اعتصام معلمين الاسكندريه

[amiraelkholy]

وقفه عظيمه من معلمى الاسكندريه يستحقون عليها التحيه اخيرا اتفقنا على شئ واحد من اجل( افضل مكانه علمية وادبية).
فقد كانت نتيجة اختبار اول يوم فى الكادر انه لم يدخل احد الى اللجان . يا رب نفضل ثابتين على المبدأ بالنسبة لكل المراحل ونتفق على مبدأ واحد بعد ماضيعنا الاجازه فى جمع وتصوير المواد العربية والتربوية ومادة التخصص .دى حاجة تكسف
طب الاول ادونا تدريبات وبعدها اختبرونا ولا طمعانين فى الزياده بناقصها ماهى خربانه خربانه

اميره من اسكندريه

[مستر هانى حامد]

والله صدقت ياأ/ أميرة

[داليااحمد]

ي السلام عليكم ورحمة الله وبركاته نفسى اعرف الى بيقولو ان اسكندرية مادخلش فيها الامتحان اى حد واللجان فاضية عرفوا الاخبار دى من مين ولاجت لهم فى المنام انا كل زملائى دخلوا والناظرة كمان والامتحان صعب مش سهل وجيبين لمدرسين الابتدائى اسئلة
من ثانوى هو احنا فاكرين منهج اعدادى علشان نفتكر ثانوى

[almoalem]

الاسكندرنيه ولا بلاش

[ميدو وبيبو]

لا فى ناس امتحنت فى كليه الاداب

[محمد كامل فوده]

يعني دا فعلا مافيش ولا مدرس اسكندراني دخل الجان ولا ايه

[amiraelkholy]

بيفولو ان فى خمسة عشر معلم من الاسكندريه حضروا فى كلية الزراعه والباقى رفضوا والله اعلم

[samir1]

اللي حضر قليل جدا

[medo9393]

المشاركة الأصلية كتبت بواسطة amiraelkholy

وقفه عظيمه من معلمى الاسكندريه يستحقون عليها التحيه اخيرا اتفقنا على شئ واحد من اجل( افضل مكانه علمية وادبية).
فقد كانت نتيجة اختبار اول يوم فى الكادر انه لم يدخل احد الى اللجان . يا رب نفضل ثابتين على المبدأ بالنسبة لكل المراحل ونتفق على مبدأ واحد بعد ماضيعنا الاجازه فى جمع وتصوير المواد العربية والتربوية ومادة التخصص .دى حاجة تكسف
طب الاول ادونا تدريبات وبعدها اختبرونا ولا طمعانين فى الزياده بناقصها ماهى خربانه خربانه

اميره من اسكندريه

المهم أنه يوجد من يمتنع إحتجاجاً على إهانة المعلمين
حتى لو كان عددهم قليل
إن شاء الله يكون له تأثير
ويتراجع هذا الجمل عما فى رأسه من تفاهات

شكراً لكى أ/ أميره الخولى

[middle_march]

رجاااااااااااااااااااااااااااااااااااااااالة اولاد رجااااااااااااااااااااااااااااااااالة

[تقا]

والله رجاله ولم يجعلوا احد تتحكم فيهم



ومن الاخر كده اجدع ناس الاسكندرانيه

[طارق يقطين]

شكرا للجميع على هذا الكلام نحو الاسكندرانية بس للعلم الامتحانات كانت شغالة و معظم الزملاء دخلوها
فى مجمع الكليات بالشاطبى و ابو قير
ولكن هذة الوقفة الطيبة من الاعتصاميين اتمنى ان تمتد الى اعداد اكثر من كدة بكتير
وشكرا

[ايناس عبد الحكيم]

احنا في جامعة حلوان اعتصمنا و مادخلناش الامتحان و نفسي الكل يعمل كده علشان نرد مكانتنا الاجتماعيه و المهنيه بعد ما بقت سيرتنا على كل لسان والكل بيتشفى فينا

[1toty]

تحية لكل معلمى الاسكندرية أصحاب مبدأ

[السعيد عبد الرؤوف]

اليوم أحسست أن لسه فيه رجاله في مصر والحمد لله مصر لسه بخير وأسأله الله عز وجل أن ينصرنا على أنفسنا وأن يذل كل من يذل المعلمين الشرفاء الذين يخافون الله وأقول حسبنا الله ونعم الوكيل وهو حسبنا ونعم الوكيل وأفوض أمري الى الله أن الله بصير بالعباد