رسالة المعلمين

[أستاذ/شفيق الأخضر]

http://www.almasry-alyoum.com/articl...7&IssueID=2180

[أستاذ/شفيق الأخضر]

رسالة المعلمين

٢٨/ ٦/ ٢٠١١نفسى الدولة تحس بقيمتى وتزيد أجرى اللى بيحرجنى.. لو بوعود صادقة تطمنى وتنسى الكادر اللى بيهدمنى.. والترقية تعود من تانى والتسوية تيجى تنصفنى.. وكل مناسبة يفرح قلبى بشهر إضافى كده يسعدنى.. وأطلع أجرى من مدرستى ولا أروح درسى ولا أهين نفسى.. وابنى حبيبى يعرف شكلى ويقول بابا وينطق اسمى.. ولا أكدبش عليه ولا أقوله بكرة هنخرج خد هات شيبسى.. وألقى مكافأة زى الجامعة آخر السنة كده تفتح نفسى..
وأطلع رحلة ويا نقابتى أو كده مصيف يسعد عيلتى.. وأشوف نادى الشاطئ فاتح مش متأجر ولا بيغيظنى.. ونفسى وزيرى ما يبهدلنى بعد ما أشيب أو يكبر سنى.. وما يودينى ملاحظة بعيدة ولا على تختة ده ينيمنى..
وإذا الضغط هناك بهدلنى المستشفى هناك تقبلنى.. ولو معاليه كده عين ابنى كل الناس هتحس بقيمتى.. ونفسى معاشى يعلى شوية علشان أقدر أظبط عيشتى.. وأملى مكافأة آخر الخدمة تعلى وأجوز بيها أنا بنتى.. وأطلع حج أو أطلع عمرة وأفضى لربى اللى هيغفرلى.. وأشوف مصر حبيبتى بتعلى ويبقى الفضل لصبرى وعلمى.
عثمان بحور- مدرسة مجمع سيدى بشر- إدارة المنتزه
osmanbehoor***********




عدد التعليقات [٢٨] رسالة المعلمينتعليقمحروسة سيف النصر تـاريخ٢٩/٦/٢٠١١ ٥٦:١٥
قصيدة جامدة بس انا تعبت عبال لما دخلت عليها فيها ايه لو كتبوها على الفيس علشان كل المعلمين تشوفهاأعلي الصفحة نداء للأستاذ عثمان بحورتعليقنورهان شكرى $ إدارية بالتربية والتعليم تـاريخ٢٩/٦/٢٠١١ ٣٦:١٥
نرجوك يا استاذ عثمان تكتب لنا قصيدة ترجع حقوق الاداريات الضائعة لأن الاداريات بتخدم الطلبة والمعلمينفى نفس الوقتأعلي الصفحة ألف تحية للأستاذ عثمان بحورتعليقصيرى محمود بالمعاش تـاريخ٢٩/٦/٢٠١١ ٦:٧
أحيك يا أخى الكريم على هذه القصيدة الرائعة فقد عبرت عن حال الشرفاء فعلاً من أبناء الوطن وهذه القصيدة موزونة بالجرام كالدهب والفضة مرة أخرى أحييك عليها.أعلي الصفحة مع تحياتى وتقديرىتعليقعلاء الطاهر مفتاح تـاريخ٢٩/٦/٢٠١١ ١٥:١
أنه لمن المرؤة والشهامة أن يحمل الانسان هموم وطنه مع تحياتىأعلي الصفحة عثمان بحور عرابى ادارة المنتزةتعليقسهى مؤمن بالتربية والتعليم تـاريخ٢٩/٦/٢٠١١ ٠:١
لقد خلقنا الله أحراراً ولن نورث بعد اليومأعلي الصفحة الشعب يريد أستاذ(عثمان بحور)تعليقآية محمد موجهة تربية مسرحية تـاريخ٢٩/٦/٢٠١١ ٥٣:٠
الشعب يريد أستاذ ((عثمان بحور)) نقيباً لمعلمى مصر لما يشهد له الجميع بالإحترام والجرأه والأمانه والإحساس المرهف بالمعلمينأعلي الصفحة لا للإتصال السياسى تعليقشوقى محمود * العروة الوثقى* تـاريخ٢٩/٦/٢٠١١ ٤٦:٠
مش عايزين إتصال سياسى لأنهم ما بيعملوش حاجة وكمان عايزين الشئون القانونية تتبع النيابة الإدارية وليس الإدارات التعليمية وكفايا نهب اموال المظلومين وملأ صندوق الجزاءات وتوزيعهم على الشلليةأعلي الصفحة أستاذ عثمان بحور ياريت تطمنىتعليقراضى أبوتيج محافظة اسيوط تـاريخ٢٩/٦/٢٠١١ ٣٨:٠
أنا متعين جديد هل حينطبق علىّ الحد الأدنى للأجور لأنهم بيقولوا اللى بياخدوا كادر مش حيزيدوا عايز اعرفأعلي الصفحة حاجة تحزنتعليقرأفت على مصطفى تـاريخ٢٩/٦/٢٠١١ ٣٢:٠
حاجة تحزن المدرس يعلم الطبيب والمهندس وغيره والدولة تهينه والله العظيم عمرنا ما حنتقدم أعلي الصفحة يحيا عثمان بحورتعليقأحمد الزعيرى تـاريخ٢٩/٦/٢٠١١ ٢٦:٠
يحيا الأستاذ عثمان بحور يحيا كل إنسان شريف يدافع عن زملائه المهضومينأعلي الصفحة إسمى مدرستعليقأيمن مختار- مدرس مجال صناعى تـاريخ٢٩/٦/٢٠١١ ١٥:٠
الله يكرمك يا أستاذ عثمان يا شاعر بجد و حاسس بينا انا مدرس مجال صناعى وما ليش فى الدروس ذنبى إيه أعيش مستنى 20 جنيه من بقايا فلوس المجموعات وكأنى مستنى صدقة كل شهر وعندى عيال وقبضى 635 جنيه واسمى مدرس والله حرام عليهم أعلي الصفحة ما وظيفة أمن الوزارة والإتصال السياسى بعد ثورة 25 ينايرتعليقمعلم مصرى تـاريخ٢٨/٦/٢٠١١ ٤٢:٢٣
من أحد المعلمين المصريين الذين قاسوا وعانوا من النظام السابق من أجل نشر النشاط الثقافى والعلمى الحر من فصل المكتشفين وفريق كوجنشن في 29 يونيو، 2011‏، الساعة 10:48 صباحاً‏‏ تم حفظ التغييرات. عانينا ما عانيناه فى النظام السابق حين كنا نحاول عمل ندوة او لقاء أوجلب محاضر من خارج وزارة التربية والتعليم ولو حتى صحفى يصور أوحتى يحاضر عن الإعلام الصحفى فكنا نقاسى الأمرين من اجراءات امنية علينا نحن من نقيم الندوة أو من سوف يحاضر فيها ا ونفس الحكاية ماذالت موجودة حتى الأن لا حرية فى التعليم أو التثقيف مع انى مش من الإخوان ولا غير ه لكن أنا من أنصار التعليم المنفتح على كل الثقافات بما لا يضر الغير فى عقيدته أو .......... ................. الإن نتسائل كمعلمين ما دور إدارة الإتصال السياسى حاليا فى وزارة التربية والتعليم اوالتى كانت تابعة للحزب الوطنى المنحل والذى كان يعين أفرادها وما دور ادارة الأمن بالوزارة نفسها وما دخلها عند التعامل مع مؤسسات المجتمع المدنى وغيره لماذا تتدخل فى العملية التثقيفية التعليمية أليس من المفترض توزيع جواسيسها على المدارس لحفظالأمن بدلا من شغل كل معلم حصتين أو ثلاثة أمن على باب المدرسة ونرجع نقول مفيش شغل للشباب متشغلوا الشباب أمن ومشرفى نظام فى المدارس بكل فئاتهم وسيبوا اللت والعجن و الفذلكة وعينوا معلمين للنشاط مجال ورسم واعلام وصحافة وموسيقى واقتصاد منزلى ونشاط مسرحى وكمبيوتر وغيره بدل ما تسيبوا خريجى الكليات دى على المقاهى وغيروا طريقة الإمتحان نهائيا وعندى الفكرة لو عايزينها للعلم من خبير تربوى كل مدرسة ابتدائية على الأقل ينقصها ما يزيد عن خمسة من معلمى الأنشطة والأمناء وشكرا المستشار التربوى للجمعية العربية لتنمية المواهب وخدمة المجتمعات بالإسكندرية أعلي الصفحة شكراً على مروركم الكريمتعليقعثمان بحور تـاريخ٢٨/٦/٢٠١١ ٣٩:٢٣
شكراً على مروركم الكريم وشكراً لكل من أبدى برأيه حتى لو اختلفنا فى وجهات النظر فنحن نعترف بأن الفساد موجود فى كل مهنة والله يكون فى عون الناس لكن هذا ما يمنعش إنه يوجد شرفاء بيراعوا ربنا فى كل مهنة ومصر مش هتتصلح فى يوم وليلة وانا باعبر عن حال الشرفاء ولا أدافع عن مافيا الدروس الخصوصية.أعلي الصفحة هذه مطالبىتعليقالأستاذ تـاريخ٢٨/٦/٢٠١١ ٤٦:٢٢
نعم..... يارب تتحقق أعلي الصفحة ....التبجيل وحده لايكفي....المعلم!تعليق.......أحمد محمود سلام تـاريخ٢٨/٦/٢٠١١ ١٩:١٨
....هو الجندي المجهول الذي يبدع ويشكل وجدان أمة وهو من ظلم دون أن يحصل علي مايستحق من تكريم وتقدير مادي يجعله يشعر بأن عمره قد ضاع سدي!_________ ..... التبجيل(وحده) لايكفي المعلم ولا القيام له حسبما قيل في بيت الشهير!. بل ينبغي أن يصاحب التبجيل والقيام التقدير (المادي) وتلك رسالة ينبغي أن تصل الي القائمين علي امر مصر وليكن مفادها أن الاصلاح الحقيقي يبدأ بأن يكرم ذوي الفضل ولايهانوا وكفي ضيما!أعلي الصفحة حجر الزاويةتعليقزياد عبد الناصر عمر تـاريخ٢٨/٦/٢٠١١ ٤٣:١٧
المدرس هو حجر الزاوية فى مصرأعلي الصفحة ما فيش إختلافتعليقطبيب أسنان تـاريخ٢٨/٦/٢٠١١ ٢٨:١٧
أنا أعمل طبيباً بإحدى المدارس الإبتدائيى وحالى لا يختلف كثيراً عن حال المدرس ونأمل من الله أن تتحسن أحوالنا أسوة بالعاملين بباقى قطاعات الدولة أعلي الصفحة المستويات الثلاثة للمدرسينتعليقأشرف عبد العزيز مدير إدارة سلبقاً تـاريخ٢٨/٦/٢٠١١ ١٦:١٧
لازم نصنف المعلمين ثلاثة مستويات المستوى الأول مدرس الثانوى العام وكلهم مرتاحون ولا أحد ينكر هذا والمستوى الثانى مدرسى الأعدادى ومعظمهم مرتاحون أما المستوى الثالث فهم مدرسى الإبتدائى ويهيأ لى ان الشاعر ده منهم فمستوى الأغلبية العظمى منهم متدنى للغاية وينطبق عليه كلام القصيدة أما عن تقيمى للقصيدة فهى قصيدة أكثر من ممتازة أعلي الصفحة لا تستحقون زيادةتعليقميرنا ذكى تـاريخ٢٨/٦/٢٠١١ ٠:١٧
زيادة إيه التى تطالبون بها أنتم لا تستحقون أى زيادة ألم يكفى حضراتكم دخلكم الهائل من الدروس الخصوصية حرام عليكم إرحموناأعلي الصفحة شكراً للمصرى اليومتعليقحنان عمر تـاريخ٢٨/٦/٢٠١١ ٥٠:١٦
شكراً للمصرى اليوم الذى نشر هذه القصيدة الرائعة وشكراً للمحرر الذى إهتم بقضايا المعلمين ويارب المسئولين يحسوا بينا وكفايا إن كلامه أبكانىأعلي الصفحة حرام عليكمتعليقآلاء تامر تـاريخ٢٨/٦/٢٠١١ ٤٢:١٦
حرام عليكم يا جماعة مش كل المدرسين ولا كل المدرسات عندهم عربيات ولا بيدوا دروس زى ما بيقول صاحب التعليق الاول ده احنا أغلب من الغلب ومرتباتنا ما تأكلناش عيش حاف وياريتكم تتقوا الله فيما تقولون وتكتبونأعلي الصفحة إلى المحارب القديمتعليقإيمان ناصر - تربية وتعليم تـاريخ٢٨/٦/٢٠١١ ٣٧:١٦
على فكرة الأستاذ عثمان بحور زميلى فى إدارة المنتزه وهو محارب قديم أيضاً ومصاب عمليات أثر دخول شظية فى رجله أثناء دفاعه عن الوطن سنة 1973 وهو يعد من أفضل المعلمين ونشرت له أعمال كثيرة فى اسكندرية اليوم والمصرى اليوم معظمها فى مواجهة الفساد فمن الظلم أن يهاجمه أحدأعلي الصفحة الواقع المرتعليقاحمد تـاريخ٢٨/٦/٢٠١١ ١٥:١٦
والله العظيم هو ده واقع المعلم الشريف بالكمال والتمام تسلم إيدك يا أستاذ عثمان أعلي الصفحة ;كاد المعلم ان يكون رسولا تعليقسامح تـاريخ٢٨/٦/٢٠١١ ٥٤:١٥
الله على الكلام .... يا رب يجعلك نقيب المعلمين ونصيرهم ويجعلك سبب لعودة عظمة مهنة المدرس أعلي الصفحة حرام عليكم تقارنوا بين مدرس بالقاهرة او المحافظات الكبرى امبراطور دروس وبين باقى المدرسين الغلابة تعليقسامى حسانى تـاريخ٢٨/٦/٢٠١١ ٣٣:١٤
اتحدى كل الأخوة الذين يتهكمون من المدرسين ومن الأستاذ عثمان كاتب المقال ان يجدوا لنا مخرجا من راتبنا يا أخوتنا الأعزاء أنا مدرس ( أكثر من 17 سنة ) والله والله هذا الشهر مرتبى 720.35 جنية وساكن فى شقة 2 غرفة بالإجار صحيح إيجار قديم ( 120 ) ودفعت 100 جنية كهرباء ولدى ثلاثة أطفال ( واحد ثانوى - اثنين إعدادى ) ذهبت الى المصيف مرتان فقط طول حياتى ومفيش داعى أقول الباقى الحمدلله أنا أحسن بكثير من زملائى لأن بعضهم بيسلف منى أحيانا آخر الشهر لأننى والحمد بعطى دروس ( نصف المجموعة قرايبى وبعضهم أبناء زملائى والبعض الآخر غلابة ) الحمدلله مستورة المهم آخر الشهر مستورة هذا حالنا والحمدلله ( على فكرة طاله كانت بتأخذ درس عندى بقولها شدى حيلك علشان تنجحى ونجوزك لمدرس قالت فال الله ولا فالك ده الفراش فى البنك عند بابا مرتبه وحوافزه أحسن من مرتب مدير المدرسة وبعدين انتم موش بتصيفوا زينا أحنا بنصيف كل سنة وانتم لو صيفتم بتزلوا وتباتوا فى فصول المدارس ذى المساجين هيصه أحنا فى فنادق واتوبيس مكيف موش قطار درجة ثانية مميزه رديت وقلت بتشمتوا ليه هو المدرس آخرته ايه هو الذى علم وخرج الدكتور والمهندس والمحامى والمحاسب وكل فئات الشعب قالت موش مهم المهم وضعكم ايه فى النهاية وحسبى الله ونعم الوكيل أعلي الصفحة [ الأولى ] [ السابق ] [١] [٢] [ التالى ] [ الأخير ]

الاسم : البريد الالكتروني :موضوع التعليق :التعليق :

اقرأ المزيد من السكوت ممنوع<li style="color: #C0C0C0">

آلو..!!<li style="color: #C0C0C0">

تكلفة الفساد<li style="color: #C0C0C0">

مرشحو الرئاسة<li style="color: #C0C0C0">

«اللا مركزية» ضمان لنجاح الثورة<li style="color: #C0C0C0">

مصر.. ما بين البائد والسابق

[محمد وفائى76]

مشكوووووووووووووووووووووووووووووور:bosyht9 :

[wahsh2008]

مشكوووووووووووووووووووووووووووووور

[مدرسة علوم أبتدائى]

الله ينور علية الف مرة
بارك الله فيك

[مصرية26]

كلامك جميل يا أستاذ عثمان . بس مين يقرا ومين يسمع.

[أستاذ/شفيق الأخضر]

هو ده فعلا راي تقريبا كل المعلمين