البنات(يتمنعن وهن الراغبات)

[ghatoarya]

الســــــــــلام عليـــــــــكم

الكلام دا على نوعيه محدده من البنات مش كلهم ( علشان ما حدش يزعل )

زى ما الشاب بيجرى ورا البنت البنت ايضا تجرى ورا الشاب بس فى احلامها

انا لي مجموعة اسئله وهجاوب عليها

1- ليه البنات بيكونوا على اجمل صوره اثناء الخروج ؟

علشان يعجبوا الشباب ولعلى يجدوا ابن الحلال

2- ليه البنت لما تيجى تعاكسها تنفضلك ؟

علشان التقل صنعه وكل ما كان التعارف صعب هايتمسك بيها الشاب اكتر ومن الاخر هادوخه

3- ليه البنات ما بيعكسوش الشباب ؟

علشان التقاليد والعادات ............ (كان زمان )

4- ليه البنت بتعمل مشغوله لما تكلمها على النت ؟

علشان الشاب مايحسش انها مبسوطه ويكبر عليها

5- ليه البنت ما بتصرح الشاب بحبها ليه ( بتخليه هو اللى يبدأ ) ؟

علشان دايما تفكرة انه هو اللى كان بيجرى وراها على الرغم انه العكس

[بنت ازهريه]

بس على فكره مش كل البنات بيعملوا كده وحكايه انها تعاكس ولد دى لفتت انتباهى شويه لان بجد الواحد بئى بيشوف مناظر تكسف

[ghatoarya]

طيب انا قولت فى اول الموضوع مش كل البنات والواحد فعلا بيشوف حاجات مسخره

[emy_alex]

على فكرة بجد ومن غير زعل
انا حاسة ان الكلام دا مهين جدا لاى بنت وانا عارفة انك قولت مش كل البنات لكن انا حاسه ((((ممكن يكون احساسى دا غلط))))
ان مفيش بنات بتعمل كدا فى مصر وفى البلاد العربيه عموما دا مهما كان احنا مسلمين واحنا امه اسلاميه
(((((((ولا ايه ))))))
ارجو انك متزعلش منى لكن الكلام فعلا استفزنى

[ีundertaker_2000]

المشاركة الأصلية كتبت بواسطة emy_alex

على فكرة بجد ومن غير زعل
انا حاسة ان الكلام دا مهين جدا لاى بنت وانا عارفة انك قولت مش كل البنات لكن انا حاسه ((((ممكن يكون احساسى دا غلط))))
ان مفيش بنات بتعمل كدا فى مصر وفى البلاد العربيه عموما دا مهما كان احنا مسلمين واحنا امه اسلاميه
(((((((ولا ايه ))))))
ارجو انك متزعلش منى لكن الكلام فعلا استفزنى

بصى يا ايمان ان مختلف معاكى فى الحته دى خالص لان الكلام صح لان فى بنات كده

المهم متزعليش لان اختلاف الراى لا يفسد فى الود قضيه

[top_lebro]

المشاركة الأصلية كتبت بواسطة emy_alex

على فكرة بجد ومن غير زعل
انا حاسة ان الكلام دا مهين جدا لاى بنت وانا عارفة انك قولت مش كل البنات لكن انا حاسه ((((ممكن يكون احساسى دا غلط))))
ان مفيش بنات بتعمل كدا فى مصر وفى البلاد العربيه عموما دا مهما كان احنا مسلمين واحنا امه اسلاميه
(((((((ولا ايه ))))))
ارجو انك متزعلش منى لكن الكلام فعلا استفزنى

الاخت ايمي


لا بالعكس الحاجات دى مش موجودة غير في مصر

ممكن اعمل اضافة للموضوع
البنت من دول لما تيجي تكلمها في التليفون
وتقولها بحبك هيا تفرح جدا لدرجه انها بتبقي مرتبكة ومش عارفة تقولك ايه

تقولها انتى بتحبيني زى ما بحبك تقولك :-
انا ما بفكرش غير في تعليمي ومزاكرتى بس
وهيا فاشلة اصلا ومش هتجيب خمسين في المية


....................................
سلام يا بلد الكلام
......................................

[KHALOOOD]

المشاركة الأصلية كتبت بواسطة emy_alex

على فكرة بجد ومن غير زعل
انا حاسة ان الكلام دا مهين جدا لاى بنت وانا عارفة انك قولت مش كل البنات لكن انا حاسه ((((ممكن يكون احساسى دا غلط))))
ان مفيش بنات بتعمل كدا فى مصر وفى البلاد العربيه عموما دا مهما كان احنا مسلمين واحنا امه اسلاميه
(((((((ولا ايه ))))))
ارجو انك متزعلش منى لكن الكلام فعلا استفزنى

يا نهااااااااااار ابيض انتى مقتنعه وانتى بتقولى
ان مفيش بنات بتعمل كدا فى مصر وفى البلاد العربيه كمان
يا ايمى احنا بقينا امه اسلاميه على ورق بس
ان الاسم مسلمين طبعا مش كلنا معظمنا
والله الراجل دا ما عنده غلط فى اللى بيقوله اطلاقاااااااااااااااا
اقرب موقف حصل معايا شخصيا
كنت باكل شويه سودانى فى محطه القطار فى الحضره
لقيت اتنين بنات بيقولولى ممكن تدينى شويه ولا انت بخيل
قولتلهم اه انا بخيل ورحت ماشى
انا كان ممكن مش اصدق لو حد حكالى بس الموقف حصل معايا شخصيا
ادى البنات اليومين دول يا ايمى
وانتى اكيد مش شايفه كدا لان اكيد اصحابك محترمين
فهتشوفى الكلام دا فين او تسمعيه من مين
ربنا يهدينا كلنا

[ghatoarya]

مش زاعلان واختلاف الرى لا يفسد للود قضيه

[ghatoarya]

مفيش بنات بتعمل كدا فى مصر وفى البلاد العربي
مش متففق معاكى نهائى فى الجمله دى

نصيحة اخوية اختار موضيعك

[KHALOOOD]

المشاركة الأصلية كتبت بواسطة _GUIDE_

نصيحة اخوية اختار موضيعك

ايه اللى غلط فى الموضوع
ممكن اعرف من سيادتك
انا بصراحه شايف ان الموضوع بيناقش قضيه مهمه
والراجل معندوش اى خطأ فى اللى بيقوله
وبعدين هو فى الاول بيقول نوعيه من البنات مقالش كلهم
بس للاسف ان السيئه بتعم
اللى بياخد فكره عن بنت بياخدها عن كل البنات
انت مش ملاحظ البنات بتعمل ايه اليومين دول
ولا انت مش بتنزل الشارع وتشوف
ع العموم لو مش بتنزل ابقى انزل مره كدا
وانت هتغير رايك

[gada_adam]

احب اصلح لك معلومة البينت لما بتخرج على احسن صورة
عشان المفروض انها اجمل مخلوق فى الكون

ومبتعكس الشباب عشان البنت مش عيزة تقلل من قمتها
المفروض انها غالية اوى


انا مش معاك فى ولا كلمة والبنت مش بتصرح للولد بحبها

بدافع الحياء والادب


فى مثل بيقول البنت علم لا ينكس واذا نكس احترق

[ีundertaker_2000]

المشاركة الأصلية كتبت بواسطة gada_adam

احب اصلح لك معلومة البينت لما بتخرج على احسن صورة
عشان المفروض انها اجمل مخلوق فى الكون

ومبتعكس الشباب عشان البنت مش عيزة تقلل من قمتها
المفروض انها غالية اوى


انا مش معاك فى ولا كلمة والبنت مش بتصرح للولد بحبها

بدافع الحياء والادب


فى مثل بيقول البنت علم لا ينكس واذا نكس احترق

يا غاده احنا مبنكلمش على البنات كلها اكيد طبعا فى بنات محترمه ومبينكش فى دمخها الكلام دة وفى النوع الى احنا عنع بتقبه خارجه وبدور على اى حد لما بتصدق حد يجى يكلمها انا صادفنى النوع دة على مش بيكون حلو او بمعنى اصح بتسمى متقلبه

[pureheart]

فعلاً النوعية ده من البنات موجودة
بس طبعاً مش اى واحدة تعمل الكلام دة يبقى للاهداف الى انتى كتباها
ممكن بدافع الادب؛ الاحترام

[Cray_Bird91]

البنت فى نظرى غالية جدا زى الجوهرة

بس للاسف فى كتير من البنات مش بيحسوا بقيمتهم بشوف حاجات مش كويسة خاالص فى الشوارع
ربنا يعفينا

بس الاسلام لسة بخير ولسة فى الحياة وردى بس الشاطر هو اللى يعرف كدة
مشكور على الموضوع