مين كسب قضية ال200%الحوافز وقبضها ؟

[وائل الصادق]

اللى كسب ال200%الحوافز وقبضها من الازهر يقولنا

[العشرى1020]

الظاهر لا يوجد احد ياجماعه لو حد كسيبها يقول

[العشرى1020]

الظاهر مفيش حد كسبها ياجماعه لو حد كسبها يقول

[الأستاذ محمود عبد الفتاح]

عندنا واحد فى المعهد رفعها
وتم رفض القضيه ولا اعلم السبب

[الأستاذ أحمد راشد]

المشاركة الأصلية كتبت بواسطة الاستاذ محمود عبد الفتاح

عندنا واحد فى المعهد رفعها
وتم رفض القضيه ولا اعلم السبب

القضية لها بعض الاجراءات

اولا بترفعها فى حاجة اسمها فض المنازعات

وبتاخد رفض

وبعد كده تاخد الرفض دا وتروح بيه على مجلس الدولة

ترفع القضية وتحول للقضاء

يعنى لازم موضوع فض المنازعات اللى تحت سيطرت الازهر وبيعطى عدم احقية

وان شاء الله اللى كسبها يصرف ويبشرنا

تحياتى

[جينية البحر]

انا الحمد لله كسبتها تقريبا من شهرين بس طبعا ماتصرفتش عشان الازهرطبعا مطلعش اذن صرف .. والله أعلم هتتصرف ولا لأ عشان مسمعتش ان حد صرفها قبل كدا في الازهر

[Abo Kareem]

نرجو رفع صورة من الحكم يا اخت جنينه

[الخاشعه]

ممممم ربنا يستر طيب لو سمحتي ياجنية البحر صورة الحكم

[dodyhat]

الرجاء رفع صورة الحكم

[ياسر عبدالناصر]

ارفع صوره الحكم

[teacher120]

ياريت يا اخت جنينه ترفعى الحكم لنا

[محمد امين مبارك]

انا والحمد لله كسبت قضية 200% وقضية 50% وقضية المناطق النائيه وده من شهر 9 وسلمنا الحكم بالمشيخه ولكن موظفى المناطق الازهرية جزاهم الله عنا خيرا كلما اسأل عن اللامر التنفيذى عندهم وصل ولا لسه يكون الرد (فوت علينا بكره يا سيد يامحترم ) ومازال الامر حتى يومنا هذا واحترت واحتار دليلى رغم ان اعرف ناس بالتربيه والتعليم كسبتها بعد منى وصرفت مستحقاتها وحاليا بتقبض وانتم عارفين الاغرب من هذا هو ان فيه شخص استعجل وراح بنفسه واستلم الحكم بعد ما خلص كل الاجرءات بالمشيخة ولما ذهب بيه الى موظفى منطقته الازهريه عارفين قالوله ايه (ياسيد يامحترم حكمك ده لازم يأخذ دوره بالكامل حتى لو انت خلصته بنفسك ومش ناقص حاجة ) فوت علينا بكره ياسيد يامحترم

[جينية البحر]

المشاركة الأصلية كتبت بواسطة محمد امين مبارك

انا والحمد لله كسبت قضية 200% وقضية 50% وقضية المناطق النائيه وده من شهر 9 وسلمنا الحكم بالمشيخه ولكن موظفى المناطق الازهرية جزاهم الله عنا خيرا كلما اسأل عن اللامر التنفيذى عندهم وصل ولا لسه يكون الرد (فوت علينا بكره يا سيد يامحترم ) ومازال الامر حتى يومنا هذا واحترت واحتار دليلى رغم ان اعرف ناس بالتربيه والتعليم كسبتها بعد منى وصرفت مستحقاتها وحاليا بتقبض وانتم عارفين الاغرب من هذا هو ان فيه شخص استعجل وراح بنفسه واستلم الحكم بعد ما خلص كل الاجرءات بالمشيخة ولما ذهب بيه الى موظفى منطقته الازهريه عارفين قالوله ايه (ياسيد يامحترم حكمك ده لازم يأخذ دوره بالكامل حتى لو انت خلصته بنفسك ومش ناقص حاجة ) فوت علينا بكره ياسيد يامحترم

ممكن يأستاذ محمد توضحلنا ايه هي قضية 50 في الميه وايه هي قضية المناطق النائية تقصد اللي هي الجهود

[محمد امين مبارك]

والله انا احترت يبقى ياناس ياهو حق الواحد وبالقانون ونرفعلة قضيه علشان ناخده ولما نكسب الحكم نشرب الامرين علشان ناخده ولو كرمنا ربنا واخدناه بدون ما احلف ماهيدخل البيت ولو ربنا كرمنا ودخل البيت ابا بحلف والله ماهو طالع حسبى الله ونعم الوكيل

[teacher120]

استاذ محمد ارجوا التواصل لانى رافع نفس القضيه انت تقصد ايه بقضيه 50% تقصد المحليات لانى اعرف ان الحافز ددا مش للازهر لاننا لا نتبع المحليات اما ال 200% من حقنا