علشان ما نعملش مواضيع كتير عن امتحان التفاضل تعالوا ندردش مع بعض هنا+ اجابة الامتحان

[ebrahimghorab]

دلوقتى يا جماعة الحاجة المعروفة بعد كل امتحان ثانوية عامة
أخبار عن الامتحان
صور لطلبة بتعيط
حتى لو ما امتحنوش أصلا
المهم والى عاوز أقوله
انا لما كان بين الاقتصاد والاحصاء والاحياء 3 أيام
ما بصيتشى فى اى حاجة عن الاحصاء سواء نموذج اجابة او اى حاجة من دى
الابعد امتحان الاحياء
وطبعا رياضة 2 عارفين كويس أوى ان جدولهم مش بيبقى سهل
يعنى على حد علمى بعد بكرة انجليزى
ودرجته أعلى من الامتحان الى امتحنتوه النهاردة
وعلى فكرة الى بقوله دة كان بيعمله كل الى عارفهم من الى فى هندسة دلوقتى
بالرغم من مستوى امتحاناتهم
لأن أصلا مافيش وقت
لو ضيعت النهاردة ونص بكرة
يبقى بضيع مقدار معين
مش هاقول هاضيع مجهودك كله بس مالهاش لازمة
ياريت الناس تسيب قسم رياضة اتنين ويناموا شوية ويصحوا يراجعوا الى يقدروا عليه من الاتجليزى
وجزاكم الله خيرا
فى أمان الله

[XpertMan]

السؤال الرابع ب
انا اثبت ان الزاوية بين الضلعين 90 درجة
وعندها بيكون الضلع التالت وتر الدائرة
لكن نسيت اعمل المشتقة التانية للمساحة علشان تبقى سالب
ويكون عندها المساحة اكبر ما يمكن

هنقص عليها ولا إيه ؟؟ ممكن حد يجاوبنى

[totti_pop_2008]

الامتحان ده للنسيان يا اخوانا المهم دلوقتر الانجليزى واعتفد انو لازم يجى سهل عشان الوزير ميموتش (منى)

[harshofa]

بس ده يا جماعة ميمنعش ان الأمتحان كان فى الكويس يعنى

[ملاك شنودة]

بامانة الامتحان كان سهل انا موقفش معايا غير نقطة واحدة اللى هيا السؤال الاخير وحليتة الحمد للة

[ebrahimghorab]

انا متاسف يا جماعة ان فعلا اتكلمت باسلوب غير لائق لان نفسيا بعد الامتحان كانت وحشة ومتاسف خاصتا الى miro love وربنا معنا جميعا

[sa3eeed]

المشاركة الأصلية كتبت بواسطة fearmaster

هههههههههههههههههههههه
ملحوظة صغيرة انا مش في هندسة
انا في تالتة سنوي وكنت بامتحن برضو والفكرة ت في دماغي عادي
بس المسالة مسالة قدرات مش ينفع واحد متفوق يتساوي بواحد متوسط و المتوسط حرام يتساوي بالضعيف فهمت؟؟؟
برب

على فكرة مش عيب لما اطلع واقول انا محلتش صح
ومش معنى انى محلتاش الحل الصحيح يبقى انا طالب
ضعيف او متوسط وانا مش هقول انا مستويا ايه انا مستويا
عجبنى جدا ومش محتاج تعليقك
انا حليتها بطريقة وقولتها وخلاص
وربنا يعلم انت حلتها صح ولا لا ؟
ممكن تكون جبت حل من هنا ولا هناك ؟
مش مهم حليت ولا لا ؟
رحم الله إمرئ عرف قدر نفسه
ياريت اسلوب الانانية تتخلى عنه شوية ومتستفزش الناس
على كلامك ده بقى انت جايب 99% ولا حاجه ؟
انا مش هرد عليك تانى

[يوكا المصرية]

ربنا سترها معانا

[XpertMan]

بصراحة الامتحان كان تقيل شوية وبعدين فى مسائل حلها طويل زى السؤال الخاص بالمعادلتين العموديتين

عموما احمدوا ربنا اولا وآخرا انكم حليتوا وموقفش معاكم إلا مسئلة السؤال الرابع ب

كدة احنا احسن من إللى كانوا السنه إللى فاتت ...

بس انا معاكم إن الامتحان كان غلس شوية ......... لكن خلاص إللى فات مات .. ركزوا بقة فى اللى جاى

[ياسمينايا]

ياجماعه انا مش علمي انا ادبي..
بس والله بدعيلكو بجد ان درجاتكو تبقى كويسه ..ومتقلقووش ان شاء الله خيير ((ان الله لا يضيع أجر من أحسن عملا)) وفعلا ركزو تلوقد في ال English
وبالتوفييق للجمييع..

[ebrahimghorab]

تساؤل من كل بيت فى مصر لوزارة التربية و التعليم – لمجلس الشعب – لوزارة التنمية الادارية – لرئيس الوزراء : فقط نريد ان نعرف لماذا و من حقنا ان نعرف .
نحن نقوم بواجبتنا نحو الوطن و من حقنا ان نعرف لماذا نعانى بهذا الشكل و لا يكفى ان توزع درجة او درجتين حتى نضع ثورتنا فى انفسنا و نقول شكر لا يكفى :
هل يجوز لموظف القيام بالعمل فى وظيفة قياديه حساسة فى قراراتها حيث لها تاثير مباشر على الجمهور فى ادارته لمدة ثلاث سنوات رغم الاعلان عن تلك الوظيفة فى جرائد رسمية مرتين و فى المرتين يقدم نفس الموظف و اخرون للالتحاق بالوظيفه و لم يختار احد بالوظيفه دون معرفة السبب لماذا رفضوا و لكن هو معروف السبب بالنسبه له لان شروط الوظيفة لا تنطبق عليه و لكن رغم ذلك يرفض جميع من تنطبق عليهم الوظيفة و يظل هو قائم بالعمل فى نفس الوظيفه القياديه الذى لم يوفق فى التعين بها لان الشروط لا تنطبق .
نريد ان نعرف ما هو المنطق فى ذلك و هل يوجد قانون بذلك و اذا كان الموظف بهذه الكفأه فلم رفض حين تقدم لشغل ذات الوظيفة الذى هو قائم بالعمل بها فى ظل قانون الوظيفة و لصالح من ؟؟ تساؤلات كثيرة حول وضع ادارى غير سليم و غير صحيح و به الكثير من الغموض و التساؤل !؟ هل هذه الوزارة لا تملك ان تنتدب من 70 مليون مصرى واحد تنطبق عليه شروط الوظيفة بدل ما يظل موظف قائم بالعمل فى وظيفة رفض هو بها ؟؟؟؟ هل لا يوجد احد فى جمهورية مصر العربية يصلح ان يكون مستشار لمادة الرياضيات الى هذا الحد يعلن عن الوظيفة و لا يعين عليها احد و ها نحن ندخل عامنا الثالث و سوف يتكرر نفس الوضع ارجوا من مجلس الشعب ان يطالب بالاجابة من قبل وزير التعليم عن ذلك ؟ لماذا يتعرض اولادنا لهذا و على يد موظف قائم بالعمل و لم يصلح ان يعين بوظيفة مستشار ؟ لصالح من ؟
امضاء
اولاد و بنات شعب مصر - اولياء امور شعب مصر - امهات ثكلت اولادها -اباء دفعوا د م قلوبهم حتى يروا لحظة النجاح فى عيون اولادهم

[Mahmoud Abdelhakeem]

بالنسبة للقيمى العظمى عملتها -3

واتصال الدالة على فترة مقلتش انها كثيرة حدود

بس جبت الاتصال فى اليمين والشمال والنص

عاوز اعرف هنقص عليهم كام بس والحمد لله حليت كل الاسئلة وكله تمام

[ebrahimghorab]

آَمَنَ الرَّسُولُ بِمَا أُنْزِلَ إِلَيْهِ مِنْ رَبِّهِ وَالْمُؤْمِنُونَ كُلٌّ آَمَنَ بِاللَّهِ وَمَلَائِكَتِهِ وَكُتُبِهِ وَرُسُلِهِ لَا نُفَرِّقُ بَيْنَ أَحَدٍ مِنْ رُسُلِهِ وَقَالُوا سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ (*) لَا يُكَلِّفُ اللَّهُ نَفْسًا إِلَّا وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لَا تُؤَاخِذْنَا إِنْ نَسِينَا أَوْ أَخْطَأْنَا رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا رَبَّنَا وَلَا تُحَمِّلْنَا مَا لَا طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلَانَا فَانْصُرْنَا عَلَى الْقَوْمِ الْكَافِرِينَ

[احمد على 66]

سؤال تطبيقات القيم العظمى والصغرى عادى جدا
م=1/2 أ ب جا س
دم/دس=1/2أ ب جتاس
دم/دس=0
جتاس=0 س=90 وهى زاوية محيطية قائمة اذن هى مرسومة على قطر الدائرة اذن الضلع الثالث فى المثلث هو قطر فى الدائرة
د2م/دس2=-1/2أ ب جا س <0

م اكبر ما يمكن عندما يكون الضلع الثالث قطر فى الدائرة.

[ebrahimghorab]

بس يا جماعة بردة عيزين اذا احد عندة شكوى يكتب وان شاء الله خير ربنا مبينساش حد طالما اجتهت تعبت هتوصل الى هدفك مهما طل زمنك