اخر كلام للوزارة

[سلمى5]

ذهبت اليوم الى قسم التعينات للوزارةسالت سؤالنا المعروف كان الرد مفيش حاجة بالنسبة ليكو خالص دلوقتى فى كل المحافظات وبعدين أسئلى فى المديرية بتاعتكوا عند مدير المديرية سكت طبعا ثم ذهبت الى مكتب شئون العاملين سألت تاااااااانى
على أمل الرد يتغير للاحسن كان ردهم لالالا مفيش بعد العيد ابقى أسئلى وانا قال كنت بحسب اخر الاسبوع هتعين وهرتاح انا كدة تهت تانى بعد ما كنت ارتحت شوية

[عاشقه الجنه 29]

هو دة المنتظر

[عاشقه الجنه 29]

يجماعة لازم نتحرك ويكون لنا اى دور ايجابى لو مرة واحدة فى حياتنا اقل مافيها اضراب عن العمل جوه المدارس ويبقوا يجيبوا اللى يفض الاضراب علشان نقولة مطلبنا ان الاضراب ماينفضش الا بقرار التعين ينزل اقلها المدريات هو ده الحل لو كنتوا لسه فيكم حد عندة شويه كرامه وعايز يثبت لنفسة انه له حق ولازم يطالب بية كدة بانت النية اية؟؟؟؟؟؟؟؟؟؟؟؟؟؟؟؟؟

[mmagdy_81]

والله ده الطبيعى لينا واحنا نستاهل اكتر من كده بس رغم ده كله الواحد عنده امل فى ربنا مش فى العبد لان العبد ميسواش حاجه وربنا مايكسر بخاطرنا ابدا وينصرنا على الظلم .

[m.medhat ramadan]

والله ياجماعه المفروض لو جاء يوم 20/11 علينا ولم يتم تعييننا ده يكون عار علينا ان لم نتحرك ونثور بكل ماتحمل الكلمة من معني

[عاشقه الجنه 29]

المفروض قبل العيد نتحرك لان بعد العيد ظيطة وانتخبات ومحدش هيعبرنا ولايبص فى وشنا

[سلمى5]

اقل حاجة اتصلوا كل واحد فى المنتدى يتصل كل يوم نعملهم قلق وخلاص يعرفوا ان فى حد بيسأل على الموضوع دة
احتمال دة
يجيب نتيجة

[رائحه الورد]

حسبنا الله ونعم الوكيل

[عاشقه الجنه 29]

الاتصال لوحدة مش كفاية ياسلمى لازم خطوة ايجابية يعرفوا ان احنا مش هنستسلم لزلهم فينا

[سلمى5]

أستاذ محمد طعيمة يا جماعة ما بيعلقش لية نفسى أعرف ردة فى الموضوع دة

[بحر العرب]

المشاركة الأصلية كتبت بواسطة سلمى5

أستاذ محمد طعيمة يا جماعة ما بيعلقش لية نفسى أعرف ردة فى الموضوع دة

عارفة مبيعلقش ليه لأنه أول واحد هو والمشرفين مش عاجبهم الكلام ده
ولما كنا بنقول كل الأخبار دى أشاعات وكلام فاضي بيزعلوا وبيحذفوا موضوعاتنا
ولو تلاحظوا أنهم مثبتين موضوع ملوش لازمه خالص بتاع محمد عاشور
....................قلنا كتير بلاش تحلموا هتفوقوا على كابوس
البعض زعل وقال دول متشائمين لكن أحنا واقعيين وبنقرأ الواقع صح ولا نحب الأحلام الوردية اللى بترسموها لنفسيكم
خلاص كل شيء واضح مفيش جديد غير أشاعات
أشربوا من الكاس اللى قلت لكم هتشربوا وهتصحوا على كابوس

[داليا مصطفى ابراهيم]

[quote=
....................قلنا كتير بلاش تحلموا هتفوقوا على كابوس
البعض زعل وقال دول متشائمين لكن أحنا واقعيين وبنقرأ الواقع صح ولا نحب الأحلام الوردية اللى بترسموها لنفسيكم
خلاص كل شيء واضح مفيش جديد غير أشاعات
أشربوا من الكاس اللى قلت لكم هتشربوا وهتصحوا على كابوس[/quote]

والله معاك حق وانا اول واحده كنت بعيش فى الاحلام الورديه اللى انت بتقول عليها

لكن دلوقتى مبقتش اصدق اى حاجه

[أبوووووعبدالرحمن]

إخوتي الفضلاء للأسف لا يمكن الحصول على الحق في هذا البلد بسهولة لابد من وقفة فكل هؤلاء الذين يتولون ذمام الأمور في هذا البلد يتعمدون إذلالنا للحيلولة بيننا وبين الوصول إلى حقنا ناسين أنها لو دامت لغيرهم ما وصلت إليهم , متفننين في إصدار القرارات التي تتعب الشباب......... إنها لمهذلة أن المتفوقين وأوائل الدفع في هذا البلد لا يستطيعون الحصول على مكانة تليق بهم , بل نجحت الحكومة في جعل أقصى أمانيهم وظيفة يتقاضون فيها 300 جنيه ولو كانوا في بلد أخرى لرفعوهم على الرؤوس
إخوتي ما ضاع حق وراءه مطالب.......................لابد من وقفة سريعة بدلآ من دفن رؤوسنا في الرمال

[بحر العرب]

المشاركة الأصلية كتبت بواسطة أبوووووعبدالرحمن

إخوتي الفضلاء للأسف لا يمكن الحصول على الحق في هذا البلد بسهولة لابد من وقفة فكل هؤلاء الذين يتولون ذمام الأمور في هذا البلد يتعمدون إذلالنا للحيلولة بيننا وبين الوصول إلى حقنا ناسين أنها لو دامت لغيرهم ما وصلت إليهم , متفننين في إصدار القرارات التي تتعب الشباب......... إنها لمهذلة أن المتفوقين وأوائل الدفع في هذا البلد لا يستطيعون الحصول على مكانة تليق بهم , بل نجحت الحكومة في جعل أقصى أمانيهم وظيفة يتقاضون فيها 300 جنيه ولو كانوا في بلد أخرى لرفعوهم على الرؤوس
إخوتي ما ضاع حق وراءه مطالب.......................لابد من وقفة سريعة بدلآ من دفن رؤوسنا في الرمال

لا حياة لمن تنادى
أموات غير أحياء

[mena gerges123456]

ياجماعه ومن الاخر جاري تظبيط الاسماء في قاعدة بيانات الوزارة

وسوف يعلن عن الاسماء المتثبيت بمجرد الانتهاء من تظبيط قاعدة البيانات ووضع الاسماء المعينين

في خلال الايام القادمة