لماذا تبكي الطالبات ولايبكي الطلاب أمام اللجان؟

[mido g 2006]

لماذا تبكي الطالبات ولايبكي الطلاب أمام اللجان؟ كتب ــ محمد توفيق:

منذ بداية امتحانات الثانوية العامة وكل صباح نجد صورة طالبة تبكي تتصدر الصفحة الأولي في كل الصحف، وكأنه لا يوجد طالب واحد شعر بما شعرت به هذه الطالبة أو تلك لذلك سألنا الدكتور «محمد مهدي» ــ عالم النفس ــ عن أسباب بكاء البنات عقب كل امتحان فقال: البنت بطبيعتها أكثر ميلاً للبكاء، والدليل علي ذلك أن كل الأبحاث التي أجريت علي المرأة في جميع أنحاء العالم أثبتت أنها تشعر بالقلق النفسي ضعف الرجل واستجابتها الانفعالية تفوق الرجل بكثير، هذا علاوة علي أن الرجل عندما يبكي يشعر بالخجل وبالتالي يحاول إخفاء دموعه خاصة أمام الكاميرات، في حين أن البنت لا تشعر بأي خجل عندما تقوم بإظهار ضعفها والتعبير عنه بالبكاء حتي تحصل علي الدعم والمساندة النفسية ممن حولها، لذلك نجد أن عدداً كبيراً من الطالبات يُغمي عليهن عقب أداء الامتحان ويصيبن بأعراض «هيستيريا» وهذه الكلمة متصلة بالمرأة لأنها تم اشتقاقها من كلمة «رحم» بالإنجليزية والتي تسمي «هيسترس».

ويضيف د. «مهدي» قوله: بعض الفتيات يبالغن في إظهار مشاعرهن بهدف التأثير في الناس للحصول علي حقهن بهذه الطريقة التي يجدونها مناسبة لطبيعتهن.

أما المصور الكبير «فاروق إبراهيم» فسألناه عن أسباب انتشار صورة طالبة تبكي في الصفحات الأولي من الصحف فقال: المصور «بيستسهل» فهو يذهب لمدرسة بنات لأنه يعرف مقدماً أن البنات سيبكين، وبالتالي الكادر سيكون جاهزاً ولا يحتاج أي مجهود من المصور، في حين أن الطالب يحاول إخفاء مشاعره، وبالتالي فتصويره يحتاج لجهد أكبر من المصور الذي لا يقوم أحد بتوجيهه في كيفية صناعة الصورة الصحفية، لذلك أتمني أن تقوم الصحف بعقد مجالس تحريرية قبل نزول المصور للشارع لتحديد ما يجب أن يفعله بالتعاون مع المحرر، وهذا ما كان يفعله أستاذنا «مصطفي أمين» عندما كان يقوم بعقد اجتماع مع المحرر والمصور لمعرفة رأي المصور في الموضوع الذي يقوم المحرر بعمله والتفكير في الصورة الصحفية التي يمكن صناعتها.

ويضيف «فاروق» قوله: للأسف وجود الكاميرا «الديجيتال» جعل أغلب المصورين لا يهتمون بخلفية الصورة وتفاصيلها الدقيقة التي تجعلها متميزة ومختلفة عن أي صورة أخري، خاصة أن هذا المعيار هو الذي يجعل المصور نجماً في مجاله. نقلا عن جريدة الدستور المصرية http://www.dostor.org/?q=node/6826

[azza kamal]

هههههههه ده طبيعى
واحيانا الهيستريا بتكون ضحك
وده اللى حصل ف امتحان الاحصاء والبنت هزقت كل المراقبين

[ياقوت البحر]

البنات يبكين لان بصراحة البنات يهتموا اكتر لموضوع الدرجات والمجموع لان الموضوع بالنسبة لهن مستقبل لايمكن التفريط فيه على العكس بعض الشباب لان العمل امامهم اسهل من البنات

[Hamset_Etab]

هههههههههههه الله موضوع بجد جامد اوى وانا والله سالت نفسى السوال دا كتير بس كنت مش بلاقى اجابه اصلى انا مش من هواه العياط قدام حد حتى لو محلتش اى حاجه فى ورقه الامتحان
تقبل مرورى

[abdallah_ahmed]

المشاركة الأصلية كتبت بواسطة azza kamal

هههههههه ده طبيعى
واحيانا الهيستريا بتكون ضحك
وده

صح والله اللى حصل ف امتحان الاحصاء والبنت هزقت كل المراقبين

[الزعيم09]

هههههههههههههههههه



حكم الطبيعة



ابقوا قابلوني لوحد فهم الجملة دي

[wanda]

البنات بتبكى علشان نص درجه
اما الولاد مش فارقه معهم
البنات رقيقه ودمعتها قريبه وبتخاف على مجهودها اللى ضاع فى الهوا
البنات بتبكى علشان معروف عنهم الرقه

انا مش بعيط علشان الدنيا متستهلش دمعه منى بجد ديه الحقيقه وده الصح اللى اتعمل اتعمل
مش نقدر نرجع اللى فات

كلامى كان على معظم البنات مش كلهم وعلى معظم الولاد برضك مش كلهم

[reda_mafia50]

المشاركة الأصلية كتبت بواسطة wanda

البنات بتبكى علشان نص درجه
اما الولاد مش فارقه معهم
البنات رقيقه ودمعتها قريبه وبتخاف على مجهودها اللى ضاع فى الهوا
البنات بتبكى علشان معروف عنهم الرقه

انا مش بعيط علشان الدنيا متستهلش دمعه منى بجد ديه الحقيقه وده الصح اللى اتعمل اتعمل
مش نقدر نرجع اللى فات

كلامى كان على معظم البنات مش كلهم وعلى معظم الولاد برضك مش كلهم

زاى ما قال البنات بتأثر اكتر من الولاد يعنى الولاد يعطوا

[roony roony]

لاحساس : الفهرة
الاسباب: الفشل
النتيجة : الضياغ
الحل :حسبى الة ونعم الوكيل

[roony roony]

انا عايزة واحد بس فى مصر السنة دى ماسك التسعين با ايدة وياريت يكون فى حد من المنيا بيقرا الكلام دة عشان اقولة قى وشة ان انتوا سرقتونا وسرقتوا احلامنا وضيعتوا مستقبلنا والى يقبلها على نفسة يكلمنى

[Arstorm]

المشاركة الأصلية كتبت بواسطة roony roony

انا عايزة واحد بس فى مصر السنة دى ماسك التسعين با ايدة وياريت يكون فى حد من المنيا بيقرا الكلام دة عشان اقولة قى وشة ان انتوا سرقتونا وسرقتوا احلامنا وضيعتوا مستقبلنا والى يقبلها على نفسة يكلمنى

اولا
ياريت تتكلم كويس
انا من المنيا
ةلله العظيم واحد جالنا بالامتحان لغاية البيت
اقسملك بالله و يارب امووووووووووووووووووووت دلوقتى قولتلهم اللى هيشترى الامتحان انا مش هبص فيه واقسملك بالله تانى قبل اللجنة بعشر دقايق بنت كان معاها الامتحان والله العظيم ما بصيت فيه و يارب اموت تانى اهو لو كنت بكدب
اقسملك بالله انا طالبة متفووووقة جدا والله فوق ما تتخيل انا جيت من السعودية فى اولى اعدادى و دى اول مرة اروح فيها مدارس فى حياتى لانى كنت بذاكر فى البيت و امتحن فى السفارة المصرية
رجعت مصر طول 3 سنين اعدادى كنت الأولى على مدرستى و دايما كنت بنقص درجة فى امتحانات الشهر او اخر السنة بسبب الفنيه و فى اولى ثانوى نزلت 7 درجات فى اخر السنة منهم 3 درجات عمال السنة علشان النشاط

اللى بيذاكر مش محتاج امتحانات تتسرب او لا
انا جبت 99 فى الميه واقسملك بالله كل حرف بمجهودى و ياما والله سهرت السنة كلها و ياما تعبت اوووووووووووووووووووووى والله ما حد حاسس بيا و بالتعب اللى فيا غاية دلوقتى
اوعى احنا ضيعنا احلامكوا
بالعكس الامتحانات كنت محطوطة من قبل التسريب و التنسيق نازل
ياااارييييييييييييت محدش يعلق شماعة على التسرييييييييب

يابابا اللى اتسربله و قرا الامتحان ده بنى ادم قذر قذر و التسريب فى كل حتة بس لظباط الشرطة وانت عارف كده

[the black rose]

البنات حساسة من اى حاجة وكل نص درجة بتفرق معاهم
اما الاولاد حتى المهتمين منهم كرامتهم لا تسمح لهم بالبكاء عالملاء

[عبده 25]

بس ممكن يكون الطالب متأثر اكتر من البنت لكن بيخاف يبكى قدام حد

[ahmed abdelaziz]

شكرا علي الافاده

[Attar]

يمكن البنات حساسين شويه

هيا طبيعه عموما بس انا شفت ولاد كتيره بتتطلع مدمعه من الصدمه

واكتر واحد اتصدمت لما شفته كده كان الاول على المدرسه بتاعتنا بعد التفاضل مع انه جايب السنه اللى فاتت 99.5% بس كان خارج مصدوم ومدمع وكان شويه هيعط وحصله نفس الموضوع فى الفيزياء

منهم لله اللى كانوا السبب

شكرا على الموضوع