"التعليم": رفع راتب المعلم المساعد ليصل لـ1031 جنيهاً بمرتب مايو

[احمد عطالله]

"التعليم": رفع راتب المعلم المساعد ليصل لـ1031 جنيهاً بمرتب مايو

كشف الدكتور طارق الحصرى مستشار وزير التربية والتعليم، أن الموازنة المتفق عليها للوزارة خلال العام المالى المقبل تبلغ 62 ملياراً و700 مليون جنيه، فى حين بلغت موازنة العام الماضى 49.9 مليار جنيه، مؤكداً أن مرتب المعلم المساعد فى الأول من مايو الجارى سيبلغ 1031 جنيهاً، بعد إضافة العلاوات الدورية والخاصة.
وقال الحصرى، إن موازنة الديوان العام تبلغ 4.2 مليار جنيه، منها 3.2 مليار "باب سادس" توزع بالكامل على المديريات، و500 مليون جنيه "باب أول" توزع مكافآت لـ250 ألف معلم مشترك فى أعمال الثانوية العامة، ومليار ومائتى مليون جنيه "باب ثانى" لطباعة الكتاب المدرسى.
وأوضح الحصرى، أن نصيب الديوان العام من الموازنة يبلغ 4.2 مليار جنيه، والمديريات 55 ملياراً، والهيئات المساعدة مثل محو الأمية والأبنية التعليمية 9.2 مليار، موضحاً أن الزيادة تأتى فى ثلاث مجالات، هى الأبنية التعليمية ومرتبات المعلمين ومحو الأمية، طبقاً لنص الدستور الذى أقر الإلغاء التام لها خلال عشر سنوات.
وأكد الحصرى، أن الوزارة فى طريقها لمراجعة المنظومة التشريعية للعملية التعليمية بالكامل، طبقاً للنصوص الأربعة الخاصة بالتعليم التى وردت فى الدستور، خاصة المادة 129 الخاصة بإنشاء المجلس الوطنى للتعليم، وكذلك تعديل القانون 139 الخاص بمنظومة التعليم فى مصر.
وفى سياق متصل، أكد الدكتور مجدى بخيت رئيس قطاع التعليم الفني، أن إيرادات المدارس الزراعية بلغت خلال العام الجارى 94 مليون جنيه، والصناعية 45 مليوناً، والتجارية أربعة ملايين جنيه، متوقعاً أن تكون جملة الإيرادات بنهاية العام الحالى 750 مليون جنيه بنسبة ربح 10% إلى 12%، وأشار إلى أن الولايات المتحدة وافقت على منحة قدرها مليون دولار لتدريب 27 مدرسة فندقية.


مصدر الخبر

[أبوبسملة ياسر خليفة الطحاوى]

الناس دى بتتكلم ازاى

يا جماعة بنتهى البساطة المعلم المساعد مرتبه شه خمسة كان 677

وانا معايا زملائي فى المدرسة معلمين مساعدين وقبضوا كده

الناس دى بتهرج والوزارة بتستخف بالعقول

ولا حاسبين المرتب بالاستقطاعات

فعلا حاجة تحيير والله

[احمد محمد الجمل]

المرتب شاكب راكب 637 بالتمام والكمال ولا زيادة وان كان مقصود كلامه 1031 قبل الاستقطاعات ولكن بعد الاستقطاعات واذي منه يصلالي 637

[itian_forever]

المشاركة الأصلية كتبت بواسطة احمد محمد الجمل

المرتب شاكب راكب 637 بالتمام والكمال ولا زيادة وان كان مقصود كلامه 1031 قبل الاستقطاعات ولكن بعد الاستقطاعات واذي منه يصلالي 637

حتى مع الاستقطاعات لامرتب لا يصل لهذا المبلغ
حتى لو تم توزيع المكافأة على الشهور لا يصل المرتب لهذا المبلغ

[Rabee hassan]

انا كنت عارف كدة من الاول
مستحيل مرتب المعلم المساعد يبقى اعلى من المعلم

[احمد الكنج 11]

مرتب المعلم المساعد حوالى 1000 من قبل مايو ولكن هذا قبل الاستقطعات
يعنى لو هو وزير صريح كان قال هو بيأخذ كم حاليا و سوف يأخذ كم بعد الزيادة و كان قال كم الزيادة بالجنيه بدل الخداع و الضحك على الدقون

[زياد عياد]

دول شوية كدابين سواء كان الوزير او حتي المساعدين

[م / دعاء]

هههههههههههههههههههههههههههههههههههههههههههههههههه ههههههههه وانا ماليش نفس اضحك
امال مرتبى 665 ليه وانا معلم مساعد منذ 3 سنوات ونص ومن غير اى استقطاعات وكمان لو انضافت المكافاه على الشهور يدوبك يجيب 900 جنيه ولو كملها كمان هى الناس دى بتتكلم على معلم مساعد فى كوكب المريخ باين وكمان سنة 3013 تقريبا

[عبير الرووووح]

هههههههههههههههههه
احنا كمان اخدنا 650
وكل محافظه ع حسب مزاجها بس المهم ف الاخر مش هنوصل للرقم ده اكييييد
ربنا يصلح الاحوال

[Mr.Mohammed Adel]

نفس سياسة اللف والدوران حسبي الله

[حسين المدرس]

سلمولى على النهضة بتاع الاخوان انا معلم متعاقد مرتبى 193 جنيه وحسبى الله ونعم الوكيل

[سيبويه2013]

لا تعليق وخلاص نشف الريق وتشتت الفريق وارتفع الزعيق وشاهد البطريق ما حدث على الطريق من كثرة خيانة الصديق والنفس ماتت من الضيق وأنا خرجت من الحريق ومنه لله كل زنديق حد فاهم حاجة من المكتوب ده أنا كاتبه ومش فاهم زى اللى مكتوب فوق .

[mga2005]

يا جماعة المرتب حالياً 800 جنيه بدون الاستقطاعات
وبعد الإستقطاعات بيوصل حوالي 670 جنيه
السنة المالية الجديدة المرتب هيبقي 1031 بدون الاستقطاعات
وبعد الإستقطاعات بيوصل حوالي 900 جنيه

[علي حشيش]

كدابييييييييييييييييييييييييييييييييييييييييين

[jamal2010]

وبدا موسم الكذب هكذا الحال في كل قول فالرجاء محاسبة مساعدة الوزير طارق باشا الحصري علي تصريحاته بان مرتب المعلم المساعد من اول يوليو 1031 ج وبالفعل تم قبض المرتب بعد اضافة 30% وكان 655 ج فبا سيادة الوزير الرجاء محاسبة مساعدك المسئول طارق الحصري