عمل اعتصام للتثبيت

[نسمات هادئة]

ارجو تثبيت الموضوع لاهميته
برجاء من الاخوة الزملاء والزميلات الاتفاق علي يوم لعمل اعتصام عن العمل وعمل مظاهرات احتجاج سلمية امام مبني الادارات التعلمية المختلفة وذلك ان ثبت بالدليل ان التربوي ودورة ال icdl وامتحان الكادر كان لعمل عقود جديدة وليس للتثبيت
لماذا نحن الفئة الوحيدة التي تعمل بالعقود ؟ هل هناك مهندس او طبيب بالعقد مثلنا ؟

[bissada]

ياعم تثبيت اقرا قانون الكادر 155

[mr_mostafa84]

المشاركة الأصلية كتبت بواسطة bissada

ياعم تثبيت اقرا قانون الكادر 155

معلش اقرالى حضرتك القانون و طلعلى منه كلمة تثبيت
مش تعيين عايز كلمه تثبيت فيه او حتى وظيف دائمة

[طاهر الشاعر]

المشاركة الأصلية كتبت بواسطة mr_mostafa84

معلش اقرالى حضرتك القانون و طلعلى منه كلمة تثبيت
مش تعيين عايز كلمه تثبيت فيه او حتى وظيف دائمة

اطلع علي الجدول التالي في المرفقات من قانون 155 وانت تعرف اننا هناخد الدرجة الثالثة, اما اذا مرضوش يدوهانا يبقي الاعتصامات ورفع قضايا

[قاهر الاسود]

المشاركة الأصلية كتبت بواسطة طاهر الشاعر

اطلع علي الجدول التالي في المرفقات من قانون 155 وانت تعرف اننا هناخد الدرجة الثالثة, اما اذا مرضوش يدوهانا يبقي الاعتصامات ورفع قضايا

مش ده الجدول
جمهورية مصر العربية
مجلس الشعب

جدول معادلة وظائف التعليم

الوظيفة التعليمية

الدرجة المالية المعادلة

المدد البينية

بدل الاعتماد%

كبير معلمين

العالية

-

150%

معلم خبير

مدير عام

5 سنوات

125%

معلم اول أ

الاولي

5 سنوات

100%

معلم اول

الثانية

5 سنوات

75%

معلم

الثالثة ( اقدمية سنتين )

5 سنوات

50%

معلم مساعد

الثالثة

3 سنوات

-

لاحظ ان المعلم المساعد(((المتعاقد ))) على الدرجة الثالثة!!!!!!!!على الرغم من انه عقد
يعنى ممكن يقولك انت على الدرجة الثالثة وبرضه عقد هههههههههههه

[قاهر الاسود]

المشاركة الأصلية كتبت بواسطة bissada

ياعم تثبيت اقرا قانون الكادر 155

يا عمنا عقد اللى امتحنته كان كادر المرحلة الثانية وأقرأ الوصل بتاع الاكادمية يعنى زيادة فى المرتب وتغيير مسمى وظيفى من معلم مساعد الى معلم عقد عقد عقد

[mr_mostafa84]

أمام الادارات ؟؟
الادارات جهات ليست ذات قرار ولا سلطه
اعتصام سلمى امام مبنى الوزاره هو الحل
مش طالبين كل المتعاقدين
بس تخيلى لو 20 او 30 الف متعاقد كانو ايجابين و جينا يوم واحد ايه ممكن يحصل !!
احنا مش طالبين الا حقوقنا

[Observer]

والله مش بقول كدة عشان احبطك
بس المتعاقدين خوافين وبيعشقوا الشكوى بدون ما يتحركوا
وانا أول واحد عشان محدش يزعل

للأسف نجحوا فى قتل الشباب والطموح فينا

[قاهر الاسود]

انا معاكى
وربنا معانا كلنا فى الاول والاخر
نحن المعلمون المتعاقدون يوجدمنا من يعمل بالعقد لأكثر من6 سنوات .
إن فكرة التعاقد هى لمن يعمل فى عمل موسمى أو عمل غير منتظم فيتم التعاقد معه لفترة لا تتعدى العام .
ولكن التعليم من الوظائف الدائمة فلماذا يتم التعاقد ,ولماذا لايكون تعيين رسمى فنحن نعمل أكثر من الأساسيين ولكن ليس لنا حقوق كل ما علينا هو واجبات فقط ,ف‘ن لم يكن لنا درجة وظيفية فلماذا قاموا بالتعاقد معنا.
إن كل منا له مكانه الذى يعمل به ولا يوجد أحد منا زيادة على رأس عمله.
ولماذا لا يكون تعيين وكلاء النيابة بالتعاقد
ولماذا لا يكون تعيين ضباط الشرطة بالتعاقد
ولماذا لايكون تعيين ضباط الجيش بالتعاقد
ولماذا لايكون تعيين الدبلوماسيين وموظفى الخارجية والسفارات بالتعاقد
وتحقيقا لمبدأ المساواة الذى تحدث عنه مدير الأكاديميةلماذا لا يعمل كل هؤلاء بالعقود مثلناولماذا لا يتقاضون نفس الراتب الذى نتقاضاه.
ولماذا لم يتم أختبارهم فى أكاديمية مخصصة لهم وأمتحانهم فى التربوى علشان بيتعاملوا مع الناس واللغة الأنجليزية واللغة العربية والتخصص والأخر وكيل النيابة أو الضابط مايخدش العقد بتاعه إلا لما ياخد الicdl
هم جم علينا علشان أحنا الفئة المغلوبة على أمرها فى البلدى.
ودائما

[قاهر الاسود]

يا جماعة مفيش تثبيت اللى معاه دليل واحد انه فى تثبيت يقدمه
اللى بقولو عقد تعيين عقد خمس سنين تلاعب بالالفاظ مفيش اى دليل على كلمة تثبيت
الامتحان اللى امتحناه امتحان المرحلة الثانية من الكادر اقرأ الوصل وانت تعرف
زى ما خدنا المرحلة الاولى واحنا عقد اللى هينجح هياخد المرحلة الثانية وهو عقد برضوووو
ايه هتقبلو انكوا تكونوا عقووووووووود بعد ده كله

[قاهر الاسود]

افتكرو الازهر لما مكانوش مش هيطبقو الكادر و اضربو يوم عن التصحيح خدو الكادر و خدو كمان ايام مكافأة
و الخبراء فى وزارة العدل و غيرهم و غيرهم عرفو ياخدو حقوقهم

اللهم بلغت اللهم فاشهد

[قاهر الاسود]

يا جماعه لازم الكلام ده يوصل للمسئولين و يعرفو اننا لن نقبل و هيكون لينا وقفه لو تم التعاقد معنا مره اخرى
عايزين نسيب مرحله الاعتراض بينا و بين نفسناو ناخد موقف و لو مره فى حياتنا!!
ليه ميكونش سبب تأخير النتيحه هو جس نبضنا فى حكاية عقد معلم
و طبعا احنا ماابديناش الى الان رد فعل يذكر !! كله كلام بينا و بين بعض ( داخل الاروقة )

معلش احنا من دلوقتى لازم نكون لينا وقفه و نفكر فى المهم مش يبقى كل همنا النتيجة هتظهر امتى !!
و الاخوة المتفائلين زيادة اللى عمالين يقولو تعيين و مش فاهمين يعنى ايه تعيين للمرة المليون التعيين بيكون بالتعاقد او التثبيت و عقد المعلم المساعد مكتوب فه عقد تعيين
كلمة تعيين مش هى الكلمة اللى تفرح اوى لآنها مش تثبيت ولا حاجه

ياما نتحرك من دلوقتى و يكون لينا صوت ياما هنفضل طول عمرنا متعاقدين لغاية سن المعاش ده لو وصلنا لسن المعاش و احنا فى الوظيفه
و لو متحركناش دلوقتى و اعترضنا و الله مش هنعرف نعترض بعد كده ولا هنعرف نغير الوضع !

[وليد سرحان]

لو كان تعاقد مش حنشتغل ونسيبها ونسافر

[قاهر الاسود]

المشاركة الأصلية كتبت بواسطة أبو القسام1

لو كان تعاقد مش حنشتغل ونسيبها ونسافر

يا اخى انت مسمى نفسك ابو القسام(القسام رمز المجاهدين فى فلسطين )
نسيبها ونسافر اذا كنا مش عارفين ناخد حقنا فى بلدنا هنعرف ناخده بره بلدنا ده موتنا احسن لو كده

[shaimaa zaki]

فعلا لو مش تثبيت لازم كلنا نشارك في الاعتصام
وانا معاكم
ومش هاخاف
لا يضيع حق وراءه مطالب
لكن انتوا بقالكم 6 سنين بالعقد اتحركتوا مرة واحدة واعتصمتوا طبعا لأ علشان كده مش هتشوفوا تثبيت طول مانتوا سلبين
روحوا استخبوا احسن