تقييم اداء المعلم المساعد

[AlaaElden]

عندنا فى مدرستنا المدير طلب من المعلمين المساعدين ومنهم انا انى اختار مدرس اساسى لمادة ثقافية ان يكون المرشد بتاعى زى المشرف كدة وانا ادخل معاة الحصص وطلبوا منى ان ادخل معه الحصص واختاروا لية فصل كمان وقولولى هتدخل معاه عشان تعرف بيشرح ازاى وتحضر ازاى وتصحح معاه كراسة التلاميذ بالرغم انى مدرس تربية فنية والمرشد دة مدرس رياضيات و سالت المدير مش التقييم دة عشان تتبعت للاكاديمية ويتم تسكينى على درجة معلم قلى اة قلتله طيب احنا قدمنا تقييم دة للاكاديمة قلى هو انت اتسكنت على درجة معلم ولا لا .قلته لا .رد عليا وقلى لما تسكن هنشيلك من التقييم دة وطلب منى ادخل من الحصة الاولى للرابعة وانا حصتى الاساسى اللى هو الرسم الحصص الاخيرة يعنى انا كدة هشتغل من الحصة الاولى للسابعة وطبعا انا كدة اهمل مادة تخصصى اللى فيها مسابقات واعمال عشان المعرض


فى حد عنده الحكاية دية ولا دية فى مدرستنا وبس؟

[elsaher555]

استحمل شوية

[newir_1f]

كل مدير وله نظام

المدير عندى ما لقاش حاجة يعلق عليها كلمنى على لبس الكرافتة

[AlaaElden]

لا ياجماعة المدير مش هو اللى قال او بيعمل دة من دماغة دة بيقول ان مدير العام الادارة هو اللى قال كدة فى الاجتماع المديرين

[nourhan200005]

انا عندنا مديرتى قلت للمعلمين المساعدين اللى لسة مامتحنوش اما انا قلت لى انتى عدتى طالما قدمتى ونجحتى لان التقيم دى للى هيقدموا لسة فى الاكاديمية ويمتحنوا وورت لى الورق كمان اللى جبتة وكتبتة فى التدريب اللى كانت فية بخصوص الموضوع دى وهو يتضمن ماقدمناه للاكاديمية من اصل عقد ومؤهل وصورة بطاقة وفيش وافادة icdl
حضرتك ياستاذ علاء فهم مديرك كدة وعرفة انك قدمت كل دى وقدمت فى امتحان الاكاديمية ونجحت كمان وورية بيان النجاح المطبوع من على النت

[AlaaElden]

المشاركة الأصلية كتبت بواسطة nourhan200005

انا عندنا مديرتى قلت للمعلمين المساعدين اللى لسة مامتحنوش اما انا قلت لى انتى عدتى طالما قدمتى ونجحتى لان التقيم دى للى هيقدموا لسة فى الاكاديمية ويمتحنوا وورت لى الورق كمان اللى جبتة وكتبتة فى التدريب اللى كانت فية بخصوص الموضوع دى وهو يتضمن ماقدمناه للاكاديمية من اصل عقد ومؤهل وصورة بطاقة وفيش وافادة icdl
حضرتك ياستاذ علاء فهم مديرك كدة وعرفة انك قدمت كل دى وقدمت فى امتحان الاكاديمية ونجحت كمان وورية بيان النجاح المطبوع من على النت

والله انا فهمته كدة وقلتله اانا نجحت خلاص وبقيت معلم وكمان التقييم دة انا قدمته للاكاديمية فرد عليا وقلى انت اتسكنت على درجة معلم قلتله لسة قلى لما تسكن على درجة معلم

[MO2A MATH]

محصلش عندى
ايه الاشاعات دى

[اسامة الفقى]

أنا موجه وادربت على تقييم المعلم المساعد الذى لم يدخل الامتحان فقط 0 مديرك غلطان 0

[AlaaElden]

طيب اتصرف معاة ازاى
مش ادخل الفصل مع المدرس وخلاص؟

[nourhan200005]

انا اتصلت بالاكاديمية اليوم كمان وسالت على التقيم ده قالوا للى لسه هيمتحن ويقدم فى الاكاديمية مش ليكوا انتوا كدة معدش مطلوب منكم حاجة

[أ/محمد على عاشور]

كلمنى على لبس الكرافتة

[وفاء احمد]

مالها الكرافتة عايزاك تلبسها ولا انت فعلا بتلبسها ايه المشكلة

[a7madxxx]

المشكلة يا جماعة ان الناس مش عارفة حقوقها وواجباتها
بص يا أستاذ مديرك غلطفى غلط ده للمعلم اللى لم يجتز امتحان الترخيص من الأكاديمية لكنه عايز يريح الأستاذ اللى بيدخلك معاه ولا الصح أنه يدخلك مع مدرس متخصص أما بالنسبة للمرشد ففيه اجتماعات ويقوم بترشيح معلم تتدخل معاه
على فكرة ممكن المرشد يكون من مدرسة أخرى وده فى حالة ما يكون فى عدم معلم مرشد فى المدرسة بمعنى أنه لايوجد معلم حصل على دورة إرشاد للمعلم المساعد

[فوفا20]

]مديرك حافظ مش فاهم

[mr_mostafa84]

ده شغل ملف التاهيل و الارشاد و بناء عليه فى النهايه بيقدم تقييم من المدير و الموجه ضمن الاوراق اللى هيقدمها للاكاديمية و احنا قدمنا التقرير ده لو تفتكر اول ما روحنا الاكاديمية نقدمه مع صور الاوراق و بكده يبقى احنا فلتنا من تحت ايد التاهيل و الارشاد و الكلام ده للمعلمين المساعدين اللى لسه مدخلوش اختبار
ربنا يعينك على مديرك و ادارتك