العقد المرسل لى من قطر

[ابراهيم ابراهيم الأشرم]

الاخوة و الاخوات كل سنة اتقدم لمسابقة المعلمين بقطر و اسجل نفسى و اخذ رقم و لكن لا يرسل احد لى لا بنعم و لا بلا افيدونا من فضلكم

[bakkar101]

نفس اللى حصل معايا انا مقدم من اكتر من شهر ومفيش جديد وتقريباً بدخل على موقعهم يومياً . ربنا ينتقم من الحكومة الظالمة اللى خلتنا نحتاج للسفر والغربة

[sedik mohamed]

ممكن نعرف من حضرتك هى مسابقة عمان مستمرة ولا انهاردة أخر يوم فعلا للتقديم

[aleman]

المشاركة الأصلية كتبت بواسطة عصام الفولي

توكلي علي الله

شكرا للنصيحة اخى الفاضل

المشاركة الأصلية كتبت بواسطة sedik mohamed

ممكن نعرف من حضرتك هى مسابقة عمان مستمرة ولا انهاردة أخر يوم فعلا للتقديم

لا اعلم والله
واتمنى احد يفيد حضرتك غيرى
بالتوفيق باذن الله

[aposlama2011]

اللة المستعاااااااااااااااااااااااااااااااااااااااااااا ااااااااااااااان

[aleman]

منذ فترة وضعت موضوع بعنوان قطر ارسلت لى
وفعلا تم الرد بالموافقة على اختيارى وامبارح الساعة 2 الظهر تم ارسال لى العقد عن طريق الاميل
عقد العمل هناك
وتم طلب صورة جواز السفر ليكملوا اجراءات التأشيرة
بمدرسة بنات اعدادى وثانوى
مدرسة الشحانية المستقلة للبنات
وهذا اسم المدرسة المورود بالعقد
وفيه الاتى:
لى اجازة سنوية 45يوم براتب
منح تذكرة طيران سنوية
راتب 11600 ريال قطرى
(بالاساسى والعلاوات كما ذكر بالعقد)
لايوجد سكن وانما السكن عليا
فيه فترة 3شهور اختبار يجوز للطرفين فيها انهاء العقد
لكن تحته شرط عدم الانقطاع اثناء العام الدراسى الا بتقديم اسباب مقنعة للادارة
(اى هذه الشرط مناف للسابق)
المهم:
ان جواب موافقة وزارة قطر اتى مع العقد لكنه موافقة على العمل لمدرسة اخرى تسمى الجميلية ابتدائى واعدادى وثانوى مستقلة بنات
واساسى الراتب مذكور هنا 6000ريال فقط
من البحث عرفت ان مديرة كلا المدرستين واحدة
وهى استاذة هيا
تساؤلى:
هل ينفع اخذ اجازة من العمل 3 شهور فقط ولو كملت اخلى احد من اهلى هنا يمدها سنة؟ ام اخد سنة وانا لو حبيت ارجع فى اى وقت سهل انى اقطعها؟
هل هذه المدرسة بالقرب من الدوحة ام بعيدة؟
ومن اين احصل على موقع يعطينى مواقع المدارس بمدينة قطر؟
هل ينفع ان الحكومة القطرية ترسلى مدرسة اعمل بها ومديرتها تودينى مدرسة اخرى باعتبارها مسئولة عنها؟
وهل ينفع ان يختلف الراتب بالعقد عن الاساسى بموافقة الوزارة؟
والاهم من ذلك كله مشكلة بالنسبة لى وهى:
التعاقد على مدرسة رياضيات اعدادى وثانوى
هل اعدادى قطر هو هو اعدادى مصر؟ ام المناهج اقوى ونازلة من ثانوى عندنا بمصر
لان قيل لى ان المناهج بالمرحلة الاعدادية القطرية اقوى من مصر وكأنها منهج ثانوى بمصر
طبعا انا معلمة اساسى اى ابتدائى واعدادى
لن اطلع واوافق على التعاقد لو المناهج الاعدادية بقطر قريبة من ثانوى مصر
لانى مش هفيد فيها خالص(واقول ذلك ككلمة حق فى نفسى لن اداريها رحم الله أمر عرف قدر نفسه)
خريج اساسى ليس كخريج رياضيات عام بكلية التربية (طبعا لا اعيب فى مدرس ابتدائى فهناك مدرسين ابتدائة عباقرة بمناهج ثانوى لكنى للاسف لست كذلك اخرى ثالثة اعدادى مصرى)
صحيح معى تمهيدى ماجستير لكنه متعلق بالحياة والطلبة من الناحية النفسية وليس له علاقة بالتخصص والمؤهل
اعرف اوصل المعلومة فى اى مادة ولاى تخصص بأسلوب بسيط
انا ادرس رياضيات ابتدائى واعدادى فقط لا أعلى من ذلك

هل ممكن اطلع عادى واستغل الفرصة كما قال لى البعض
قالوا لى اطلعى وهناك شوفى المنهج عرفتنى تمشى فيه كملى لم تستطيعى قوللهم ذلك وهم هيتصرفوا وممكن ينزلوكى ابتدائى او اى مكان يناسبك هناك لانهم خلاص هيبقوا دفعوا ثمن التذكرة (اى كلفتيهم)
طبعا انا لم اقتنع بهذا الكلام لانه من وجهة نظرى حرام والله اعلم
واتصلت بالرقم القطرى اللى كلمتنى منه الموظفة لتبلغنى انها ارسلت لى على الميل لكن التليفون علطول مغلق
بصراحة كنت هكلمها اقولها انا معلمة ابتدائى والتعاقد على اعدادى وافهم منها المناهج اللى هناك ازاى
لكن لما لقيت الهاتف مغلق قولت يمكن ربنا مش رايد انى اقولها كده
يمكن ربنا رايد لى السفر
انا محتارة والله
ياريت ألاقى الافادة هنا
مع الشكر مقدما
واعتذر للتطويل
وبجد يا جماعة لو أراد لى ربنا السفر هسافر واتوكل على الله لو لم يرد ذلك لن احزن ابدا واعرف ان ده نصيب وربنا شايلى الاحسن
لذا بالله عليكم تردوا عليا بمنتهى الواقعية

[يسمينات]

مناهج قطر صعبة للغاية
لاني قمت بتدريسها عام 2004

[مؤمن المصرى 21]

مناهج قطر اسهل من مناهج مصر الاني كنت هناك وعارفها كويس
المهم ان التدريس باللغة الانجليزية maths
متخفيش ومتردديش وعلي بركة الله

[محمود_2020]

بغلبلؤؤرءبءء

[عماد صلاح]

الاستاذة الفاضلة المناهج محتواها صعب جدا جدا ولكن ما يدرسه الطلاب قشور بمعني انتي صاحبة المادة تصرفي فيها كيفما تشائي وانا ع فكره مدرس رياضيات اعدادي ثانوي وقمت بدراسة المنهج السعودي وبالفعل فوجت بان محتوي المنهج بالاخص ف الصف الثاني عشر اي 3 ثانوي صعب جدا ولكن عند الدراسه وجدت نفسي ادرس قشور لهؤلاء الطلاب انصحك بعدم التردد وتوكلي علي الله وباذن الله هتكوني ميا ميا

[ahmedbakeer]

يا استاذة / ما درستية بالكليةيؤهلك لتدريس منهج اعدادى وثانوى واعلمى انة بالتحضير الجيد للدرس والبحث البسيط يمكنك ذلك ولو لم تدرسية من قبل وانت متفوقة فى الدراسة وسوف تهتمى بالتحضير لدرسك فلا تقلقى من ناحية تدريس المنهج ويمكن ان تاخذى معك كتب خارجية مصريةللاعداى والثانوى رزقك الله الرزق الحلال الطيب وكتب لك الخير

[شرف شرف]

توكلى على الله وخوضى التجربة وإن شاء الله يكون خير أما عن الأجازة خدى سنة ولو رجعتى قبلها يمكن قطع الأجازة بسهولة وربنا يوفقك

[شريف منير]

رابط أسماء وعناوين المدارس المستقلة فى قطر

http://www.qtr888.com/vb/showthread.php?t=7182

[heba abd elhamid]

بالتوفيق يا ايمان توكلى على الله وربنا يوفقك انتى تستهلى كل خير

[aleman]

المشاركة الأصلية كتبت بواسطة heba abd elhamid

بالتوفيق يا ايمان توكلى على الله وربنا يوفقك انتى تستهلى كل خير

ربنا يكرمك يا هبة
ادعيلى لو فيه خير ربنا يوفقنى لو شر تحصل اى حاجة تمنع السفر
مشكورة للمرور