للى زعلانين على حلم حياتهم (هام جدااااااا)

[medhat2007]

أولا سلام عليكم ورحمة الله وبركاته
أرجو قبل قراءة الموضوع نقرا الفاتحة وندعى على روح فقيدى الثانوية
بداية أحب أقولكم أنى فى كلية هندسه (2ميكانيكا) طالع تالتة أن شاء الله بس لاقيت فى نصيحة ممكن أقدمهلكم
بالنسبة للناس اللى زعلانة أنها ممكن ما تعرفشى تخش هندسة أو طب بكرة - وأبقوا أفتكرو كلامى_ هيضحكوا على نفسهم أنهم كانوا زعلانين أوى أنهم ما دخلوش الكلية اللى كان عاوزها ليه بقى ؟؟ هقولك ما تستعجلش
لأن دلوقتى غير زمان زمان كان اللى بيعرف يقرا ويكتب يجيلوه وظيفتين - أسائل باباك- فكان المهندسين عددهم صغير وكذلك الدكاترة فكان لازم يلاقى وظيفة ووظيفة محترمة كمان أنما دلوقتى أنت عارف كام مهندس ودكتور بيتخرج كل سنة ما تتوقعش رقم لأنه أكبر بكتير وسوق العمل نفسه بقى صغير يعنى بعد التطور الهائل فى التكنولجيا بقت الماكنة اللى عاوز تلاتة وأربع مهندسين مش عاوزه غير واحد وما بيعملش حاجة كمان
فمن كدة نجد أن المتفوق فى أى مجال كان زى أو أحسن مية مرة من المهندس والدكتور
يا سيدى أعتبر أنك دخلت كلية مش هأقو أنا أى كلية مهما كانت وتفوقت مع الكورسات
والتدريب ممكن أى بنك أو مكتب محاماة كبير أو فندق يقدر يرفضك .... لأ طبعا
فأهم حاجة دلوقت أنك تحمد ربنا وترضى باللى مكتوب واللى ربنا كاتبه
لأنك لو زعلت ولا أضيقت ممكن تقولى دى هيفيد بأيه ولا حاجة
فى النهاية أدعولكم بالنجاح والتوفيق مش فى النتيجة لأفى الكلية اللى هتدخلها وشكرا والسلام عليكم ورحمة الله وبركاته

[unhappy girl]

بجد جزاكم الله خيرا على الكلام الحلو ده طمنتنا واحنا الحمد لله راضيين على اللى ربنا يقسمهولى حتى لو كان معهد انا اخدت رياضه وبجد حاسه انى ممكن اشيل الفيزياء والرياضه 2 لانى فى امتحان الفيزياء من تعبى سبت الورقه فاضيه ومحلتش غير السؤالين الاولينين حتى مكملوش ربنا يسترها بقى بس بتمنى من ربنا انى مشيلش حاجه على الاقل ياريت تدعولنا ربنا يسترها معانا.

[عاشق الرياضيات]

معاك حق يا باشمهندس مدحت والله انا مش مؤمن بحاجه اسمها كليات قمه !! يعنى ايه قمة ؟؟ وقمة فى ايه ؟؟ ربنا هو اللى بيقسّم .. لاهندسة ولا طب ولا صيدلة ولا خدمه اجتماعيه.. كله محصّل بعضه .. المكوجى اللى انا باكوى عنده هدومى بكالوريوس هندسه .. واللى بيجيب اللبن الصبح بكالوريوس تجارة واللى شغال فى مطعم هندسه بترول و تعدين !! احنا مالناش الا الله هو اللى نشتكى له .. يافرحتى انا باسم مهندس او دكتور !! طبعا علشان ماحدش يقوللى انت بتحبطنا ولا حاجه زى كده اقول له : كلامى لا هيقدم ولا هيأخر والمكتوب مكتوب .. وبالتوفيق للجميع .

[مشتاقة لربى]

المشاركة الأصلية كتبت بواسطة عاشق الرياضيات

معاك حق يا باشمهندس مدحت والله انا مش مؤمن بحاجه اسمها كليات قمه !! يعنى ايه قمة ؟؟ وقمة فى ايه ؟؟ ربنا هو اللى بيقسّم .. لاهندسة ولا طب ولا صيدلة ولا خدمه اجتماعيه.. كله محصّل بعضه .. المكوجى اللى انا باكوى عنده هدومى بكالوريوس هندسه .. واللى بيجيب اللبن الصبح بكالوريوس تجارة واللى شغال فى مطعم هندسه بترول و تعدين !! احنا مالناش الا الله هو اللى نشتكى له .. يافرحتى انا باسم مهندس او دكتور !! طبعا علشان ماحدش يقوللى انت بتحبطنا ولا حاجه زى كده اقول له : كلامى لا هيقدم ولا هيأخر والمكتوب مكتوب .. وبالتوفيق للجميع .

عندك حق والله
ربنا معانا البلد بتتدمر

[basmala]

ماعنديش غير اقول شكرا لرفع الروح المعنويه وربنا يستر لاننا داخلين على ايام صعبه

[هالة محمد احمد الوزيرى]

الشكر طبعا قبل كل شى على اهتمامك ياباشمهندس بس احب الفت النظر لشى ان القهر والظلم اللى فى قلب كل واحد منا من شهداء علمى رياضة او بالاصح ضحايا علمى رياضى يرجع الى ان احنا تعبنا اكتر من اللى تعبوا السنة اللى فاتت واللى قبلها وحتى اللى كانوا دفعة 2004 الامتحانات مفيش مقارنة اصلا مع الاعتذار ليك فيجب ان نتكرم زى مااتكرموا واكتر كمان يعنى ايه اخويا يتعب اقل منى ويدخل هندسة مستريح ومكانش بيذاكر زى واللى ينقط اكتر انه مش عايز هندسة ودخل بناء على المجموع ورغبة بابا وماما وعايز يسيبها دلوقتى ويروح ادب وانا اللى تعبت اكتر منه الف مرة مدخلهاش وابقى فاشلة فى نظر بابا وماما انا مش فاشلة انا وغيرى ضحايا لنظام فاسد حاول يصلح نفسه معرفش زى المثل اللى بيقول جه يكحلها عماها سورى على الالفاظ بس معلش اصلى ضحية علمى رياضة وحسبى الله ونعم الوكيل واستغفر الله العظيم اللهم لا اعتراض واخيرا اللهم وفقنى لما تحبه وترضاه