|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
13-08-2012, 09:35 PM
|
||||
|
||||
عن التحويل الورقي
السلام عليكم ورحمة الله تعالى وبركاته
ازيكم يا شباب؟ اعرفكم بنفسي طالب من المنيا مخلص اعدادي هندسة في جامعة القاهره انا كان لازم اعرف نفسي بالطريقه دي عشان دا له علاقه بالموضوع انا السنه ال فاتت لما كنت زيكم كدا منتظر التحويل كانت بتطلع نفس الإشاعات الفاضية دي أولاً : إن التحويل الورقي اتلغى خلاص ومش هيتفتح ثانياً : إن مصاريف التحويل الورقي بتوصل من 2000 إلى 3000 جنيه ثالثاً انهم مبيقبلوش حد في الآخر إلا قله قليله وللعلم إنّ فتح التحويل الورقي بيتوقف على وزير التعليم العالي نفسه وليس هذا من شأن كل جامعه على حده فلا يجوز لجامعة ان تفتح باب التحويل الورقي وغيرها لا يفتح لأنّي ذهبت إلى وكيل الوزارة وهو أراني بنفسه الفاكس الذي قدم إليه من الوزير والذي أرسله بدوره إلى كافة الجامعات لفتح باب القبول التحويلات الورقيه ...................... انا كنت جايب 400 من 410 فمجموعي كان اعلى من هندسة القاهره ب 4 درجات بس كوني من المنيا فبالتوزيع الجغرافي جتلي هندسة المنيا لأنّها في المنطقه أ قدمت في تقليل الإغتراب على النت بس بالطبع ماتقبلتش لأنّي واخد الثانوية من المنيا قعدت ابحث كتيير عن كيفية التحويل لهندسة القاهره فعرفت التحويل الورقي دا وشوفت كل الإشاعات ال كتبتهالكم دي بس يوم 21/8/2011 اتفتح التحويل الورقي وروحت حولت واتقبلت والحمدلله فكل ال عايز اقوله إنّكم متلتفتوش للإشاعات ال بتطلع دي وخلاص ونستنى بكرا ممكن فعلاً ميتفتحش التحويل الورقي بس مش اكيد فبلاش تحبطوا نفسكم بنفسكم طب ف حال إنّه اتفتح بإذن الله ايه الطلبات المطلوبه مني عشان تتقبل؟ ................ طلبات التحويل : 1- صورة لشهادة الدرجات 2-صورة لشهادة الميلاد 3-إثبات سكن أصلي مضى عليه 6 شهور او اكثر " وصل ميه او كهربا او غاز طبيعي او تليفون" يكون بإسم الطالب او إسم الوالد او اسم الوالده ولا يقبل غير هذا 4- مصاريف التحويل او مظروف التحويل بيكون ب 150 جنيه يعني مش 2000 جنيه ولا 3000 زي ما بتسمعوا. 5- طبعاً إنّك تكون جايب الحد الأدنى للكلية ال هتحول ليها بمعنى إنّك مثلاً هتحول لهندسة القاهره وهي واخده 97.2% بس أقل هندسة واخده من 94.5% فهو دا المجموع ال المفروض تكون جايبه 94.5% مش 97.2% مع الأخذ في الإعتبار إنّهم بياخدوا الطلبه ال بيتقبلوا بأولوية الدرجات يعني هرجع للمثال بتاعي ال هو انا ماتقبلش في التحويل الورقي إلا الطلبه ال جايبين بحد ادنى 398 فما فوق مع إنّ هندسة القاهره كانت واخده من 396 بس اتقبل من فوقيها ف التحويل طب هل دا مع كل الكليات؟؟؟ لا طبعاً بس الموضوع كله إنّ كليات القاهره وعين شمس بيبقى اكتر كليات عليها ضغط ورغبه ف التحويل إليها فمن كثافة الطلبه بيزودوا مجموع القبول جدير بالذكر أنّ التحويل يكون في مكتب التنسيق التابع للجامعه المراد التحويل إليها وليس في الكليه نفسها هناك يقع مكتب يدعى مكتب التحويلات يتم التحويل من خلاله وبالنسبة لأولئك الذين يقولون ان التحويل قد تم فتحه من اول الشهر فهذا التحويل للطلاب الذين أمضوا سنه في الجامعه على الأقل يعني مثلاً واحد زيي خد اعدادي هندسه ف القاهره وعايز يحول للزقازيق مثلاً اما ال جيين من ثانوي فلسه ماتفتحش وربنا يوفقكم جميعاً يااارب وأتمنى موضوعي يكون فادكم آخر تعديل بواسطة 222ahmed222 ، 13-08-2012 الساعة 09:55 PM |
|
#2
13-08-2012, 10:13 PM
|
|||
|
|||
|
جزاك الله كل خير
وربنا يوفق الجميع كويس انك لفت نظرى لموضوع اثبات السكن ده معرفتهوش يلا نعرف نتيجه التحويل الالكترونى وبعدين نشوف طيب حضرتك متعرفش امتى نتيجة الالكترونى ؟ وبالنسبه للورقى بعرف قبلت ولا لا فى يومها ولا له نتيجة زى الالكترونى ؟
__________________
|
|
#3
13-08-2012, 10:17 PM
|
||||
|
||||
|
اقتباس:
ههههههههه
لأ أبشري أولاً ماعرفش شيء عن موعد ظهور نتيجة التحويل الإلكتروني عشان افيدك فيه للأسف  أما عن التحويل الورقي فأبشري  :dمش هيظهر في نفس اليوم طبعاً ومش بس كدا دا ظهر عندنا في الكليه بعد بدأ العام الدراسي ب 3 اسابيع او شهر تقريباً هو انتي احمدي ربنا اوي لو قبلوا انهم ياخدوا الورق بتاعك اما انهم يقولولك هتقبلي في الكليه ولا لأ دا صعب بس هو تقريباً أغلب ال بيستوفوا الشروط بيقبلوا وربنا يوفقك بإذن الله والجميع نورتي بمرورك وانا تحت أمركم جميعاً ف أي شيء |
|
#5
13-08-2012, 11:40 PM
|
||||
|
||||
|
اقتباس:
هو مش هيفرق إذا قدمت أو لأ
بس نصيحه من أخيك يعني الأفضل إنّك تقدم وتخلي حاجه مضمونه في ايدك وهم لما النتيجه هتظهر بإذن الله هيدوك جواب في الكليه تقدر من خلاله تسحب ملفك من الكليه القديمه وتروح تقدم ف الكليه ال محول ليها بقى وربنا يوفقك يارب |
|
#6
14-08-2012, 05:20 AM
|
||||
|
||||
|
اقتباس:
طب معلش ازاي اعمل كدا م انا لو استنيت بعد الدراسه بكام اسبوع انا كدا هقدم ازاي لان انا اداب وفي تنسيق داخلي وعايزه احول اصلا علشان الاقسام ؟ ف كدا لو قدمت متأخر مش هستفيد حاجه |
|
#7
14-08-2012, 10:26 AM
|
||||
|
||||
|
اقتباس:
عذراً يعني
هو التنسيق الداخلي لأداب بيخلص في أول اسبوع؟ انا ماعرفش عنه شيء والله آسف لأن عندنا في هندسه التنسيق الداخلي بيكون بعد سنه من الدراسه بعد قضاء السنه الإعداديه بس ماهو انا بقول الأضمن تقدمي في الكليه القديمه ال انتي عايزه تحولي منها مجرد ما يتفتح باب التقديم وممكن تحضري في الكليه التانيه عادي يعني انتي هتحضري ف الجامعه ال عايزه تروحيها اول اسبوعين لحد ما تظهر النتيجه لو قبلتي وهو المنتظر والمقدر بإذن الله فكان بها تسحبي ملفك من الكليه القديمه وتقدمي في الكليه الجديده ووقتها هيتعاملوا معاكي على أساس انك محوله ولو مقبلتيش ترجعي للكليه القديمه عادي وقدر الله و ما شاء فعل |
|
#8
15-08-2012, 12:53 AM
|
||||
|
||||
|
اقتباس:
اه للاسف التنسق قبل الدراسه من اول سنه مش زي هندسه |
|
#9
14-08-2012, 01:02 AM
|
||||
|
||||
|
انا جتلى هندسه شبين وانا عايزه احول اسكندريه
كده مش هروح اسكندريه من اول السنه هروح شبين الأول على ما تظهر نتيجة التحويل !! ولا هيكون ايه النظام ده ؟!! سؤال تانى أعرف مكتب التنسيق التابع ليه جامعة اسكندريه منين ولا هو فين عنوانه لو حد عارف ؟؟ ( هو اللى في سموحه ؟؟ ) ولو هو حد يقولى العنوان بالظبط ايه ؟ |
|
#10
14-08-2012, 01:52 AM
|
||||
|
||||
|
اقتباس:
بصي حضرتك
انا كنت بحضر ف القاهره من أول السنه لحد ما ظهرت نتيجتي يعني هو براحتك في كلا الحالتين فيها مجازفه لو حضرتي ف اسكندريه ومقبلتيش ف التحويل يبقى ضاعت محاضراتك ال ف شبين ولو حضرتي ف شبين واتقبلتي يبقى ضاعت محاضراتك ف اسكندريه بس انا عن نفسي قولت مجازفه بمجازفه فحضرت ف القاهره اما موضوع المكان دا آسف ماعرفش عنه حاجه ياريت حد يفيدك |
|
#11
14-08-2012, 04:31 AM
|
||||
|
||||
|
اقتباس:
انا جبت 392.5 واسكندريه آخده من 395 يعني فرق 2.5 درجه عن اسكندريه يعني 0.6% يعني حضرتك شايف أحضر في اسكندريه ولا في شبين ؟؟ انا مش عايزه اضيع محاضرات !!
|
|
#12
14-08-2012, 10:22 AM
|
||||
|
||||
|
اقتباس:
والله بصي يا باش مهندسه
انتي لو من سكان اسكندريه في الأصل فأزعم إنّ تحويلك الإلكتروني هيتقبل ومش هتضطري تستخدمي التحويل الورقي بإذن الله بس لو اضطريتي للتحويل الورقي فهندسة اسكندريه كليه كبييره ورائعه فالضغط عليها أظن أنّه بيكون كبير فكونك جايبه اقل من مجموعها دا يخلي فرصك مش عاليه بس مفيش شيء مضمون وبإذن الله تقبلي في الإلكتروني على طول وترتاحي اتمنالك التوفيق يارب بإذن الله  |
|
#13
14-08-2012, 03:18 PM
|
||||
|
||||
|
اقتباس:
انا معملتش الكتروني عشان انا آخده الثانويه من البحيره بيجيبلي احول لطنطا .. اسكندريه لأ
هحاول بالتحويل الورقي وربنا يسهل ان شاء الله وتيجي معايا شكراً يا باشمهندس |
|
#14
14-08-2012, 01:14 AM
|
||||
|
||||
|
جزاك الله كل خير
|
|
#15
14-08-2012, 01:58 AM
|
||||
|
||||
|
اقتباس:
جزاني وإياكم يا دكتوره
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 10:10 PM.
