|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
11-10-2008, 12:01 AM
|
||||
|
||||
خبر مستفز !!
بصراحة قرأت خبر استفزنى جدا
 وهو ((355 مليون جنيه ميزانية التغذية المدرسية هذا العام )) المفروض أن الوجبة تكون للمدرسين والطلاب يالاه ما علينا  المهم كنت عايزه احكى لكم حكايتى مع الوجبة المدرسية  أنا عارفة طبعا أن الوجبة لم تكن توزع على كل المدارس بس بصراحة عندنا فى المدرسة مكناش بنشوف الوجبة المدرسية غير أيام الانتخابات بتاعة الدايرة!!  سيبك بقى من الصورة بتاعة الوجبة اللى موجودة فى الصفحة الرئيسية بتاعة المنتدى وخليك معايا   وكانت الوجبة أصلا حتة جبنة مثلثات وعلبة مربى (كانت حلوة لحد كده )ورغيف عيش حالته تصعب على الكافر!! واما بقى الصراحة كانو بيغذونا جامد أوى أيام انفولونزا الطيور وكانوا بيجيبوا لنا بيض !! ده كان فى تانية ثانوى واحنا فى اولى مكنش بيتصرف لينا وجبة وكانوا بيصرفوا لتانية و تالتة  فكرت فى الموضوع ده ومكنتش عارفة ليه يمكن كان على سبيل العدالة الاجتماعية!!!:abdoog8: اما بقى فى تالتة اعدادى كانو بيجيبوا لنا بسكوت وكان نصفه بايظ !!  وكنت قرأت قبل كده فى جرنان ان كل طالب له وجبة ب5 جنيه كل يوم فتفتكر الوجبة دى تعمل 150 قرش؟؟  (مع مراعاة السعر بتاع البيض أيام الأنفولونزا )نورا 
__________________
استغفرالله العظيم عدد ماكان وعدد ما يكون وعدد ما فى علم الله المكنون وما توفيقى الا بالله
|
|
#2
13-10-2008, 08:37 PM
|
||||
|
||||
|
ههههههههههههه
هو ده أول خبر مستفز ..كل يوم بنسمع اخبار مستفزه طيب هى الفلوس دى بتروح فين بتروح على ال................................................ .... . |
|
#4
13-10-2008, 08:49 PM
|
||||
|
||||
|
دا مش خبر مستفذ ده خبر يشل وينقط دول بيضحكو ا علينا اصلا انا عندي في المدرسه مش طيقنا مش هيدونا وجبات بقي وكده يعني ازازة الحاجه الساقعه اصلا بجنيه ونص انا تالته ثانوي السنادي لسه ويارب نخرج من المدرسه قبل ماارتكب جريمه
|
|
#5
13-10-2008, 09:53 PM
|
||||
|
||||
|
حاجه زى دى عااااااااااااااادى فى بلدنا
يااااااااه فكرتينى بحاجات كتييييير من النوع ده انا بقى هقولك حاجه زيها واصعب كمان انا مشتركه فى نادى عندنا بلعب كاراتيه وكنا بنسافر عشان اختبارات الحزام والبطولات للعاصمه عندنا الزقازيق وكان الكابتن بيدفعنا فلوس حق الاختبار وفلوس للعربيه اللى هنسافر بيها ونشترى كل حاجه على حسابنا وندفع فلووس كمان يعنى زى ما بيقولنا دى تامينات كل شهر بس انا كنت لسه صغيره لانى بلعب وانا عندى 4 سنين مكنتش اعرف حاجه بس اما كبرنا وبدات اتعرف بناس كل اختبار او بطوله عرفت منهم ان المفروض مادفعش حاجه غير اشتراك الكرنيه فى السنه كلها 3 جنيه انا بقى كنت بدخل اختبار كل 3 شهور وادفع 50 جنيه بيقولنا عنها رسوم ومفيش حاجه اصلا كده وادفع اجرة العربيه والمفروض ان ده على حساب النادى واشترى الحزام الجديد والمفروض برده اخده من النادى والاكل على حسابنا وعرفت بعدها ان المفروض لكل لاعب وجبه ب 20 جنيه وغيره وغيره يعنى انا لو اتكلمت فى الموضوع ده هكتب فيه كتب مش رد فى موضوع يبقى ده بقى يخلينى اعمل ايه لما عرفت انا بطلت اللعبه مع انى بحبها جدا واخدت فيها بطولات كتير ومستواى الحمد لله امتر من ممتاز بس فهمت انها شبكه نصب والمديرر نفسه هو اللى بيامر بكده يعنى من الاخر مصر بخير
__________________
|
|
#8
14-10-2008, 06:20 PM
|
||||
|
||||
|
ده الطبيعى
انا بقى عمرى ماشفت الوجبات دى اصلا خاااااااااالص يعنى احمدى ربنا ان جالك حاجه مع انك ممكن مش تشفيها تانى اصلا....هههههههههههههههههههه
__________________
صديقتى انتظرتك طويلا حتى فات الاوان فها انا امام جدار زمنى وقد ضاعت الامال |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 12:05 PM.
