الحد الادنى بعد تغييروزيرالماليه " هام جدا"

[ابورميساء]

طبعا انا عارف ان الجميع دلوقتى بيدور على الحد الادنى وحافز الاثابه هيطبق ولا ايه الحكايه مع احترامى للجميع موظفى مصر كان لى تحفظ بسيط وهو ليه احنا الطائفه الواحدة اللى بناخد حقوقنا بعد اما يدونا حبوب الاحلام يعنى نقعد نحلم وبعد كده يدونا الزيادة اللى هى اصلا ملهاش قيمه لغاية امته كل الوزارات لها قيمة ومكانه الا التربيه والتعليم وزير الصحه اول ما مسك قال ان مرتب الطبيب حديث التخرج من اول يوم 1300 جنيه والله من بق الوزير واحنا ربنا ابتلانا بوزير معندوش رحمه انا مش عارف ايه الحكايه انتوا وليه لسه عايشين فى زمن الكسوف والخوف والاحترام بصوا خليكوا كدا انتوا تستاهلوا اكتر من كدا احنا رحنا وعملنا مظاهرات مش انتوا اللى هتيجبوها بس اللى له حق المفروض يدور عليه ميستناش غيره لما يجيبهوله وانتوا تحبوا تقفوا فى البيوت وتتفرجوا مت التليفزيون فعلا "كلمه واتقالت انتوا لسه عايشين فى زمن فات وعدا حرام عليكوا والله ضيعتوا حقنا فى كل حاجه بالسكوت كفايه بقى الناس بدات تدوس علينا حتى الطلاب لم هناك احترام متبادل ليه لاننا بنخاف من قرار وزير
اعتقد كدا كفايه اللى لسه عنده شويه كرامه يقف معنا ويقول لا لقرارات وزرايه دمرت لتعليم نعم لمسااوة المعلم بغيرة من موظفى الدوله ياناس المعلم بره مرتبه ومكانته اكبر من كدا ليه احنا كدا
اتحركووووووووووووا

[dody sharazad English teacher]

اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااه

[قلبك حنين]

الحياء مغلاق لكل شر: عن أبي مسعود -رضي الله عنه- قال: قال رسول الله -صلى الله عليه وسلم-: (إنَّ ممَّا أدرك الناس من كلام النبوة الأولى: إذا لم تستح فاصنع ما شئت)[ صحيح البخاري (6120)]. قال ابن القيم -رحمه الله-: «خُلق الحياء من أفضل الأخلاق وأجلها وأعظمها قدرًا وأكثرها نفعًا بل هو خاصة الإنسانية، فَمَن لا حياء فيه فليس معه من الإنسانية إلا اللحم والدم وصورتهما الظاهرة كما أنه ليس معه من الخير شيء» [مفتاح دار السعادة 227].

[اسداسنا]

احترامى لزميلى الفاضل ولمهنتنا السامية أقول له الحق كل الحق معك
لكن يبدو وأنه يؤذن فى مالطه
لأن الزملاء يبدو أنهم راضيين
يعنى ايه المكافأة حافز والكادر حافز
لما كل ذلك يبدو أنه لابد وأن نتفق ولو لمرة واحدة
سؤال أين نقابةالمهمشين(أقصد المعلمين)ومن هو نقيبهم
لابد ,أن نقول نحن هنا
لقد حدث عندنا حادث راح ضحيته اثنان من الشباب على الطريق الزراعى(باسنا محافظة الأقصر) بالقرب من
قرية القرايا بسبب الظلام فقام أهل القرايا مشكورين بعمل سد ترابى على الطريق وابوا
فتح الطريق حتى تنار هذه الوصلة من الطريق وعلى الفور خلال ساعات قاموا بانارة الطريق
ماذا فعل المعلمون ليحصلوا على حقوقهم شكرا؟؟؟؟؟؟؟؟؟؟؟؟؟؟؟؟؟؟؟؟؟

[مريم عمرى]

المعلمين دائما خايفين وبيمشوا جوه الحيط مش جنبه

[math.sherif]

انا معكم في اي تجمع او وقفه نطالب فيها بحقوقنا

لآن كدا حرام عليهم وبكدا احنا بنخرج في المقام الاول

دفع ظالمين عن ظلمهم ونأخذ حقوقنا بحمد الله

ان شاء الله في وقفه جاده قريبا جدا

[ishish333]

الناس كلها بتطالب بحقوقها وبتحصل عليها الا المعلمين قاعدين يتفرجو علي الاحداث وساكتين !

[emy technology]

والله كلامك عين العقل المفروض الكل يبدا ويقف بقي وقفه جامده وحاسمه لقصص المعلم في البلد دي لحد امته هيفضل المعلم منتظر الحسنه الا بتترمي له لازم نعمل وقفه عشان الكل يعرف ان وزاره التربيه والتعليم دي اكبر الوزرات ذات شأن في البلد ولازم اعتصامات ويبقي في جمعه اسمها جمعه المعلم ولازم نخد حقوقنا ونطلب كل مطالبنا الا تخلي كرامه المدرس وهيبته ترجع تاني ولو هنعمل اضراب عن العمل لمده عام وساعتها بقي يشوفو قيمه مهنه التعليم فيكي يا بلد ................ وشكرا

[heronet2500]

يا ريت التحرك كفاية نوم في العسل

[رامى.]

عندك حق والله فى كل الى انت قولته والكلام فعلا بيعبر عن الى جوانا كلنا مفيش وزير تربية وتعليم مسك الا وهان المعلمين كلهم واخرهم الوزير ابو كادر الى خلى صورة المعلمين بره وجوه زى الزفت وفى الاخر مصر برده عليه انا عايز اعرف الكادر الى الكل باصص فيه ده كام والله ملاليم حتى القرار بتاع 244 سابه للمحافظين يبهدلوا فينا وحسبى الله ونعم الوكيل فى اى حد يظلم المعلم لانها مهنة النبى عليه الصلاة والسلام كان الاولى بسيادة الوزير انه يشوف القرار اطبق فى بلده ولا لاء ولا سيبنا لمحافظ ربنا ينتقم منه هو ووكيل الوزارة محمود عميره

[seyamramadan]

الوزارة الوحيدة التي تهين أبنائها هي وزارة التربية والتعليم
حتي بعد الثورة الناس كلها بتاخد حقها تالت ومتلت إلا إحنا
حتي الوير اللي جابوه يحقق العدالة الإجتماعية ..راح إمتحن الناس كادر
والوزارات التانية شغالة تثبت الناس بتاعتها وترفع في أجورهم كل يوم
حتي الداخلية اللي قتلوا الشهداء ...الوزير بتاعهم رفع الأجور بتاعتهم أول ما إستلم الوزارة 200% من غير كادر ولا نيلة
والصحة وما أدراك ما الصحة ..كل يوم نسمع زيادة في الحد الأدني للأجور الخاص بهم
انا ماعارفش ليه الحكومة مش عاوزة تجيبلنا وزير يكون إتبهدل في التربية والتعليم وإشتغل مدرس في مدرسة علشان هو حاسس باللي إحنا حاسينه ..بدل ما يجيبولنا وزير إتعلم في جامعة لندن أو نيويورك أو باريس أو تل أبيب أو ......وسايبين المدرسين اللي إشتغلوا في مصر ....
التعليم مش هايتصلح غير لما يجيبولنا وزير من توبنا وقماشتنا
سؤال واحد قبل ما خلص :
هل يجوز أن يتولي معلم وزارة الإنتاج الحربي؟ ...............لالالالالالالالالا
هل يجوز أن يتولي معلم وزارة المالية ؟ ......................لالالالالالالالالا
هل يجوز أن يتولي معلم وزارة الخارجية ؟ ....................لالالالالالالالالا
هل يجوز أن يتولي معلم وزارة الداخلية ؟ ....................لالالالالالالالالا
هل يجوز أن يتولي معلم وزارة الصحة ؟ .....................لالالالالالالالالا
.....هل يجوز أن يتولي دكتور أو مهندس أو محامي أو لواء أو أي واحد من الشارع ماليهوش شغل وزارة التربية والتعليم ؟ ......نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم
هل يجوز أن يتولي معلم وزارة التربية والتعليم ؟ ............الموضوع ده صعب جدا يا جماعة تنفذه الحكومة ... أصعب من إننا نحارب إسرائيل وأمريكا وبريطانيا وفرنسا وإيطاليا وألمانيا وروسيا مع بعض

[bedo6777]

يريت يا جماعة كلنا نكون ايد واحدة عشان ايد لوحدها متصقفشى

[111سمسمة]

يريت يا جماعة كلنا نكون ايد واحدة عشان ايد لوحدها متصقفشى

[hazmanco]

على فكلره الناس كلها هنا كلام وبس ويقولك اعتصام ومظاهرات ولما تيجى ساعه الجد للاسسف اقل دائما من الخمس اللى بتكلم ونروح ونيدى مواعيد والناس ماتجيش للاسف ده سلوك ومش حتتقدر تغيرو يا صديقى العزيز

[اشرف عبد الحى]

اضراب عن الطعام أمام كل الادارات التعليمية هيقلب الدنيا. الأحد 13/7/2011
كل اللى عليك تعمله انك تقعد على الارض امام الادارة و ماسك لافتة مكتوب عليها انك مضرب عن الطعام. و اسألوا جوجل عن ايه هو الا\ضراب عن الطعام و ازاى يتنفذ.