خبر هام

[فكري الزيدي]

الرجاء من السادة أعضاء البوابة المحترمين
1- عدم نشر أى معلومة عن المنهج الجديد الا اذا كانت موثوق فيها " اى من قبل مكتب المستشار"
حتى لا يحدث تخبط وبلبلة للرأى العام بين المدرسين
2- عدم نشر اى موضوعات خاصة بمنهج العام السابق الا فى الجزء الخاص بالمراجعات نظرا لامتحانات الدور الثانى للمادة
ومن يخالف ذلك سوف تقوم الادارة بحف الموضوع وذلك للصالح العام للاعضاء

[ramy_kamel]

ياريت فعلا علشان المعلومات الخطأ بتلخبط الدنيا ، فيجب أن تكون المعلومة موثوق فيها

[محمد فتحي حسني]

والله منور المنتدي يا كبير أيمن وفيق

[aseer0]

هوه دة الصح

[مؤمن على77]

كلام صح الصح وارجو ان يكون مع بداية المنهج بع التعديل ان يكون هناك اهتمام ونشاط على البوابه وبالاخص لمادة علم النفس

[haya os]

وان شاء الله السيد الدكتور الباشمهندس المستشار هيتعطف وينزل البتاع ده فى شهر ذى الحجة ولا فى العجلة الندامة !!

[أ/ تامر صفوت]

ممكن الي عنده معلومة ومنهج ينزله ونبقي نتاكد منه ولكن عشان ننظر كل حاجة تنزل رسمي انا مش هنعرف المنهج السنة دي
الي عندة حاجة ينزلها ويكتب مصدرة او يقول انا مش متاكد
ولا نحذف شيئ يا استاذ / فكري

[elsayed desouky]

المشاركة الأصلية كتبت بواسطة أ/ تامر صفوت

ممكن الي عنده معلومة ومنهج ينزله ونبقي نتاكد منه ولكن عشان ننظر كل حاجة تنزل رسمي انا مش هنعرف المنهج السنة دي
الي عندة حاجة ينزلها ويكتب مصدرة او يقول انا مش متاكد
ولا نحذف شيئ يا استاذ / فكري

واضح يا استاذ تامر ان الموضوع غير كدا خالص ، فيه سبب تاني غير المعلن ده وبصراحة بلاش تعاملونا زي الاطفال الصغيرة بمبررات غير منطقية لسبب واحد وهو
لو ان اللي نزلناه ده هو المنهج اهو الناس تبقي استفادت واستعدت من بدري،،،
ولو اللي نزلناه ده مش مظبوط ماخسرناش حاجة اهو يبقي اطلاع وزيادة معلومات ومش هاضر المعلم
لكن حجة انه ممكن يكون غلط دي مش داخله عقلي خالص ،، وفيها ايه لو مش المنهج يبقي علي الاقل الناس طلعت بره المنهج شوية ولا حضراتكم معتبرين المدرس فلاش مومري تحطوا المنهج عليه وبس من غير زيادة ولانقصان ولو خرج بره المنهج يبقي عامل زي الطفل التايه ، لانه اتبرمج علي صفحات معينة ،،،
====================
وشكرا لك يا استاذ /تامر صفوت
اخوك السيد دسوقي
مدينة النوبارية

[سامي علي علي]

كفاكم تهريج فى مادة لاقيمة لها مطلقا لانه من الواضح ان الكل يحاول ان يكون له سبق اعلامى يضاف الى رصيده ليدعم به عمله الخاص - اتقوا الله

[elsayed desouky]

المشاركة الأصلية كتبت بواسطة سامي علي علي

كفاكم تهريج فى مادة لاقيمة لها مطلقا لانه من الواضح ان الكل يحاول ان يكون له سبق اعلامى يضاف الى رصيده ليدعم به عمله الخاص - اتقوا الله

استاذ / سامي
انا مش فاهم كلام حضرتك الصراحة ،،
يعني ايه سبق اعلامي هو احنا شغالين في الصحافة ولا ايه ؟؟
ثانيا يعني ايه يدعم عملنا الخاص ، اذا كان اللي في المنتدي كلهم معلمون يبقي ازاى يدعم شغلنا وعلي فرض ان فيه طلاب بيدخلوا المنتدي ويشوفوا كلامنا هل من المعقول ان فيه طالب من القاهرة هايجي ياخد درس عندي في النوبارية او العكس هايروح من عندي ياخد درس في القاهرة ؟
كل اللي كنا بنطمح له ان زملاءنا يستفادوا من الللي اتعرض وكل واحد يدلو بدلوه والناس تتبادل الخبرات
والله اعلم بالنيات والنوايا
وشكرا لحضرتك

[arosto]

الاستاذ الفاضل / سيد شوقى نشكر شيادتكم على تلك المجهود ونرجو منك لتاكيد كلام رفع الكتاب بسرعة لكى يطمئن الجميع ولكم زجيل الشكر اخوك فى الله ذ/ حسن لبلبوشى -اسوان -

[هيما2011]

اتفق مع الاستاذ دسوقي لو الموضوع صح ايه الموقف ؟؟؟

[ابومنة20]

الشكر موصول للاستاذ مجدى البنا

[عمرو نصر3]

على فكرة يا جماعة الكتاب موجود انمت عارف كدا مستر تامر ومستر الكيال ومستر وسيم وناس غيركو عارفين ان الكتاب خرج والمنهج مع مدرسين كتير وفى ناس متصورة وفى ايديها الكتاب
وفى ناس تانية معاها المنهج ومش عاوزه تنزله عشان مهددين بانهم بيسبربوا كتب الوزراة وان فى حد ( اللى متصور مع الكتاب " هيبلغ عنهم النائب العام
فيها ايه لو قلنا بصراحة انن مش هنقدر ننزل الكتاب الفترة دى عشان كذا وكذا وكذا .........
واهو تبقو رحمتونا من ملل الانتظار


ثانيا : تعديلات علم النفس
لحد دلوقتى مش عارفين اذامانت التعديلات دى نهائية ولا لأ
وعلى أى أساس الناس اللى نزلت التعديلات على البوابة قالتها
والشئ الأغرب المواضيع التى تم حذفها من البوابة
يعنى ايه نيقى عارفين التعديلات ومش متأكدين
داسمه هزار

[سليمان محمد عيد]

استغفرالله العظيم والله مافيه كده وانا واثق انكم مهاكم المنهج ومش عيزين تعرفوا حد بس ليه حرررررررررررررررررررام وعل فكره فقدنا المصداقيه بكبار المنتدي ولا داعي لذكر اسماء