تربية ولا تجارة

[مريم السباعى.]

يا جماعة ارجوكم نفسةى اعرف مختلف الاراء مين احسن فى الشغل ومن ناحية الدراسة تربية ولا تجارة عربى

[mrtefa]

شوف انت ميولك اى بتحب التدريس ولا بتحب الحسابات وكده ، وبالنسبة لفرص العمل طبعا التجارة فرصها اكتر لكن طبعا التربية فرصها كتير ، وبالنسبة للدراسة فالتجارة اسهل بكتير من تربية وربنا يوفقك فى الصالح ليك

[عمر محمد عبد الفتاح]

عشان حبى ليكى هجوبك التربية أفضل من التجارة أولا التجارة ملت البلد وفيها انتساب لكن تربية أول ما تتخرجى هتتبعى لنقابة المعلمين والله ولى التوفيق

[مريم السباعى.]

اشكركم على الرد طب تفتكرو ايه احلةى قسم ممكن يكون شغلو حلو فى التربية غير الغات انا محتارة بين تاريخ ورياضه بس هى مشكلتى انى مليش قوى فى التدؤسر والشرح بس ممكن افيد فى الموضوع علشان بعرف الخص جامد واعمل ملزمات وكدة
بس تفتكرو لو حصل واستمريت فى تجارة اعمل ايه علشان اوصل لاعلى مستوى فيها وانا علفكرة شفت الكتب بتعتها صحيح مش بصيت فيها قوى بس اخدت فكرة وةحسيت انها حلوة قوى ومستعدةى اطحن نفسى علشان اجيب تقدير وترتيب على الدفعة فهل فعلا ممكن يعينو فى الجامعة ولا خلاص بطلو يخدو معدين
انا راغاية انا عارفة بس معلش استحملونى وربنا يكرمكم يارب ويكركم يا استاذ عمر

[عمر محمد عبد الفتاح]

أفضل قسم فى التربية الرياضة وفلوسه حلوة لكن عشان تجيبى تقدير تصاحبى المعيدين وتوهميهم بالحب هيدوكى الامتحانات لكن عشان تتعينى معيدة لازم واسطة كبيرة صدقينى مبهزرش هى دى بلدنا

[مريم السباعى.]

المشاركة الأصلية كتبت بواسطة عمر محمد عبد الفتاح

أفضل قسم فى التربية الرياضة وفلوسه حلوة لكن عشان تجيبى تقدير تصاحبى المعيدين وتوهميهم بالحب هيدوكى الامتحانات لكن عشان تتعينى معيدة لازم واسطة كبيرة صدقينى مبهزرش هى دى بلدنا

ايه اصاحب معيدين واوهم بالحب دى حضرتك بتكلم مع انسانة محترمة يعنى حتى و بتهزر اتمنى يكون الكلام احسن من كدة وعموما شكرا على رد حضرتك

[مـــــلك]

ادخلي تربيه يامريم ياقمر كليه التربيه كليه ممتازه وانا بحس الدراسه فيها مش صعبه

[bondosh]

كلية التربية احسن من تجارة عربى وربنا يوفقك ياجميل

[عمر محمد عبد الفتاح]

أنا اسف والله لكن دى الحقيقة والله ناس طالعة من أوائل الدفعة متعينوش معيدين ولو ذاكرتى كويس هتجيبى تقدير لكن مش هتبقى معيدة وأنا اسف والله ولى التوفيق

[مريم السباعى.]

طب محدش عارف فرصة السفر بره اعارة او حاجة بنسبة لتدريس ايه

[bondosh]

يعنى انا باسمع لما المدرس يكون كفء جدا فى شغله للمدرسه ممكن يقدم للسفر بالخارج ويتعمل معاه مقابلات ويقبلوه اعرة برة ان شاء الله

[مريم السباعى.]

شكرا جزيلا لكل الرد عليا واهتم جزاه الله كل خير وبارك الله فيكم

[hassan201022]

تجارة ممتازه بس ابقى خد قورصات عشان تلاقى شغل بعد التخرج بسهوله

[مريم السباعى.]

المشاركة الأصلية كتبت بواسطة hassan201022

تجارة ممتازه بس ابقى خد قورصات عشان تلاقى شغل بعد التخرج بسهوله

ايوة بس انا بتكلم عن تجارة عربى مش انجلش ومستعدة اخرج بتقدير عالى بس هل ممكن فعلا القى شغل منها لان لاسف حتى تربية قسم رياضة مش حقدر ادخلها لانى علمى علوم

[bondosh]

تربية انجليزى افضل وممكن تربية كيميا او تربية فيزيا على حسب ميولك