|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
15-01-2009, 02:50 PM
|
||||
|
||||
شكرا أيتها العصفور
أنا عايز أحكليكم على موقف صغير حصل معايا بس ساب تأثير جامد فى شخصيتى !!
أنا لما بكون هنا فى الشرقية كنت متعود انى أخرج على طول بالموتوسيكل وأروح منطقة اسمها ( الخضراء ) دى اللى فيها الاراضى الزراعية وكده كنت بخد معايا بندقية الصيد وأفضل أصطاد فى العصافير والطيور الصغيرة وكنت كل ما أصطاد عصفور والله كنت بتألم عشانه جدا بس رغبتى فى ممارسة هوايتى كانت بتتغلب على الشعور ده وعشان كده كنت بركز ان النشان يكون فى رأسه على طول عشان يموت بسرعة ومش أشوفه وهو بيتألم ! وللأسف كنت فى أغلب المرات برمى الطيور دى للكلب ! حاولت امنع نفسى كتير ان مش اعمل كده بس لأسف كنت بفشل ! وفى مرة وأنا بصطاد النشان خانى وجت الطلقة تحت جناح عصفور فوقع على الأرض وحاول انه يطير وطار فعلا بس شوية ووقع تانى وفضل الحال كده شوية لحد لما وقع فى المروى ( ده حاجز كده بيكون فيه ميه ) صعب ليا أوى وكرهت نفسى اوى فى الموقف ده أخدته وبسرعة روحت على البيت ...بحاول أنقذه فببص كده لقيت الطلقة ظاهرة بس مجليش قلب انى انتزعها اتصلت ببنت عمتى هيه فى تالتة طب وقولتها ..بس مرضيتش تعمل حاجة قالتى هو أنا فاضية للعصفور بتاعك يا ابو كف رقيق وفضلت تتريق عليا ..قفلت الخط معاها وأخدت العصفور ورحت لماما فى العيادة ولحسن حظى كانت فاضية دخلت على ماما وحكيتلها على الموقف فقالتى بس أنا دكتورة بشرية يا هانى انت نسيت ولا ايه وللاسف اتريقت عليا هيه كمان قولتها اعملى اى حاجة يا ماما فقالتى هات يا سيدى وأخدت العصفور وطلقت الطلقة ولزقته بشاش صغير ولزق وحاجات كده وقالتى : انت طبعا مؤمن وعارف ان الاعمار بيد الله بس احتمال كبير ان يموت بعد شوية قالت كده وهى بتتريق عليا استمرت برده فى التريقة وقالتى أنا دلوقتى عرفت انت ليه رفضت كلية الطب ودخلت اللغات ..قلبك ضعيف .. عملت نفسى زعلان وخدت بعضى وروحت دخلت العصفور اوضتى وفضلت أعتنى بيه لحد ما خف خالص والحمد لله والنهارده طيرته وصورته وهو بطير والله كنت أسعد انسان وأنا فى اللحظة دى وأنا بتعهد دلوقتى انا ابطل ممارسة الهواية العدائية دى لأبد والفضل للعصفور 
__________________
يا رب
آخر تعديل بواسطة هانى الشرقاوى ، 15-01-2009 الساعة 02:53 PM |
|
#2
15-01-2009, 02:57 PM
|
||||
|
||||
|
بجد موقف جميل خااالص ...
اكيد ربنا عايز يوصلك رسالة...
__________________
 عش كل لحظة كأنها آخر لحظة في حياتك .. عش بالإيمان .. عش بالأمل .. عش بالحب .. عش بالكفاح .. و قدر قيمة الحياة ابراهيم الفقي |
|
#4
15-01-2009, 03:36 PM
|
||||
|
||||
|
اقتباس:
شكرا
__________________
يا رب
|
|
#5
15-01-2009, 03:37 PM
|
||||
|
||||
|
اقتباس:
الحمد لله
__________________
يا رب
|
|
#6
15-01-2009, 05:31 PM
|
|||
|
|||
|
انا الحيوانات دية بتصعب عليا جداااااااااااااااا
بذات القطط بجد بيقطعوا قلبى بحس ان الحيوانات الى فى الشارع دية مش بتلاقى اكل ولا كدة بس بجد بعد كدة متصطدش تانى حرام عليك سيب الحيوانات تعيش فى حالها لو هتصطاد عشان تاكل يبقى ماشى لكن كهوايا كدة وترميها للكلب بعد كدة بجد بلاش وشكرا عالموضوع
__________________
 laugh at the time when people wait ur tears
|
|
#7
15-01-2009, 08:57 PM
|
||||
|
||||
|
إنتا عايز تفهمني إن كان قدامك طب ودخلتهاش ولا كنت ناوي تدخلها خاص بصراحه تبقي غلطان ومتقوليش دي مبحبهاش والكلام الفارغ ده كده كده حتتعود عليها
__________________
 |
|
#8
15-01-2009, 09:09 PM
|
||||
|
||||
|
بجد انا مبسوطة اوى من القصة دى ومبسوطة ان لسة فى ناس بتمنع نفسها من حاجات بتحبها وبأيدها تعملها علشان ترحم كائن صغير
__________________
رجعت للمنتدى ومش عارفة رجعت ليه بس حاجة رجعتنى وخلاص...وحشتونى
|
|
#9
17-01-2009, 01:27 PM
|
||||
|
||||
|
اقتباس:
ههههه ده نفس الكلام اللى سمعته من ماما بس دى هى الحقيقة والواقع أنا منفعش أبقى طبيب متجيش خالص أنا فضلت اتنقل بين الكليات لحد ما ارتحت فى اللغات وفى اول التيرم كنت فى هندسة بس بعدها حولت تانى للغات من قبل ما أشوف الهندسة شكلها ايه مفيش حاجة اسمها تعود فيه حاجة اسمها ميول وانا ميولى ادبية جدا وأنا اللى غلطت من الاول ودخلت علمى وعلى كل الكلام ده فات وقته خلاص
__________________
يا رب
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 04:09 AM.
