امتحان الانجليزي وسقطة اخلاقية

[لؤي وائل الخطيب]

السلام عليكم ورحمة الله وبركاته
طبعاً ياجماعة استمراراً لمسلسل السقطات التي وقع فيها هذا الانسان الذي وضع اسوأ امتحان في تاريخ الثانوية العامة
انظروا إلى هذه القطعة التي تتحدث عن علاقة الحب وكأن كل المواضيع في الدنيا خلصت ومفيش موضوع واحد ينفع يتكلم فيه او ينقله من كتاب غير الحب والعلاقة بين الجنسين طيب ده ايه اهميته في ثانوية عامة نفسي افهم ؟!
انا مش ضد الحب ابداً لكن عايز اعرف وجهة نظره في الموضوع
بس الحقيقة مش ديه المشكلة
المشكلة الكبرى في الجملة اللي كتبها في اخر القطعة

that is why the great romances of literature are never between people who stay together.

ترجمتها

وهذا هو السبب الذي يجعل الرومانسيات الادبية العظيمة /الكبيرة ليست بين اثنين باقيين معاً .

ياراجل بلا جواز بلا وجع قلب كل ماتبعد وتقلد القصص ديه يبقى حبك اقوى لكن لو اتجوزت وبقيت جنب مراتك هتكره شكلها.
ايه رأيكم ؟؟
فين بقى القيم التربوية والمعايير والكلام اللي فالقين دماغنا بيه ؟
يمكن انا مفهمتهاش , فهموني !!

[Hamada Sabra]

أوافقك تماما

[لؤي وائل الخطيب]

المشاركة الأصلية كتبت بواسطة hamada sabra

أوافقك تماما

طيب الحمد لله يااستاذ وتشرفت بمرورك
والحمد لله ان حضرتك مدرس المادة وبالتالي اذا كنت انا فهمتها غلط اكيد حضرتك لأ

[islamfuture]

يارب ..............................
انا مش عارف اقول ايه والله حتى قيمنا كده ؟؟؟؟؟؟؟؟؟؟؟؟؟
ده غير الاختلافات الى فى الامتحان والجدل هو كل امتحان كده واحنا الى بنشرب فى الاخر احنا واهلينا

[لؤي وائل الخطيب]

مش عارف انا العبقري اللي حاطط الامتحان كان قاصده امتحان
ولا زي مااتضح في الاخر انه كان اعلان للـ United Mining

[عبدالعزيز قابيل]

يعني أيه united mining

[لؤي وائل الخطيب]

المشاركة الأصلية كتبت بواسطة عبدالعزيز قابيل

يعني أيه united mining

اكيد حضرتك اذا مدرس او طالب لازم تبقى عارفها
ديه اللي مارتن لندر قال لليلى عليها
الحمد لله اننا ارتحنا من القصة السخيفة ديه

[ThePromise]

المشاركة الأصلية كتبت بواسطة لؤي وائل الخطيب

مش عارف انا العبقري اللي حاطط الامتحان كان قاصده امتحان
ولا زي مااتضح في الاخر انه كان اعلان للـ United Mining

ههههههههههه بجد كوميدى ,, بالله عليك فيها حاجة اسمها كدة :D ,, المهم اولاً بالنسبة للقطعة الصراحة دى حاجة تافهه اوى يعنى من امتى ان شاء الله و انت ولا انا ولا غيرنا بتأثر ولا بيهمة مضمومنها ,, هو هنا امتحان ولا ملزمة نقتضى بها ,, ده موضوع و وجهه نظر سبحان الله ,, احنا ملنا اصلن كاتب ايه يا جدع! ,, المهم بلاش الموضوع بتاع القطة علشان انا مش عارف المشكلة ايه الصراحة

بالنسبة الل United Mining ,, حضرتك سؤال اتفهه من التفاهه ,, و انت بتقول اعلان :D ,, اعلان ايه ؟؟ ,, اسئلة القصة اسهل سؤال فى الامتحان كله ,,

و كفاية كدة و لو عاوزنى اقولك اجابة السؤال قولى

[لؤي وائل الخطيب]

المشاركة الأصلية كتبت بواسطة thepromise

ههههههههههه بجد كوميدى ,, بالله عليك فيها حاجة اسمها كدة ,, المهم اولاً بالنسبة للقطعة الصراحة دى حاجة تافهه اوى يعنى من امتى ان شاء الله و انت ولا انا ولا غيرنا بتأثر ولا بيهمة مضمومنها ,, هو هنا امتحان ولا ملزمة نقتضى بها ,, ده موضوع و وجهه نظر سبحان الله ,, احنا ملنا اصلن كاتب ايه يا جدع! ,, المهم بلاش الموضوع بتاع القطة علشان انا مش عارف المشكلة ايه الصراحة

بالنسبة الل united mining ,, حضرتك سؤال اتفهه من التفاهه ,, و انت بتقول اعلان ,, اعلان ايه ؟؟ ,, اسئلة القصة اسهل سؤال فى الامتحان كله ,,

و كفاية كدة و لو عاوزنى اقولك اجابة السؤال قولى

ماهو من تفاهته وسخافته بعد العناء اللي عانيناه في دراسة القصة السخيفة ديه يبقى لازم اتريق عليه وعلى الامتحان
بالنسبة لموضوع القطعة في معايير وقيم انت مش بتتأثر بالمضمون غيرك بيتأثر , لإن المفروض ان اللي حاطط الامتحان ده معلم يعني قدوة
كانوا بيقولولنا كده زمان واحنا صغيرين يعني بس اكتشفنا ان اللي ينفع يكون قدوة نسبة قليلة من المعلمين للأسف
الباقيين معلمين ( بفتح الميم )

[salo_19]

المشاركة الأصلية كتبت بواسطة لؤي وائل الخطيب

ماهو من تفاهته وسخافته بعد العناء اللي عانيناه في دراسة القصة السخيفة ديه يبقى لازم اتريق عليه وعلى الامتحان
بالنسبة لموضوع القطعة في معايير وقيم انت مش بتتأثر بالمضمون غيرك بيتأثر , لإن المفروض ان اللي حاطط الامتحان ده معلم يعني قدوة
كانوا بيقولولنا كده زمان واحنا صغيرين يعني بس اكتشفنا ان اللي ينفع يكون قدوة نسبة قليلة من المعلمين للأسف
الباقيين معلمين ( بفتح الميم )

اقسم بالله العظيم عندك حق مع العلم ان سؤال القصه اسهل سؤال فى الامتحان لكن انا معاك مليون الميه اقولك ليه واحد زى انا اتحداك حد يكون ذاكر القصه قدى انا بذاكرها من وقت ماخلصت امتحان العربى ماقومتش من على الملخص وبعد ده كله ايه ياسيدى يقولى ايه قال يونايتد ماينينج يعنى انا اتعب نفسى واسهر وتطلع عين اهلى عشان يجيب السؤال التافه ده اما بخصوص القطعه يافنان كلمه واحده اقولها للمعلم اللى حط الامتحان بفتح الميم زى ماانت قلت انت راجل مسخره ... ومع العلم انى انا حليتها كلها تانى حاجه المعلم اللى حط الاختيارات بفتح الميم تانى برده شكله لايفقه شئ فى اللغه يااخى انا لولا مامحترم كنت لعنت سلسفيل ابوه ازاى حاطط جمله مش عارف هو نفسه ايه حلها ولا الاساتذه المحترمين اللى كل واحد بيغنى فى وادى غير التانى واحد شمال وواحد يمين المهم انك فى مصر ولازم تعرف كده كويس يعنى تلتزم بالكتاب ولو غلط ازاى تبقى الجمله وود هاف بين وهيا الصح بتاعها المفروض ويل بى المهم انت فى مصر يعنى كل شى متوقع انا كنت داخل الامتحان عشان اجيب 25 وكنت واثق من نفسى وخصوصا انى شاطر فى الترجمه وزى السنه اللى فاتت حليت الترجمه كلها من غير اخطاء المهم بقى انا غلطت فى ايه اقولك انا انا غلط ياسيدى فى اتنين اختيار وواحده فايند مستيك بزمتك انت انا من الاقصر على فكره بزمتك انا فاضى اخد باللى من اخطاء البنى ادم اللى حاطط الامتحان طب قولى انت انا اخد باللى ازاى من ان along غلط اذا كنت انا كنت غرقان من الغرق والحر والتعب اخد باللى ازاى يعنى ان الاجابه الصح هى a long حسبى الله ونعم الوكيل شكلها هترسى على 24 زى السنه اللى فاتت وربنا يخلصنا من ام الثانويه اللى معندهاش دين دى والناس الهبله اللى بتحط الامتحان زى العمى وكلهم شوية مكحكحين راحت عليهم بالاقرف الواحد فيهم عاملى نفسه مستشار وهو بصمجى بينقل كل حاجه من بره ويلزقها فى ورقة الاسئلة وعامل نفسه علينا مستشار بزمتك عدمت عليه قطعه غير دى قال حب قال وقال ايه فى الاخر يقولى كل الرومانسيات الادبية ليست بين اثبين باقيين معا ياعم روح بقى طلعتوا عين اهالينا اذا كان المستشار متخلف واساتذه اللغه اغبيه كلهم ولا واحد ثابت على اجابه متوقعين ايه من اللى زينا نطلع نفيد البلد دى لا والله ماهيحصل انا لو مدخلتش الكليه اللى انا عايزها هافضل ادعى على الثانويه وعلى البلد ىدى كلها ومش كده وبس مش كفايه سهرونا الليل واخرتها الواحد بيطلع من الثانويه زى الحمار اللى استنفد كل قوته فى مطلع ابن كلب اهو المطلع ده بقى الثانويه من الاخر والله العظيم احنا لو الناس اللى فى البلد دى عرفت المقدره بتاعتنا العقليه لكانوا سجدوا لينا على المجهود اللى بنعمله ولكنا احسن بلد فى الدنيا ولكن ارجع اقول زى الاخت المغنيه ماقالت يبقى انت اكيد اكيد فى مصر

[نبيل موريس جورج]

انا علقت الصبح علي هذة القطعة علي الفيس بوك
القطعة الاولي في الامتحان النهاردة (عن الحب
نتيجة طبيعية لغزو المسلسلات التركية

[لؤي وائل الخطيب]

المشاركة الأصلية كتبت بواسطة نبيل موريس جورج

انا علقت الصبح علي هذة القطعة علي الفيس بوك
القطعة الاولي في الامتحان النهاردة (عن الحب
نتيجة طبيعية لغزو المسلسلات التركية

اه صحيح يااستاذ عندك حق ههههههههه

[battota_111]

المشاركة الأصلية كتبت بواسطة نبيل موريس جورج

انا علقت الصبح علي هذة القطعة علي الفيس بوك
القطعة الاولي في الامتحان النهاردة (عن الحب
نتيجة طبيعية لغزو المسلسلات التركية

اتفق مع حضرتك تماما
ما فيش مانع ان واضع الامتحان يتحدث عن الحب حيث ان كل الديانات السماوية تنادى بالحب و السلام
لكن ليس بهذة الطريقة المبتذلة

[لؤي وائل الخطيب]

المشاركة الأصلية كتبت بواسطة battota_111

اتفق مع حضرتك تماما
ما فيش مانع ان واضع الامتحان يتحدث عن الحب حيث ان كل الديانات السماوية تنادى بالحب و السلام
لكن ليس بهذة الطريقة المبتذلة

تمام وعلى فكرة ايه اهمية تناول الحب من منطلق العلاقة بين الجنسين في امتحان ثانوية عامة ؟!
كان ممكن يتناول قيمة الحب عامة .. شاكر مرورك

[islam_el2000]

باين الي حاط الامتحان حبيب قديم وبيتفرج علي سنوات الضياع التركي علشان يجيب قطعه عن الحب
وتقريبا ما لحقشي يقرا الفصه فوضع اسئله قشور
زي مايكون حد حاكيهاله بالليل