هو ألسن أحسن ولا صيدله؟؟؟؟

[fekma4]

يا جماعه أنا كنت علمي علوم والحمد لله جبت 396,5 وده يدخلني صيدله,بس أنا كان من نصيبي أدخل ألسن,يا ترا ايه احسن من اللي اتنين,ألسن ولا صيدله................أصل أهلي زعلانين وانا حاسس بتأنيب ضمير أني مفرحتهمش,خاصة بعد رفض طلب التحويل النهارده من ألسن لصيدله حلوان رغم اني جايب مجموعها..........

[HAGER SAAD]

الاحسن طبعا الكليه اللى انت عاوزاه وهتقدر تبدع فيها انا زيك كدا فضلت السن على صيدله وقدر الله ما شاء فعل

[tony albert]

صيدلة طبعا انت بتتكلم ازاي انت لو اشتغلت في شركة ادوية هتبقي امير ولو حطيت اسمك بس علي صيدلية شوف هتاخد كام احنا في بلد عايزة الكلية اللي تجيب شغل وفلوس بلدنا مش بلد الميول

[Banota genan]

tb3n elmgal elle enta t7bo w isa tkon feh mobd3 w motmyz
ana kman gby 405.5 w d5lt 3lom 3shan tool 3omry b7lm akon zai doc, ahmed zwel w ahly z3lo shoia bs isa hy3rfo ene sa7 lama abd2 drasa w asbt nfsy
rbna ywf2k w yf2na kolna w n7a2a2 a7lamna w n3le bldna l foooooooooooooooooooooooooo2

[mustafa.sharf]

صيدله من رأيى طبعا احسن بس عندنا ف اقسام ف ألسن تضرب صيدله بالجذمه زى يابانى

[sranty]

طالما نصيبك راح لالسن يبقى احمد ربنا اكيد ده خير
ثانيا مفيش كلام صيدله احلى من السن بس متعبه جداااااااااااااااااااااا
بس ان شاء الله هتقدر انك تحقق اللى انت عايزه فى السن واكتر كمان بما انك نفسك فى السن
فاحمد ربنا وابتدى بالسن و اكيد مش هتندم على اختيارك

[Hazem-Hamdy]

انا كان نفسي ادخل صيدلة و ماجبتش مجموعها و دخلت السن
بص الكلام الي هاقولهوك ده مش عشان باهديك ولا حاجة
و مش كلامي دا كلام ناس اعرفهم في صيدلة
الصيدلة كلية صعبة جدا
و يإما تشتغل في شركة ادوية او تفتح صيدلية
1. في شركات الادوية لازم تكون جايب تقدير عالي عشان تشتغل
2. الصيدلية دي فيها مشكلة.. انك لازم تكون فاتح صيدلية كويسة في مكان حلو
يعني لو مش معاك فلوس تفتح صيدلية يبقا عليه العوض و منه العوض
عشان لو هاتشتغل في صيدلية مش بتاعتك هاتبقا معلش مجرد "تاجر"
بيشتغل نفس شغلانتك دي ناس بدلومات
و هتاخد ملاليم
يعني يا تجيب مجموع في كلية صعبة و يكون كمان معاك فلوس كتير
يأما تقعد في بيتكوا

[vampire_3ala2_16]

سؤال بس !! ايد دخل دا ب دا ؟؟

يعني ينفع تقول ,, مين احسن طب وللا هندسة ؟؟ دا مجال ودا مجاااااااااااااااااااااااااااال تاني خالص

[lamis11]

الفكرة مش ان كلية احسن من كلية تانية يعني مش حكاية ان صيدلة احسن من ألسن الفكرة إنك إنت أحسن في ألسن من صيدلة .. يعني إنت حابب إيه وعلى فكرة مش كل الصيادلة بيجيبو فلوس وبيني وبينك انا صحيح علوم بس بالنسبة ليه ألسن أفضل لإنها بتفتحلك مجالات سفر كتير يعني أنا أعرف واحدة كانت في ألسن وخدت لغة كوري تقريبا بتسافر كوريا وبتشتغل في مجالات عمل كتير أوي بسم الله ما شاء الله وعلى فكرة هي لسة صغيرة يعني مش بكلمك عن واحدة قعدت تذاكر خمسين سنة عقبال ما تسافر لأ مدام انت بتحبه اجتهد فيها وربنا يوفقك أما بالنسبة لأسرتك فهم هيقعدو يومين تلاته وبعدين ينسو وانت تشوف مستقبلك

[emyemo]

بالنسبالى السن و دلوقتى اللغة هى بقت المستقبل

[mohamed^ salah]

صيدله طبعا مفيش مقارنه بين مترجم او مدرس وبين دكتور مع احترامى طبعا تب ازاى كتبتى السن قبل صيدله وليه دخلتى علمى وختى احياء وكمياء وفزياء عشان السن ؟؟؟

[EMAAA93]

المشاركة الأصلية كتبت بواسطة mohamed^ salah

صيدله طبعا مفيش مقارنه بين مترجم او مدرس وبين دكتور مع احترامى طبعا تب ازاى كتبتى السن قبل صيدله وليه دخلتى علمى وختى احياء وكمياء وفزياء عشان السن ؟؟؟

!!!!!! سورى يعنى هوا ده ال مودينا ورا مش هقول اكتر من كده

[semsema2008]

المشاركة الأصلية كتبت بواسطة mohamed^ salah

صيدله طبعا مفيش مقارنه بين مترجم او مدرس وبين دكتور مع احترامى طبعا تب ازاى كتبتى السن قبل صيدله وليه دخلتى علمى وختى احياء وكمياء وفزياء عشان السن ؟؟؟

فعلا برده هاقولك سورى هو ده الليى مودينا ورا الالقااااااااااااااااااااب

[emyemo]

عادى انا انا علمى و دخلت السن لان انا مش بعرف ولا بحب التاريخ
انا مخى شغال ف المواد العلمية

[EMAAA93]

المشاركة الأصلية كتبت بواسطة emyemo

عادى انا انا علمى و دخلت السن لان انا مش بعرف ولا بحب التاريخ
انا مخى شغال ف المواد العلمية

كلام جميل