حرام دبلوم معلمين يصبح مدير

[معتز اللمساوى]

الى كل المعلمين الحاصلين على مؤهل عالى والله حرام دبلوم معلمين او دبلوم 5 سنوات ان يتولى مدير مدرسه لان بكدا بنرجع للخلف اكثر من 50 عام لذا نرجوا الوقوف جميع المؤهلات العليا ضد عدم عوده الدرجه الفنيه فى قياده المدرسه لان من غير المعقول ان يكون مدير مدرسه دبلوم 5 سنوات ويراس الحاصل على الماجسيتر والدكتوراه كفايه اقدميه وخلينا نتقدم ثم اذا كان المؤهلات فوق المتوسطه لم تستطيع التقدم بمستواها والحصول على مؤهل عالى اثناء الخدمه لان تفكريهم محدود جداااا حرام عليكوا والله ها تضيعوا التعليم وبلاش مجامله كذاااابه

[zxxzwa]

أتمنى من الأستاذ يقول لنا من علمه فى المدرسة الإبتدائى؟

وعلى فكرة دة حقهم وفى مرحلة التعليم الإبتدائى فقط ولو مشينا على مبدأ الإستبعاد للمؤهل بكدة من يمسك منصب يكون حاصل على دكتوراة أولى من أى مؤهل عالى مع العلم الخبره لها دور كبير فى القيادة!!

[معتز اللمساوى]

احنا عاوزين تقدم مش مين علمنى فى ابتدائى واكيد طبعا من حق الاعلى مؤهلا ان يكون فى القياده انا سؤالى محدد اذا كان الحاصل على دبلوم معلمين على اقل حاصل عليه من اكثر من 25 عاما ولم يفكر فى تغير مستواه العلمى وان دل على شئ يدل على ان تفكيره محدود معدوم الطموح والقياده جذء منها خبره وجذء كبير ولكن ليس مع الخبره فقط تكون القياده

[zxxzwa]

يا أخى أكيد من يعلم التلاميذ منذ عشرات السنوات لدية خبرة فى الإدارة ولو حضرتك قرأت القانون جيداً ستجد هذا ينطبق على فئة قليلة العدد وتم تسكينهم على الكادر أما أى معلم جديد سيكون مؤهل عالى وتربوى ومعظم هذه الفئة لديها عدة سنوات وتخرج للمعاش وعلى فكرة هناك بند لتشكيل مجلس إدراة لإدارة المدرسة والمجال مفتوح للجميع للحصول على دورات فى الإدارة والحاسب وحتى التربوى ولا تقول شهادات ونحن نعرف أن معظم من يذهب للتربوى الأن مجرد فتح الكتب والغش المهم من لدية القدرة على الإدارة ومشاركة الأخرين فى المدرسة لإدارة المدرسة بشكل جيد ومعظم التعينات الجديدة سيكون لديهم فرصة كبيرة فى خلال سنوات قليلة لإدارة المدراس والمهم تحقيق الأهداف من القيادة وليس مجرد القيادة!!

[احمد محمد شاهين]

الاخ المحترم اللى مش عاجبة دبلوم المعلمين لولا دبلوم المعلمين هو نفسه لم يكن معلما يا محترم دبلوم المعلمين كفاءة والله ولو لاهم المدارس مش كان فيها عمل وبكره هنشوف لما دبلوم المعلمين يطلع معاش اية اللى هيحصل ودبلوم المعلمين سبب عدم حصولهم على مؤهل وراءه ظروف مادية واولاد المؤهل العالى مش عاوز يقعد فى المدرسة بالله عليكى اعط كل ذى حق حقة المؤهل مش هو اللى بيشتغل فى الفصل المدرس ما هو الا طريقة اداء وفنان وحابب مهنته مش ناقل للمعلومات بس ياريت كلنا معلمين نكون محترمين مع بعض ومنعملشى فوارق الشاهد الفصل على الكل واشكر الجميع واخص بالشكر اللى يخاف ربنا فى اولادنا وان يكون قد وصل منزلة الاحسان

[badr2110]

لولا دبلوم م المعلمين ما كنت انت اخى المحترم ؟ معلما فمثل حضرتك دخل التربية بالتنسيق ومنهم من دخلها لمجرد مرتب والسلام
وده حقنا مش هبه من الدولة ولا غيره فياريت نعطى كل ذى حقا خقه
فدبلوم المعلمين هم اسياد التعليم الذى لا فائدة منه فى بلد لا تحترم معلميها ولا تقدرهم

[Nasr Fouad]

انت دفعة كام و وظيفتك ايه بالضبط علشان تتكلم كده؟!!!
اولا التعليم الابتدائي زمان ايام ما كنا تلاميذ كان افضل من كده بكتير لان كان كل القائمين عليه دبلوم معلمين و على فكرة كان بيجلنا طلبة معلمين بيتدربوا زي التربية العملي كانوا و الله بيستخدموا اساليب و طرق تدريس احنا درسناها في طرق التدريس ف الكلية و ايام الناس دول كان التعليم الابتدائي تعليم و ما كنش فيه غش و كتابة ع السبورة ف الامتحان و تلاميذ تطلع اعدادي و ثانوي مش عارفة تقرا و تكتب و ده السبب اللي خلا الوزير الهمام يطبق القرائية
على فكرة أنا مش منهم لكن دي شهادة حق

[ابحين]

ان افضل معلم هو خريج دبلوم المعلمين ومن اسباب خراب التعليم في مصر هو وجودكم في المدارس بكبركم على المهنة المحترمة

[الحلفايه]

الاخ معتز :ـ انت لست معلما تربويا كيف تنتقد معلمك هكذا انت لست معلما ولاتصلح معلما تعلم اصول الكلام ثم تحدث عن معلمك كيف تسمح لنفسك ان تتحدث عن دبلوم المعلمين هكذا وعاوز تعمل وقفه يابو50% انت لاتصلح ان تكون معلما شوف لك عمل اخر يا اخى هل رايت شخص فى وظيفة اخرى يتهكم على زميله مثلك ؟ عجيب امر الدنيا دبلوم المعلمين علمك فى المدرسة وغلم امثالك وله فضل عليك ولابد ان تقف عند حدك احسن لك ولن اسمح لك ان تتعرض لاسيادك دبلوم المعلمين باى كلمة وانا لى الشرف وارفع راسى اننى خريج دبلوم معلمين واتحداك ان يكون عندك خبرة فى ادارة حجرة بلاش مدرسة عشان كبيرة عليك ان اعمل بالقيادة منذ عشر سنوات ولدى خبرة انجليزى - خبرة حاسب الى واتحداك ان تكتب جملة صحيحة على برنامج الوورد يا نتأخر انا بعمل برامج تعليمية وانا دبلوم معلمين وعندى مكاتبات لو قرات واحدة ستصدم من خريج دبلوم المعلمين اسحب كلامك فورا واعتزر لكل المعلمين والمعلم يكون معلم باقواله وفعله وعلاقاته وليس بالتعدى على الاكبر سنا ومقاما عيب احترم نفسك ......................
سلام

[معتز اللمساوى]

تعمل فى القياده منذ عشر سنوات معنى كلامك انك فوق القانون او بالمحسوبيه وانت تحكم على بدون وجهه حق وانا لا اهين دبلوم معلمين كل اللى بقوله الزمن غير الزمن ولا عوده للوراء مره اخرى وبلاش تحكم على الناس بدون معرفه وانا لا اتناقش مع معلمين فوق القانون

[معتز اللمساوى]

الاخوه الزملاء حاملى دبلوم معلمين عندما صدر قانون 155 عام 2007 واقر بعدم احقيه الدرجه الفنيه فى الترقى للمناصب القياديه لم نسمع منكم اى اعتراض وكان ذلك مقابل الحصول على الكادر اى المال ولكن هنالك معلمين صححوا موقفهم الوظيفى وحصلوا على مؤهل عالى وطورا من انفسهم وهذا لاخلاف عليهم انما اعتراضى على معلم لم يطور من نفسه طوال اكثر من 9 سنوات ووافق على وضعه الوظيفى ودخل امتحان الكادر وهو يعلم انه بدخوله امتحان الكادر يقر بموافقته على القانون الذى يحرمه من الترقى لذا لماذا الاعتراض على وضع انه قبلته واقريت به بدخولك امتحان الكادر وانا متاكد من شئ ان الشخص الذى لا يحاول ان يطور من نفسه مستحيل ان يطور مدرسته والله انا لا ابغى الا مصلحه التعليم ومصلحه البلد وان تتحسن المنظومه التعليمه والله خير شاهد

[star_star8934]

بسم الله الرحمن الرحيم
انا دبلوم معلمين 85 وحب اقولك ياسيدي الفاضل انا بدرس جميع التخصصات يعنى انا معلم دراسات ودرست علوم ودرست لغه عربية وسنى الان 52 سنه ومعايا 21 حصة والمتعه كل المتعة في التدريس ود ا لانى حابب ان اكون مدرس فالشرف كل الشرف اني خريج معلمين

[ميرفت ابراهيم]

يعنى يا اخى المحترم هتموت نفسك عشان خريج المعلمين ميبقاش مدير مدرسه صدقنى هو فعلا مدير مدرسه من غير ما يترقى هو كل حاجه هو الخبره والحنكه والصبر والوعى والفهم والتروى والاداره الصح وخلى بالك وانتبه كويس التعليم والله والله خرب بعد الغاء دور المعلمين والمعلمات وجعل المهنه مسابقه الا عجبى عليك يا زمن وربنا يخرب بيت اللى كان السبب

[معتز اللمساوى]

انا لا انتقد دبلوم معلمين ولكن وجهه نظرى انه لابد لا عوده للخلف لان المدارس زمان كل الهيكل التنظيمى للمدرسه كله دبلوم او بمعنى ادق مؤهل فوق متوسط اما الان معظم المدرسه مؤهلات عليا وماجستير ودكتوراه فالدنيا بتتقدم واحنا نرجع ونقول زمان كان كذااااا وكان كذاااااا والله ماخرب مصر غير النظر للخلف وحضاره 7الاف سنه لابد من رقى الفكر وانا ضد عوده دبلوم معلمين للاداره المدرسيه لهم اماكن اخرى للترقى بها منها رئيس قسم او رئيس قطاع او مدير مرحله او مدير التعليم الابتدائى انما اداره مدرسيه لالالالالاولا عوده للخلف

[Nasr Fouad]

يبدو ان فيه مشكلة شخصية بينك و بين المدير بتاعك اللي هو واحد منهم مخلياك محموق اوي كده
احكي و فضفض