ماذا بعد icdl؟؟؟؟

[تواقة الى الجنة]

إخوانى المدرسين شفتم الوزارة بدور علينا إزاى ؟ ؟؟
اليوم جاءت وكيلة وحدة التدريب تطلب مننا أن يكتب كل مدرس ما ينقصه من تدريب أوما يحتاج اليه من دورات فى الحاسب الآلى ...
فلم أدرى ماذا أخبرها فلقد حصلت على الرخصة الدولية ولا أعرف
ماذا بعدها ؟
هل الوزارة بهذا تهرب من 10% وتخبرنا بأننا مازلنا بحاجة الى دورات....
عموما من يعرف مادذا بعد icdl يخبرنى لكى أسجل للوكيلة ما تريده ولعل وعسى الوزارة تدربنى عليه ( على فكرة حصلت على icdl على حسابى الخاص ) !!

[محمد سعد صقر]

ههههههههههههههههههههه
ماشي ياباشا نعمل ليهم ايه بس الوزارة العكننه دي
فيه يا استاذه ecdl
الرخصة الأوروبيه لقيادة الحاسب الآلى
يمكن يكونوا متحاجينها !!!!!

[السندباد المصري]

لسه كتير
الرخصة الدولية لقيادة 000000
خمن بقي انت

[ihabsaid]

ياعم انا حصلت علي الرخصة الدولية للكمبيوتر من 2002 ولسه بيرشحوني لحضور دورات في كيفية فتح الكمبيوتر وقفله

[M.Sherif]

الرخصة الدولية لقيادة رخامة الوزارة بتاعتنا
حد خدها دي؟

[mono2000]

وفيه الرخصه المحليه لعمل الملوخيه
لاني سمعت ان الصين عايزه تستورد ملوخيه
ومحتاجين ناس خبررررررررره
هههههههههههههههههه

[ا/السيد سليم]

خلي بالك : ده زمن الضرب علي الــ ........

[تواقة الى الجنة]

أخيرا عرفت ماذا بعد icdl ................السيسكو ...
لكن ماهو ؟؟؟ أتساءل فى حد حصل عليه ؟ فإذا كان هناك من حصل عليه فليخبرنا به .
وهل للوزارة دور فى تدريب المدرسين عليه ولا برده هنحصل عليه من مالنا كالمعتاد فى كل دورة .
الله المستعان .:stickjo4 :

[abonoha]

انا معايا شويه شهادات ورخص مش عارف اعمل بيهم ايه :

1- انتل { التعليم من اجل المستقبل }
2- انتل { on line } من الشركة نفسها
3- شهادة من وحدة التخطيط والسياسات على الجدول المدرسي الألكتروني والكنترول الألكتروني
4-شهادة { ICDL }

وأخيرا : رخصة قيادة دراجة بخارية

ورخصة قيادة خاصة

احتياطي { جايز يطلبوهم كمان }

ههههههههههههههههههههه