استفسارات عن حقوق انجليزي القاهرة

The king Boy · #1 26-07-2012, 03:13 AM

السلام عليكم ورحمة الله وبركاته
كان عندي شوية استفسارات اتمنى حد يرد عليا
1-هل في حد بيدي مجموعات او دروس
2-فيه ملازم للمراجعة وملخصات
3-الدكاترة حلوين ولا وحشين وبيشرحوا كويس
4-الامتحانات عادية ولا صعبة
5-التصحيح اخباره ايه

silkhassan · #2 27-07-2012, 03:24 AM

فى دروس و الحصة فى المواد الانجليزى ب ٦٥ ج او ٧٥ ج
فى ملازم بس اخرها تخليك تنجح بالعافية
الامتحانات صعبة جدا
التصحيح : خلينى ساكت احسن

The king Boy · #3 27-07-2012, 04:44 AM

مين الي بيدي الدروس ومعنى كده اني لازم اذاكر من الكتاب والامتحانات صعبة جدا ازاي يعني مش الي مذاكر كويس خلاص وانت نتيجتك طلعت ولا لسه وانت بامانة كنت بتذاكر بما يرضي الله

محمد خليفة 6 · #4 27-07-2012, 09:36 AM

اة لازم تذاكر من الكتاب وحاول تلخص يعنى تاخد العناصر

واللى انتة فهمتة من تحت العناصر وبكدا تقدر تجيب تقدير

بكل سهولة اما موضوع الكورسات دا فى بس اكيد بتكون غالية

فى الانجلش لانى مش عندى فكرة بيها ولكن خلى كل

تركيزك على الكتاب فى الاول هيكون صعب معاك وبعدين هيكون

عادى جداً مع التعود وظبط نفسك فى اللغة بالتوفيق عزيزى

The king Boy · #5 27-07-2012, 01:29 PM

متشكر جدا على رد حضرتك

silkhassan · #6 28-07-2012, 03:26 AM

اللى بيدى دروس فى مواد انجليزى
أ/نيرمين (سنتر بسملة الدقى ) : international organization و political systems
الحصة : 65 ج
أ/ايهاب (سنتر بسملة الدقى ) :economics و criminology and penology
الحصة : 65 ج
أ/فرج (سنتر just (
criminology and penology
الحصة : 75 ج

لازم تذاكر من الكتاب

لسة النتيجة مطلعتش . بصراحة كنت بذاكر عادى : طالب متوسط

The king Boy · #7 28-07-2012, 05:05 AM

اه تمام وربنا يوفقك ان شاء الله وتطلع نتيجتك حلوة وانت محبتش القانون يعني او المواد والي بيدو الدروس دول ايه يعني وظيفتهم ايه والدروس غالية كده ليه هي مميزة يعني وبيدوا حاجات متوقعة وبتيجي ولا شرح بس زي الدكاترة ولو حد بيحضر ويفهم ويذاكر من الكتاب يجيب تقدير ولا لا وازاي فيه طلبة بتجيب امتياز وجيد جدا يعني بيعملوا ايه والطلبة كلها بتيجي ولا فيه ناس بتنفض للكلية

The king Boy · #8 28-07-2012, 05:07 AM

اه معلش وبتبقى كام يوم في الاسبوع وكام محاضرة والدكاترة متجاوبين يعني ممكن تروح لدكتور في المكتب وتسأله على حاجة وكده ولا رخمين وهل بيقولوا مثلا ركزوا على ديه وديه ولا بتذاكر المادة كلها

The king Boy · #9 28-07-2012, 05:25 AM

اه وحاجة تانية هي فيه مواد عربي ومواد انجليزي ولا كله انجليزي وهل الكتاب كله بيتذاكر ولا مطلوب حاجات معينة الدكتور بيطلب منك حاجة تعملها بحث مثلا او كده ولا لا اماكن الدراسة ايه وهل هي مكيفة

silkhassan · #10 28-07-2012, 03:05 PM

مشكلة القانون : ان فى تفصيلات كتير اوى و ارارء كتير فى القانون و كلام كتير ملوش لازمة

أ/ نيرمين خريجة سياسة و اقتصاد

أ/ايهاب خريج على ما اظن تجارة

الدروس غالية عشان انت فى حقوق انجليزى بتدفع 5150 ج و بتدفع كارنيه الجامعة 150 ج

موضوع الامتحان :
فى اسئلة بتبقى متوقعة مش شرط اللى يتوقعها واحد بيدى درس او حاجة . انت ممكن تتوقع بس الفكرة ان الامتحان بيجى : عبارة عن عنواين لفصل فى المنهج : بمعنى اقولك اتكلم عن القاعدة القانونية و اسيبك تكتب . الاجابة مثلا بتبقى فى حدود 4 او 5 صفحات من الكتاب بمعنى ان الاسئلة قليلة فى المنهج بس الفكرة ان الاجابة كبيرة جدا عشان كدة انت ممكن تتوقع بعض الاسئلة . مثال تانى : اتكلم عن طرق تعديل الدستور و اكتب انت براحتك . الاجابة بتبقى كبيرة جدا . ياريت تكون فهمت قصدى و لو مش فهمت قولى و انا هوضح اكتر . شرح اللى بيدوا دروس بيبقى اوضح و اكثر تفصيلا . على سبيل المثال د/ جان لوكا ده راجل بيشرح بالانجليزى بس و اللكنة بتاعته صعبة انك تفهمها . بتاع الدرس بيشرح بالعربى و الانجليزى كدة يعنى . بعض الدكاترة بيشرحوا بطريقة سطحية . بتاع الدرس بيشرح بتفاصيل اكتر . فى فرق بين مذاكرة المواد العربى و المواد الانجليزى . المواد العربى مش لازم تحضر بس تذاكر من الكتاب . بس مذاكرة شديدة هتجيب تقدير . جيد جدا لو ذاكرت تجبها لكن امتياز صعبة فعلا . المواد الانجليزى لازم تحضر . فى كل كلية هتلاقى طلبة لا يمثلوا طلبة الكلية بمعنى انك هتلاقى طلبة مش بتحضر و مش بتذاكر . و هتلاقى ساقطين ده عادى . بس على الفكرة السقوط سهل جدا فى حقوق و خصوصا ان مفيش اعمال سنة تسندك و لا اى درجة تسندك

انا هقولك الجدول :
الترم الاول :
الاحد : criminology و تاريخ قانون (الجزء الاول )
الاثنين :مدخل قانون (الجزء الاول ) و قانون دستورى و شريعة (الجزء الاول )
الثلاثاء : international organization
الاربعاء : احوال شخصية لغير مسلمين و political systems و شريعة (الجزء التانى ) و تاريخ قانون (الجزء التانى)
الخميس : مدخل القانون (الجزء التانى ) و anglo american بس الدكتور طول الترم الاول مش بيجى و خدناه الترم التانى

جدول الترم التانى :
السبت : economics
الاحد :criminology و شريعة الجزء الاول
الاتنين : economics
الثلاثاء :اجازة
الربعاء :international organization و political systems و شريعة (الجزء التانى )
الخميس : anglo american

انت ممكن تروح للدكتور فى المكتب بس ده لو لاقيته لو ممكن بعد ما الماحضرة تخلص تروح جرى عليه عشان تلاحق تسأله لانك هتلاقى كتير بيسألوه

بنذاكر المادة كلها

فى مواد عربى :
قانون دستورى
شريعة اسلامية
مدخل قانون
تاريخ قانون
احوال شخصية لغير مسلمين

مواد انجليزى :
political systems
criminology and penology
international organization
economics
anglo american

-المناهج كبيرة جدا (على سبيل المثال : الترم الاول انت بتاخد 4 مواد : تاريخ قانون - احوال شخصية لغير مسلمين - مدخل قانون - قانون دستورى . تاريخ قانون دى كتابين على بعض 350 صفحة و احوال شخصية 250 صفحة و قانون دستورى 250 صفحة و مدخل قانون كتابين 600 صفحة و الترم التانى 6 مواد شريعة اسلامية 700 صفحة (كتابين ) political system لدكتور جان لوكا (ايطالى ) بيتكلم انجليزى بس تقريبا 100 صفحة انجليزى بس المشكلة انك هترجمهم و مادة international organization كتاب 500 صفحة انجليزى و هترجمهم و مادة anglo american 40 صفحة انجليزى و مادة criminology and penology دى صغيرة بس المشكلة فى الترجمة و مادة economics دى مش هتفهما اصل دى المادة الوحيد اللى فهم الباقى كله كلام مرصوص )

مفيش و لا بحث و لا انشطة و لا الكلام ده كله

اماكن الدراسة :
المدرجات قديمة و زبالة اذا قارنتها بتجارة انجليزى بس مكيفة

لو فى اسئلة تانية اسأل براحتك

برده هقولهالك ادخل تجارة انجليزى

بس انا عايز اقولك حاجة انا بعد ما دخلت حقوق انجليزى وقررت احول لكلية تانية اكتشفت ان مش ينفع احول لتجارة انجليزى القاهرة او سياسة و اقتصاد انجليزى القاهرة او حقوق انجليزى عين شمس او تجارة انجليزى عين شمس و الامل دلوقتى فى تجارة انجليزى حلوان . اللى انا اقصده ان التحويل يكاد يكون مستحيل فى الكليات الانجليزى معنى كدة ان الموضوع انك يا تختار الكلية الصح يا تلبس فى حقوق انجليزى عشان كدة هقولك فكر براحة و متستعجلش و ادي نصيحتى و انت حر

The king Boy · #11 28-07-2012, 07:37 PM

انا متشكر جدا جدا على ردك بصراحة وانا هقولك بصراحة انا استخرت ربنا وبقيت ميال لحقوق بس انت بتخوفني منها اوي في حاجات كتير والسؤال هو انت روحت لمين وقال ان التحويل لعين شمس مينفعش ومينفعش ليه مش المهم ان واحد يكون جايب تقدير وعايز اقولك ان الي اعرفه في عين شمس الدروس رخيصة اوي مقارنة بديه بس انا نفسي اعرف حاجة بجد هي المناهج واحدة في الجامعتين ياريت فعلا تكون كده وانا عارف انك بتنصحني وخلاص ومقدر كده بس انا استخرت وان شاء الله خير وافتكرت اه في عين شمس برضو بياخدوا في قاعات مكيفة وكويسة جدا مش عارف هما مهملين ليه في الكلية في القاهرة

silkhassan · #12 29-07-2012, 03:49 PM

جامعة عين شمس طلعت بيان قالت شروط صعبة جدا عشان تحول فى الكليات الانجليزى . لو كدة كدة داخل يبقى ادخل عين شمس . فى ناس قالتلى انها سهلة و ربنا معاك و بقولك فكر تانى عشان متندمش بعد كدة و تضيع سنة من عمرك ذى حالاتى او تتعب الاربع سنين اللى جايين

The king Boy · #13 29-07-2012, 05:00 PM

طب معلش ممكن تقولي شروط التحويل علشان ابقى عارف بس

zizoninja · #14 30-07-2012, 02:16 AM

بص يا كبير احنا ان شاء الله اتنقلنا 6 اكتوبر لفرع جامعة القاهرة هناك نضيفة جدا وشبيهة بجامعة خاصة بس زي ما قلكsilk المواد صعبة شوية بس لو حاببها خلاص ونتيجة لسة ماتلعتش مع اننا مخلصين بقالنا شهر بس بوس الكلية رغم عيوبها فمزالت احسن من تجارة لان خريجنها قليلييين جدا

silkhassan · #15 30-07-2012, 12:26 PM

انا شخصيا اعرف ناس اتخرجت من حقوق انجليزى وكان بيتقال لهم انهم هيرحوا الشيخ زايد و مرحوش عشان كدة مش عايز اجيب سيرة حاجة وانا مش متأكد منها و بخصوص التحويل :
1-لازم على الاقل جيد
2-لو هتروح جامعة تانية بس نفس الكلية يبقى لازم تغير مكان سكنك و دى سهلة بتغير عنوانك فى البطاقة من اى سجل مدنى . دى شروط مبدئية . فى شروط بتبقى مخصصة لكل كلية و لكل جامعة

عدد طلبة كلية حقوق انجليزى عين شمس حوالى 440 واحد تقريبا