الحقد والغل هما السبب

[مستر / طارق الديب]

ليه يا اساتذة اشمعنا الانجلش هو الى فيه مشاكل والله الناس دى عايزة تضيع الطلبة ومن قبلهم المدرسين ليه وعلى فكرة هذه الامتحانات توضح الحقد والغل من واضع الامتحان تجاه المدرسين المطحونين فواضع الامتحان كل ما يكتب جمله يقول لا اكيد المدرسين اعطوها للطلبه فلم يجد الا التفاهة والخروج عن المنهج لارضاء غله الشديد منا على الرغم ان الناس دول مظبطين نفسهم بلا جهد حسبى الله ونعم الوكيل؟

علشان بصراحة هناك نخبه كبيرة من المدرسين العباقرة فى مصر سوا كانو يعطون دروسا ام لا وبامكانهم وضع الدرجة النهائية فى ايدى الطلبة المتميزين بعد عمل شاق طوال العام ولكن بكل سهولة تاتى الوزارة ببعض الناس الذين ليس لهم صله من قريب او بعيد من المنهج المقرر بوضع امتحان تافة لصالح الطالب الضعيف وبه بعض النقاط الغبية التى تضيع مجهود الطلبه المتميزون والكلام ده واضح من سنين ولكن هذا العام ظهر الحقد والغل من بعض الاغبياء الذين لم تغيرهم الثورة المجيدة ولكن نحمد الله ان الحق ظهر من واضع هذا الامتحان والذى وضع نفسة فى ورطة لانه كان ممكن ياتى باسئلة لا يمكن ان تحل باستخدام كلمات وقواعد المنهج ولكن فى جمل معقدة ولكن الظاهر ان الراجل كان كسلان فعمل امتحان قص ولصق بكل تفاهة ولكن كان يحب عليه تعلم النصب اولا قبل ان ينصب علينا

ولى راى

ممكن يتم مجموعة من المدرسين الاوائل بشرط ان تكون مجموعة كبيرة تزيد عن 20 مدرس على ان يقدم كل منهما امتحانا لهؤلاء المستشارين الى بيقولوا عليهم ليتم اخيار امتحان واحد من اسئلة ال20 امتحان
واسف للاطالة

[ايساف سعد]

اتفق معك تماما مستر طارق

[ebraheem]

كلام حضرتك فعلا صحيح

[الاستاذ عبدالهادى حمودة]

هذه مهزلة يامستر طارق ولا يجب السكوت يعنى هو مبيفهمش خالص للدرجادى الجملة مكتوب فيها ayman wished that ازاى????????????????????????????????????????????تب قى uncle walid to ayman هو مفيش عقل نفسى اعرف التصحيح ازاى ؟؟؟؟؟؟؟؟؟؟؟

[disouky20]

رأى سديد وطالبنا به اكتر من مره
ولكن انعدام الثقه شئ واضح جدا بالنسبه لهم

[جواد عوض]

I totally agree with uuuu my dear.

[Mr Hamada Hashish]

كلام حضرتك صحيح وهذا ما نطالب به لازم اللى يحط الامتحان يبقي دايس المنهج وفهمة

[ايمن جابر]

اتفق معك بالكليه بس ما العمل كل ؟

[ايادكو]

عزيزى مستر طارق أنا لسة واصل حالا من أسيوط وبصراحة دى مهزلة الوزارة كده نتدبح المدرسين ده غير الذل اللى بنشوفوه فى قطاع أسيوط نفس الأساليب القديمة كأن مفيش ثورة

[leaderboss]

ده لو جبنا مدرس مبتدىء و طلبنا منه يعمل امتحان ثانويه عامه مكنش يعمله زى الفاشل اللى حط امتحان السنه دى و يقولك مستشار و مش عارف ايه. دى مهزله و بعدين عايزين نعرف ايه اللى اتعمل معاه ايه نتيجه التحقيقات

[نبيل حسنى]

انا طالب فى ثانية ثانوى معرفش لحد دلوقتى الاجابة الصحيحة للقصة وربنا يرحم ويعوض علينا (وده الامتحان الوحيد اللى نزل دموع الطلاب ) انا نفسى اسال سؤال هو واضع الامتحان ماذا استفاد من دموع الطلاب ودعوات اهالى الطلاب بالانتقام ؟

[جواد عوض]

الى ابو ايما وسما
انت بتهاجم واحد من اكبر عمالقة اللغة الانجليزية فى مصر الا وهو مستر طارق الديب وهو معروف بشغلة الاكثر من رائع
عيب كدة تهاجم مستر طارق وانت مش عارف اية الموضوع ولا احنا اخدنا على المعارضة والهجوم و خلاص على اى شىء
تخير الفاظك واعرف انك فى منتدى العمالقة بأدبهم قبل علمهم وكلنا بنعمل لله ومش منتظرين حاجة من حد

[مستر / طارق الديب]

المشاركة الأصلية كتبت بواسطة جواد عوض

الى ابو ايما وسما
انت بتهاجم واحد من اكبر عمالقة اللغة الانجليزية فى مصر الا وهو مستر طارق الديب وهو معروف بشغلة الاكثر من رائع
عيب كدة تهاجم مستر طارق وانت مش عارف اية الموضوع ولا احنا اخدنا على المعارضة والهجوم و خلاص على اى شىء
تخير الفاظك واعرف انك فى منتدى العمالقة بأدبهم قبل علمهم وكلنا بنعمل لله ومش منتظرين حاجة من حد

والله هذا ليس منتدى العمالقة فقط ولكن منتدى الرجال الذين يبذلون كل جهد من اجل النهوض بالعمليه التعليمية وكل هذا لوجه الله الكريم دون انتظار لاى اجر حبيبى لابد ان ننظر للامام وليس للخلف واشكر حضرتك مليون شكر

[ابو ايما و سما]

استاذنا الفاضل /طارق الديب
ليست بينى وبينك سوى كل احترام وتقدير وما صدر مني لك من سوء تعليق ....كنت اقصد اننى عبرت عن وجهة نظري فقط قد تتفق او لا تتفق وعلي فكرة لو تصفحت المنتدي كويس ستجد الكثيرين يقولون "يجب ان نعبر عما قولناه بطريقة نقدية دون تجريح"شوف برضة حضرتك تقول علي اننى قريب من واضع الامتحان...يا استاذنا ارجوك تمهل في اي رد حتي لا تؤذى مشاعر الاخرين...حضرتك نفسك لم تتحمل ما قلته لك مع اني برد بنفس طريقتك علي...علي كل حال انا اقدم خالص اعتذاري لسيادتك و اخواني الاعزاء لاننا ضيعنا وقت كان من الافضل ان نجعله لخدمة المنتدي ... وأخص بالشكر العميق لاستاذى الذى اقدره واقدر ذوقه الرفيع الاستاذ/ جواد عوض واشكره ع رسالته ....وارجو ان يقبل مسترطارق خالص تقديري
واتمني له المزيد من العطاء وان يجعل الله ذلك في ميزان اعماله.....ويارب تكون يا مستر فهمت وجهة نظري في الرد قبل ذلك ...فلم اقصد الاساءة لشخصك الكريم ولكن اردت ان أبين انه من السهل الاساءة لاي حد .....انا أسف جدا سيدى و ربنا يوفقك ..و ع العموم هي كانت وجهة نظر خاصة بالامتحان نفسه ..الامتحان سهل جدا مثل بقية المواد (السنة دية ليس فيها تمييز بين المستويات للطلبة)اما الاعلام و الجرايد خرجت علينا بان الامتحان صعب جدا وانا اكره هذا الاسلوب لان المفروض اللي يحكم ع الامتحان ناس فنيين مش اعلاميين ولما دخلت المنتدي وجدت الكثيرين يسب ويلعن ف واضع الامتحان ..نعم فية اخطاء..ولكن دورنا نناقشها دون التعرض لشخص واضع الامتحان(هذا رأيى) اما نموذج الاجابة فيه اخطاء ولكن لا يمكن للمعلم المصحح ان يتركها تعدي وانا لا التمس العذر لواضع الامتحان لان دية ثانوية عامة ....انا اسف ع الاطالة ولكن اردت ان اعبر عن خالص اعتذاري لاستاذي الفاضل مستر طارق وربنا يوفقك و يكرمك ....ورمضان كريم وكل عام وانتم جميعا بخير.................

[ابو ايما و سما]

الي الامام مستر طارق ....يوفقك الله