تجارة انجليزى

[ryustan]

انا جبت 87.3% و 47 فى الانجليزى و ادبى
و واخد مستوى رفيع انجليزى و انا مش لغات

عاوز اعرف اقدر اخش تجارة انجليش؟ و اية شروطها و استعلم فين

[ahmed610]

اولا مبروووووك النجاح
ثانيا درجتك فى الانجلش جميلة واكيد هتساعدك درجة المستوى الرفيع الانجليزى اكيد هتضاف على المجموع
مبتفرقش حاجة فى التقديم انك تكون من مدارس لغات او مدارس حكومية بمعنى ان بتوع اللغات ملهمش اولوية ولا حاجة اهم حاجة المجموع
الشروط : انك تكون جايب فوق ال 40 فى الانجلش بس كدا مش فاكر شروط تانى والمصاريف حوالى 4500 فى السنة
تستعلم فين: ممكن تروح شئون الطلبة بتاعة شعبة اللغة ...لو انت فى القاهرة هتلاقيها عند الشبابيك الى تحت تجارة انجليزى
Good luck

[امير الوحش]

ولا انا جايب 87% و 45 ف الانجلش فرصتي حلوة ولا لا !!!!!

والسؤال الاهم هل لو انا اترفضت ف تجارة انجليزي مثلا القاهرة هما هيقلولي اروح اقدم ف اني جامعة فيها تجارة انجليزي ععلشان اتقبل ولا هعد الف انا علي كل الجامعات كعب داير !!!!

يا ريت حد يرد عليا بسرعة التنسيق جي ف الطريق

[ahmed610]

مقدرش اقولك فرصتك حلوة ولا لا يا امير دا بيتوقف على الكلية هتاخد دفعة اد اية والمجاميع بتاعت الثانوية السنادى عالية ولا لا وفى اقبال منن الطلبة على تجارة انجلش ولا لا وكل الحاجات دى بالنسبالى غيبيات معرفش عنها حاجة كل الى اقدر اقولهولك ان مجموع تجارة انجلش فى القاهرة فى الكام سنة الى فاتة مكنش بيقل عن 90 من ادبى بااستثناء الدفعة بتاعت السنة الى فاتت عشان دى كانت سنة الفراغ و الكليات كلها مجموعها نزل الارض ممكن يقل السنادى وارد طبعا ..........وطبعا تجارة انجلش فى الاقاليم مجموعها اقل وعين شمس وحلوان غالبا بيبقو اقل
بالنسبة للتنسيق بقى فا تجارة انجلش السنة الى فاتت كانت رغبة منفصلة بمعنى لما بتيجى تكتب الرغبات على النت هتلاقى تجارة انجلش (هتلاقيها مكتوبة كلية التجارة جامعة القاهرة شعبة لغة ) فا ممكن تكتب القاهرة الاول وبعديها حلوان وهكذا والى مجموعك يجيبة تدخلة ان شاء الله .......اعتقد ان النظام ده هيطبق السنادى بردة لانة اريح بكتير من التنسيق الداخلى
ربنا معاك