هقولك فى اسرار خاصه بيا دى ماحدش يعرفها خالص غيرى بعد ربنا سبحانه وتعالى حد تانى لا

لكن فى اسرار تانية ببوح بيها طبعا لصحبتى لانها محل ثقه بالنسبالى

وهى بتفيدنى كتير برأيها

ميرسى ع الموضوع

[زهرة البنفسج]

طبعا فى حاجات خاصه بيا جدا مقدرشى احكيها لحد لكن فى حاجات تانيه بحكيها لصحبتى او لمامتى لانهم بجد طالما انا واثقه فيهم يباه ما اترددش انى مقولهمشى على اسرارى
ميرسي عالموضوع

[m.medhat ramadan]

أنا مع رأى الأخت رهينة ان ليس كل سر يمكن البوح به فهناك اسرار لايمكن أن نبوح بها لأحد حتي أقرب الأصدقاء اليك ، كما أن هناك اسرار أخرى يمكن البوح بها ألى أصدقائك المقربين فقط . ولذلك فهذا يعتمد علي نوع وطبيعة السر نفسه.

[Last Fantasy]

الحمد لله عندي صديق أستطيع أن أثق به ثقة عمياء

[osho6a1]

انا مبعرفشي امسك لساني خالص ههههههههه

[SmSm Basha]

انا بفضل اني اكتم سري في نفسي الا لو في حد بجد بحبه جدا وبحترمه جدا و يكون اهم حاجه فاهمني جدا جدا و للاسف دا مش موجود حاليا علشان كدا كله جوايا محدش يعرف عنه حاجة

[SmSm Basha]

انا بفضل اني اكتم سري في نفسي الا لو في حد بجد بحبه جدا وبحترمه جدا و يكون اهم حاجه فاهمني جدا جدا و للاسف دا مش موجود حاليا علشان كدا كله جوايا محدش يعرف عنه حاجة شكرا كتير على الموضوع وارجو تقبل مروري

[ساندي بل]

انا رايي ان بدل بنثق في اللي قدمنا ثقة عمياء

حد صديق مقرررب اوي يعني

يبقي اكيد نبوح بالاسرار

بس دلوقتي قليل اللي يبقي كتوم للاسرار

شكرا اخي عالموضوووووع

[ีundertaker_2000]

والله يا خالد مش كل الاسرار اقدر ابوح بيها حتى لو اقرب الناس ليه فى اسرار بقولها واسرار مش بتتقال

وميرسى على الموضوع الجميل دا

[!DreAmeR!]

شكرا على مروركم يا وتفاعلكم يا جماعة بس فى حاجة احنا ممكن نبوح بالسر لاى حد بس المهم اننا نحط تحت الحد اللى هنديهلة الامان والسر مليون خط هل هو قادر على تحمل السر ده ولا لأ واحيانا بيكون الواحد مضطر انه يقول حاجة لاى حد هو واثق فيه لانه مش قادر يحتملها لوحدة

شكرا ليكم مرة تانية