جدول الثانوية العامة هل هو ظالم ام عادل ام !!!

[العاشقه الحزينه]

لاء بجد جدول رخم بالنسبه للجيولوجيا والتربيه الوطنيه والمستوي الرفيع


بس حلو بالنسبه للباقي

عموما ربنا يوفقنا ويوفق الجميع

اللهم امين

[elwarda]

معاكى حق والله فى كل كلمة
اكيد لسه فى وقت قدامنا
مش ينفع نقعد نحبط فى نفسنا ونقول ان خلاص مش هنعرف نعمل حاجة
اكيد لو عملنا اللى علينا ربنا هيوقنا


ربنا معاكى ومعانا

[elwarda]

انا شايفاه عادى
هو بالنسبالى مفيش الا مشكلة فى الكيميا والاقتصاد والاحصاء
لكن بقيت المواد كويسة

[قلب صادق]

الجدول كويس بالنسبه ليا

فى كل المواد الا الكيميا

قدامها يوم ونصف بس هنخلص فيهم ايه بالظبط؟؟؟؟؟؟؟

ربنا يوفقنا يـــــــــــــــارب

[dr.aaa]

بصوا هو بصراحة جدول جميل جدا
لطلبة علمي وادبي
وعلى فكرة ده يعتبر احسن جدول نزل للثانوية العامة لحد دلوقتي
بسي انتوا مش فاهميين ان لما يكون الجدول حلو كده
اكييد هيبقى الامتحانات زي الزفت وهو ده اللي حصل السنة اللي فاتت
جابلهم جدول جميل وظبطهم في الامتحانات
اتمنى ان ده ميحصلشي معانا
ودي وجهة نظري

[مستر أحمد دعبس]

بسم الله الرحمن الرحيم
هذا جدول امتحانات الصف الثالث الاعدادي
محافظة الدقهليه

[يوكا المصرية]

و الله الجدول ظااااااااااالم جدا لعلمى رياضة اللى اخدين علم نفس

[منال مرعى]

انت عندك حق ياحمد انا علمى علوم والجدل تحفه بالنسبه لى انا واخد علم نفس كمان ان شاء الله ع طب ع طول ربنا يخلى الى حاط الجدول ويجيب الامتحانات جميله زى الجدول كده:av40 56bb7jp3::av4056bb7jp3 ::av4056 bb7jp3:

[swemer]

ربنا معاكم ويفقكم وينجحكم قولو امين انا لسه فى اولى وخايفه اوى من الزئب التعليمى الثانويه العامه

[E/GOGO]

انا كل ال حارق دمى فى الجدول دة ان كل الناس عندها 5ايام قبل الانجلش ماعدا احنا علمى رياضة
طب مش كفاية انهم ظلمونا فى ايام الرياضة يعنى همتحن تلت ايام ورا بعض
لا مش مدينا حقنا زى كل الشعب سواء ادبى او علمى علوم فى الانجلش

[prof.ahmed4d]

المشاركة الأصلية كتبت بواسطة مهندسة المستقبل

انا كل ال حارق دمى فى الجدول دة ان كل الناس عندها 5ايام قبل الانجلش ماعدا احنا علمى رياضة
طب مش كفاية انهم ظلمونا فى ايام الرياضة يعنى همتحن تلت ايام ورا بعض
لا مش مدينا حقنا زى كل الشعب سواء ادبى او علمى علوم فى الانجلش

هو فعلا الانجليزى الى محدش اتكلم عنه وكله اتكلم على علم النفس مع ان الانجليزى يوم واحد بس واعتقد انه قليل جدا

ربنا يسترها ويعديها على خير

في رعاية الله

[ملاك2009]

انا عملت زى دول لما عرفت الجدول.

اولا :الحوار بتاعكم لذيذ جداااااا(اكيد مش عن الثانوية يبقى طبعا لذيذ)

ثانيا:بالنسبة ليا فى الجدول((المحترم))دة انا كلة عندى تمام يعنى قبل الانجلش4ايام.
قبل الفيزيا6ايام.
قبل الاقتصاد والاحصاء5ايام.
الكارثة بقى والصدمة ان كدة عندى قبل الاحييييييييييييياء بجلالة قدرها يومين بس يعنى كتير قوى يا جماعة واللة هلحق اراجع المنهج 10مرات
وقبل المستوى الرفيع اللى هو احييييييييييييياء بجلالة قدرها يوم واللى ميعرفش يعنى اية احياء مستوى رفيع يبقى يجيب كتابة ويلقى نظرة بسيطة علية ويحكم بنفسة.
وفوق دة ودة الامتحانات هتخلص6/7يعنى حاجة عظمة واللة.
دة كان بالنسبة ليا.

اما بقى بالنسبة لباقى الجدول فأنا مش عارفة اعلق على اية ولا على اية,على الجيولوجيا اللى قبلها يومين ولا علم النفس اللى قبلة9ايام للادبى والتاريخ3ولا اسيب دة كلة واعلق على جدول رياضة2اللى بجد بدعى ليهم من كل قلبى ان ربنا يوفقهم ويكون معاهم ويسهلها ليهم يا رب.

سورى طولت عليكم.

كانت معكم ملاك من معتقل الثانوية العامة.

[amour_amour88]

انا مش عارف ايه الجميل ف الوزير دا علشان البلد دي تتحمله اكتر من كده ولا هو عاجب الحكومه علشان بيزود الهموم ع الناس وبيزود مشاكلهم ع العموم الجدول ممتااااااااااااااااااااااز يعني علمي الرياضه اللي واخد علم نفس حيمتحن 3 ايام ورا بعض انا من رايي ان هو يبقي يبات ف اللجنه علشان الوقت هو لسه حيروح ويرجع تاني لايه الوش دا هو يقعد يستني ف اللجنه اريح

يااااااااااااااااااااااااااارب خلصنا من دي ثانويه بقي افففففففففففففففففف ع دي وزاره انا مش عارف بيعملوا الحجات دي بناء علي ايه والله انا مش عارف

[سعد الدالى]

اجدول دوت جميل جدا بالنسبة لعلمى رياضة بس الى وخدين اقتصاد واحصاء وياجماعة انا عندى بشرى سارة لطلبة العلمى بخصوص امتحان الفيزياء انا عندى خبر بيقول ان الامتحان هييجى سهل فى مستوى الطالب المتوسط

[Not Allowed]

المشاركة الأصلية كتبت بواسطة elwarda

انا شايفاه عادى
هو بالنسبالى مفيش الا مشكلة فى الكيميا والاقتصاد والاحصاء
لكن بقيت المواد كويسة

طب الحمد لله وربنا يوفقك