|
||||||
| الأدب العربي قسم يختص بنشر ما يكتبه كبار الشعراء والأدباء قديمًا وحديثًا |
 |
|
|
أدوات الموضوع | انواع عرض الموضوع |
|
|
|
#1
17-04-2011, 09:37 PM
|
||||
|
||||
سيادة الرئيس ... ارجعلنا
سيادة الرئيس ... ارجعلنا
مش انت واحد مننا ؟؟ـ و عمرك في يوم ما سرقتنا .................. ولا خدت مليم مننا ما تيجي طب ترجعلنا تقعد بأهلك وسطنا أهو مرة تاكل أكلنا وتلبس يا خويا من لبسنا وتعيش في حارة او في شارع زينا قلت ايه ؟؟ يا حارق دمنا *** سيادة الرئيس ... ارجعلنا وغداك يا سيدي عندي أنا رز و بطاطس مسرطنة لحمة ؟؟... مفيش من سنة فاكهة ؟؟... تعيش انت و أنا و الشاي .. بآخر معلقة م السكر اللي كان عندنا اشرب و فوق وركز بقه .. علشان نكمل حكينا *** سيادة الرئيس ... ارجعلنا مش سبت الحكم .. لأجلنا ؟؟ـ ما تيجي تسمع حكمنا !!ـ أفكرك ؟؟ ولا انت فاكر زينا قطر اتحرق من كام سنة وغازنا اللي طار من أرضنا ... لعدونا وعبارة مللي بيغرقوا ..!! غرقت في عرض البحر و راحوا أهلنا ... و الجاني فلسع مننا ومركبة بأحلى شباب ... ييجوا من ايطاليا غرقانين .. والقرش ياكل لحمنا والله كانوا زينا ويمكن أحسن مننا ليهم بيوت و ولاد و عيشة و حلم .. زي حلمنا اتغربوا و اتبهدلوا .. لما الفساد طال كل حاجة في أرضنا واللي ما ماتش .. قاعد في غربته .. والغريب بيذلنا اقول كمان ؟؟ ولا كفاية ... و اهو انت عارف عننا . أصبر هتسمع حكمنا *** سيادة الرئيس ... ارجعلنا ولو انت واحد مننا فعلا يهمك أمرنا بينا عالنائب العام .. تفتنله على ولاد الحرام ... مصوا بلدنا و دمنا و افتن دي فتنة مهيش حرام .. ده حقنا دا لو انت واحد مننا . أصبر هتسمع حكمنا *** سيادة الرئيس ... ارجعلنا اقعد معانا و زينا هعرفك .....ـ دي (أم خالد) أمنا ودول أهل (سالي) أهلنا و(عمر بن بنونة ) إبننا فسر و احكي و قللهم .. و قللنا واستسمح الروح اللي منورة في الجنة عند ربنا هتقول مكنش قصدنا ؟؟ـ دول ماتوا غصب عننا ؟؟ـ كداب و فاجر .. و اللي يصدقك زيك .. والكدب ريحته منتنة تتشل إيد اللي ضرب ،، و اللي أمر ،، و عليكوا لعنة ربنا . أصبر هتسمع حكما *** أيوه بقول ارجع لنا ياللي سرقت حلمنا وغربتنا و نهبتنا ... و في كل حتة أهنتنا إحنا اللي سال دمنا في الأربعين و اسكندرية و التحرير يشهدلنا آدي القفص ... أقف هنا والشعب يحكم .. مش أنا صدقني ... هي بينة من فوق سبع سماوات .. قالها ربنا العين بالعين والسن بالسن ... و هو دا بقه حكمنا ... و مفيش غيره عندنا .
__________________
 CHANGE THE GAME RULES !
|
|
#2
17-04-2011, 10:14 PM
|
|||
|
|||
|
ممتازززززززززززززززززززززززززززززززززززززززززززززز زززززززززز
يا ريت كمان شعر من ده يريح دمنا ويشيل الهم من قلبنا برافو عليك يا عمنا مش انت واحد مننا قول كمان وزيح الهم عننا
__________________
 أ/ عبدالحليم احمد عبدالحليم
معلم خبير المواد الفلسفية
|
|
#3
20-04-2011, 01:11 AM
|
|||
|
|||
|
جميلة جدا جدا
ومش محتاجة اى كلام طبعا بس ياريت ما يرجعش ويريح الدنيا كلها
|
|
#4
29-04-2011, 07:55 PM
|
||||
|
||||
|
ارجع يا ريس ورجع علاء
ارجع يا ريس وبطل غباء ارجع وحياة الدويقة وبولاق ارجع تعالى يا منقذ العراق ارجع يا ريس تعبنا من الفراق ارجع يا ريس ده الشعب ليك مشتاق ارجع ياريس يا سبب الوباء ارجع وارفع عنا البلاء ارجع يا ريس يا رمز العزة ارجع يا ريس يا محرر غزة ارجع يا ريس وهزلنا كام هزة ارجع وأعمى عيونا بكليب وكام موووزة ارجع يا ريس ده طعم الحياة بقى مفيهوش اى لذة ارجع ده الواحد نفسيته بقت حزة ارجع يا ريس ورجع جمال ارجع وهات حميرك وهات الجمال ارجع يا ابونا ولا غاوي تبعتر فلوسنا وتفسح سوزي ام العيال ارجع عشان اوقف عياط العيال ارجع يا خالى وعمى وامى ده انا من غيرك واتدحدر بيه الحال ده انا من بعدك بقيت عاطل مش شغال مترجع بقى وبطل استهبال ولا انت تعبت وجالك اسهال ارجع يا ريس ياللى فلوسك حلال أرجع يالي نهبت شعبك وزورت سيرتك وعملت فيها ابو الرجال أنتهت الحكاية ومعتش ليك بينا مكان اذا كنت فاكر انك هترجع دة يبقى خيال
__________________
CHANGE THE GAME RULES !
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 07:16 PM.
