|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
23-07-2009, 12:55 PM
|
||||
|
||||
تيجي نبطل العاشرة مساء واخواتها والاعلام ذو المنهج الشيطاني؟
يمكن ناس كثير تستغرب من الفكرة وتهاجمها لكن اتمنى
من كل دعاة احترام الرأي الاخر ان يتمهلو اويستمعو ويناقشو ا والحق ضالة المؤمن اينما وجده فهو أحق به البداية وجدت نفسي وكثير غيري يدمنون على متابعة هذة النوعية من البرامج القاهرة اليوم والعاشرة مساء و90 دقيقة والحياة اليوم و000 واشاهدها كل يوم واتنقل بينها محاولا الا يفوتني شئ ولكن من حوالي عام ونصف انتبهت الي هذا الادمان وان هذة البرامج نجحت لانها تتعامل بمنطق التفكير الشيطاني اوضح لكم وارجو الصير ادم عليه السلام والشيطان كلاهما خالف امر الله وعصى ولكن ادم عليه السلام ارجع الخطا لنفسه وهو ما نسميه اليوم النقد الذاتي قل ربنا ظلمنا انفسنا اما ابليس فارجع المشكلة الي الله وبرأ نفسه قال فبما اغويتني نرجع تاني للبرامج هي ناجحة لانها تجعلنا نشعر ان كل الكوارث والمشاكل سببها الحكومة والمسؤلين واحنا الشعب الملائكي ولذلك يحبها الناس لو واحدة شيطت الارز يبقى برضة الحكومة هي السبب ثانيا هي تسود الدنيا في عيوننا ولا ترى فيها الا كل ماهو سلبي واسود والبعض يقول هي اصلا سوداء ماشي يبقى كفاية نعيشها سوداء بالنهار ومش لازم نشوفها سودا بالليل كمان ثالثا هي برامج متحيزة جدا ولكن تدعي الحيادية وتتعامل مع الضيوف بمتطق اللي نحبه ندلعة واللي مش عاجبنه نشرحه تتعامل مع ضيوف الاخوان ويتامى الماركسية وخلفاء الحنجوري بمنتهى النعومة واي حد غيرهم يخش على المفرمة رابعا تخلق نجوم للمجتمع والشباب من المدعيين وانصاف الجهلاء من امثال خالد و فضل ومنتصروعمرو والبناونور لمجرد انهم بيكرهو اسرائيل طب ما كلنا بنكرهها ليه منكونش نجوم وأهم حاجة انها تجعل كل فئات المجتمع في حالة كراهية مع بعض الرجل ضد المرأة والفقير ضد الغني والمواطن ضد الشرطي والمسلم ضد المسيحي وتركز على اسوأ النماذج في كل الفئات خاصة المعلمين ورجال الشرطة ورجال الاعمال -طبعا ماعدا الملائكة اللي بيمولو القناة او البرنامج- ماعدا الاعلاميين والمذيعين ومن على شاكلتهم فهم ملائكة وان اخطئوا فلهم اجر المجتهد وأخيرا انها طريقة للهرب من الحياة الخاصة وان يفكر كل منا فيما هو مسؤل عنه وسيسأله الله عنه الوقت والزوجة والاولاد وصلة الرحم و000 الى الشأن العام كمثل رجل يهش الذباب عن غيره والعقارب تسعى في حجره وقلت لنفسي ممكن بدل الساعتين اللي باشاهد فيهم جرعة النكد دي اقرأ 3 اجزاء قرآن او كتاب مهم او اتكلم مع زوجتى بدل الخرس الزوجي او الاعب اولادي اوازور اقارب او0000000 خمسين حاجة كلهم افيد امتع وقد كان ومن ساعتها قلت اعراض الاكتئاب |
|
#2
28-07-2009, 03:23 PM
|
||||
|
||||
بسم الله الرحمن الرحيم
اولا أنا عايز افهم فايدة البرامج دي ايه ؟؟؟؟؟؟؟ هيقولو انها بتخليني واعى مدرك اشعر بما يحدث في بلدي اشكر الجيد واغضب من السئ وهي برامج جادة تماما وليس فيها نفاق او...او..... فلماذا لا اتباعها واكون ملم و واعى بما يحدث حولي الرد :- أولا قبل ما حضرتك تكون واعي ومدرك بما يحث حوليك هل حضرتك واعى ومدرك بما يحدث في غرفات منزلك ؟؟؟ قال تعالى كل نفس بما كسبت رهينة صدق الله العظيم يعني قبل ما حضرتك تعرف الى بيحصل في الدنيا اعرف ايه الى بيحصل في دنيا بيتك مشاكل مراتك هموم عيالك كل واحد وعالمه الخاص لأن كلكم راع وكلكم مسئول عن رعيته يعني رايح تهتم باخبار الرعاة الكبار وسايب اللى مفروض عليك تراعهم ثانيا حضرتك عملت ايه لبلدك عملت ايه لدينك عملت ايه لمجتمعك سنيت سنة حسنة صلحت حاجة كانت غلط أمال ايه بس ليه حضرتك متصنعش الحدث بايديك ليه ترضي ان تكون رد فعل ليه متكونش فعل ولا حضرتك مشغول جدا ومش فاضي غير لمصمصة الشفاة ثالثا حضرتك مين قلك ان الى حضرتك بتتابعه وبتتلهف عليه ده الواقع دي الحقيقة مين اللى قالك ان دي الحقيقة المجردة مين اللى قالك ان مفيش انحياز مين اللى قالك ان الطرف التاني للقضية هو فعلا الطرف التاني الحقيقي مين اللى قالك ان صياغة الموضوع كلها مفيهاش تحيز |
|
#4
31-07-2009, 07:31 PM
|
||||
|
||||
|
انتي معايا في انها برامج فاسدة ومفسدة ولا متصورة اني بادافع عن هذة النوعية
حضرتك عندك حق |
|
#5
31-07-2009, 10:31 PM
|
||||
|
||||
|
اقتباس:
وده مجرد رأيى فى البرامج دى واسفه على الإطاله
__________________
قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ
آخر تعديل بواسطة مروه ، 31-07-2009 الساعة 10:35 PM |
|
#6
31-07-2009, 10:44 PM
|
||||
|
||||
|
العزيزة مروة
احترم رايك ولكن يبدو اني لم اوفق في عرض بعض الامور انا متابع جيد لاخبار الناس والدنيا ولكن هناك فرق بين برنامج اخباري يعرض اخبار بلا رأي او بموضوعية وبين برنامج حواري وراي ادعوك لقرأة كتاب رائع أسمه المتلاعبون بالعقول وان كان عن الاعلام الامريكي ولكنه يصدق الان على اعلامنا 100% وهاديك مثال على التحيز وارجو ردك عندما يقول عمرو خالد لمنى الشاذلي عن نبي الله وكليمه موسى كان لازم يتدعك ويتمرمط فترد بابتسامة في خجل مصطنع هل كانت تقبل ان يقال هذا عن عبد الناصر ولا حتى عن أحمد بهجت ؟؟؟ |
|
#7
22-08-2009, 09:48 PM
|
|||
|
|||
|
مع احترامي للاراء المعروضه
اولا الموضوع جميل من حيث مبدا الحوار بس البرامج دي بتعرض حجات غير مصائب البلد مثلا العاشره مساءا بيستضتفو اي حد قام بعمل مشهور علي المدي العالمي وكثيرا ما اتضافوا علماء مثل احمد زويل وعالم المصري الذي اكتشف علاج السرطان بالذهب_عذرا لا اتذكر اسمه_ اليس هذا بمثال عن دعمها لكل ناجح وانا مش هقولك احنا شعب زي الفل وكلنا تمام لأ وعارف اننا لازم نبدا بنفسنا ومؤمن بكده بس البرامج زي البرامج اللي حضرتك عارضها بتعمل ما يسمي بتشجيع جهود الحكومه مع مراقبتها وعلي فكره البرامج دي هدفها كده انها تعرض مشاكل البلد ومعظمها الحكومه الطرف الاول فيها واحنا مش عايزين نطنش واللي يسرق يسرق لأ لازم يكون للاعلام دور
__________________
والله لو صاحب المرء جبريل .. لم يسلم المرء من قال و قيلا قد قيل فى الله أقوالاً مصنفهً .. تتلى إذا رتل القرآن ترتيلا قد قيل أن له ولداً وصاحبهً .. زوراً عليه و بهتاناً وتضليلا هذا قولهم فى الله خالقهم .. فكيف لو قيل فينا بعض ما قيلا
|
|
#8
24-08-2009, 04:53 PM
|
||||
|
||||
|
فى الحقيقة انا معكم ان الاعلام المصرى يهتم بال10% ويترك 90% مثال ان لو قرية واحدة فى مصر مش كويسة بيهتم بها ويترك باقى القرى النظيفة ده مجرد مثال للتوضبح (فى حاجة خطيرة ارى والاحظ ان الاعلام المصرى باجمع ينشر ويحرم ويمنع ختان الاناث مع انه واجب )وانهم فى بعض الحالات وتقريبا فى حالات المشكلات مع الحكومة ينشرون ويفجرون الخبر لغرض التشهير ولعلاج المشكلة من المسؤلين وفعلا بجد ان مصر دولة ضعيفة فى الاعلام المصرى ولكنها فى الحقيقة دولة قوية وانا بحبها كثيرا
|
|
#9
24-08-2009, 04:56 PM
|
||||
|
||||
|
والله لو صاحب المرء جبريل .. لم يسلم المرء من قال و قيلا قد قيل فى الله أقوالاً مصنفهً .. تتلى إذا رتل القرآن ترتيلا قد قيل أن له ولداً وصاحبهً .. زوراً عليه و بهتاناً وتضليلا هذا قولهم فى الله خالقهم .. فكيف لو قيل فينا بعض ما قيلا |
|
#10
24-08-2009, 05:15 PM
|
||||
|
||||
|
اداب الحديث عن الانبياء الذين تحدثو مع الله(......)
اقتباس:
قال تعالى فى كتابه العزيزعن قصة نوح مع ابنه ثم حديث نوح علي هالسلام مع الله(ونادى نوح ربه فقال ان ابنى من اهلى وان وعدك الحق وانت احكم الحاكمين*قال يا نوح انه ليس من اهلك انه عمل غير صالح فلا تسالنى ما ليس لك به علم انى اعظك ان تكون من الجاهلين*قال ربى انى اعوذ بك ان اسالك ماليس لى به علم وان لا تغفرلى وترحمنى اكن من الخاسرين) هذا ادب ودرس كبير للمسلمين للحديث مع الله ونستنبط منه اداب الحديث عن الانبياء . الشرح للايا تالكريمة عندما سال سيدنا نوع عليه السلام ربه عن ابنه وده ابنه يعنى اعز ما يملك نوح ويساله ان يرحمه فرد عليه الله بان ابنه يجب ان لا يعلم وهذا ليس من امره وبعد كده نوح استغفر ربنا وطلب الرحمة ونسال نفسنا طلب الرحمة من ايه ؟؟؟الرد من سؤال نوح عن ابنه وعن ما ما لا يعنه ..وشكرا للاستماع |
|
#11
24-08-2009, 05:52 PM
|
||||
|
||||
|
يا بوووووووووووووووي هوا كل حاجة نقعد نقول شيطاني ومش عارف اية بعدين البرامج دي مفيدة وممتازة وبتعرف الواحد الاخبار و تغطية للمواضيع المهمة
__________________
 جايلك يا امريكا |
|
#12
24-08-2009, 05:58 PM
|
||||
|
||||
|
محدش يتكلم عن عمرو خالد وحش لوسمحت
__________________
جايلك يا امريكا |
|
#13
05-03-2011, 08:52 AM
|
||||
|
||||
|
موضوع قديم رأيت اعادة طرحة بعد ان اثبتت لي الايام اكثر خطورة تلك البرامج
|
|
#14
06-03-2011, 03:30 AM
|
|||
|
|||
|
موضوع ممتاز وآراء جميعها محترمة ومتميزة لكن أليس من الممكن أن تشاهد ما يعرض وتأخذ النافع منه وتترك غير النافع فأنا بالفعل ألاحظ أن البرامج المطروحة فى الموضوع تتفق جميعها فى مبدأ التلاعب وان لم تك بنفس الدرجة وقد تختلف نسبة التلاعب تلك من فقرة الى أخرى فى البرنامج الواحد وعلى هذا أقترح ألا أكون متعصبا لأى منها أشاهد ما يعرض بعقلية واعية متفتحة محايدة .
شكرا يا أستاذ علاء على كتاب المتلاعبون بالعقول وادعوا الاخوة لقراءته . http://files.thanwya.com/do.php?id=3687
__________________
كفر الزيات |
|
#15
10-03-2011, 06:29 PM
|
|||
|
|||
|
مواضيع قديمة جدا
لكنها قيمة جدا
__________________
الحمد لله |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:29 PM.
