97.9% مرحله اولي اكمل علمي علوم ولا رياضه

[طالب طموح]

يا جماعه انا خلصت تانية ثانوي و جبت 97.9% و التنسيق نزل و انا قلقت منه شويه يا تري اكمل علمي علوم ولا احول رياضه ........... ولو علمي علوم هل اقدر طب ولا صيدله .............. يا ريت ارائكم اكيد هتفيدني

[ghadaaaaa]

بصى بجد خليكى احسن فى انتى عاوزة ايه انتى ممكن تدخلى علوم وتشدى حبة وهدخلى اللى انتى عاوزاه
و ممكن رياضة وكدة تبقى اصلا مرتاحة جدا
انما شوفى انتى ميووولك حبة تدرسى ايه .. وهترتاحى فى ايه اكتر

[matrix4ever]

اطمنى انتى لو كملتى علمى علوم حتدخلى طب بس موتى نفسك السنة دى بس و حتستريحى بعد كدة لان امتحاناتكم حتيجي صعبة اوى السنة الجاية و باذن الله تلحقى اما لو ميولك رياضة يبقى حتخش هندسة مستريح باذن الله

[karimadel7]

هي كلها حسب الميول انت مجموعك يسمحلك تكمل اللي انتي عايزه
و متسمعش كلام الناس اللي بتقول مستخسرين مجموعك و الهبل ده
لو ميولك رياضة كمل و لو ميولك علوم برضه كمل مش هتفرق كتير
اللي هيفرق هو مجهودك

[basma 2010]

اعملى استخاره لان بجد المجاميع عاليه اوى

[monakobra]

لو سمحت يا بسمة انتى فى تانية ولاثالثة ولو رايحة تالتة هتدخلى علوم ولا رياضة؟

[basma 2010]

لا انا فى تانيه

واهلى عايزينى اكمل علمى علوم

[elkfrawy]

انا اسف بس مضطر اقول رايي بصراحة

انت تكملي علمي رياضة

ملحوظة : مفيش في تانية مجموع 97.9 فيه يا اما 98.05 أو 97.8 مفيش حاجة مابينهم

و طبقاً لترتيب الطلبة والأعداد من موقع الأستاذ
اللي جايب 98.05 (201 ) ترتيبه 19770 على شعبة علمي ده باعتبار انه اول واحد جايب المجموع ده
واللي جايب 97.8 ( 200.5 ) ترتيبه 24244 على شعبة علمي ده برضوه باعتبار انه اول واحد جايب المجموع ده

فـــ..... يعني لو فرضنا ان الطب بياخد 7000 وهو بياخد 6500 والاسنان 2000 وهو بياخد 1700 والصيدلة 9000 وهي بتاخد 8100 والعلاج الطبيعي 1500 وهو بياخد 1000 والبيطري 3000 وهوه بياخد 2300
يعني مجمل الأعداد دي كلها 22500

يعني اللي جايب 98.05 لو ماجبش زيها السنة دي لا هيلحق لا طب ولا اسنان ولا صيدلة ممكن علاج طبيعي واللي جايب 97.8 لو ماجبشي زيها السنة دي مش هيلحق حتى علاج طبيعي او بيطري
( لأن المستوى الرفيع ليكي ولغيرك كأنه مادة سادسة عليكي وعلى غيرك )

وده طبعاً علشان المجاميع الجنوووووووووووووووووونية في المرحلة الأولى
وحتى لو شديتي حيلك في تالته مش انتي بس اللي هتشدي اكيــــــــــــــــــد مصر كلها هتشد
فاللي جايب اقل من 98 ممكن يضيع السنة اللي جاية الا بقه اذا جابوا الامتحانات مميتة علشان التنسيق ينزل لأن الطب في الحالة دي ممكن ياخد من 99 والاسنان من 98.5 والصيدلة من97.5 وده بعد ما نفصل بتوع علمي رياضة


فنصحتي تكملي علمي رياضة
لأن صعب وسط المجاميع العالية اوييييييييي دي تلحقي طب من 97.9


ولو بتحبي المجازفة يبقى براحتك وفي النهاية ده قرارك

بس برضوه ارجع واقول ممكن ....... مفيش حاجة بعيدة عن ربنا
وربنا يوفقك


انا اسف انا كنت صريح

[raa raa]

شوفى انتى عاوزه ايه لو بتحبى تحفظى يبقى علوم لو بتحبى الرياضة و تشغيل الدماغ تكون علمى رياضة وعلى فكره رياضة2 اصعب من الاحياء بس فى المذاكرة الرياضه اسهل لانها تعتمد على الفهم ثم الفهم شوفى انتى ميولك ايه وربنا معاكى