تعيين 20 ألف مدرس بالحصة بالقليوبية وتدبير أجورهم من الموارد الذاتية

[ياسر الحصاوى]

فتح المستشار عدلي حسين محافظ القليوبية باب الأمل. لسائر المدرسين العاملين بنظام الأجر علي مستوي المحافظة. حيث وافق علي الاستعانة بهم هذا العام لسد عجز بالمدارس.
يستفيد من القرار أكثر من 20 ألف شاب كانوا يعملون بنظام الحصة من العام الدراسي السابق.
استقبل الشباب القرار بفرحة كبيرة. وأكدوا أن العمل حتي ولو كان بنظام الحصة يفتح لهم باب الرزق بدلاً من الجلوس في المنازل.
قال المستشار عدلي حسين إنه من غير المقبول إطلاقاً أن أترك كل هؤلاء الشباب بعد أن تم الاستعانة بهم لمدة عام.
أوضح المحافظ أنه سيبحث عن تمويل ذاتي من صناديق المحافظة بالتنسيق مع مديرية التعليم لتدبير مرتبات هؤلاء الشباب قائلاً إن الشاب يتقاضي ما بين مائة إلي مائة وعشرين جنيها. وصعب جداً أن نقول له ببساطة متشكرين بعد هذه المدة.
كانت المشكلة قد فرضت نفسها منذ بداية العام الدراسي وأثارت القلق في نفوس شباب الخريجين العاملين بالحصة إلي أن حسمها المحافظ بقراره الجرئ.. مؤكداً أن المدارس طالما في حاجة لهم. فلابد من الاستعانة بهم.
أكد المحافظ خلال اجتماعه بمسئولي التعليم أننا نميل دائماً إلي التيسير علي الناس خاصة فيما يتعلق بشئون التعليم.. بعيداً عن الروتين والبيروقراطية. لأنه لم يعد لهما مكان عندنا.

[أستاذ محمد سنجر]

الف شكر للسيد المحافظ
ولكن المرتب ده يعمل إيه لواحد فاتح بيت ومجوز وعنده أولاد ؟؟؟؟؟؟؟؟؟؟؟؟؟

[ناجى اسماعيل عبد النبى]

شكرا على القرار لكن احنا عايزين عئود مميزة زي زمايلنا

[yoyo_595]

ياخى كويس انه اتجوز وفتح بيت عايز ايه تانى بس شوفوا اللى مش لاقى شغل خالص ومش قادر يتجوز ويفتح بيت الحمد لله انه اتجوز وفتح بيت من الحصة دا المتعاقدين مش قادرين يتجوزوا ياريت يشغلوا المتعاقدين بنظام الحصة الاول عشان يقدروا يتجوزوا وبعدين يتعاقدوا معاهم ويثبتوهم يارب على عيد الام عشان يغيروا العربيات اللى عندهم زى المثبتين ما بيغيروها كل شهر....مجرد مزاح وعلى فكرة يمكن تكون قعدته فى البيت افضل يأما يتعاقدوا معاهم ياما يثبتوهم علطول أو يسيبوهم يشوفوا مصلحتهم فى اى شغلانه محترمة ولو بواب مثلا ع الاقل البواب دخلة احسن من مدير مدرسة على الدرجة الاولى او حتى يمكن ربنا يكرمه من وسع ويشتغل صنايعى كسيب يومه بمرتب مدرس طول الشهر ولو انه هيفقد وضعه ومركزه الادبى والاجتماعى اللى المفروض يكون هو هدفنا الاساسى رفع المركز ده لانه بيرفع من قيمة العلم والتعليم والتربية ومكارم الاخلاق وآسف على المزاح

[ناجى اسماعيل عبد النبى]

المشاركة الأصلية كتبت بواسطة yoyo_595

ياخى كويس انه اتجوز وفتح بيت عايز ايه تانى بس شوفوا اللى مش لاقى شغل خالص ومش قادر يتجوز ويفتح بيت الحمد لله انه اتجوز وفتح بيت من الحصة دا المتعاقدين مش قادرين يتجوزوا ياريت يشغلوا المتعاقدين بنظام الحصة الاول عشان يقدروا يتجوزوا وبعدين يتعاقدوا معاهم ويثبتوهم يارب على عيد الام عشان يغيروا العربيات اللى عندهم زى المثبتين ما بيغيروها كل شهر....مجرد مزاح وعلى فكرة يمكن تكون قعدته فى البيت افضل يأما يتعاقدوا معاهم ياما يثبتوهم علطول أو يسيبوهم يشوفوا مصلحتهم فى اى شغلانه محترمة ولو بواب مثلا ع الاقل البواب دخلة احسن من مدير مدرسة على الدرجة الاولى او حتى يمكن ربنا يكرمه من وسع ويشتغل صنايعى كسيب يومه بمرتب مدرس طول الشهر ولو انه هيفقد وضعه ومركزه الادبى والاجتماعى اللى المفروض يكون هو هدفنا الاساسى رفع المركز ده لانه بيرفع من قيمة العلم والتعليم والتربية ومكارم الاخلاق وآسف على المزاح

ياريت نكون يد واحدة ومحدش ياخد الموضوع بتهريج لان دة هاينزل من شاننا

[yoyo_595]

على فكرة ده مش تهريج ده نقد واضح واحنا يد واحدة وبنتمنى الخير للجميع بس رجاء التركيز وفهم الاخر قبل التجريح فيه

[yoyo_595]

هو ان كان كلامى على سبيل المزاح فهو رد طبيعى على المزاح والتهريج اللى احنا عايشين فيه وبعدين اقرأ الخبر كويس وحاول تفهم معناه الاول هتلاقى ملهوش معنى اصلا ولا فيه جديد ومينفعشى اصلا يستغنوا عن عشرين الف معلم بالحصة هيسدوا العجز ازاى ولا هو عند وخلاص وبعدين انا بتكلم عن شاب عايز يتجوز ويفتح بيت فى الظروف دى معتقدشى ان حد ممكن يهرج فى حياة انسان ومتعلم والمفروض انه قدوة للاجيال مش انا اللى بهرج

[محمد مسعد شرابى]

والله الراجل دا محترم