موضوع مهم خش((وائل عبد المنعم علي أحمد ))

[محمدطعيمة]

هذه هى مفردات مرتبى من 1/9/2009 حتى 30/6/2010

الاصول
153.60 الاساسى
54.36 15% حصه الحكومه
3.63 1% اصابه عمل
3.08 2% حصه مكافأه
2.31 1.5 % تأمين صحى
30 علاوة 2005 حد ادنى 30 جنيه
36 علاوة 2006 حد أدنى 36 جنيه
7.20 2007 15% ..............
14.40 2008 30%
4.8 2009 10%
4 علاوة اجتماعيه
38 25% حافز اثابه
74.40 50% بدل معلم
10 منحه عيد العمال
________
435.78 جمله المستحق

105 جمله المستقطع
330 الصافى

ممكن اعرف بقى مرتبى هيبقى كام فى يوليو 2010 انا متعاقد تربيه وتعليم
وكمان عايز اعرف اذا امتحنا الكادر ونجحت انا مخلص دورة الكمبيوتر ونجحت ومعايا افاده بيها من يوم 10/7/2010 هل سيتم تعينا ام الدرجات الماليه لن تكفى للعام القادم

[محمدطعيمة]

الأعضاء الأفاضل
هذا الموضوع هو موضوع الأستاذ ((وائل عبد المنعم علي أحمد))
ومن يريد أن يشارك بمعلومة ، أو يوجه إفادة تخص الموضوع فهي للأستاذ وائل

[بهجة الروح]

هو حضرتك تعاقد سنه كام علشان يكون ده مرتبك

[بدر البدور وائل]

انا متعاقد من 1/9/2009

[محمد ابوصلاح]

مفيش حاجة رسمية للمفردات

[sherif4766923]

انا زميلكم شريف من محافظه سوهاج معلم مساعد فصل بالتربيه والتعليم علاوه سنه 2008 قدرها 14.40 ج وعلاوه سنه 2009 قدرها 4.80ج وهاتان العلاوتان خطأ وسوف اذكر اين الخطأ بالتحديد
لقد كان قرار السيد رئيس الجمهوريه منح علاوه 30% لسنه 2008 لجميع العاملين بالدوله وكذلك قراره بعلاوه 10% لسنه 2009
والخطأ ان الاداره التعليميه لديكم قد حسبت العلاوات من مربوط الدرجه وهو 48 ج وليس من اساسى المرتب فتصبح العلاوات 14.4ج لسنه 2008 و4.8 ج لسنه 2009 وهذا خطا لان العلاوه تحسب من اساسى اخر مرتب قبضه المتعاقد قبل نزول قرار العلاوه وهذا طبقا للماده الثانيه من القانون 128 لسنه 2009 والقوانين السابقه بشأن منح العلاوه الخاصه للعاملين وكذلك الماده الثانيه من قرارات وزير الماليه التى تنص باحتساب العلاوه الخاصه المقرره من الاجر الاساسى والمكافأت الشامله المستحقه للعامل فانه يتم حساب العلاوات الخاصه لهم على اساسى المرتب فى اخر شهر قبل العلاوه
يعنى العلاوه تتحسب من الاساسى مش من مربوط الدرجه وبما ان اساسى مرتب المتعاقدين فى سنه 2008 وسنه 2009 كان 148ج فمن المفروض ان تكون علاوه سنه 2008 قدرها44.40ج وعلاوه سنه 2009 من المفترض ان تكون 14.8ج وعلاوه 2010 من المفترض ان تنزل لكم فى المفرادات هذا الشهر 15.3 لان اساسى العام الماضى 153ج لكن سوف تصدم عندما تجدها ايضا علاوه 2010 مكتوبه لديك ايضا 4.80ج
لذلك وجب عليك ان تقدم شكوى يكتب بها التفاصيل خصوصا الجزء اللى انا كاتبه بالاحمر عشان تاخذ فرق المرتب ومرتبكم يزيد 50 جنيه
واحب اقول ليكم اكيد ناس منكم هتسأل طيب ليه مفيش غلط فى علاوه 2006 و2007 هقولكم ان الريس فى السنتين دول اصدر قرار ان العلاوه10% بحد ادنى 30ج لسنه 2006 وحد ادنى 35 ج لسنه 2007 وبناء عليه مظهر الغلط لان العلاوه اقل من الحد الادنى فادوكم الحد الادنى طبقا لقرار السيد الرئيس لكن عشان 2008و2009و2010 مفيش حد ادنى للعلاوه ظهر الغلط واحب اقول لك لو مش مصدق أسأل فى مدريه التنظيم والاداره فى محافظتك عن القوانين والقرارات الى انا كاتبها بالاحمر وقلولهم اساسى مرتبكم كام وهمه هيقولوا ليكم نفس كلامى يريت تطالبوا بحقكم
وعلى فكره احنا عندنا فى سوهاج كانت نفس الغلطه فى التربيه والتعليم وان اشتكيت وعدلوا العلاوات واخدنا فرق المرتب وصححوا العلاوات بالمرتب

[sherif4766923]

استاذ محمد طعيمه يريت تبلغ الاستاذ وائل ردى اللى فات

[محمدطعيمة]

المشاركة الأصلية كتبت بواسطة sherif4766923

استاذ محمد طعيمه يريت تبلغ الاستاذ وائل ردى اللى فات

شكرا لك وأكيد هو متابع الموضوع بنفسه

[(هند)]

السلام عليكم
يعنى الغلطة دى فى كل الادارات

[ghoneem84]

احنا كنا بنقبض 348.5 قبل شهر 7
بعد شهر 7 العظيم جبنا مفردات المرتب الجديدة وهنقبض 364.5
يعنى زيادة 16 جنية مصرى فقط

[أيمن البدري]

المشاركة الأصلية كتبت بواسطة ghoneem84

احنا كنا بنقبض 348.5 قبل شهر 7
بعد شهر 7 العظيم جبنا مفردات المرتب الجديدة وهنقبض 364.5
يعنى زيادة 16 جنية مصرى فقط

هو حضرتك متعاقد من محافظة المنيا؟

[(هند)]

السلام عليكم
انا متعاقدة من 2005 ومرتبى378 ودا مضاف اليه الكادر 50%من شهر 11

[بهجة الروح]

ياستاذة هند هو كان فيه تعاقد من 2005
على فكرة تخصص انجليزى عندنا اخذ نفس المرتب تقريبا

[(هند)]

المشاركة الأصلية كتبت بواسطة بهجة الروح

ياستاذة هند هو كان فيه تعاقد من 2005
على فكرة تخصص انجليزى عندنا اخذ نفس المرتب تقريبا

ايوة وكل البحير ة كدا استلمنا اول 2006 بس العقد اتكتب فيه 2005 لان الاسامى نزلت فى 10/2005 وحصل ظروف اخرتنا واستلمنا فى 2006 واتكتب فى العقد 2005 دى بداية العقد لان السنة الدراسية كانت اول 2005 والترم التانى ال استلمنا فيه كان 2005

[امجد7007]

المشاركة الأصلية كتبت بواسطة (هند)

ايوة وكل البحير ة كدا استلمنا اول 2006 بس العقد اتكتب فيه 2005 لان الاسامى نزلت فى 10/2005 وحصل ظروف اخرتنا واستلمنا فى 2006 واتكتب فى العقد 2005 دى بداية العقد لان السنة الدراسية كانت اول 2005 والترم التانى ال استلمنا فيه كان 2005

استاذة هند عايز اقولك ان اى عقد واى شغل اشتغلتيه قبل يوليو 2008 كأنه لم يكن لانه لم يكن تحت مسمى معلم مساعد وانما العقد ابو 170 جنيه وده غير معترف به