استطلاع راي :- القوة الدافعة الكهربية

[mr abn]

السلام عليكم
اساتذتنا الكرام
ابنائنا الطلاب

سوف اعرض عليكم نقطة بتلخبط طلاب كتير




هل يوجد فرق بين فرق الجهد بين قطبي العمود وبين فرق الجهد الخارجي للدائرة

[ǺĦmĕđ Śábĕr]

ممكن ترفعلنا مذكرة الآفاق ,, اي حد بيسال ف اي حاجه بترفع الحل وبيبقا مثال محلول او مساله ف المذكرة
ممكن تفيدنا وترفعها لو سمحت !!

[ǺĦmĕđ Śábĕr]

باين ع المذكرة دي موش سايبه حته ف المنهج الا وجيباها

[eng_shadyahmed]

بسم الله الرحمن الرحيم
فرق الجهد بين قطبى البطارية هو نفسه فرق الجهد الخارجى

هاوضحها بمثال بسيط
معانا حجارة قلم مكتوب عليها 3 فولت ... و هحط الحجارة دى فى فانوس جواه لمبه صغيرة

ال 3 فولت دول هما القوة الدافعة الكهربية للعمود ... و هما اللى المفروض الدايرة الخارجية اللى هيا الفانوس يستفيدوا منهم كلهم

لو جبت فولتميتر و حطيته على طرفى الحجارة دى .. المفروض يقيس 3 فولت لكنه فى الواقع هايقيس أقل من كده .. و القيمة اللى هايقيسها دى هى فرق الجهد الخارجى يعنى اللى هايوصل للفانوس او فرق الجهد بين قطبى البطارية .. الاتنين واحد

لان الحجارة فيها مقاومة داخلية و التيار بيقابل المقاومة دى قبل ما يخرج من الحجارة و عشان التيار يقدر يتجاوز المقاومة دى لازم ياخد شوية شغل من ال 3 فولت دول
و بالتالى الشغل بتاع البطارية اللى هو 3 فولت هيتجزأ .. جزأ يتم بذله لتمرير التيار على المقاومة اللى جوه البطارية ..
و جزء يتم بذله لتمرير التيار فى الدائرة الخارجية ( الفانوس ) و الجزأ ده هو فرق الجهد الخارجى او ممكن نسميه فرق الجهد بين قطبى البطارية

اذا
مش كل الشغل اللى جوه البطارية اللى هو ق . د . ك ( 3 فولت ) هايوصل للدايرة او هاتستفيد منه الدايره كله
لان جزء منه هايتم بذله داخل البطارية نفسها

و شكرا

[ياسرالشال]

فرق الجهد بين طرفى العمود عند غلق الدائرة هو نفسه فرق الجهد للدائرة الخارجية لان الفولتميتر المتصل بالمصدر عند غلق الدائرة يقرأ الهبوط فى جهد المصدر الذى يعبر عن الجهد الخارج من المصدر