|
#1
12-08-2009, 04:10 PM
|
||||
|
||||
حوار بين طائع وعاصي
 حوار بين طائع وعاصي  الطائع: السلام عليكم ورحمة الله وبركاته العاصي: هاي .. صباح الخير ..إزيك عامل إيه ؟ الطائع:يا أخي بقولك السلام عليكم مش ترد السلام أحسن !! العاصي: وعليكم السلام .. إيه يا أخي ! فيها إيه هاي .. يعني شوية روشنة ! الطائع: وَإِذَا حُيّيتُم بِتَحِيّةٍ فَحَيّواْ بِأَحْسَنَ مِنْهَآ أَوْ رُدّوهَآ إِنّ اللّهَ كَانَ عَلَىَ كُلّ شَيْءٍ حَسِيباً العاصي: إيه يا عم الشيخ حتعملي فيها دكتور دراسات إسلامية..!!!  !!!الطائع: يا سلام !هم دكاترة الدراسات الإسلامية هم اللي عارفين في الدين بس ؟ العاصي: يعني .... هم دايماً اللي بيتكلموا باللغة العربية الفصحى ! الطائع: يا أخي ده قرآن !!  العاصي: ماشي .. بس برده هم اللي بيتكلموا دايماً في الدين .. الطائع: ناقص تقول لي أنهم اللي حيدخلوا الجنة بس وإحنا في النار...  العاصي: يا أخي ده هم دايماً بيحسسوا الواحد أتهم في الفردوس الأعلى وإحنا في قاع جهنم ... الطائع: ده إحساس الناس اللي مش مقبلين على دينهم ومش في دماغهم أنهم يكونوا يوم القيامة في جوار الله .. العاصي: ياه ! ده انت بتتكلم في حاجات كبيرة أوي .. لا يا عم أنا مش أد الكلام ده .  الطائع: هو إيه ده ...؟ العاصي: جوار الله وكده يعني .. وحاجات تانية كتييييير .. الطائع: لا يا أخي .. إحنا المسلمين لازم نسعوا دايماً للفردوس الأعلى ونحب ربنا ذي ما اصطفانا من عباده عشان نكونوا مسلمين .. العاصي: اصطفانا !! هو أنت تقصد أن الإسلام نعمة ؟؟  الطائع: طبعاً . ونعمة كبييييرة كمان ولازم نشكر ربنا عليها ليل نهار العاصي: ليه ؟ إذا كان أنا أصلاً مش عارف حاجة فيه !! وبعصي ربنا كتيييييييييير  الطائع: عشان مشوارك في الحياة مهما كان حيبقى أسهل وأهون من مشوار من يقضون عمرهم في البحث عن حقيقة الدين وصحة الإسلام كديانة سماوية .. العاصي: طاب وإيه اللي يثبت لي أن الإسلام هو الديانة الصحيحة !! ؟؟  الطائع: لو كنت بتعيش مسلماً فعلاً لا اسماً ماكنتش سألتني السؤال ده .. العاصي: طاب اثبت لي .... !! الطائع: يكفيك أن تعرف أن رسولنا الكريم  مذكور في كل من التوراة والإنجيل لتبشير البشرية كلها بقدومه وأنه نبي آخر الزمان أي خاتم النبيين والمرسلين العاصي: بجد .. !! ؟؟  الطائع: طبعاً ..  العاصي: طاب وإيه كمان ؟؟ الطائع: أود أن تعرف أن مشوارك طويل معايا .. ياريت تديني مهلة يوم واحد حتى أجمع لك كل معلوماتي عن السيرة النبوية التي تبشر بقدوم النبي قبل بعثته . العاصي: إيه ده ؟ هو فيه بشاير شافها الناس تثبت قرب مجئ نبي آخر الزمان ؟؟ الطائع: طبعاً ..  العاصي: طاب ليه ؟؟؟ الطائع: حكمة ربنا ... علشان منقولش بعد كده يوم القيامة أننا كنا عنه غافلين بس المهم تسيب لي فرصة أجمعها لك .. العاصي: طاب .. بس عايز استفسر منك على حاجة .. ممكن ؟؟ الطائع: إتفضل .. إيه هي ؟؟  العاصي: أنا كنت وأنا صغيرأسمع الناس بيقولوا أن ربنا بعد ما خلقنا مسح على ظهر سيدنا آدم وخرجنا كلنا وأشهدنا على ألوهيته ووحدانيته وبيقولوا كمان أن ده ممكن يكون السبب في أن الواحد أحياناً يشوف ناس يعتقد أنه شافهم قبل كده وهو أول مرة يشوفهم .. الطائع: بالنسبة لخروجنا من ظهر سيدنا آدم فده صحيح فعلاً يقول الله : وَإِذْ أَخَذَ رَبّكَ مِن بَنِيَ آدَمَ مِن ظُهُورِهِمْ ذُرّيّتَهُمْ وَأَشْهَدَهُمْ عَلَىَ أَنفُسِهِمْ أَلَسْتَ بِرَبّكُمْ قَالُواْ بَلَىَ شَهِدْنَآ أَن تَقُولُواْ يَوْمَ الْقِيَامَةِ إِنّا كُنّا عَنْ هَـَذَا غَافِلِينَ أما أننا بنفتكر بعض فده احتمال ضعيف لأنه ممكن تكون شفته قبل كده أو شفت أحد أشباهه ..مش بيقولوا "يخلق من الشبه أربعين" والله أعلم العاصي: طاب وأنا إيه اللي يثبت لي أن أنا خرجت من ظهر سيدنا آدم وشهدت على وحدانية الله أنا بصراحة ماحستش بالحاجات ديه !! الطائع: ما هو ده من الإيمان بالغيب أنك تؤمن بحدوثه ربنا بيقول في بداية سورة البقرة .. الّذِينَ يُؤْمِنُونَ بِالْغَيْبِ وَيُقِيمُونَ الصّلاةَ وَممّا رَزَقْنَاهُمْ يُنْفِقُونَ العاصي: طاب تقابلني إمتى علشان تكون جمعت البشاير ديه الطائع: بكرة بإذن الله ....  
__________________
 
|
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 11:27 PM.
