|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
24-08-2008, 06:32 PM
|
||||
|
||||
مشكور ع الموضوع ..... الي أين ؟؟؟!!!
موضوع نقاشي
مشكور ع الموضوع موضوع ديني مشكور ع الموضوع موضوع نكت مشكور ع الموضوع وغيره وغيره وغيره اكلاشيه مشكور ع الموضوع وبعدين بعد مشكور ع الموضوع ضفت ايه جديد للموضوع عملت ايه لصاحب الموضوع خليت في خانة الردود زاد رد ولا رفعت من معنوياته بردك مشكور ع الموضوع محتاجه وقفه وقفه مش سهله عايز تزود مشاركاتك ماتفيد وتستفيد كلمة مشكور ع الموضوع بتقتل الموضوع مش بتحييه بجد مش هزار لما يكون موضوع نقاشي واناقش واتكلم ورد من صاحب الموضوع ورد ليا ورد لغيري الموضوع يفيد لكن مشكور ع الموضوع ومتهوبش ناحيته تاني يبقي ظلمت الموضوع وظلمت صاحب الموضوع وظلمت نفسك في حين انك ممكن تكون مقريتش الموضوع اصلا لازم تقف مع نفسي حسيت انك استفدت من الموضوع يبقي من حق صاحب الموضوع عليك انك تشكره علي تعبه لكن انت دخلت موضوع اصلا المفروض انك تناقش والاقيك تقوللي مشكور ع الموضوع طب هرد اقول ايه مشكور ع الموضوع متفكرش تكتبها لو الموضوع يحتم عليك انك تناقش صاحبه متفكرش تكتبها لو الموضوع محتم عليك تحل مشكله لصاحبه بس دي رساله حبيت اوجهها لكل حد فيكو ويارب يكون الموضوع بدايه لتحجيم كلمة مشكور ع الموضوع الا اذا كنت استفدت من الموضوع بجد
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#2
24-08-2008, 06:51 PM
|
||||
|
||||
|
بسم الله الرحمن الرحيم
مشكوره عالموضوع  بصي يا بنتي بقى هو الحكايه ومافيها ان اللي بيدخل موضوع نقاشي و يكتب (مشكور يا اخ) ده مش قرا الموضوع من اصله فعايزاه يكتب ايه داخل يزود مشاركات و لو دخلتي تشوفي مشاركاته راح تلاقيها كلها (مشكور) و كل كلمة شكر و مش بعيد بيكتب رد واحد و يعمل له كوبي باست و انا شوفت ناس كتيره كده و في المنتديات التانيه كانوا بيوقفوا الناس اللي كده على فكره راح نعمل لهم ايه طيب .. مافيش حل ..
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
|
|
#3
25-08-2008, 04:42 PM
|
||||
|
||||
|
اقتباس:
مرسي يا بوسي
كنت فا****ي عايزه تشليني ولا حاجه بس ده اللي المفروض يحصل ان يوقف الاعضاء اللي بتكتب مشكور ع الفاضي والمليان ومقلتش متشكرش صاحب الموضوع لا اشكر واتكلم بس في فرق اما تكون فاهم وتناقش وتشكر وبين مقرتش ومفهمتش ومناقشتش وبتشكر نورتي التوبيك يا قمر
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#4
24-08-2008, 06:54 PM
|
||||
|
||||
|
مشكورة على موضوعك يا سندريلا
ههههههههههههههه هيا كل الحكاية ان الكلمه دى بتبقى واحد قرا الموضوع وعجبه فيقوم كاتب الكلمه دى وفيه ناس تانيه بيستخدموها زيادة مشاركات بس فيه اقتراح ليه الادرارة متعملش زرار ( شكرا ) على الموضوع ودا موجود فى منتديات كتيره وبيقلل المشاركات الى من النوع دى يعنى الى عاجبه الموضوع بيدوس شكرا وبس
__________________
 تعبان بجد لو فيه حد لسه بيحبنى ياريت يدعيلى ان ربنا يهدينى |
|
#5
25-08-2008, 04:47 PM
|
||||
|
||||
|
اقتباس:
مش حل يا محمد بالعكس ده هيزود الموضوع هيخليني استسهل زر شكرا بدل ما اكتب والله هو الحل الوحيد الواحد يخلي عنده ععقل يفكر بيه يعرف امتي يرد بشكرا وامتي مينفعش يقول شكرا نورت الموضوع يا محمد
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#6
24-08-2008, 07:09 PM
|
||||
|
||||
|
اقلك ايه مشكور على الموضوع
دى جمله تفرس  و الله حتى لو موضوع استفاده احسن ادعيلى لصاحبه  الكلمه دى بجد ملهاش لازمه غير طبعا تزويد الردود ده فيه منتديات تانيه اجارك الله تلاقى موضوع مثلا وصل ل600 مشاركه انتى بقى تتحمسى و تقولى اكيد موضوع كده الواحد حيستفيد فيه استفاده تدخلى بقى و انتى زى الهبله و اهو تقرى الموضوع و لا كلمه ليها معنى و اساسا بقى تكونى شفتيه بعدد المجرات فى الكون قبل كده تقولى خلاص عديها تقرى الرد التانى تلاقيه و بكل بجاحه مششششششششششششكور على الموضوع تقولى خلاص موش اشكال اللى بعده تلاقيه سلمممممممممت الانامل التالت تسلم على هذا العمل اما الرابع فده تحفه ثانكس على الموضوع اه صحيح و كمان تلاقى ما بين كل مشاركتين رد صاحب الموضوع و بكل فرحه يقلك العفو المهم برده تثابرى عشان تعرفى ايه الحكايه لغايه ما توصلى لاخر الصفحه الاولى تلاقى قدرتك على الاحتمال بدات تخن تستسلمى فى النهايه و تدوسى على (الاخيره) تلاقى اخر رد اللى يخليكى تتملى حماس بجد تسلم اخوي على الموضوع الله يعطيك العافيه وننتظر جديدك دمت بود سعتها بجد لو عرفتى تفتحى المنتدى ده تانى يبقى مكانك مش بينا مكانك فى السويد عشان تاخدى جايزه نوبل و المهم بقى تلاقى المنتديات دى زى البطه التخينه مش قادر يتحرك ما هو فعلا مفهوش حاجه غير موضوعات ال600 مشاركه يلا ربنا يعينا و احب اقلك فى النهايه إختيارك قمة في الروعه وقمة في التميز إطلاالااتك دوما ً ساحره وجذابه بعطاءك ومشاركاتك القيمه فلا حرمنا الباري منك ولا من تواصلك العطر بإنتظار جديدك بكل شوق عين الله تحرسك وترعاك
__________________
 In God's care HaPpiLy eVeR aFtEr |
|
#7
25-08-2008, 04:51 PM
|
||||
|
||||
|
اقتباس:
مرسي يا قلبي علي الاضافه الرائعه
حقيقي زودت الموضوع كتير وكلامك اللي في الاخر ده احرجني دايما كده تحرجيني بزوقك نورتي التوبيك يا قمر
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#8
24-08-2008, 07:34 PM
|
||||
|
||||
|
انا بجد بتخنق من الكلمة دي
ابقى كاتبه موضوع وفرحانه بيه ومستنية اشوف اول رد بيناقشني يقولي ايه الاقيه يقولي مشكور بجد نفسي بتتسد وبقع فترة مكتبش مواضيع بس ده مش هنا طبعا هنا مش بيردو خالص  بس المفروض الردود اللي زي دي تتحذف وصاحبها يعرف انها اتحذفت وبكده ممكن تقل الردود اللي زي دي بس في الاخر لازم اقولك مشكورة على الموضوع لان ماينفعشي ماشكركيش على موضوع زي ده بجد تسلم ايديكي 
آخر تعديل بواسطة JusT DreaM ، 24-08-2008 الساعة 07:39 PM |
|
#9
25-08-2008, 05:06 PM
|
||||
|
||||
|
اقتباس:
مرسي يا حبيبتي لمرورك مرورك نور الموضوع بس لازم نستحمل شويه وان شاء الله نبلغ عن اي رد يكون مش مناسب للموضوع يعني مثلا موضوع صاحبه بيعرض مشكله الاقي اخ محترم يقولله مشكور ع الموضوع كل الردود دي لازم تتحذف مرسي مره تانيه لمرورك حبيبتي
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#10
24-08-2008, 07:36 PM
|
||||
|
||||
|
بصى يا زوزو
الحكاية دى غبية اوى وللاسف انا والله بتنرفز منها يبقى موضوع نقاشى وكلنا بنتناقش فى حاجة او بلاش كلنا لما مثلا بيعجبك موضوع او مش شرط يعجبك بتشوفى الردود نظامها ايه عجبك رد الكلام ده تيجى فى النص عبارة مشلة اوى بلاقيها كتيير (مشكووووووووووووور على الموضوع) الجملة دى لو قلتلك بتجيبلى شلل يبقى قليل مش عارفة بيكون المقصود بيها ضعف شخصية معندوش راى او رد مناسب طاب مادام انت مش عارف ترد ممكن تخرج اصلا فى مواضيع تكون جامدة وجميلة بس للاسف المشاركات قليلة والمشاهدات كبيييرة كان ممكن اللى بيقول كده يزود مشاهدة احسن من رد سخيف وملوش اى لازمة يادووب بيعمل لفت انتباه فقط بس هقولك على حاجة لو موضوع دينى مش نقاشى او جدالى عجبنى لازم اقول فيه (جزاك الله كل خير) لازم يبقى فيه شكر اصلى مش هضيف جديد بردوا لو موضوع مش نقاشى الغرض منه الاستفادة فقط نفس الكلام انما لما يكون نقاشى تبادل اراء لازم نفتح المجال لاننا بنعبر عن راينا ووجهة نظرنا كلنا بنستفيد من حكاية النقاش دى لان تفكيرنا مش زى بعضنا ومنكرش انى استفدت كتيير اوى من الاراء والمناقشات كفاية كده وليا عودة فى الموضوع اه نسيت احييكى على فتحك موضوع نقاشى لازمله وقفة
__________________
 عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#11
26-08-2008, 11:51 AM
|
||||
|
||||
|
اقتباس:
والله ردك ده احسن من الموضوع
مرسي اوي يا حبيبتي بجد اضافات رائعه جدا وهستني عودتك المثمره اللي بتنور اي موضوع تدخليه وسلامتك من الشلل كبري دماغك احسن :D
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#12
24-08-2008, 07:36 PM
|
||||
|
||||
|
مشكووووووووووووووووووووووووووور على الموضوع
طبعا بهزر ولكن السر فى هذه الردود ان المنتديات من ضمن انظمتها التحفيزية موضوع الألقاب اللى بيعلى مع كثرة الردود وطبعا كل دى القاب زائفة وبالتالى العملية دى بتبقى تلقائية بس فيه بعض الناس بتكتب الجمل المأثورة دى لأنها مبتعرفش تعبر عن احساسها أو رأيها كويس وبالتالى بتكتب حاجة زى كده بس بجد مشكوووور عالموضوع
__________________
{والذين جاهدوا فينا لنهدينهم سبلنا وان الله لمع المحسنين}
باستطاعة الرجل ان يبنى امة لو صحت رجولته آخر تعديل بواسطة thedreamer33 ، 24-08-2008 الساعة 07:39 PM |
|
#13
24-08-2008, 09:28 PM
|
|||
|
|||
مفيد
الموضوع جميل جدا بس كلمه مشكور تعبر عن الشكر ممكن يكون قصده تقضيه واجب وممكن يكون قصده كبير منعرفش كلمه اتشهرت كتير واي حاجه اتشهرت منقدرش نغيرها بسهوله وممكن يكون عضو مسجل نفسه لتحميل اغنيه او فيديو ولازم يرد فبيرد بمشكور انا شخصيا شايفها عاديه ونفس الوقت شايفها بتقل من قيمه الموضوع
|
|
#14
24-08-2008, 09:36 PM
|
||||
|
||||
|
عندك حق والله يا بنتى . بجد مش بتضيف اى حاجه. كان الاولى من العضو انه يسيب لرايه فى الموضوع افيد فالموضوع ينشط والناس تكمل مناقشه من ردود الاعضاء والموضوع الاصلى وبكده يوصل هدف الموضوع والمناقشه المطروحه للناس كلها
مشكوره عالموضوع يا عسل
__________________
|
|
#15
26-08-2008, 12:09 PM
|
||||
|
||||
|
اقتباس:
مشكوره ع المرور يا سكر :D عندك حق يا حبيبتي والله نورتي الموضوع يا قمر ابقي خلينا نشوفك ومش هنطردك زي الياهو قليل الاصل بتاعك متقلقيش:::DpD
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 06:46 AM.
