فن الحوار

[فيفا]

ازيكم يا جماعة
يا رب تكونوا بخير دايما
واللى عنده امتحانات ربنا يكون معاه ويقويه

ندخل بقى فى الموضوع
اكيد كلنا سمعنا كتير اوى عن ناس بتموت لما بتسمع اخبار مش كويسه
يعنى ممثلا ام ابنها توفى لا قدر الله ممكن اول لما تسمع الخبر يجيلها سكته قببيه وتموت فى الحال

انا اقصد اقول ان توصيل اى خبر سىء يعتبر فن من فنون الحوار

وناس كتير اوى مش بتاخد بالها من النقطه دى وده فعلا له اضرار خطيره زى المثال اللى ذكرته من شويه

هقول لكم قصه انتوا ممكن تضحكوا فى بنهايتها بس هتوضح رايى فى ان توصيل الاخبار يعتبر فن

********************
كان فى شاب طيب اوى وبار بامه جدااااا وبار ايضا بقطته الصغيره كان بيحبهم اوى اضطرته الظروف ان يسافر للخارج وكانت رعاية امه وقطته اهم حاجة شاغله باله ففكر انه يديهم لصيق عزيز عليه اوى واداله مبلغ كبير عشان يوفر لهم كل حاجة محتاجنها
وسافر وهو مطمن عليهم
بعد فترة اتصل الصديق بصديقه الغائب وقاله مباشرة
القطة ماتت

الخبر كان مفجع بجد للشاب ده من كتر حبه للقطه وعاتب صديقه لانه صدمه بالخبر الحزين ده من غير اى تمهيدات او تهيئه نفسيه وقاله فى عتابه
كان ممكن تقولى فى البدايه
***-القطه نزلت تلعب فى الشارع
وبعد اسبوع تقولى ان القطه خبططها عربيه وبعدين بعد فترة تعرفنى ان القطه حالتها سيئه جداااا
وبكده هتكون هياتنى نفسيا ان استقبل الخبر الصعب ده
واعتذر الصديق لصديقه عن ما سببه له من الم متعذرا انه لا يجيد فن الحوار وتمر الايام ويظن الصديق الوفى انه استوعب الدرس من القطه وبعد فترة قصيره اتصل بصديقه وقاله

امك نزلت تلعب فى الشارع


اكيد فهتوا قصدى كويس دلوقتى ويا ريت بجد كلنا ناخد بالنا من الموضوع ده لانه مهم اوى واهمالنا ليه بيسبب حوادث وكوارث

[hawass007]

فعلا الموضوع كتير جمييل
و الموقف مضحك جداااااا

[mohamadelhawary]

بس ده جزء من كل .
على العموم الموضوع جيد
محمد الهوارى