|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
02-07-2009, 02:06 AM
|
||||
|
||||
المنهج الاصولى فى التفكير
بسم الله الرحمن الرحيم
ليكم وحشه والله يلا عامه ندخل فى الموضوع من المواضيع اللى اخدت حيز كبير من النقاش فى المنتدى مواضيع زى موضوع تغطيه الوش سواء باللحيه للراجل والنقاب للبنت وموضوع زى حوارات والاعيب وعلاقه البنت والولد ع النت وفى الحياه وكان فى موضوع عن حرمانيه الايموشن كان موضوع مضحك اوى وموضوع ربنا عرفوه بالعقل وكان فى جروب لذيذ كده خلقنا من اجل التفكير بس جار عليه الزمن يا ولداه وكان هناك بعض الاعضاء اللى مثلو ا النقاشات دى من امثلتهم ايمن وسعيد وخالد ونبض الامه واحمد ومجموعه كبيره من الاعضاء المهم وبعيدا عن المقدمات الطويله كنت جايه اتناقش معاكو مش فى المواضيع اللى فوق لان خلاص اتكلمنا كتير فيها ولاحتى عن الميكانيزم بتاع التفكير لان الموضوع ده ملوش اجابه لغايه دلوقتى انا كلامى النهارده عن المنهج الاصولى فى التفكير وايه هى الاصوليه ومين هم الاصوليين؟؟ طائفه الاصوليين هى مجموعه من المسلمين الملتزمين بحرفيه النص عندهم منهج ان لو القالب تغير تغير معاه القلب سائرين ع خطى النبى صلى الله عليه وسلم لا يزودوا حرف ولا ينقصوا بمعنى اخر المحاكاه فى كل شىء حتى الاشياء اللى بتلزمنا او بتقتضى التجديد فكر جامد متعصب بعيد جدا عن روح الاسلام اللى بتتميز بالمرونه وان الروح المرنه للاسلام من اسرار بقائه حتى الان وملائمته لكل الازمان بس كانت الحجه الواهيه والسؤال اهذا التجديد قام به الرسول؟؟ فاذ لم يفعل فخلاص الموضوع انتهى بالنسبه ليهم واصبح كل جديد منبوذ مكروه حتى لو حبذه العقل فهل ربنا عرفوه بالعقل؟؟ كان سؤال خالد فى موضوع زمان كنت لسه طفله بتابع الحوار مابينه ومابين سعيد تقريبا وكان الاتفاق ع ان الدين عمره مكان بالعقل ولا التفكير ؟؟!! ع حد اللى فاكراه وان دينا عرفنا بنصوص ..الخ فى الوقت اللى نزل احمد رضا بموضوع او جروب خلقنا من اجل التفكير واللى اتهم فيه بالعلمانيه وما الى ذلك من الكلام العجيب بالرغم من اقنتاعى التام بان التفكير ضروره لمعرفه الخالق اللى اسلموا حديثا مكنش اسلامهم عشان الاب والام مسلمين لا ع عكس كده ع يقين تام وادراك بروعه هذا الدين عشان كده دينا مش مجرد استسلام اعمى ولا مجرد عاطفه دينا اعتناقه كان عن اقتناع عن تفكير نرجع للاصوليين تانى الناس دول يا جماعه من الجماعات المتشدده جدا وفى هدوء بسأل سؤال هل دينا دين جمود؟؟ الاجابه الطبيعيه والشفويه ليهم هى لا بس الفعليه ليهم بردو اه هل دينا دين شكل؟؟ وهل عشان انا محجبه مش منقبه يبقى دينى ناقص كان فى موضوع بردو افتكر عن ان النقاب فرض فهل دينا دين شكل ولا دين فعل ومن امتى ربنا كان بينظر لصورنا كان دائما وابدا النظر للقلب للاعمال للنيه مش مظهرى هو اللى بيحدد كونى كويسه او لا ماعلينا من النقطه دى فى نقطه تانيه وهى ضروره عدم التفكير فى اى شيء طب ازاى وربنا هو القائل قل هاتو برهانكم اى نعم الايه كانت اسلوب انشائى امر غرضه التعجيز للكفار ع الاتيان ببرهان بس ده بردو ميدلش الا ان دينا قائم ع العقل والتفكير لا تعارض بينه وبين المنطق بيعتمد ع التأمل والتدبر وان العقل الآله او الوسيله الوحيده لفهم المتغيرات والجميل جداا واللى بيزيدنا حب للدين ان ربنا ضرب لينا الامثله فى كل مكان فاحنا مجتمعنا البشري تضخم بطريقه كبيره فكان المثل فى اصغر المخلوقات الحشرات الحشره او التعبان بتغير جلدها جلدها بينسلخ عنها عشان يكون مناسب ليها بطريقه اكبر فهل عشان شكلها اتغير مبقاش هو التعبان او تغيرت طبيعه الحشره مهما اتغير الشكل فالمهم فى اللى جوه نفس الشىء بالنسبه للاسلام هل الاسلام لو فكرنا واجتهدنا وجددنا هل هيتغير طبعا لأ ع عكس كده الجمود بيحبسنا فى زنزانه صغننه متر فى متر من التعصب مثال جميل جداا بيدل ع قابليه الاسلام للحركه وعدم الوقوف عند حد النصوص وشيوع الديناميكه فيه المسلمين الاوائل قطعوا ايد السارق والنص القرانى وحديث الرسول صريح جدااا الا ان فى الوقت الحالى ظهرت صور جديده للسرقه التزييف مثلا وحجات كتير جدت ع العالم بتاعنا هل عشان مجاش فيها نص ابئا اسيب اللى يزيف واللى ياخد قرض ويتكل ع لندن وحلنى عبال ميعرفوا يجبوه لو جه اصلا ده نوع اخطر من السرقه الفرديه وموضوع زىى السجاير مثلا قعدنا اد ايه عبال محد طلع واتكلم عن حرمانيته والجميل ان الاصولى بيدى نفسه كل الحق انه يضرب اللى قدامه بالرصاص لو اختلف معاه فى الرأى وهو الرصاص كان اخترعوه ايام الرسول عشان يستخدمه؟؟ والجميل اللى كنت بحس بالروح دى داخل النقاشات تحس ان اللى بيتناقشوا هيسيبوا الاجهزه ويتفقوا ع مكان وينزلو يخلصوا ع بعض كل الخلافات دى بتدل ع حاجتنا فقط لشىء واحد اعتقد انه هيفضل مفقود لفتره طويله وهو التفكير استخدام الاداه اللى ربنا ميزنا بيها عن سائر الكائنات انت مش محتاج حد يشرعلك انت ممكن تسخدم دماغك تفهم تتعقل وتعرف الصح من الغلط مفيش حد صاحب الاسلام الكامل لا اصولى ولا اى حاجه الاسلام تواضع وسماحه واخلاق فلا توجد اى مشكله فى النقاش .. فى التفكير بشرط الا يكفر اى طرف الطرف الاخر وده اللى حصل فى موضوع حوارات والاعيب عشان الواحد قال رايه كان هيكفروه رسولنا هو اللى دخل وفتح مكه وقال اذهبوا فانتم الطلقاء وبعدها نشوف كتير من المسلمين بيدبحوا بعض ع اختلافهم ع راى اخدوا من الرسول اللحيه والجلباب وسابوا لاخلاق ومثال فوق الرائع لسيدنا عمر بن الخطاب عن فهمه للدين الصحيح فلم يقطع يد فى ايام المجاعه ولم يفعل بدافع مخالفه نص بل فعله بروح متعقله استخدمت عقلها وفاهمه لدينها واحناا فى ايام اسوأ من عام المجاعه فهل عدم تطبيقنا للحد معناه مش ان مصر دوله اسلاميه؟؟ بس احلى حاجه ان الكل بيربى اللحيه ويقصر الجلباب ويقول ويحرم ويشرع بتفكير جامد يلا كفايه يارب مكونش طولت  ******* من الناس الجميله اللى اتكلمت فى الموضوع ده الدكتور مصطفى محمود ياريت تقروله ليه كتب ظريفه زى محمد والله ومسرحيه زياره للجنه والنار اتكلم ان الانسان مخير او مسير بطريقه فوق الرائعه وغيرها كتير سلامى للجميع *** آخر تعديل بواسطة COoL HEaRT ، 02-07-2009 الساعة 11:09 AM |
|
#3
02-07-2009, 04:18 AM
|
||||
|
||||
|
اولا السلام عليكم ورحمة الله وبركاته
اختى فى الله مش علشان مربى لحية يفتى لا فكل من يعلم دينه يعرف الحق والباطل والاختلاف فى الرئي مش نهاية العالم وفيه مثل بيقول ولو الازواق لفسدة السلع فهناك الامام الشفعى والامام ابى حنيفه والامام حنبل كلهم اختلفو فى الرئي يمكن لما اختلف معاكى نوصل لصح وانا بحيكى على الموضوع الرائع ده وجعلك الله من اهل الجنه يوم الدين تقبلى مرورى
__________________
 كم كنت اتمنى ان اراكى يوماااااااااااااااااا
|
|
#4
02-07-2009, 09:29 AM
|
||||
|
||||
|
اقتباس:
هههههههههه انا منمتش من يومين غير اربع ساعات يا حاجه والردين اللى اتحطوا فى الموضوع دخلونى فى الغيبوبه يلا مستنينك واطردك ايه يابنتى تنورى  اقتباس:
وعليكم السلام ورحمه الله
اقتباس:
اقتباس:
وانا بحيكى على الموضوع الرائع ده وجعلك الله من اهل الجنه يوم الدين تقبلى مرورى [/quote] امين يارب.. |
|
#5
02-07-2009, 07:08 AM
|
||||
|
||||
|
الموضوع حلو اوي يا سوو زي ماكنت متوقعه بالظبط
شوفي ياستي اولا لو هنتكلم عن الاصوليين اللي بياخدو الدين بالشكل وعندهم جمود ف التفكير دول ناس مش كويسين وعيب وكل حاجة بس فعلا لازم مع المضمون يكون في شكل يعني الرسول قال ع النقاب و ع اللحيه واجب هنقول الزمن اتغير ومش لازم ناخد كل حاجة من غير مانفكر طيب ايه اللي اتغير يخلينا مش ننتقب بالعكس احنا ف زمن الفتنه يعني مش كل اما نلاقي حد ملتحي او واحده منتقبه نقول ايه ده اصولي لاء طبعا هما مطبقين جزء من الصح احنا مش قادريين نطبقه حتى لو كان عندهم قصور ف نواحي تانية هما احسن مننا ف الحته دي ولا فيها جمود ولا فيها تخلف ده اتباع للسنة ولا اللحية ولا النقاب هيضرونا ف حاجة يعني لما نبقى احنا الاتنين بنعمل معصيه واحده هي اكيد عند ربنا احسن لو كان شكلها ده مش رياء بس معلش ياياسو سؤال يعني ايه الدين بتاعنا بيتميز بالمرونه مش عاجباني الحته دي بجد ممكن مرونه اننا نفهمه صح جدا بس اننا نعمل بيه مرن دي غلط ربنا قالك ده حرام وده حلال هنمرنه احنا ازاي بقى  عادي ممكن نغلط ونقصر بس ف نفس الوقت نعترف اننا مقصرين وندعي ان يجي يوم وربنا يهدينا مش عشان اننا مش بنعمل الحاجة يبقى هو ده الصح يعني المجمل اني مش اكون مسلمة شكل بس ولا مضمون بس اني احاول اوفق بين ده وده ولو مقدرتش يبقى اعرف ان العيب من عندي وادعي ربنا يهديني او ادور ع كلام عالم يقنعني ويريحني ان اللي بعمله ده هو الصح لكن مش ادعو الناس لللي بعمله اقول ياملتحيين انا احسن منك انا مش اصولي وانتو اصوليين  ده قصدي عارفه دخلت الموضوع لحته تاني غير اللي تقصديها بس معلش احتمال يكون ليا عودة استحمليني بقى
__________________
لو صرخت الدنيا ف وشي اكيد هعلي حسي ... لو كان ده وقت الانهيار انا حاطه روحي ع كفي ... لو كان ده وقت الانفجار .. اكيد ملغمه نفسي ...!! * ** فى حياة كل منا ذكرى تمنى الا يمر بها ولكن لولا ألمها لارتكب المزيد من الاخطاء فى حق نفسه وفى حق الاخرين* ** الحمدلله  |
|
#6
02-07-2009, 08:12 AM
|
|||||||||||
|
|||||||||||
|
اقتباس:
اقتباس:
بس مينفعش اقول ان اللى مش كده هيروح النار الموضوع خاضع للقيل والقال وخاصه فى موضوع النقاب لانه مش فرض بس المشكله فى الاصولى ان جامد انا مش منقبه يبقى معناها خلاص انى هتحدف فى جهنم الموضوع منتهى وطبعا مسأله دخول الجنه والنار مش بايد حد غير ربنا كنتى بتقولى زمننا بيفرض علينا نلبسه ع اساس انه عصر الفتن تعرفى ان انا شايفه ان النقاب او اللحيه مش مناسبين للواقع بتاعنا وايه المشكله لو مرباش دقنه او هى مغطتش وشها ايه الضرر ؟؟ الصراحه بقدرتى العقليه المحدوده مش شايفه ضرر بالعكس انا بدل مهتم بموضوع اللحيه والدقن وانا واخده المثالين ع سبيل المثال لا الحصر اهتم بالتنميه من ناحيه تانيه الوضع بتاع الدول الاسلاميه بالمسلمين بحكامهم لا يسر عدو وحبيب وفى نظر الغرب ان اى ملتحى متشدد وهقلك ع حاجه جميله يا ايمان ياريت تردى عليها من المعروف اوى ان المتشددين من اليهود بيربوا دقنهم جيبى واحد مسلم وواحد يهودى والاتنين مربيين اللحيه اللى بنقول عليها هل هتفرقى بينهم صعبه يبقى الموضوع مش لحيه ولا نقاب الموضوع اللى ورا اللحيه والنقاب وكنت عاوزه اقول عشان منساش ان احنا الزمن بتاعنا ده انتى مش واثقه فى اللى انتى شيفاه هتثقى ازاى فى اللى انتى مش شيفاه بدام الواقع بتاعنا بيقتضى ان احنا نتخلى عن الجزء ده مع العلم انه مش هيغير مننا حاجه ولا هيقلل من دينا يبقى مفيش مشكله زى الصوره الرمزيه اللى انتى حطاها احنا مش مفرقين مين الكويس ومين الوحش مين المستخبى ومين اللى ع الحقيقه هاجى اقوله غطى وشك كمان وزى مذكرت مثال لسيدنا عمر اللى مقطعش ايد السارق فى وقت الدوله والنظام احتاج يه لكده هى دى الليونه اللى بقلك عليها مقلش الرسول قال كده يبقى خلاص لا راعى ان الفتره دى السرقات هتزيد فهل العقوبه دى هتنفع هل هيكون من الصح واللى بيستحسنه عقلى انى اعمل كده اقتباس:
احنا نحاول نصلح ايمان الداخلى قبل منصلح الشكل الخارجى وبالمناسبه احنا المنظر الصورى لينا متاخد عنه فكره وحشه جدا عند الغرب احاول احسن من نفسي اثبت ان احسن وافضل ساعتها الغرب هيتغير نظرته بعدها البس نقاب اعمل لحيه اعمل اللى اان عاوزه بعدها بس مجيش احط العقده انا فى المنشار واقول لأ نقاب يعنى نقاب لحيه يعنى لحيه ميفرقش بره بيبصولى ازاى طبعا غلط لاننا محتاجنلهم واحنا اضعف منهم وانى مش كيان نستقل لا فى مليون حاجه احطها فى دماغى اقتباس:
اقتباس:
اعتقد الجزء ده وضحته فى اول ردى عليكى لو فى حاجه مش واضحه من نقطه المرونه دى قوليلى اقتباس:
فهمتينى غلط فى النقطه دى انا مقصدش انى اوافق ع الغلط وانى اطبع الدين ع اللى بعمله بحيث انى احس ان اللى عملته عادى فى ثوابت معروفه والغلط معروف والصح معروف والطبيعى ان كل انسان بيغلط مفيهاش جدال بس بردو لو هنكبر شويه ونبص للجزء ده من فوق بزاويه تانيه فكره الغلط نفسه ايه هو وبعين مين ؟؟ هل بيعين صاحب الغلط ولا بعين الناس ولا بعين مين بالظبط فى اخطاء مش بالمعنى المباشر للخطا يعنى مبينطبقش عليها اللى قلته فوق من ان الصح صح والغلط غلط لان فى الحاله دى مش هيبقى فى خلاف بس فى اخطاء بتبقى فى نظر المجتمع بس وبتختلف من مجتمع للتانى اقتباس:
انى اسيب نفسي لو انا صح من جوايا ده هينعكس ع شكلى الخارجى اقتباس:
 اقتباس:
ساعتها هبئا الملاك الطاهر اللى مش بيغلط وده منطقيا مش ممكن انا اقنع نفسي بان ربنا جميل غفور رحيم وانى مهما عملت فاكيد انا واثق فى رحمته هعترف بغلطى وهصلح من نفسي والناس مش لازم يعلقوا ليا حبال المشنقه لان كلنا كنا ممكن نكون مكان الشخص ده اقتباس:
اقتباس:
لا عادى يا ايما مانتى عارفه انى بحب كده مش ازمه وياريت ترجعى تانى احنا فاتحين اربعه وعشرين ساعه خلصت يابنتى انتى شكلك مش مدركه  |
|
#7
02-07-2009, 07:17 AM
|
||||
|
||||
|
السلام عليكم ورحمة الله وبركاته بجد بشكرك يا ياسمين علي الموضوع الجميل بس للأسف كتير مش هيقبله لإن المُجتمع تقريبا زي ما بيقولوا في حالة " إكتمال التحول لمُجتمع كهنوتي " يعني الناس الغلابة متحكمين فيهم شوية ناس ميعرفهوش في الدين غير انه تحجر وقسوة و1+1=2 ومعندهومش القابلية أصلاً من إنهم يفهموا احاديث من أوتي مجامع الكلمة معقولة من أوتي مجامع الكلمة يتكلم مع ناس بيفهموا من جانب واحد بس وأكبر دليل علي فساد سؤالهم اللي هوا " هل قام الرسول بهذا التجديد " فالسؤال فاسد منطقياً من الدرجة الأولي والرسول كان محتاج يعمل تجديد ليه إذا كان التجديد ده في حد ذاته كان تجديد في وقته :D نفسي أفهم يجدد في التجديد ؟ دُعابة اطفالية مُضحكة أوى -- بالنسبة للجزء اللي ذكرتيه عن سيدنا عمرو بن الخطاب الشخص ده أنا بعشق عقله .. ربنا والله رزقنا بيه والله حد بيفهم في الدين جداً .. أفكاره واسئلته كانت بتتناسب مع القرآن الكريم تناسب عجيب وغريب من الناس اللي فهمت الدين بجد ماشاء الله عليه -- اقتباس:
اقتباس:
هههههههههههههههه اها يابنتي واللي كان بيهاجمني كان مُلحتي واتعرف بعد كدا من ناس كبار إنه خدع بنت
:D انتي عرفاني مبحبش أفضح حد لكن تحذير المسلمين من الوثوق في أي واحد لمجرد وجود لحية جهاد في سبيل الله والله ما علينا ما علينا نكمل بصي من مصلحة الناس دي ان محدش يفهم القرآن ولا السنة صح ولا بشكل مختلف والله ياياسمين فيه فئة منهم ممكن نعذرهم لانهم اتربوا علي كدا وفيه فئة عايزة اللي يطلعهم قدام الناس من فئة " القابض علي الجمر " -- نقطة بالنسبة للحية انا في المواضيع اللي بيتخانقوا عليها دي صراحة بختار اللي يستريح له قلبي " وإن ضلوك استفت قلبك " كمان لما باجي أبص للأحاديث بلاقي إن الرسول كان بيذكر فيها " خالفوا المشركين " يعني لمجرد المُخالفة في الوقت ده عشان المُسلمين يتميزوا عن الكفار في الوقت ده ويقدروا يفرضوا نفسهم ككيان بهيئة معينة بنظام كامل مش كحاجة ربنا يوديك النار عليها لو معملتهاش ومن الناس اللي دعي الرسول لمخالفتهم في العادات والتقاليد والشكل اليهود والمجوس تعالي بقي دوري كدا ع النت تلاقي واحد يقولك في فتوى اللي بيشيلوا دقونهم دول مخنثيييييين ومثليين :D هههههههههههه لنا الله والله أقسم ربي كنت بشوف حالات مُخجلة فعلاً وبدقن بردو يعني مش شرط ابداً ياأصحاب العقول انا بقي في القضايا دي هستفتِ قلبي ولو فيه عدة علماء اتفقوا علي شئ ورؤية معينة اكيد هما شايفين حاجة صح وانا شوفتها صح وفي الآخر نروح نتحاسب محدش هياخد أكتر من حقه ولا أقل من حقه ربنا الكامل العادل -- بالنسبة لنقطة عدم التفكير فدي زي ما قولتلك من مصلحتهم اننا منفهمش لان لو احنا فهمنا كراسيهم هتتشال من تحتيهم اقدر اجيبلك 16 آيه بتدعو للتفكيروالتفكر و 148 آيه تدعو للتبصر وطبعاً عملت للأخ اللي كان بيهاجمني معادلة أثبتت إن شعار المجموعة مكانش غلط وردت عليه استاذة فاضلة هنا لو فاكرة -- عموماً موضوعك متفرع اوي وردي مش مُرتب خالص إن شاء الله ليا عودة مع رأي اعم وأشمل لو الموضوع استدعي كدا شكرا ربنا يجعلك من الداعين للخير والدالين عليه يارب
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ !  آخر تعديل بواسطة احمد رضا ، 02-07-2009 الساعة 07:24 AM |
|
#8
02-07-2009, 09:13 AM
|
|||||||||||||||
|
|||||||||||||||
|
اقتباس:
اقتباس:
والموضوع بيكون اجمل بالردود بتاعتكم اقتباس:
اها معاك يا احمد فى ان ناس كتير مش هتتقبل الموضوع بس احنا مفروض نتكلم نتناقش ونحاول نفهم وبالنسبه لفكره الناس الغلابه اللى الكبار بيتحكموا فيهم كان دايما بيفكرنى بافلام الخيال العلمى او الاسطوره بتاعه عازف الناى اللى بيعزف ع الناى بتاعه واذ بكل حاجه اصبحت متيمه بيه بدون تفكير السمك طلع من الميا وبدأ يمشي ورا كل حاجه غمت عنيها ومشت مستسلمه لنغمه جميله واكنت النهايه انه بعد متوقف عن العزف قتلوه وهو ده اللى بيحصل احنا بنسمع كالام الكبير بدون تفكير وكأننا مجموعه من الغنم مايين ورا الراعى بيحاول يحمينا من ذئب وهمى فى الوقت اللى هو كان الذئب فيه وياريت اللى بيحصل فى مجتمعنا ينتهى بنفس النهايه اللى انتهت بيها الاسطوره بس ده مش هيحصل الا بينا انت عارف اكبر مثال ع كده ايه الجماعات الدينيه اللى موجوده سلف اخوان و و و ..... وكأن ديننا محتاج انه يتقسم وانه كله يستقل بطريقه انا مش ضد ان كل واحد يكنله طريقه يفكر بيها بس الفكره فى الجماعات ان الشباب الضغير بيسلم دماغه لحد يفكرله بيها وكأن دماغه شىء بيأجر حقيقه مضحكه بس الجزء ده ناتج عن فراغ واغتراب عقلى ودينى وسياسي ماعلينا اقتباس:
هى دى المرونه اللى احنا بنفتقدها يا ايمان ان احنا مش عارفين نبص لحياتنا من زاويه ابعد نكبر دماغنا بحيث انها تقدر تستوعب اكتر لان احنا فى الوقت اللى بيتقال فى الجمله الظريفه العالم قريه صغيره لو هفكر باتجاه واحد مش هفهم حاجه خالص مش هفهم الغير وهعقد نفسي هود ه الاصولى اللى حياته ماشيه فى اتجاه واحد بتفكرنى بحدوته صغنونه انا وانا صغيره وزى اى طفل مصرى كنت من مدمنى ركوب العجل بس كان عندى مشكله كنت بمشي فى اتجاه واحد ع طول مش بعرف احود وكانت مشكله بالنسبه للطفله كبيره ازاى هرجع البيت سألت نفسي لما كبرت الغلط منين لقيته فى انى متعلمتش ازاى احود ازاى اكون مرنه فى تفكيرى ده المعنى اللى اقصده معملتش غير انى الاول نزلت ولفيت العجله وبعدين لقيت ان العمليه هتبقى صعبه اضطريت ان اتعلم احود ازاى ازاى اكون بالمرونه اللى تخلينى ارجع ادراج الوطن سالمه حاجه اهى ولا الاساطير الاغريقيه لا تقلى سيزيف ولا برومثيوس اكيد فهمت انا اقصد ايه من الحدوته دى من اسباب الاصوليه ان احنا متعلمناش ازاى منكنش كده اتعلمنا التبعيه وترييح الدماغ وبكده تكون التبعيه توافقت مع طابع الكسل اللى فينا اقتباس:
ههههههههه لا عاجبنى الرد ده يجدد فى التجديد اقتباس:
فعلا مفيش اختلاف ع عبقريه عمر بن الخطاب اقتباس:
ماعلينا اقتباس:
فى جزء اتربى ع كده بس انا بردو مفهمتش سطرك االاخير واضح ان الواحد بعد الثانويه دماغه باظت يا جدعان المهم كنت عاوزه اقول حاجه فى الموضوع نفسه بس نسيت كويس انى افتكرت وانا برد عليك وعشان احنا هنا بنتكلم عن اللى ماسكين وفكره الرسول عن اولى الامر او الحكام والقاده وايه الشروط اللى تتوافر فيهم لو تفتكر ان الرسول لم يوافق على ان ابو ذر الغفارى يمسك الولايه لما طلبها من الرسول الرسول جاوبه فى ادب بان الولايه مسئوليه كبيره وانه غير صالح ليها ورفض الرسول مش لنقص فى اسلام ابى ذر لكن لطبعه العصبى وسرعه انفعاله وهو كان معروف عنه بانه ثائر ع الغنياء وكان صاحب فكره اعاده توزيع الثروه اللى اتبانها ناس كتير من بعده زى صدام واكنت سبب صغنن من اسباب حربه ع الكويت بعد السبب الرئيسى بس عشان منبعدش -- اقتباس:
وزى مقلت لايمان ان دلوقتى معدناش نقدر نفرق بين يهودى متعصب او مسلم ملتحى فاللحيه مش الشىء اللى نفروض يشغل حيز كبير من تفكيرنا اقتباس:
يا عينى مهو اللى من غير لحيه مثلى او لوطى واللى من غير نقاب كافره تدعو للفسق والفجور يبقى مين اللى اتبقى فى البلد اقتباس:
اقتباس:
فى الوقت ده سماسره التشدد الدينى العقيم والتفكير الرجعى المتخلف بيطلعوا ع السطح ويروجوا لافكارهم المسومه طلبا للسلطه مش اكتر ولاحتفاظهم باماكنهم ولاهداف ومصالح شخصيه بحته اقتباس:
اه الموضوع الظريف ده ميتنسيش انا تقريبا كنت هشتم الاخ اللى كان عامله بس مش مهم الواحد كان عبيت اوى ومازال يعنى اقتباس:
الدنيا عندى بتدخل فى بعض وببئا مش مرتبه وبدخل فى حجات كتير تحتاج خمسين موضوع والعيب التانى العربى بتاعى زى الزفت بيدخل فى العامى وبتبئا سلطه اقتباس:
هههههههه يارب ان شاء الله اول مره حد يدعى الدعوه دى آخر تعديل بواسطة COoL HEaRT ، 02-07-2009 الساعة 09:19 AM |
|
#9
02-07-2009, 09:48 AM
|
||||
|
||||
موضوع كلامه بسيط و مُرتب و بجد بحب طريقة كلامك فى المواضيع يا سمنة .. و حشتينا و الله
أصلاً كده أول ماشفت الموضوع قلت أكيد اللى كاتبه إبن الحاج رضا .. و بعدين إكتشفت إنك انتى و بما إنى مش بحب الفلسفة و المنطق بس حقيقى كان عندنا باب تحفة جداً عن التفكير و كان فيه أدلة كتير أوى إن التفكير ده أساس حياة الإنسان نتخيل كده .. ربنا إدانا عقل طب العقل هنعمل بيه إيه؟؟ أكيد للتفكير طيب هنفكر فى إيه؟؟ أكيد فى كل ما يتعلق بالإنسان و أكيد الدين أكبر و أهم شىء الانسان بيتعلق بيه .. يبقى إزاى مانفكرش فيه  و لو التفكير فى أمور الدين و ما إلى ذلك حرام .. يبقى المفروض كان ربنا خلقنا حيوانات علشان نبقى مسلمين و خلاص مفيش داعى للعقل علشان نفكر بيه  بالنسبة للمتشددين .. عايزة أحكى موقف عجيب جداً صحبتاتى مرة بيحكولى إن فى المحاضرة بتاعتهم قام ولد بينقد الدكتورة فى لبسها و إنها سايبة شعرها و حاطة ميك اب و بينتقدها بشدة و ده حرام وكفر و بيقولوا الدكتورة بقى غلبانة قالته لو مش عايز تشوفنى ماتدخلش محضراتى .. المهم الولد كان متعصب جداً .. و قلتلهم طيب أنا عايزة أشوف الولد ده .. فى مرة و إحنا قاعدين لقيتهم بيقولولى بصى على الولد ده هو ده اللى شتم الدكتورة .. بصيت عليه لقيته واقف مع بنت إنما إيه فى وضع مش لطيف خالص و ماسك سيجارة قلت يمكن أخته فى الإسلام فيما بعد عرفت انه بيمشى مع بنات و عايش حياته على الآخر .. إفتكرت فيلم مرجان حلال حلال حلاااااال الموقف ده عايزة أقول إن الناس دى بتحب الظهور .. مش خوف على الدين و الكلام اللى هما بيدعوه و بيمشوا بطريقة .. خالف تُعرف !! كفاية رغى .. الحبر هيخلص .. حبة كده وهاجى أعترض على جزء معين فى كلامك و بحيكى يا سمنتى على الموكوع  
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#10
02-07-2009, 09:54 PM
|
||||||||
|
||||||||
|
اقتباس:
هههههههه مرتب امال مش حاسه ليه بكده ؟؟!! وعامه انتى والناس الكويسه اللى هنا وحشونى اكتر يلا بعيدا عن الرومانسيه اللى فوق دى الواحد يرد اقتباس:
معلش اقتباس:
بس الفلسفه اللى ليها هدف البعيده عن الجدل والسفسطه والمنطق بردو لان الاتنين الهدف منهم انك تشغل مخك تحاول تفهم اقتباس:
اها بالظبط العمليه انك مينفعش تسلمى دماغك لازم تفكرى لانه شيء طبيعى لاى انسان انه يسأل ويعرف ليه ؟؟ السؤال ده مهم ان احنا نسأل نفسنا ليه ولازم تكون الاجابه منطقيه عشان العقل يقتنع مش مجرد انى احاول اقنع نفسي بالحاجه لمجرد ان كل الناس بتعمل كده اشغل عقلى مش شرط الناس تكون صح الشريعه سبب نزولها مش لمجرد ان الواحد يطبقها لا عشان يفكر فيها قبل ميطبقها لان الانسانى شهوانى بطبعه بيحب السلطه والحكم وممكن يتحكم فى عقول اللى قدامه وفى ناس كتير عندهم المقدره دى بالكلام المعسول وبكده بيرفعوا عصايه التشريع وكأن هما اللى ليهم الحق فى الطلاق الفتاوى واحنا لينا الحق الوحيد وهو الاتباع معتقدش انه حق ده مجرد ان الواحد بيكون مغيب الشريعه نزلت عشان نفكر ونطبقها فى نفسنا اقتباس:
ياعينى فعلا فكرتينى بالفيلم مرجان ده بالرغم ان بستتفه عادل امام الا انه صور جزء من واقع عجيب فى فيلمه ده هى العمليه تحولت لرغبه فى انى اقدم النصيحه وطبعا دى مش طريقه ده تجريح المشكله هنا انهم بيينسوا نفسهم يأمرون بالمعروف وينسون انفسهم صدق الله العظيم وكان فى ايه بتقول يا عيسى عظ نفسك يعنى ابدأ بنفسي يعنى مينفعش اب بيشرب سجاير يقول لابنه متشربش طب مانت بتشرب؟؟ مش بيخلق المنطقيه اللى تقنع الطفل انه ميعملش كده لما يكبر وده بعيد عن موضوعنا بس عادى انا بسرح كتير فمسأله التحريم والتحليل بقت الايام دى ليها مقاييس غريبه وكان رئيس السودان الاسبق واحد اسمه جعفر النميرى المهم الراجل ده كان ملتزم بحرفيه النصوص ومعتقد انه بكده بيطبق الشريعه وكان بيقطع ايد السارق ولو عشره جنيه سودانى فى الوقت اللى بيترك فيه اللى سرق المليون وطلع ع بره اقتباس:
وهل هو عشان ينتهج روح الاسلام يجرح اللى قدامه ولا يقدم النصيحه بالحسنى؟؟ اقتباس:
اوك يا معلم مستنيه اما نشوف هتعتضى ع ايه اقتباس:
هههههههههه سمنه سمنه لزقتى الموضوع الله يقرفك عامه الموضوع بردو ملوش لازمه من غير ردودكم |
|
#11
02-07-2009, 10:44 AM
|
||||
|
||||
|
ايه ده ياسو هنا
 كفارة يا بنتى بجد موضوع رائع يا ياسو وحشتنا مواضيعك الموضوع بجد هادف و بيمس الواقع بصى يا ياسو المجتمع فعلا بقى مليان من الاتجاه الجامد ده و تشدد جامد و اعتقد ان ده هو اللى حرام لان التشدد ده اللى بيكره الناس فى الاسلام و لو حد بيفكر يسلم يرجع فى تفكيره و يتراجع الدين الاسلامى دين سماحة و دين تفكير اكيد لو ربنا مش عايزنا نفكر مكنش خلقلنا العقل و مكناش بنتكلم هنا دلوقتى كان ربنا خلقلنا عقل يعتمد على حفظ الاشياء زى ما هى و ميعتمدش على التفكير زى مثلا عندنا فى علم النفس متسويين فى التعليم المستوى السطحى اللى بيعتمد على حفظ الاشياء كما هى و المستوى العميق اللى بيعتمد على التفكير العلمى و الفهم و التوصل للقوانين ده تقريبا زى الفرق بين الاصولين و الناس اللى فاهمة الدين صح ( مش حافظاه ) بس ده ميمنعش ان ناس ماشية فى التفكير الاصولى و ناس تانية ماشية على مزاجها ( زى اللى بيقول السجاير مبتفطرش ) ولا مستر عندنا انا بحبه جدا بس اتكلم معاه فى اى حاجة مخه عالى جدا الا دين ممكن يبوظلك دماغك و يحسسك ان مش عايشة و يقولنا انتوا متبنجين و كلام بجد مقدرش اقوله بنقوله بس خلاص متتكلمش ولا ده صح ولا ده صح خير الامور الوسط ربنا نزلنا احكام مينفعش يتغير فيها زى الصلاة و الحجاب ....الخ من الفروض لكن فيه حاجات لازم نشغل مخنا فيها زى تعليم النووى مثلا هو فيه ايام الرسول صلى الله عليه و سلم نووى يبقى بقى متعلمهوش  بس انا اختلف معاكى يا ياسو فى ان الشكل مش مهم لان الدين بينتقسم للقسمين الشكل و القلب انا معاكى ان القلب مهم جدا و ده لازم يجى قبل الشكل لان لو الشكل جه الاول هتبقى صورة سيئة جدا للاسلام و المسلمين و تضيع الناس المحترمة فى الرجلين زى ناس بتبقى ملتحية و بتقول كلام و بتعمل تصرفات بجد مخجلة و اكيد انتى عارفة ناس منهم بس لو جه القلب الاول و التفكير و العقل و بعد كدا الشكل وقت اجتماع القسيمن مع بعض صديقنى بيبقى خير مثال للمسلم الصح يعنى هقولك مثلا يا ياسو مامتى منتقبة ده معناه انها اصولية ؟ لاء طبعا مانا بنتها اهوه و مش منقبة و مش متشددة و فى مدرسة تجريبى و مختلطة يعنى مع شباب فى الفصل من كى جى و زمايلى الشباب بيتصلوا بيا حتى على تليفون ماما عشان معاد درس اتغير او مكان ده معناه انها مش متشددة مع انها كانت فى معهد اعداد دعاه و صدقينى يا ياسو معظم المسلمين اللى فاهمين الدين بجد ناس كويسة جدا انا فى معهد بينقسم لاعداد دعاه و تحفيظ قران ده بيعملوا اختبار فى الاول عشان يشوفوا لو متعصبة او متشددة يفهموكى الصح عشان تفهمى الدين صح يعنى اهوه مسلمين و شيوخ و بيدعو للسماحة يا رب اكون مطولتش عليكى
__________________
 يظن حين أتحدث عن ذكرياته اننى لازلت احبه .. و يظن حين اكتب عنه بعين الرضا اننى لازلت اتمنى عودته .. ولا يدرك اننى منذ أن فارقته " عددته ميتاً ".. فحديثى عنه لا يعد الا امتثالا بحديث المصطفى " اذكروا محاسن موتاكم "
|
|
#12
02-07-2009, 10:23 PM
|
||||
|
||||
|
ايه ده ياسو هنا
كفارة يا بنتى بجد موضوع رائع يا ياسو وحشتنا مواضيعك ******* تصدقى وانا كمان وحشتنى مواضيعى وكفاره ليكى يختى انتى كمان متحسسنيش انى الوحيده هنا اللى بالمنظر ده ******** الموضوع بجد هادف و بيمس الواقع بصى يا ياسو المجتمع فعلا بقى مليان من الاتجاه الجامد ده و تشدد جامد و اعتقد ان ده هو اللى حرام لان التشدد ده اللى بيكره الناس فى الاسلام ******* اه التشدد انا هقول حاجه يمكن لسه من شويه حاسه بيها وكنت مخنوقه منها مش مسأله التشدد يعنى انا مش لما اطلع اولع فى كام اتوبيس واحدف بالطوب يبئا كده هغير حاجه والكلام ده بيبقى منظم من جهات معينه عشان يثيروا الناس ويقلبوا البلد بس كنت لسه شايفه الحته الاخيره من فيلم عماره يعقوبيان هو شغال ع ميلودى افلام دلوقتى تقريبا انا قمت عشان اتخنقت من موقف واحد بس او يعتبر هو ده اللىى عجبنى فى الفيلم طه الطالب بتاع سياسه واقتصاد اللى اترفض من الدوله عشان ابوه بيشتغل بواب اللى خلاه ينضم لجماعه متشدده ولما المباحث قبضت عليه واتعذب تعذيب فعلا قذاره كنت متعاطفه معاه وكنت شايفه ان طلبه من رئيس التنظيم بتاعه بانه عاوز ينتقم الانتقام من الحكومه اللى بهدلته وهتكت عرضه الناس دى بردو مش كلهم مسيريين او مشدودين من رقابيهم لا فى ناس منهم رغبتهم فى الانتقام من البلد عمتهم والجميل اللى فى الموضوع انى كنت حضره الفيلم ده سينما -عارفه انه كان للكبار بس انا كنت داخله اتفرج ع ترانسبورتر والاتنين كانوا بيتعرضوا ورا بعض واحلى حاجه ان عدد الاطفال كانوا اكتر من الكبار مع ان المفروض ان اللى معديين 18 هم اللى يدخلوا يلا عامه مجتش ع دى- نرجع لموضوعنا الناس فى اخر الفيلم وبعد انضمام طه لجماعه دينيه وانه بدا يدرب تدريب وكأن البلد انشقت نصين ضد بعض وكأننا مش ولاد بلد واحده الجمهور فى الاخر سقف لطه لما قتل الظابط بالرغم انى فى الوقت ده كنت فرحانه جداا انه خلص ع الظابط القذر ده بس دلوقتى لما فكرت مش عارفه هل انا معاه ولا مع طه مع الهمجيه اللى اتبعها كل واحد فيهم مع العلم ان الظابط هو اللى بدأ الصراحه الجزئيه دى اان تقريبا تفكيرى بيتشل قدامها !! لو حد عنده رأى فى الحدوت دى يقول ****** و لو حد بيفكر يسلم يرجع فى تفكيره و يتراجع الدين الاسلامى دين سماحة و دين تفكير اكيد لو ربنا مش عايزنا نفكر مكنش خلقلنا العقل و مكناش بنتكلم هنا دلوقتى كان ربنا خلقلنا عقل يعتمد على حفظ الاشياء زى ما هى و ميعتمدش على التفكير زى مثلا عندنا فى علم النفس متسويين فى التعليم المستوى السطحى اللى بيعتمد على حفظ الاشياء كما هى و المستوى العميق اللى بيعتمد على التفكير العلمى و الفهم و التوصل للقوانين ده تقريبا زى الفرق بين الاصولين و الناس اللى فاهمة الدين صح ( مش حافظاه ) بس ده ميمنعش ان ناس ماشية فى التفكير الاصولى و ناس تانية ماشية على مزاجها ( زى اللى بيقول السجاير مبتفطرش ) ولا مستر عندنا انا بحبه جدا بس اتكلم معاه فى اى حاجة مخه عالى جدا الا دين ممكن يبوظلك دماغك و يحسسك ان مش عايشة و يقولنا انتوا متبنجين و كلام بجد مقدرش اقوله بنقوله بس خلاص متتكلمش ولا ده صح ولا ده صح خير الامور الوسط ربنا نزلنا احكام مينفعش يتغير فيها زى الصلاة و الحجاب ....الخ من الفروض لكن فيه حاجات لازم نشغل مخنا فيها زى تعليم النووى مثلا هو فيه ايام الرسول صلى الله عليه و سلم نووى يبقى بقى متعلمهوش ايوه بالظبط ده اللى بقصده ********* بس انا اختلف معاكى يا ياسو فى ان الشكل مش مهم لان الدين بينتقسم للقسمين الشكل و القلب انا معاكى ان القلب مهم جدا و ده لازم يجى قبل الشكل لان لو الشكل جه الاول هتبقى صورة سيئة جدا للاسلام و المسلمين و تضيع الناس المحترمة فى الرجلين زى ناس بتبقى ملتحية و بتقول كلام و بتعمل تصرفات بجد مخجلة و اكيد انتى عارفة ناس منهم بس لو جه القلب الاول و التفكير و العقل و بعد كدا الشكل وقت اجتماع القسيمن مع بعض صديقنى بيبقى خير مثال للمسلم الصح يعنى هقولك مثلا يا ياسو مامتى منتقبة ده معناه انها اصولية ؟ لاء طبعا ***** ولو شفتى ردودى فوق انا مش بقول ان المنقبه اصوليه انا بقول اللى بيقول ع النقاب فرض واللى بيكفر اللى مش لابسينه اما مدام والدتك شايفه انك وانتى (مش محجبه) انها حريتك فده المطلوب انا شايفه ان ده شيء لازمنى يبقى اوكيه هعمله بمأنى مش هضايق حد بيه او هتدخل فى حريات حد فهمانى؟؟ ***** مانا بنتها اهوه و مش منقبة و مش متشددة و فى مدرسة تجريبى و مختلطة يعنى مع شباب فى الفصل من كى جى و زمايلى الشباب بيتصلوا بيا حتى على تليفون ماما عشان معاد درس اتغير او مكان ***** ده شكل من اشكال المرونه بردو انا بدام مصلحتى فى كده فاوكيه ايه المانع مش هاجى اقول لحد بيعملى خدمه انت ولد امشي يا .. الاختلاط حرررااام وجاز عتريس من فؤاده باطل والتار ولا العار والافلام الهندى دى ***** و صدقينى يا ياسو معظم المسلمين اللى فاهمين الدين بجد ناس كويسة جدا انا فى معهد بينقسم لاعداد دعاه و تحفيظ قران ده بيعملوا اختبار فى الاول عشان يشوفوا لو متعصبة او متشددة يفهموكى الصح عشان تفهمى الدين صح يعنى اهوه مسلمين و شيوخ و بيدعو للسماحة ***** جميل انا اول مره اعرف الحكايه دى يلا ومنكم نستفيد يابطاطا بس انا مش معاكى ان معظم المسلمين فاهمين الدين صح والدليل الخيبه التقيله بتاعتنا كنت مره فى تاكسى والراجل مشغل شريط كاسيت داعيه من اللى يحسسوكى انك هتتحدفى فى جهنم كان بيتكلم عن الاساءه للرسول وكأنه بيتكلم عن الحرب المشكله ان الطريق نص ساعه والاخ شغال شتيمه فى الغرب وانا قاعده مستنيه انه يدى حل مفيد بدل الزعيق ده ولكن لا حياه لمن تنادى **** يا رب اكون مطولتش عليكى *** من ناحيه طولتى فانتى طولتى بس افدتينى فى نقطتين منوره يا شيرين وعادى انا بحب الردود اللى فيها كلام |
|
#13
03-07-2009, 02:43 PM
|
||||||||
|
||||||||
|
نتكلم فى الاول فى كذا حاجه الاصوليين نفسهم اكيد مش حد يقدر يعترض على انهم من الفئه المتجمده مش حتفيد المجتمع بشئ بس حضر كتير بس خلينا لما نرفض حاجه نكون منطقين و عقلانين يعنى مش نرفض لمجرد الرفض و نعمم المسئله و ده بيخلينا احنا كمان نقع فى الغلط يعنى اقتباس:
بصى يا ستى فى حاجه اسمها بدعه و فى حديث عن الرسول (ص) كل محدثه بدعه و كل بدعه ضلاله و كل ضلاله فى النار صدق رسول الله صلى الله عليه و سلم يعنى الموضوع موجه لينا و ليهم هما بيتشددوا فى الكلام و يضيفوا حاجات زياده عشان بتعرف عنهم التقى و الورع و كده و احنا بردو بنعمل بدع كتير و لما حد يقولنا عليها الاجابه السريعه بلاش تشدد يا شيخنا دينا دين البساطه فمفيش حاجه اسمها حبذها العقل و مفيش نص الى حد ما شبيه بيه و مفيش اجتهاد واضح ليه نقوم احنا ( كعوام المسلمين ) نطبقه من دماغنا ده اسمه بدعه و حبذه العقل انهى عقل بالظبط ما هو يمكن اللى يقبله عقلك مش يقبله عقلى و العكس بالعكس فاحنا مش لازم نحكم عقلنا احنا ( كعوام المسلمين ) فى امور الدين مهما كانت لمجرد اننا (عقلنا القاصر ) شايفه صح ؟؟ اقتباس:
امممممم هل عمرك شوفتى واحده فى بورتومارينا بتتشمس كويسه ؟؟ مش اعتقد ان الاحتماليه كبيره و ان فيه احتماليه اساسا هل عمرك شوفتى واحد ملتحى و ملتزم شكليا وحش حتقوليلى اها كتير بس مش شايفه ان الاكتر عكس كده حتقوليلى دول قدوه حقولك انتى اللى واخداهم قدوه عشان مش وصلتيلهم و ده فى حد ذاته بيدل على رغبه داخليه فى الوصول ليهم انا مش عايزه ندخل فى نقاش التزم شكلا و لا مش التزم خالص و لا فى نقاش مش بالمظهر و الكلام ده بس اللى اعرفه ان التعريف الشامل الكامل ان الدين ما وقر فى القلب و صدقه العمل ببساطه شديده يعنى على طول فى ايات المؤمنين و الذين امنوا و عملوا الصالحات دى يتبعها دى على طول امنت فى قلبك ماشى حلو بس لازم العمل لازم تحقيق على ارض الواقع حيفيد بايه انك مؤمن بربنا و موحد بس بتروح تعمل اعمال للناس عشان شايف انهم بيقطعوا رزقك طاب ما ده شرك بالله حيفيد بايه انك عارف ان الرسول (ص ) هو الرسول و متبعه بس مش بتتبع كلامه و بتقول اشوف اللى على هوايا و فى ايه صريحه ما اتاكم الرسول فخذوه و ما نهاكم عنه فأنتهوا الموضوع سهل و بسيط مش فيه انا شايف و انتى شايفه و مش فيه تدخل عوامل البيئه و التربيه و ما الى ذلك من الامور و فى كلمه مش عجبتنى اقتباس:
اها طبعا بينظر لصورنا زى ما قولتلك فوق هل الحجاب ده مش صوره على الطاعه هل اللحيه و التقصير ده مش صوره من الطاعه هل غض البصر ده مش صوره من الطاعه هل عدم الكدب و النفاق و الرياء مش دى كلها صور لينا بنبينها هل دول ربنا مش بينظر ليهم فى كله عجبتنى اول -- حقٌ على أصحاب الكؤوس أن يتناصحوا -- لا يُعــذر المسلم في تخليه عن الدعوة إلى الله والأمر بالمعروف والنهي عن المنكرحتـى وان كان مقصراً في نفسهفي بعض الأمور , بـل إن الإنسان عليه أن ينهى عن المنكرحتى وان كان هــو واقـع فيــه , فوقوعه في المنكر ذنب وعدم إنكاره على الآخرين ذنب آخر يسأل عنه, ولا شك انعلى من ينصح أن يسعى جاهداً لتغيير ما بنفسهليكون قدوة ومثالاً يحتذى به. ...... كونى مش بعمل ده مش يدينى الحق انى مش اقول للناس تعمل يعنى كون ا مثلا واحده مش محجبه بعيدا عن فرضيه النقاب بدل ما اقول مش منتقبه مش يدينها الحق انها تقول للناس لاء ربنا مش بينظر لصورنا مش لازم تتحجبوا الدين فى القلب بصى
انا معاكى ان يمكن المظهر يبقى خداع لينا احنا بس ربنا مش بينظر للرياء ده بينظر للمظهر الصح اللى مش فيه رياء و اللى لوجه ربنا فهمتينى ؟؟ معلش حعلق على شويه ردود استحملى اقتباس:
بصى يا ايمى نبدا مع بعض بقاعده عامه ان الاتنين يعتبروا فرض واحد الزماى للرجال و التانى عشان العصر بس خلينا بردو ما دام اخدنا جانب العصر ناخده على الكل بمحاسنه و سيئاته شوفى دلقتى معامله الملتحيين ازاى اى واحد ملتحى فى الجامعه فى البلاك لست و الامن وراه بيتعب فعلا و فى الحاله دى يجوز ليه انه يحلقها و ده اتشرعله لاء الفرض بيبقى واجب فى حاله عدم وجود ضرر للمتبع و نفس الحال على المنتقبات اقتباس:
انه صالح لكل مكان و زمان قابل للاجتهاد قابل للاراء اختلاف اراء العلماء نعمه اختلاف المذاهب من حنفيه لشافعيه لحنبليه نعمه الحريه دى هى المرونه مفيش راى واحد بس غير فى الكبائر اما الباقى فبيحتمل الاراء و هى دى المرونه اللى بيخلينا نقدر نحرم حااجات مش كانت على عصر الرسول (ص) اقتباس:
هههههههه بتاخد على المنطوق اللفظى للكلام هما قصدهم هل هذا التجديد (فى عصرنا ) قام الرسول بفعله (فى عصره ) اقتباس:
امممممممم مش مقتنعه مع حضرتك فى النقطه دى نمسكها فى النقط اللى حضرتك قولتها اولا أتطرق في الأحاديث النبوية: 1-عن عائشة رضي الله عنها قالت :قال رسول الله صلى الله عليه وسلم(( عشر من الفطرة, قص الشارب وإعفاء اللحية والسواك واستنشاق الماء وقص الأظافر وغسل البراجم ونتف الإبط وحلق العانة وانتقاص الماء)) قال زكريا ((أحد رواة الحديث)) قال مصعب, ونسيت العاشر إلا أن تكون المضمضة. رواه مسلم وأحمد والنسائي والترمذي 2-روى البخاري في صحيحه عن ابن عمر رضي الله عنهما قال :قال رسول الله صلى الله عليه وسلم (( أنهكوا الشوارب وأعفوا اللحى)) وأنهكوا بمعنى بالغوا في القص والمراد بالمبالغة في قص ما طال عن الشارب لا حلق الشارب كله فأن ذلك خلاف السنة العملية الثابتة عنه صلى الله عليه وسلم . ولهذا لما سئل مالك عمن يحفي شاربه ؟ قال :أرى أن يوجع ضربا وقال لمن يحلق شاربه :هذه بدعة ظهرت في الناس رواه البيهقي ثانيا هل الاحاديث ذكرت اننا فى وقت معين مش حنحتاج اننا نتميز عنهم و لا كان الامر فى العموم من نص الحديث - حَدَّثَنَا مُحَمَّدُ بْنُ مِنْهَالٍ حَدَّثَنَا يَزِيدُ بْنُ زُرَيْعٍ حَدَّثَنَا عُمَرُ بْنُ مُحَمَّدِ بْنِ زَيْدٍ عَنْ نَافِعٍ عَنِ ابْنِ عُمَرَ عَنِ النَّبِىِّ صلى الله عليه وسلم قَالَ « خَالِفُوا الْمُشْرِكِينَ ، وَفِّرُوا اللِّحَى ، وَأَحْفُوا الشَّوَارِبَ » . وَكَانَ ابْنُ عُمَرَ إِذَا حَجَّ أَوِ اعْتَمَرَ قَبَضَ عَلَى لِحْيَتِهِ ، فَمَا فَضَلَ أَخَذَهُ . هل هنا كان فيه اى نوع من انوع الاستثناء غير اللى قولنا عليها فوق لاء كان امر عام شامل لكل المسلمين فى كل زمان و كل مكان يعنى كان فيه اكتر من امر عشان يتقبل فى الحياه بتاعت العرب وقتها هل هى دلوقتى مش تنفع و نركنها على الرف لاء هنا بتظهر المرونه الحقيقيه للاسلام عشان تلاقيها دلوقتى بردو الانسان محتاجها و حضرتك حاول بس تدور على فوايدها حتلاقيها كتييير بس المجال مش متاح لذكرها كلها دلوقتى بس الايه واضحه و صريحه ما اتاكم الرسول فخذوه و ما نهاكم عنه فانتهوا اقتباس:
انا كنت كتبت رد كبير على الحكايه دى بس الكمبيوتر شحنه خلصصصصصصصصص و راح بتشل كل ما افتكر المهم يعنى اللى كنت بقوله ان زى اى حاجه محتاجه فى الاول بعد عصور كتير من الانفلات شويه شده زى ما بنستخدم الدكتاتوريه شويه عشان نقدر بعدين نحقق الديموقراطيه و فى بتاع 11 سبتمبر مين اللى اثبت انهم عرب اساسا يلا كفايه كده اكيد راجعه تانى  فى رعايه الله
__________________
 In God's care HaPpiLy eVeR aFtEr |
|
#14
10-07-2009, 01:06 PM
|
||||
|
||||
|
تصدقى وانا كمان وحشتنى مواضيعى
وكفاره ليكى يختى انتى كمان متحسسنيش انى الوحيده هنا اللى بالمنظر ده ******** وحشتك مواضيع طب اتفسحى معاها شوية ياختى انا مخلصة قبلك بيومين ******* اه التشدد انا هقول حاجه يمكن لسه من شويه حاسه بيها وكنت مخنوقه منها مش مسأله التشدد يعنى انا مش لما اطلع اولع فى كام اتوبيس واحدف بالطوب يبئا كده هغير حاجه والكلام ده بيبقى منظم من جهات معينه عشان يثيروا الناس ويقلبوا البلد ************ اه طبعا ده بيبقى تنظيم و اوقات تسرع و سوء فهم بس المعظم تنظيم اللى عايز يغير اكيد هيفكر و يستخدم عقله ما دام بيفكر فى التغير ********* بس كنت لسه شايفه الحته الاخيره من فيلم عماره يعقوبيان هو شغال ع ميلودى افلام دلوقتى تقريبا انا قمت عشان اتخنقت من موقف واحد بس او يعتبر هو ده اللىى عجبنى فى الفيلم طه الطالب بتاع سياسه واقتصاد اللى اترفض من الدوله عشان ابوه بيشتغل بواب اللى خلاه ينضم لجماعه متشدده ولما المباحث قبضت عليه واتعذب تعذيب فعلا قذاره كنت متعاطفه معاه وكنت شايفه ان طلبه من رئيس التنظيم بتاعه بانه عاوز ينتقم الانتقام من الحكومه اللى بهدلته وهتكت عرضه الناس دى بردو مش كلهم مسيريين او مشدودين من رقابيهم لا فى ناس منهم رغبتهم فى الانتقام من البلد عمتهم والجميل اللى فى الموضوع انى كنت حضره الفيلم ده سينما -عارفه انه كان للكبار بس انا كنت داخله اتفرج ع ترانسبورتر والاتنين كانوا بيتعرضوا ورا بعض واحلى حاجه ان عدد الاطفال كانوا اكتر من الكبار مع ان المفروض ان اللى معديين 18 هم اللى يدخلوا يلا عامه مجتش ع دى- نرجع لموضوعنا الناس فى اخر الفيلم وبعد انضمام طه لجماعه دينيه وانه بدا يدرب تدريب وكأن البلد انشقت نصين ضد بعض وكأننا مش ولاد بلد واحده الجمهور فى الاخر سقف لطه لما قتل الظابط بالرغم انى فى الوقت ده كنت فرحانه جداا انه خلص ع الظابط القذر ده بس دلوقتى لما فكرت مش عارفه هل انا معاه ولا مع طه مع الهمجيه اللى اتبعها كل واحد فيهم مع العلم ان الظابط هو اللى بدأ الصراحه الجزئيه دى اان تقريبا تفكيرى بيتشل قدامها !! لو حد عنده رأى فى الحدوت دى يقول ****** يابنتى هو انا مشوفتش الفيلم بس على حسب مانتى حكيتى هو فعلا ذنب الظابط و الطريقة الغلط فى نظام الدولة بجد دولة خربانة يعنى و ده برده تنظيم عشان نفضل نرجع لورا و متقدمش خطوة لقدام الشباب محتاجين حد يفهمهم مش يدخلهم فى الغلط و ف الاخر عايزين يعاقبوه ********** ولو شفتى ردودى فوق انا مش بقول ان المنقبه اصوليه اه شوفتها انا بقول اللى بيقول ع النقاب فرض واللى بيكفر اللى مش لابسينه اما مدام والدتك شايفه انك وانتى (مش محجبه) انها حريتك فده المطلوب انا شايفه ان ده شيء لازمنى يبقى اوكيه هعمله بمأنى مش هضايق حد بيه او هتدخل فى حريات حد فهمانى؟؟ ***** اه فهمتك و معاكى فى النقطة دى لو دى وجهة نظرك ***** ده شكل من اشكال المرونه بردو انا بدام مصلحتى فى كده فاوكيه ايه المانع مش هاجى اقول لحد بيعملى خدمه انت ولد امشي يا .. الاختلاط حرررااام وجاز عتريس من فؤاده باطل والتار ولا العار والافلام الهندى دى ***** بالظبط كدا لان الظروف هى اللى بتحكمنا ولازم نبقى مرنين و تفكيرنا ميقفش عند حد معين و التشدد الجامد ده هو اللى بيخلق المشاكل بعد كدا تبقى البنت مثلا داخلة الجامعة و فيه اختلاط و حياة غير الحياة اللى كانت عيشاها خالص و ساعتها بتبقى عايزة تكتشف العالم الجديد و تقع الفاس فى الراس ***** جميل انا اول مره اعرف الحكايه دى يلا ومنكم نستفيد يابطاطا يادى بطاطا اللى مسكهالى فى كل حتة دى  بس انا مش معاكى ان معظم المسلمين فاهمين الدين صح والدليل الخيبه التقيله بتاعتنا لاء يا ياسو انا مقولتش معظمهم فاهمين صح انا بقول ان فيه ناس و الدليل اننا بنتناقش هنا اهوه يبقى فى ناس فاهمة صح مش كلهم ولا معظمهم كنت مره فى تاكسى والراجل مشغل شريط كاسيت داعيه من اللى يحسسوكى انك هتتحدفى فى جهنم كان بيتكلم عن الاساءه للرسول وكأنه بيتكلم عن الحرب المشكله ان الطريق نص ساعه والاخ شغال شتيمه فى الغرب وانا قاعده مستنيه انه يدى حل مفيد بدل الزعيق ده ولكن لا حياه لمن تنادى **** ياسو لازم يتكلم عن اساءة الرسول كانها حرب عشان هى فعلا حرب ده رسولنا يا ياسمين بس الغلط ان مفيش حل بيتحط و ان احنا السبب ضعفا و اى حد يقدر يشتم و يهزئ فينا بقينا عرضة لاى اهانة هو ده اللى لازم اللى نتكلم فيه سبب المشكلة و الحلول اللى توصلنا لحل المشكلة *** من ناحيه طولتى فانتى طولتى بس افدتينى فى نقطتين منوره يا شيرين وعادى انا بحب الردود اللى فيها كلام ********** ده نورك يا ياسو طب كويس والله انى قدرت افيدك بحاجة و مدام بتحبى التطويل احنا فى الخدمة
__________________
يظن حين أتحدث عن ذكرياته اننى لازلت احبه .. و يظن حين اكتب عنه بعين الرضا اننى لازلت اتمنى عودته .. ولا يدرك اننى منذ أن فارقته " عددته ميتاً ".. فحديثى عنه لا يعد الا امتثالا بحديث المصطفى " اذكروا محاسن موتاكم "
|
|
#15
02-07-2009, 02:06 PM
|
||||
|
||||
|
موضوع فوق الرائع
فكرته جديدة على فكرة هى اتعرضت بشكل او بأخر قبل كده بس مش تناولت الاصولية بحد ذاتها انا هتكلم من وجهة نظرى هى الاصولية مش وحشة وانى اكون ماشى على نهج الرسول قول وفعل ده شىء جميل لو طبق والحرام بيين والحلال بيين بس انا هتكلم فى نقطة معينة وهى العنف اللى بيتهم بيه الشخص الاصولى حد عمره سال نفسه ليه شاب عنده 25 سنة او 30 سنة دكتور او مهندس او مدرس او اى كان وظيفته بيلف حولين وسطه حزام ناسف ويدخل يفجر نفسه فى مجموعة من الناس مش هتكلم اذا كانوا ابرياء او ولاد كلاب عايزين الحرق انا عايز اتكلم فى نقطة وحده ايه اللى وصله لده ايه اللى خله حياته بالنسبة ليه رخيصة اوى كده ليه وهو مقبل على الموت بيكون مبتسم وبيضحك الناس دى ليه بقيت اصولية من الاساس عارفه ليه لان شافه ان الشىء الحديث والعلمانية المنتشرة ضعفت الامة استعمار فى الاول وبعدين احتلال فلسطين وبعدين سيناء والجولان والضفة ولبنان والبوسنه والشيشان وكشمير وغيرها وغيرها الناس دى حاولت تلاقى سبب للضعف والانحلال اللى ظهر فى قوة الامة جميعها توصله ان السبب الرئيسى البعد عن الدين لما واحد بيروح يموت نفسه ويفجر نفسه بيعمل كده علشان بيحمل المجتمع اللى هو رايح يفجر نفسه فيه مسئولية اللى بيحصله فى العالم الاسلامى لان لولا الدعم الشعبى للحكومات اللى بتغزوا الشعوب العربية والاسلامية ومتنسيش ان الجنود اللى بيغزوه الاوطان العربية والاسلامية دى فى الاساس مواطنين الدول اللى بيحصل فيها التفجيرات دى والعمليات الفدائية الطبيعى ان الناس اللى بيقال عليهم الاسلاميين المتشددين او الاصوليين يعمله كده الفكر الاصولى فى حد ذاته قائم على اتباع كتاب الله فى المقام الاول والسنة ولا شىء غير ذلك بجانب بض الاجتهادات من القادة الاصوليين اللى عايز اقوله باختصار ان الفكر الاصولى او المتشدد مكنش هيظهر لولا الضعف اللى ظهرت فيه الامة فى الفترات الاخيرة من انهيارت واحتلال وبطش بكل ما هو عربى واسلامى يارب تكون الفكرة وصلت ومتابع
__________________
وداعا
آخر تعديل بواسطة _GUIDE_ ، 02-07-2009 الساعة 05:15 PM |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 03:16 AM.
