شوفوا دماغ العرب عاملة ازاي

[THE CodeR]

بسم الله الرحمن الرحيم

الحالة النفسية اللي كنت فيها هي اللي دفعتني اني اكتب الموضوع ده
و هاوريكم نماذج من فكر العرب في الفيزياء
انا عضو مشارك علي تاني اكبر منتدي فيزياء عربي و اسمه "ملتقي الفيزيائيين العرب" و لقيته منتدي متميز ناس او بعض الناس بتسأل اسئلة منطقة و بتجادل كويس
و طبعاً فيه اساتذة كبار اتمني اني اكون بمستواهم في يوم من الايام
كنت متخصص اجاوب علي اسئلة الناس و كانوا بيعجبوا برأيي و مشرفين كتير شكروني علي كده
لكني قابلت نسخ من البشر نفسي تشوفوهم
- عضو مصري بيكره في حياته كلها واحد اسمه ايشتاين و مش طايقله كلمة ولا نظرية قلت اجادله و احاول افهمه
مفيش خالص
كان حوارنا عن الجاذبية و نظرية الانفجار الكبير
عرضت عليه كل نظريات الفيزياء اللي بتتكلم علي الجاذبية لقيته و بلا فخر بيكذب كل واحدة فيهم
قلتله طيب ايه تصورك عن الجاذبية
قالي : "الجاذبية ارادية وليست جبرية"
و استشهد بكده بأية من سورة الكهف "فوجدا جداراً يريد ان ينقض فأقامه"
بالله عليكم انتوا لو مكاني هاتعملوا ايه؟
- واحد تاني دخل في حوار كنت بشرح فيه لواحدة موضوع الجاذبية و الغلاف الجوي و الهواء و شكله الذري عامل ازاي
دخل يقولي ايه شكل الهواء؟ و ايه هو الفراغ؟
قلتله كذا كذا
قالي ان مفيش حاجة اسمها فراغ و اللي مالي الكون ده اسمه "اثير" (فكرة كانت سائدة قديماً ثبت خطأها) و قالي اني بتصديقي الفكرة دي اكون بأكد رأي الملحدين اللي بيقولوا "فين السماء الدنيا بتاعتكم يا مسلمين اذا كان مفيش اثير؟"
بلعتها و سكت و قلتله انه مش لازم يكون في اثير علشان يكون في سماء دنيا و اننا معرفناش نرصد ربعها علشان نرصد سماء تانية (السماء الدنيا الي السماء السماء الاولي كحبة رمل في فلاة) و في الاخر جه يقولي علي اينشتين بليد و متأخر في الفهم و كل نظرياته خرافات
بزمتكم و دينكم ده اقوله ايه
الناس دي بتفكر بطريقة غريبة و يمكن انا مشفتش الا عينة صغيرة اوي منهم
يمكن ده اللي جايبنا ورا
اشوف رأيكم في الكلام ده
لاني بجد خرجت عن شعوري و مخنوق و هاتجنن خلاص