مفيش أمل كدة صح ؟؟؟؟؟؟؟؟؟

[بسنت أيمن]

سوري يا جماعة لكن بجد خلاص ما بقاش عندي أعصاب ولا احساس
النهاردة الجمهورية قالت كلام صدمة بجد بس اعتقد ع قد ما قريت ان ما مفيش حد غيرها قال الكلام ده اللي هو طب من 98.8 وأسنان من 98.2 وصيدلة من 97.8 هل الكلام ده فعلا صح؟؟؟؟؟؟؟؟
ده لسة انا قريت امبارح في اليوم السابع وغيرها من المواقع ان في أخبار سارة لطلاب العلمي علوم وان الحد الأدنى هيقف لطب عند 98.4 وسمعت الحياة اليوم قالو ان صيدلة 97.5 بس مفيش حد قال نسبل زي الجمهورية دي خااااااااااالص
انا جايبة 400.5 يعني 97.68 يعني هتفرق معايا ع واحد من عشرة مع العلم اننا عملت تظلم في الفيزياء وليا درجتين من حقي يعني لو كنت اخدتهم بعدل ربنا كنت جبت 98.2 وكنت دخلت صيدلة بجد حراااااااااااااام
لو حد عنده معلومات يقلي وهل التظلمات في حد السنة دي اخد حاجة منها ؟؟؟؟؟
انا لو على كلام الجمهورية مش هلحق صيدلة اللي هي حلم حياتي بسبب نص درجة بالرغم اني مظلومة في درجتين
مش هقول بجد غير حسبي الله ونعم الوكيل في كل واحد صحح من غير ضمير وكل واحد حرم طالب من حلمه وهو تعب هو وعيلته وجاب مجموع كبير يلحق في اي سنة الكلية اللي هو عايزها لكن السنة دي انتو عارفين بقى الباقي ........

[أمورة بس مش مغرورة]

تفائلى أختى إن شاء الله القادم أفضل وربنا يوفقك وكل الطلاب جميعا إن شاء الله بس قولى يــــــارب

[Dr.Mohamed Attia]

دة كلام جرايد ما تصدقيش واستنى بكرة

[soosoo_kotp2000]

خلى أملك فى ربنا كبير .... ان شاء الله تلحقى صيدلة .... وحتى لو قدر ربنا ومجبتيش الكلية اللى نفسك فيها أكيد ربنا هيكون اختارلك الأفضل

[الاستاذ22]

أولاً خلى أملك فى ربنا كبير و أعلمى أن إرادة الله فوق كل شئ
ثانياً : لو قرأتى كل الجرايد ح تلاقى اختلاف فى النسب و كل المشاركات برضو فى اختلاف فى النسب
الصبر أفضل حتى تظهر النتيجة
سأصبر حتى يعلم الصبر أننى صابر

[دكتور حسام طلعت]

انا جايب 97.56% و مرعوب ماجبش صيدلة ... ربنا يستر بس حسب كل التقارير بيقولوا باذن الله الحد الادني لصيدلة حيكون 97.5%

[Eng/ Hamada obey]

كل سنة بيكتبوا الكلام ده ومش بيبقى صح ابدا

[maker freedom]

إن شاء الله ربنا هيكرم الجميع ...
توكلوا على الله

[شمس الكون]

بصى كلنا اعصابنا وباذن الله خير بس اللى اقدر اقولهولك
ان اسنان لو م 98.2 ده يبقى حلو لان صيدلة هتبقى مثلا م 97.5
ع الاقل بعنى وكمنا ممكن تبقى اقل من كده كليات الصيدلة كتير جدا
فهو بياخد عدد اكبر مستحيل تبقى 4 م عشرة يس
السنين اللى قبل كده كانت بتعدى ال 1% و ال 1.4%
ادعى وان شاء الله خير يا جميل ويارب تجيبك صيدلة

[عبدالرحمن بشرى العطار]

ان شاء الله خير .

[محمد السيد الحلم]

أعوذ بالله من الشيطان الرجيم
بسم الله الرحمن الرحيم
الحمد لله قدر الله وما شاء فعل
تفائلوا خير
سيبوا امر الدرجات والتدابير على ربنا فهو خير المدبرين فهو اذا اراد شئ يقول له كن فيكون
وهو خير المدبرين
والله معنا

لا تنسوا رمضان !!!!!
اللهم اغفر لنا ذنوبنا اللهم ارحمنا
اللهم اعتق رقابنا من عذاب النار
اللهم اجعلنا من عتقاء هذا الشهر الكريم
اللهم توفنا مع الابرار الصالحين
اللهم ارفق بنا
يا رب يكون التنسيق مرضي وحلو
يا رب ندخل ونلتحق بالكليات التي نتمناها
محمد
لا تنسونا من صالح دعائكم
ادعولنا في صلاة الفجر وفي كل وقت
يا رب دبرها من عندك فانت خير المدبرين
اللهم امين

[ahmed_200]

انا التمس اجابة لسوالى
هو الطب البيطرى هياخذ من كام
مع العلم ان مجموعى 96.2% وهموت على الكلية دى بجد ارجو الرد باقصى سرعة

[m7md abdo]

والله مفيش احلى من الــــــــــصبر لكام ساعة بس والكل هيستريح ويعرف هيمشى من اى طريق

[tweetyy]

بلالالالالالالالالالالالالالالاش كلام جرايد محدش يبص في الجرنال ولعى فيه الله يكرمك هههههههههههههههه لان كل دى توقعات ومحدش عارف الخير فين ممكن واحد يجرى ويسعى وراء حاجه وتكون مفيش فيها الخير ليه فاربنا يبعدها عنه توكلى على الله وثقي فيه وادعيه انه يهيألك الخير