قالوا في مستوي الطالب المتوسط !!!!!!

[SissA]

بسم الله الرحمن الرحيم


قالولنا الامتحانات هتيجي في مستي الطالب المتوسط
وانا اظنهم قد صدقوا فيما قالوا ؟؟؟!!!!!!!
ومش عارف ليه التعتيم علي الازهر وطلبة وامتحانات الازهرده كله
اروكم حد يقولي لصالح مين كل ده .
واي حد يفتح النشرة الوقتي
( حصريا : امتحان الثانوية العامة امتحان لذيذ يتاكل اكل )
ممكن حد يقولي الازهـــــــــــــــــــــــــــــــــــــــــــــ ـــر
راح فين ؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!! !!!!!!!
انا متخيل دا لوكان امتحان للثانوية العامة كانت المظاهرات اشتغلت والوزير طـــــــــــــــــــــــــــــــــــــــــــــــــ ـــــــار
والدنيا هتقوم ومش هتقعد .
انا من رأيي ان دي حملة منظمة لتنفير اولياء الامور من الحاق اطفالهم بالازهر .
ولسان كل اب الوقتي وانا ايه اللي يخليني اوجع دماغي وودي ابني ازهر ؛ التربية والتعليم احــــــــــــــسن
وااااااااااااااااااااااااااااااااااااااااااااااحسر تاه علي الازهر .
اتمني ان كل واحد في ايده حاجة يعملها وميقلشي غيري هيعمل .
ارجوكم كل طالب ازهري او اي حد خايف علي مصلحة الازهر وعراقة الازهر ميقلشي وانا مالي ونتحرك بايجابية شوية
حتي يعود الازهر لسابق عهده .

واتمني مكنشي ازعجتكم او طولت عليكم
والحمد لله علي كل شيء اولا واخرا
والسلام عليكم ورحمة الله وبركاته

[fatakat400]

لا اله الا الله

[مسلمة ولله الحمد]

وعليكم السلام ورحمىة الله
فعلا انا متخيل دا لوكان امتحان للثانوية العامة كانت المظاهرات اشتغلت والوزير طـــــــــــــــــــــــــــــــــــــــــــــــــ ـــــــار
واحنا مش قادرين
نطير حاجة خالص
شيخ الازهر قال هتبقى فى مستوى الطالب المتوسط قال الامتحانات فى مراكز عشان الغش
طيب فين؟؟؟
اللجان معفنة والمراقبين اللى متشدد واللى متعصب واللى يوتر
واهى ماية واحنا ساكتين ومش من حقنا حتى نعب ر عن رأينا
طيب والله امتحان الكيمياء ريته لطلبة الثانوية العااااااااااااامة
قتالوا ده لو جه لينا
مكناش سكتنا وكنا قلبنا الدنيا عليهم

حسبى الله ونعم الوكيل

[ايهاب البيومى]

معاكوا ألف حق يارجالة وبالتوفيق فى بقية الإمتحانات

[SissA]

شكرا علي تفاعلكم واهتمامكم
وطالما الاعلام مش عايز يجيب سيرتنا
احنا نفرض نفسنا علي الاعلام
لحد لما نلاقي اعلام عادل
بدون تفرقة بل والمفروض ان للازهر الاولوية
لاننا ندرس علوم الدنيا والدين
اما التربية والتعليم فــ
( الدين لايضاف للمجموع )

[مسلمة ولله الحمد]

بدون تفرقة بل والمفروض ان للازهر الاولويةا
المفروض مرفوض مهو الحملات كترت اليومين دول ع السلفية_اخوان _ازهر
هنفرض نفسنا ازاى؟؟؟؟؟؟؟؟ما انا بقول ان اعلامنا فااااااااااااااشل

[SissA]

دوشة علي ايه
كل اللي عايز يفضفض يتكلم
وانا بصراحة اتعقدت ولولا ان المادة الجاية قران كان الواحد جاتله ساكتة قلبية .
والله ماعرف هيعملولنا ايه في القران ممكن يجيبولنا بره الـ 30 جزء

اصل اللي بيحطوا الامتحانات للازهر دول مش عارفين بيجيبوهم منين
دول عايزين يعدمونا والله مش عايزين الازهر يفوق

[بنت مصر2009]

والله انا هتبهل انا حاسه نفسى بمتحن دبلوم او مهنى مفيش حد جايب اى سيره عن امتحاناتنا خالص . ومحدش يجيب اسم الطالب المتوسط لان مفيش حاجه فى الامتحانات لاى طالب متوسط اللى عامل الامتحانات فاكر الطلاب جهابزه وعلماء ميعرفش ان احنا مفيش حاجه بتشرحلنا فى المعهد ومبنروحش المعهد اصلا وكل الامتحانات سواء ثقافى او شرعى محتاجه اجابات كتير يعنى الطالب المتوسط البقاء الله . والحمد لله ان الواحد ماشى باحفظ الكتاب وادخل الامتحان الطريقه المتخلفه فى المذاكره بس دى اللى تنفع للاسف مع الازهر . انا كان عندى تاريخ النهارده غيرو نظام الاسئله راسا على عقب مش زى بتاع السنين اللى فاتت خالص دخلت الصدمت من المنظر كله كلاااااااااااااااااااااااااام انا حاله السؤال الاول فى صفحتين وهكذا مش عارفه بيقيسو فهم الطالب و لا حفظه للماده ربنا يعدى بقيت الايام على خير.معلش دوشتك بس ده راى والله فى الظلم اللى احنا فيه

[mhhakemo]

انا ندمت انى دخلت الازهر لانى بشوف غش فى اللجان وورق اجابات بيدخل ومهزلة اتمنى انى كنت اكون فى التربية والتعليم وعجبى!!!!!!!!!!!!!!!!

[مسلمة ولله الحمد]

مين هنا بقى حافظ ال30جزء وهيقفل فى القران

[SissA]

يا خسارة السهر اللي الواحد سهره علشان الفيزياء

بس الحمد لله علي كل شيء

ان شاء الله اقفل باقي المواد واللي جاي القران
واتمني للجميع ( التقفيل )

بس يا ريت ميغيروش نمط الامتحانات القادمة

وخصوصاااااااااااااااااااا القراااااااااااااااااان

[™Ahmed]

حسبى الله ونعم الوكيل
الواحد كل لما يحس ان فى امل او فاء على رأى اللى قال
شويه ويضيع الامل
كل ماده ابقى داخلها واقول هقفل النهارده
وبعد ما تيجى ورقة الاسئله ههنا الصدمه

حد يقولى بايدينا ايه نعمله
وايه يعمل اولياء امورنا بعد ماكان عندهم امل
ان ابنهم يكون حاجه
وتعب وتعبوا معاه

المشكله ان لو الامتحان صعب على الكل انا مش هتكلم
انما فى ناس
سماعة البلوتوث معاها والمدرس بتاعها فى انتظار الاتصال
والقلم فى انتظام الغش

عايزين الازهر يفوق انسوا
عايزين مصر تفوق انسوا
الثوره نادت بالعداله
فين هى العداله
تليفزيون الدوله عامل قنوات للثانويه العامه
اللى طلابها هم طلاب الدوله

انما احنا لانمت لها باى صله

ضاع حلمنا اللى عشنا نستنى فرصه اننا نحققه

( كئيب انا ؟ صح )

[مسلمة ولله الحمد]

( كئيب انا ؟ صح )
لا ده العادى اللى مفروض يكون من اللى احنا شايفينه

[mido_2010200356]

عندك حق والله انا مش عارف الازهر رايح على فين

[mr abn]

بسم الله الرحمن الرحيم

والله يا جماعة انا شايف ان كلامكم معقول ومنطقي

ولكن ...........................................

(اه ياعم طالما بدأها ب (لكن) يبقي هيفتي افتي ياخويا)

أكيد كلكوا هاتقولوا كده

نكمل الموضوع

انا شايف يا جماعة ان في عدة عوامل لكي نتغلب علي مشكلة صعوبة الامتحان :-

الأول :- الاتقان في العمل

(ان الله يحب اذا عمل أحدكم عملا ان يتقنه)

الاتقان يا جماعة من جميع الجوانب

- اتقان المدرس(المعلم) لعمله وعلمه وشرح جميع جوانب المنهج بما يرضي الله ورسوله فتعاليم الاسلام تحثنا علي اتقان العمل

-- اتقان الطالب لمادة الفيزياء وفهمها نقطة نقطة وتحليل ما فهمه ومحاولة تطبيقه علي انماط اخري من الاسئلة والاستفسارات

بمعني مثلا

س علل تلف المقاومات العيارية لفا مزدوجا

طبعا الاجابة :- لتجنب او تلافي الحث الذاتي

خلاص كده وشكرا كده الطالب خد المعلومة وجري وفرح وقال انا أفضل طالب وفي أفضل معهد وبأخد درس عند عبقري الفيزياء

ولما ييجي السؤال في الامتحان علي الصورة دي مثلا

س مت تنعدم القيم التالية

--الحث الذاتي لملف

تكون اجابة الطالب يا نهار أسو...............

ياسنة سود................

ايه الؤال الصعب ده فين الاسئلة اللي في مستوي الطالب المتوسط

ولكن الطالب ده لو نظر للسؤال الأول كان لا بد أن يفهم منه ان الحث الذاتي ينعدم اذا لف الملف لفا مزدوجا

اتمني ان تون عزيزي الطال فهمت معني كلامي

اتقان الطالب لمادة الفيزياء وفهمها نقطة نقطة وتحليل ما فهمه ومحاولة تطبيقه علي انماط اخري من الاسئلة والاستفسارات

الثاني :- البحث

(اطلبوا العلم ولو في الصين)

يجب علي المعلم ان يبحث وينمي نفسه ويطور ويتقي الله فيما وهبه وأعطاه الله من قدر العلم وسمة الخلق ورفعة الشأن ويتقي الله في طلابه وان يتيقن داخله ان صاحب رساله وأن يجعل علمه خالصا لوجه الله تعالي ويعطي ما في حوزته من علم لطلابه

(واذا اراد الطلاب ان يعطيهم درس خصوصي فهذا من توسيع الله له في رزقه)

ولا ينظر الي مرتبه وعلي صغره ويبدأ في تقليص المعلومة بسبب صغر مرتبه

بعد اذنكم أقول لمن يفكر في صغر مرتبه

انك امام الله قد عقدت عقد بينك وبين مؤسستك الحكوميه علي ذلك

فماتيجيش بعده وتقول ان مرتبي صغير

فسامحني بعد اذنك لو هتفكر كده سيب مكانك لغيرك من المدرسين الشباب الاكفاء علشان ياخدو فرصتهم

ولا القي الحمل علي المعلم وحده

ولكن الطالب عليه جانب كبير فيجب عليه البحث علي المعلومة وفي كتاب المدرسة وفي الملخصات وفي مذكرات المدرسين الاكفاء

واستفسر من معلمك وزملائك ولا أحد كبير علي العلم

الثالث :- الحب المتبادل بين الطرفين

()

وهذه نقطة صعبة وحساسة جدا

فيجب علي الطالب احترام معلمه أو معلمته

فهو أخوه أو أبوه (عذرا للغتي العاميه فهي اسهل للوصول الي المعلومة)

ولا يعرضه للاهانه بأي لون وبأي شكل مهما كان ان لم يعجبك معلمك في تصرف او سلوك ما أحرجك به معلمك

فواجهة واشتكيه لنفسه وذاته وواجهه بأدب واحترام وحياء

والله واقسم قسم عظيم لسوف تجد جانب جديد من جوانب معلمك لم تراه من قبل حتي ولو كنت تعرفه طوال حياتك

سوف تجد حب وحنان تجاهك لسوف يشعر معلمك بشخصيتك وحبك له واحترامك له ولسوف تزول الاحتقانات بينك انت وزملائك وبين معلمك

جرب كده حاول في بعض الطلاب هيقولك ده مدرس رخم وغتت

طب جرب وحاول واتبع سلوك واسلوب خير خلق الله أجمعين سيدنا محمد كان يقابل الاساءة بالاحسان وكان يزور مرضي الكفار الذين يؤذونه

هل انت أفضل ام سيد الخلق هذا ليس سؤال ولكن ده اخبار استنكاري جرب وشوف وتذكر كلامي (بأدب )

معلش انا آسف قد اطلت عليكم وقدمت رأيي في كيفية معالجة الوضع

أما رأيي في الامتحان فهو الأتي

يالنسبة للسؤال الاول

أ- أعد كتابة العبارات التالية

1- 0السؤال موجودة في كتاب المرشد في امتحان 1995 وجت في امتحان ازهر 2003

2- اجابة هذه النقطة كتاب مدرسي صفحة 295 في اعلي الصفحة

3- اجابة هذه النقطة كتاب مدرسي صفحة 253 السطر 14

4-اجابة هذه النقطة كتاب مدرسي صفحة 279 السطر 16

ب- اجابتها كتاب مدرسي صفحة 309

ج- المسألة جت في امتحان أزهر 2006 مع اختلاف الارقام ونفس المعطيات والمطلوب

بالنسبة للسؤال الثاني

أ-دي أكمل خاص بالاثبات والسؤال ده بالطريقة دي مشهور ووارد في امتحانات الثانوية العامة وده اثبات واجابته كتاب مدرسي صفحة 285

ب- علل

1- اجابة هذه النقطة كتاب مدرسي صفحة 314 السطر 2


2- اجابة هذه النقطة كتاب مدرسي صفحة 188السطر الأول

ج- المسألة دي من أشهر المسائل اللي تفرد بها الأزهر سنة 2002

المسألة جت في امتحان 2002 وموجودة بالمرشد بنفس المطاليب والمعطيات

بالنسبة للسؤال الثالث

أ-

1- اجابتها كتاب مدرسي صفحة 207 آخر سطر وايضا جت في امتحان أزهر 2003 و 2005

2- اجابة هذه النقطة في الكتاب المدرسي صفحة 272 السطر الخامس اجابة نموذجية

3- اجابة هذه النقطة في الكتاب المدرسي صفحة 240وجت في امتحان الازهر 2005 و 2002 و 2008 و 2003

4- اجابة هذه النقطة صفحة 323

ب - اجابة هذه النقطة صفحة 284

ج- ياللأسف عليكو ا المسألة دي جت السنة اللي فاتت

2009 الدور الثاني

بالنسبة للسؤال الرابع

أ- سهلة جدا وجت في امتحانات متفرقة

ب- اجابة هذه النقطة في الكتاب المدرسي صفحة 280 الجزء السفلي من الصفحة

ج- النقطة دي جت في امتحان الازهر 1995 و 1998 و 2008و 2005

بالنسبة للسؤال الخامس

أ- سؤال تقليدي

ب- انبوبة كولدج متوقعة في كووووووووول الامتحانات واجابتها كتاب مدرسي صفحة 312 كتاب مدرسي

ج- دي مسألة تقليدية لاقل طالب فاهم مسائل علي المقاومات في مسألة زيها بالظبط كتاب مدرسي صفحة 197 رقم 4

بالنسبة للسؤال السادس

أ- اسئلة اختر

1- اجابة هذه النقطة كتاب مدرسي صفحة 296 السطر 4

2- اجابة هذه النقطة كتاب مدرسي صفحة 217السطر 11

3- اجابة هذه النقطة كتاب مدرسي صفحة 330السطر الفقرة رقم 3

4- اجابة هذه النقطة كتاب مدرسي صفحة 235السطر الفقرة جـ

ب- كتاب مدرسي صفحة 303

ج- ياللاسف دي مسألة بتيجي في معظم الامتحانات

هذا رأيي والله اعلم

اللي عاوز ينقدني في كلامي يتفضل ولكن ينقد بحجة وموضوعية لاني دخلت الحوار بحجة