|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
16-02-2012, 08:27 PM
|
|||
|
|||
مين الصح .... ومين الغلط
اكيد كتير منكم زيي كده محتارين ومدايقين من احوال مصر
 لما بتكلم مع اصحابي عشان احاول افهم حقيقة ال بيحصل ومين الصح ومين الغلط .... حيرتي بتزيد  ال يتكلم بكلام يأيد فيه المجلس العسكري والشرطة .... بعد ساعة بلاقيه بيقول حاجات تانية ضدهم  وال بيأيد الثوار .... بعد ساعة بلاقيه يقول كلام ضدهم اتكلم مع الاهل .... الاقي نفس الحكاية ( ما عدا عمي وبس .... ضد المجلس العسكري ع طول الخط ) ولما اسمع كلام المؤيدين للمجلس العسكري .... الاقيه كلام مقنع  ولما اسمع كلام المعارضين .... الاقيه مقنع برده ولما اسمع كلام عمي الرافض للمجلس العسكري باستمرار .... الاقيه برده مقنع  حاولت ابطل اشغل دماغي بس مقدرتش .... دي مصر وانا مصري وعايش فيها وبتأثر زي غيري بكل حاجة بتحصل في مصر حاجات كتيرة بسمعها وبشوفها ومش قادر اعرف مين الصح ومين الغلط المقتولين صح ولا غلط القتلة صح ولا غلط المصابين صح ولا غلط رئاسة المجلس العسكري في الفترة الانتقالية صح ولا غلط مطالبة الثوار بتسليم السلطة لرئيس مدني مؤقت صح ولا غلط وجود مؤامرة لتقسيم مصر صح ولا غلط الانفلات الامني مقصود ولا غير مقصود طريقة محاكمة مبارك وال معاه صح ولا غلط وحاجات تانية كتيرة مش مفهومة ياتري ايه رأيكم مين صح ومين غلط ..... ايه الصح وايه الغلط ..... واخرة ال بيحصل في مصر ايه |
|
#2
16-02-2012, 09:41 PM
|
|||
|
|||
انت عارف ياحج احمد
الحاجة الوحيدة اللى ممكن تكون صح والغالبية متفقة عليها هو ان (مفيش حد عارف ايه الصح وايه الغلط)  اغلب الناس بتبنى اراءها على حاجات قديمة او اشاعات ..لكن راى على يقين فى حاجات معينة معروفة ..بس حتى الحاجات ده بيحاولوا يتوهوك فيها .. دلوقتى .. الشهداء اللى كلنا قلنا حق مفهوش نقاش ..وهياخدوا اعدام اياهم.. بقى بيتناقشوا فيه ولسه بنشوف الاول هما كانوا شهداء ولابلطجية !! وده يعتبر اهم شىء .. شوف بقى دخلوك فى حكايات تانى .. هو الرئيس اللى كان بيصدر الغاز ولا المخابرات ؟ هو الجيش اللى قتل المتظاهرين ولا الشرطة ؟ هما اللى فى التحرير ثوار ولابلطجية ؟ هى البيضة ولا الفرخة ..  اى فكرة دلوقتى هتلاقى واحد بياخدها حسب مصلحته ..سواء مؤيد ليها او معارض .. انا ضد سياسة المجلس العسكرى .. وبنيت رايى فيه بناء على حاجات قديمة وجديدة .. سيبك من القديم .. المفروض ان لما جه قال انا مع الثوار وحاميها وكل الكلام الجميل ده ,, المفروض بقى انك بتورينى فعل اصدق انك حاميها ..انك بتصدر قرارتك من نفسك للثورة .. انا ساعتها احس انك حاميها .. مش تستنى اعملك مظاهرة ويموت 20 واحد على الاقل ويتصاب مئات .. عشان اوصلك انى عاوز احل مجلس الشعب والشورى القدام او اصدار قانون الغدر ..الخ من اللى حصل فى عهد المجلس ..فى السنة اللى قعد فيها.. مفيش قرار طلع غير بمظاهرة وشهداء ومصابين .. وسايب كل الفلول فى اماكنهم محافظين وكل المسئولين زى ماهما .. المتظاهرين يطلبوا جكومة ائتلافية من الشعب ..تروح تجيب واحد عنده حوالى 80 سنة .. !! وحاجات كتير بصراحة اتكلمنا فيها كتير .. وبعد كده لسه بتقول انا حامى الثورة ..شوف قراراتك كانت ضد ولا مع الثورة وبعد كده شوف انت فين ..؟؟ .. خلاصة الكلام ياحج احمد .. المفروض اول ما خلعنا الرئيس .. ماكناش دخلنا الجيش يمسك بداله .. ده غلطة الثورة .. وبعدين انت اسمع كلام عمك  |
|
#3
17-02-2012, 02:34 PM
|
|||
|
|||
|
اقتباس:
حلوة حج احمد دي
 ربنا يسمع منك المشكلة فعلا حالة التوهان الموجودة في مصر حتي كلمة الشهداء بئا مش متفق عليها بين الناس فيه ناس بتقول عليهم شهداء .... وفيه ناس تانية بتقول عليهم مش شهداء وعشان تعرف اني بسمع كلام عمي ( مش فكل حاجة بصراحة ) لما بسمعه بيتكلم مع كل الاهل وتيجي مشكلة شهداء ولا مش شهداء ع طول يرد ويقول سيبكوا من انهم شهداء ولا لأ ....... عاملوهم علي انهم مقتولين ... يعني فيه قاتل وفيه قتيل .... عايزين نعرف مين القاتل وقتل ليه .... والمقتول يستحق القتل ولا لأ .... وده ال متمش لحد دلوقتي ومش حيتم طول ما المجلس العسكري في الحكم المحافظين والمسئولين ال زي ما هما .... قالوا لو شلناهم البلد تقع ويبقا بنهد الدولة وندمرها الجنزوري صحيح سنه كبير بس مش هو الوحيد .... طيب مهو عصام شرف كان اصغر في السن منه بكتير وميدان التحرير اختاره .... ومع كده الميدان برده طالب باقالته يعني الموضوع مش موضوع سن مش قلتلي .... اخرة ال بيحصل في مصر ايه من وجهة نظرك؟ نورت الموضوع |
|
#4
18-02-2012, 01:36 PM
|
|||
|
|||
|
اقتباس:
عقبالنا جميعا ان شاء الله ,, .. فيه ناس حتى مختلفين ,,فى حالة التوهان نفسها يعنى حتى التوهان توهوه بمعنى ,, فيه مش عارفين الحاجات ده مقصودة ولا غير مقصودة ,, فيه طرف تالت ولا مفيش .. الفوضى مننا احنا عشان مالتزمناش وغيرنا نفسنا الاول ولا فيه ناس عاوزة مصر كده ,, والناس ده مش كتيرة يعنى ,, لان الغالبية بترمى على اللهو الخفى ,, على ماتفرج !! .. وزى ماقال عمك بالظبط ,, هو ده الكلام ,, .. ومش هنشيل المحافظين كلهم مثلا او المسئولين ,, بنشيل اغلب المتورطين الاول ,, ونعين من تحتهم كفاءات وناس نزيهة ,, لحد ما العجلة تمشى ,, وبعد كده تعيد النظر فى الباقى ,, الناس تحس ان فيه تطهير فعلا ,, وفيه ثورة قامت .. وفيه مسئولين بيتخذوا قرارت ثورة .. مش هحتاج اعمل مظاهرة واخرج عشان اطلب من المسئول طلب ,, لكن هما عاوزين ينسوا الشعب ان كان فيه حاجة اسمها ثورة .. وكل القرارت بتايد كده ,, وحلمهم ان اللى فات يرجع ,, لكن الشعب واقف برجولة وبقلب ميت .. ومش هتنازل عن مطالبه ,,وهوده مصدر التفاؤل بالنسبة ليا ..اللى هرد بيه على سؤالك .. انا متفاءل ان شاء الله ببلدنا .. حتى لو مسك الحكم ايا كان ,, لاتنازل عن مطالب واهداف الثورة ,,كسرت كل الحواجز .. .. اتمنى بس يكون فيه تعاون من جميع التيارات وروح الارادة ترجع تانى .. ومحدش يتربص بحد زى مابيحصل من تيارات معينة دلوقتى ,, مع العمل والشغل والعلم ان شاء الله نكون احسن بلد فى الدنيا ,, الف شكر على موضوعك الجميل ,, |
|
#5
18-02-2012, 10:00 PM
|
|||
|
|||
|
اقتباس:
فعلا مصر محتاجة التعاون من جميع التيارات
ويارب فعلا نكون احسن بلد ف الدنيا كلها الشكر ليك انت علي مشاركاتك المفيدةووجهة نظرك الواضحة  |
|
#6
17-02-2012, 03:19 PM
|
||||
|
||||
|
الحاجة الوحيدة اللى ممكن تكون صح والغالبية متفقة عليها هو ان (مفيش حد عارف ايه الصح وايه الغلط)
__________________
Mr. Mohammed Saleh
English Teacher |
|
#7
17-02-2012, 07:32 PM
|
|||
|
|||
|
اقتباس:
طيب نقيم الامور ازاي من غير منعرف الصح من الغلط
 واذا فضلنا كده ومحدش عارف ايه الصح وايه الغلط .... مصر حيحصل ليها ايه نورت الموضوع استاذ محمد |
|
#8
23-02-2012, 02:55 PM
|
||||
|
||||
|
الكل مخطأ ، بما فيهم المجلس العسكرى وأنا وأنت
لا تستثنى أحداً والصحيح هو التزام التهدئة حتى يستقر البلد ولإرساء نظام ولن يتضح المشهد جيداً إلا بدستور ورئيس أما المطالبة برحيل العسكرى والاعتصامات فلا تعنى إلا مزيدٍ من الدماء ، مزيدٍ من الفوضى ، ولن يتحقق المطلب
__________________
 استودعكم من لا تضيع ودائعه |
|
#9
24-02-2012, 11:13 PM
|
|||
|
|||
|
اقتباس:
وانا غلطان في ايه حضرتك
ولما الكل يبئا غلطان ومنقدرش نستثني حد من الغلط مين بئا ال حيصحح الغلط ده  يا فندم مهو التزام التهدئة دي هي ف حد ذاتها مشكلة لان كل فريق فاكر ان الفريق التاني هوه ال لازم يلتزم الهدوء وان كل واحد فيهم هوه ال بيثير الفوضي والمشاكل بس بردو عايز اعرف انا غلطان في ايه ايه ال ف ايدي اعمله ومش عملته |
|
#10
25-02-2012, 01:37 PM
|
||||
|
||||
|
اقتباس:
1- الثوار " إذ جعلوا ثورتهم بلا أبٍ شرعى ، ولسماحهم للمخربين بأن يندسوا بينهم . 2- الذين أساءوا التقدير وطالبوا الثوار بترك الميدان " أعنى بعد الثورة مباشرة " . 3- الذين يدافعون عن النظام السابق ، وأحسبنى لست فى حاجة لبيان عوارهم . 4- الصامتون الذين رفضوا أن يدلوا بدلوهم وآثروا السلبية وكأن الأحداث فى قطر آخر غير شقيق . 5- الذين بالغوا بفرض المطالب وليس بعرضها وقد ارتكبوا جرائم الحرق والخطف وقطع خطوط السكك الحديدية . 6- الداخلية سواء بانكسارها ، أو بتآمرها من أجل العودة المشروطة ، وبنفس تجاوزاتها المعهودة . 7- المجلس العسكرى الذى لم يكن يستجيب إلا تحت ضغط وأخطاؤه سواء ما كان منها عن عمد أو عن غفلة لعدم حنكته السياسية ولأنه كان حريص على سمعة جيش مصر . 8- وزارة شرف رغم حسن النية لأنها لم تكن تملك قراراتها بنسبة 100% . 9- الدول العربية برفضها مساعدة مصر حتى لا تكون ثورتها نموذجاً يتم نقله إليهم . 10- الدول الغربية وبنك النقد الدولى برفضهم المساعدة ما دمت لم تسمح لهم بهندسة نظامك القادم الذى يخدم مصالحهم . وأخيراً : لقد وجدت نفسى فى الفئة رقم ثلاثة ، ليتك تخبرنى أين وجدت نفسك لم أنتهى ولكنى توقفت لعدم الإطالة . جزاك الله خيراً
__________________
استودعكم من لا تضيع ودائعه |
|
#11
25-02-2012, 02:41 PM
|
|||
|
|||
|
اقتباس:
معلش حضرتك
ملقتش نفسي ولا واحد منهم يمكن رقم 4 شوية بس ده مش معناه اني سلبي انا عايز اعرف الصح فين عشان اكون معاه واكون ايجابي ولو انا كنت متأكد الصح فين ومع مين مكنتش كتبت الموضوع ده ولو انحزت لفئة معينة وانا مش متأكد انها صح ابئا كده ايجابي  ده غير ان ال 10 بنود ال حضرتك قلتهم بيشملوا تقريبا كل الشعب اومال مين ال حيعدل الاوضاع ويصححها يا فندم حضرتك منور الموضوع كله ويشرفني ان حضرتك تقول كل حاجة وميهمكش الاطالة خالص |
|
#12
26-02-2012, 12:38 AM
|
||||
|
||||
|
اقتباس:
نسيت أسأل حضرتك ***يك إيه
حضرتك تقر بأنى صنفت الشعب كله
__________________
استودعكم من لا تضيع ودائعه |
|
#13
26-02-2012, 12:50 AM
|
||||
|
||||
|
اقتباس:
الصح الذى تسأل عنه من وجهة نظرى المتواضعة ، ولا أحاول فرضه على أحد
يتمثل فى الصمت والمراقبة مع الدعوة لاستئناف العمل والتخلى عن الإحباط الذى أصاب أكثرنا فقط نظراً لمخاطر المرحلة وخاصة الملف الاقتصادى المتهاوى وحتى أكون واضحاً : الصح الذى تسأل عنه نسبى ووقتى فما أراه اليوم بعكس ما رأيته بالأمس ومؤكد أنه سيختلف عنه غداً بعد انتظام البلد تحت قيادة رئيس فـ " لكل مقامٍ مقال "
__________________
استودعكم من لا تضيع ودائعه |
|
#14
19-03-2012, 10:37 PM
|
|||
|
|||
|
اقتباس:
أي تهدئة تعنيها ؟!!
تهدئة من وجهة نظر فلول مبارك ؟! تهدئة من وجهة نظر المجلس العسكري ؟! تهدئة من وجهة نظر الثوار ؟! تهدئة من وجهة نظر من يواكبون الموجة ؟! وأي نظام هذا الذي تريد إرساؤه ؟! مازال نظام مبارك كما هو !! ولا تأمل أن يتغير في ظل وجود المجلس العسكري , وبيننا الانتخابات الرئاسية والدستور ( وأتمني أن أكون علي خطأ , ولكن كل المقدمات تقول بأنني علي صواب إن شاء الله تعالي ) وأخشي أن تعم الفوضي أنحاء مصر بعد إقصاء مرشحين بأعينهم في الجولة الأولي ( بالرغم من ثقلهم الشديد في مصر كلها ) حتي يطيب الأمر في الجولة الثانية وفقاً لما يراه المجلس العسكري !! الدماء تم سفكها بالفعل , وحتي الأن لم يتم محاسبة القتلة !! والصمت والتهدئة اللتان تطالب بهما , سيجعل هذه الدماء تذهب هباءً منثوراً !!! أذكرك بمقولة الشيخ الشعراوي ( غفر الله له وأدخله فسيح جناته ) ( الثار الحق هو من يثور ليهدم الفساد , ثم يهدأ ليبني الأمجاد ) حينما يتم هدم الفساد , حينها فقط تطالب الجميع بالهدوء لبناء الأمجاد . دمت بكل الود والخير . |
|
#15
23-02-2012, 06:36 PM
|
|||
|
|||
|
الحاجة الوحيدة اللى ممكن تكون صح والغالبية متفقة عليها هو ان (مفيش حد عارف ايه الصح وايه الغلط)
"مش كده بالظبط" بس فيه ناس كتير عارفة الصح و مابتعملوش |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 08:21 PM.
