عدم قبول تحويلات ورقية

[احمدالمدريدي]

يفتح مكتب تنسيق القبول بالجامعات والمعاهد اليوم الأربعاء، باب التقدم لتحويلات تقليل الاغتراب، عبر الموقع الإلكترونى للتنسيق، وذلك لمدة أربعة أيام تستمر حتى السبت المقبل، وذلك لطلاب المرحلتين الأولى والثانية.

كما أعلنت وزارة التعليم العالى أن الطلاب الذين استنفدوا رغباتهم سيسمح لهم بالدخول على الموقع خلال هذه المرحلة واختيار إحدى الكليات التى تتناسب مع مجموع درجاتهم والشعبة التى درسها الطالب.

وأوضح أحمد عبد العزيز المشرف على التنسيق، أن الوزارة لن تقبل أى تحويلات ورقية نهائياً، ولن يعتد بها، كما ستخصص الوزارة عبر الموقع الإلكترونى فقرة للطلاب الذين لا تنطبق عليهم شروط تقليل الاغتراب، مع كتابة المبرر لهذا التحويل، والأخذ فى الاعتبار أن ذلك لا يعتبر موافقة على التحويل.

وتنقسم عملية تقليل الاغتراب إلى نوعين؛ الأولى: التحويل إلى كليات غير مناظرة، ويسمح للطالب الذى تم ترشيحه فى التنسيق فى كلية ما، خارج أو داخل منطقته الجغرافية "أ"، بالتقدم للتحويل إلى كلية غير مناظرة فى منطقته الجغرافية "أ" فقط، بشرط حصوله على الحد الأدنى لمجموع الدرجات الذى قبلته الكليات المطلوب التحويل إليها، وشرط استيفاء قواعد القبول بالكلية مثل النجاح فى اختبار القدرات إن وجدت، فإذا تم ترشيحه لكلية الهندسة جامعة أسيوط وهو من محافظة الغربية، فإنه يمكنك التحويل إلى كلية غير كلية الهندسة "علوم رياضة، آداب، تجارة" فى جامعة طنطا، لأنها فى نطاقه الجغرافى "أ"، ويتم قبول التحويلات فى حدود النسبة المئوية "10%" التى حددها المجلس الأعلى للجامعات وطبقا لإمكانات الاستيعاب".

والثانية: التحويل إلى كلية مناظرة، ويتم قبول التحويلات للكليات المناظرة فى حدود نسبة الـ10% وشروط وقواعد القبول، ويسمح للطالب الذى تم ترشيحه فى كلية ما خارج منطقته الجغرافية "أ" بالتقدم للتحويل إلى كلية مناظرة فى منطقته الجغرافية "أ" فقط، وفى حال وجود أكثر من كلية فى المنطقة الجغرافية "أ"، يسمح للطالب باختيار أى كلية من بينها طبقاً لرغباته، ويتم ترتيب الطلاب طبقاً لرغباتهم ومجموع درجاتهم فى كل كلية فى النطاق الجغرافى "أ".

ويعنى ذلك أنه لن يعتد بمطالب البعض الخاصة بالتحويل إلى كلية خارج النطاق الجغرافى، استناداً إلى تغيير محل الإقامة، ويتم قصر التحويلات بناءً على الإدارة التعليمية التى درس بها الطالب، وعبر موقع التنسيق الإلكترونى، وشدد مكتب التنسيق على ضرورة الالتزام بالمواعيد.

وتعتبر الكليات والمعاهد التالية هى كليات فريدة ليس لها "مناظر"، والتحويل منها أو إليها يخضع لنظام التحويل لكليات غير مناظرة، وهذه الكليات هى كلية الطب بالإسماعيلية، وكلية الهندسة الإلكترونية بمنوف، وكلية البترول والتعدين بالسويس، والمعهد العالى للتكنولوجيا ببنها، والمعهد العالى للطاقة بأسوان.
المصدر http://www1.youm7.com/News.asp?NewsID=752114&SecID=65

[*moon*]

يعنى التحويل الورقى اتلغى
شكرا ع الخبر

[الواد ميدو]

يعني لو عايز احول لحاجه مجموعي يجبها و انا مش كاتبها في الرغبات عادي من ع الموقع زي تقليل الاغتراب

[magico24]

هاررررررررررر اسودددددددددددددددددددددد

[mahmoud gedo]

طيب لو واحد جاله علوم بورسعيد وعايز يحول اسكندرية !!
والفرق 2.5 درجة !!
ينفع من التحويل الالكتروني !! هيقبل ؟
ولا لا !! ارجووو الردد سريــعاً

[mahmoud gedo]

المشاركة الأصلية كتبت بواسطة mahmoud gedo

طيب لو واحد جاله علوم بورسعيد وعايز يحول اسكندرية !!
والفرق 2.5 درجة !!
ينفع من التحويل الالكتروني !! هيقبل ؟
ولا لا !! ارجووو الردد سريــعاً

ارجو الرد ع سؤالي !!

[*moon*]

المشاركة الأصلية كتبت بواسطة mahmoud gedo

طيب لو واحد جاله علوم بورسعيد وعايز يحول اسكندرية !!
والفرق 2.5 درجة !!
ينفع من التحويل الالكتروني !! هيقبل ؟
ولا لا !! ارجووو الردد سريــعاً

ان شاء الله يتقبل طالما لتقليل الاغتراب
ادعى ربنا يسهل

[magico24]

دة انا كنت معلق املى علية يا ريت حد يقولنا الخبر دة هيعملوا بية فى الجامعات وخصوصا ان الوزارة مالهاش دعوة بالتحويل الورقى دة حسب رغبة الكلية نفسها وياترى دة كل سنة ولا السنة دى بس وبيشتغلونا ولا اية يا ريت الرد بسرعة

[mahmoud gedo]

ان شاء الله

[magico24]

يا جماعة حد يرد من الناس الى فاهمة فى التحويل دى اشتغالة ولا لا وياترى لو بجد على كل الكليات ولا كل كلية على حسب الى هى عايزاة

[ahmed.abotrika]

انا من متابعتى ان ده بيحصل كل سنة والناس بتعترض وبيحولوا واصلا التحويل الورقي حسب كل جامعه يعنى بمزاجهم هم مش بمزاج الوزارة ^__^
والله اعلم

[magico24]

الحمد لله انا قلت كدة بردة بس ياريت الناس ترد اكتر دة اهم موضوع دلوقتى يا ناس

[*moon*]

انا بردو سمعت انه بيبقى على حسب الجامعة نفسها
بس مش عارفة هوا حاليا اتلغى ولالا؟
انا عاوزة احول من صيدلة لاسنان ومجموعى جايب الاتنين
بس المشكلة ان مفيش كلية اسنان ف محافظتى
غالبا الالكترونى صعب قبوله ف الحالة دى
ف كان املى كبير ان الورقى ينفع
وربنا يستر واعرف احول

[moon_light2012]

لالالالا انا روحت النهرده كليه الاداب في المنصوره عشان احول هناك قالي في تحويل الالكتروني لمده48 ساعه وبعده التحويل الورقي ب 200ج يعني موجود

[علاء عادل]

المشاركة الأصلية كتبت بواسطة moon_light2012

لالالالا انا روحت النهرده كليه الاداب في المنصوره عشان احول هناك قالي في تحويل الالكتروني لمده48 ساعه وبعده التحويل الورقي ب 200ج يعني موجود

انتى من المنصوره؟ يعنى هتعملى تقليل اغتراب؟