|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
 |
|
|
أدوات الموضوع | انواع عرض الموضوع |
|
|
|
#1
09-09-2010, 02:01 PM
|
||||
|
||||
اتلم موكوس على متعوس
لقيت الفانوس مرة ودعكته طلعلى عفريت… شبيك لبيك
قلت أنا للذل باى وودعته وللعفريت هاهريك هاهريك قالى هأوأو يا إبن الإنسان دانا عفريت مارد بن جان ما يهمني مكان ولا زمان واطلب وأنا عندى ا لبرهان ***************** أناعاوز قمح زُرع فى مصر ومرتب يكفى لآخر الشهر وحكومة متعصرنيش عصر ومسؤولين يبطلوا فشر وعاوز عيش من غير طوابير وإنفاق حكومى بدون تبذير وانتخابات من غير تزوير ورئيس سابق أشوفه كتير ***************** عاوز فى بيتى شيكارة دقيق وتبرير مقنع لأى حريق ومجلس شعب بدون تصفيق وفى كأس العالم لينا فريق وأكلة كباب مشوى على السيخ مع عيالى فى شرم الشيخ وأشرب فى القسم عصير بطيخ وأخرج سليم بدون تلطيخ ونفسى الضحكة ترجع تانى ورصيف للمشى أنا وخلاّنى وجنيه مصرى زى البرانى يشترى حتة لحمة ضانى ***************** رد العفريت عليا بغشم وقال يا مصرى ماكنش العشم بص.. أنا ممكن أشيل الهرم واسدلك الأوزون اللى اتخرم وأرجعلك الأكل اللى اتهضم وتمأمأ البقرة كأنها غنم أبنيلك قصر من العدم وأقولك معنى شرم برم بس طلباتك طلبات ملموس عقله خلاص أكله السوس ده تخطيط يا بنى ومدروس إنك تعيش على طول موكوس وأحنا بناخد منكو دروس إزاى يبقى الجن متعوس ويا ريت ترجعنى تانى الفانوس وأنا راضى أعيش محبوس بدل ما أخرج واتبهدل زيك ويتلم موكوس على متعوس
__________________
لاننااااااا نتقن فن الصمت ..حملونا وزر النوايااااااااااااا
|
|
#2
09-09-2010, 02:09 PM
|
||||
|
||||
|
مشكور وينقل لقسم ابداعات الأعضاء
__________________
|
|
#4
29-10-2010, 03:42 PM
|
|||
|
|||
|
الله عليك
الكلام بتاعك مضبوط مبدع مبدع مبدع ومنتظرين المزيد
|
|
#5
29-10-2010, 03:50 PM
|
|||
|
|||
|
هههههههههههههههههههههههههههه
حلو اوى الشعر دا شكرا
__________________
((((((((clean your heart )))))))) 
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 12:36 AM.
