|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
22-09-2009, 03:37 AM
|
|||
|
|||
اخر شروط التثبيت للمعلم المساعد "هام جدا"
ياريت يا جماعة حد يقولنا ايه اللي هايحصل بعد ما قدمنا في الاكاديمية ......ادينا روحنا
قدمنا وخدنا وصل , والموظف قالي سيب رقم تليفونك وهانبقي نتصل بيك واللي فيه الخير يقدمة ربنا........انا لم اعترض علي اخر جملة ...........بس ايه اللي سيب رقم تليفونك ...ده زي اللي بيقول "عدي علينا بكرة يا سيد وابقي خد الباب وراك" ليه فيه غموض .........محدش فاهم حاجة الكل بيفتي.....ومحدش عارف حاجة في اي حاجة......اراهن لو كان الموظفين اللي في الاكاديميه عارفين هما بيعملوا ايه .......ويمكن مش عارفين هو فيه ايه اساسا.......بس كتر خيرهم لان اغلبهم دبلوم صنايع.....واللي بالاعداديه.......وطابونة شغاله وخلاص........والراجل المحترم المؤهل العالي الناضج الفاهم الواعي والمدرك والحاصل علي شهادات زي ال icdl وال toefl واللي عام ماجستير ودراسات عليا ...هو اللي يتبهدل ويطلع ميتين اهله........وداير يسال ويستفسر ناس واكلة بليلة علي الصبح...............والله العظيم الشاب الخريج يستطيع ان يسد مكان خمس موظفين من موظفين البليلة.......انا مش فاهم ازاي يعني ......وبعدين انته مش ملاحظين ان الاكاديميه طلبت تقرير تقييم الاداء من مدير المدرسه اللي هو اساسا دبلوم زراعةاخر حاجة درسها مزارع النحل.........ازاي يقيم راجل تربوي او حتي علاقتة ب زملائة ازاي قولي ازاي ...........وتقرير الموجة بالنسبه لموجهي اللغة العربية ما فيه موجهين لغه عربية اساسا دبلوم او اعداديه........اززززززززززززززززززززززززاي يقيم معلم في استراتيجيات التدريس والتقويم ازززززززززززززززززززززززززززززززززاي ده هو اصلا ميعرفش يعني ايه استراتيجيات التدريس يا جدعان حرام.......... من الاخر كده المتعاقدين عبارة عن فئران تجارب .......لان مفيش تخطيط خالص من المسؤلين عن مصيرهم هو كل يوم يقولوا يا ترا ايه الخطوه الجايه يا تري ايه ........ايييييييييييييييييييييييييه ......ايه يا واد يا جمل اييييييه العيال دي مش هاتجيبها لبره خالص ........بس انا عارف ايه الخطوه الجايه.....ها يقولك " من اجل تكافؤ الفرص في التعيين ومن اجل العمليه التعليمية...ب ال صلي ع النبي كده احنا قررنا نستني الناس اللي مش عامله دبلومه لم تعمل الدبلومة علشان حرام ده ممكن يكون فيهم اخوك او ابن عمك ...........وفي لحظة يكون شرط الدبلومه سنتين من كليات التربيه ..........وطبعا يا متعقدين يا حبايبي اللي خلاكو صبرتو السنيييييييييييين دي كلها ها تيجي علي سنتين لا راحو ولا جم..........بعد السنتين ........الجمل: طيب والناس اللي واخدة ملاحق دي مش لازم نستناها ولا اية ايه النداله دي .............بعد الملاحق ..الجمل : احنا كنا قلنا علي ال icdl كله تمام يا جماعة ....طيب انا عايز toefl وياريت يكون عليه امضة رئيس جامعة اوروبيه ..متخافوش اي جامعه ....ممكن كامبريدج ...ممكن اكسفورد..اي جامعه علشان مصعبهاش عليكوا ....واخيرا شهاده من ات اتنين موظفين من المجلس المحلي ب حسن سير وسلوك.......وطبعا الكشف الطبي دي حاجة منتهيه .... الجمل: لازم نتاكد ان المعلم المساعد الحديث يمتلك خمسه صوابع بيده وذلك لضمان جوده التعليم........... عدد شعرات الراس لا يتعدي ال 8475 شعره........ومن اجل التسهيل لن نضع شروطا علي الشارب واللحيه .....الطول لا يقل عن 100 سنتيمتر ولا يزيد عن 102 سم ........الوزن عادي ..خلي الشباب تاكل وتبرطع.... النظر متوسط والافضلية للاعمش ......السمع : يسمع باذن واحدة وكلما كان اطرش كان افضل............. منحني الظهر..............الدغ....يتهته بالكلام.......لا ينطق الحروف الاتيه "ف,ل,و,س".......يفضل من له حاجب واحد..........الرمش مخل بمهنة التدريس لوجود مدرسات يقومون بالتدريس الفعلي للتلاميذ............ ومن تنطبق عليه الشروط يتوجه فورا الي مقر الوزاره الجديد ......... العنوان: 3 شارع العقلاء ...مدينة منتظرين......محافظة السرابراكاتو
__________________
الجد والاجتهاد اهم من الموهبة والذكاء
|
|
#2
22-09-2009, 03:46 AM
|
|||
|
|||
على فكرة انا كمان مدرس انجليزى زيك
بس يارب يكون كلامى غلط مش عارف ليه شايف ف كل كلامك ومواضيعك اللى اتعملت هنا وف بوابه التعليم نبرة غرور ليس لها مثيل انا حاصل على كذا والانجليزى بالنسبالى زى المنديل اللى ف جيبي وان انت ليس لك مثيل على وجة الارض بالراحة شوية ياستاذنا العظمة لله سبحانة وتعالى |
|
#4
22-09-2009, 04:04 AM
|
|||
|
|||
|
الله يسامحك ......بس انا هنا بالذات بتكلم بشكل عام .........لان هناك من احسن مني وانت منهم يا استاذ
واللي انا كاتبه دي فضفضة......وبالنسبه لاي مواضيع سابقه فدي كانت احساس بالظلم.....شكرا للرد
__________________
الجد والاجتهاد اهم من الموهبة والذكاء
|
|
#5
22-09-2009, 04:27 AM
|
|||
|
|||
|
يأستاذ مصطفى انا مش عاوز تزعل منى وا من ردى
انا اتمنى الخير ليك ولكل المتعاقدين يكفى ان زوجتى من المتعاقدين بس انا خايف عليك من وصولك للمرحلة دى وانا اسف مرة تانية لو كان ردى ازعجلك forgive me my dear friend |
|
#6
22-09-2009, 05:58 AM
|
|||
|
|||
|
يا استاذ مصطفى ويا استاذ ابو وفاء هو دا مطلب الحكومة اننا نقعد نرد على بعض ده يقلل من قيمة ده وده يرفع من شأن ده والحكومة ودن من طين والتانية من عجين لا سمعين لده ولا لده
__________________
 مستر عصام -كفر الزيات
|
|
#7
22-09-2009, 12:00 PM
|
||||
|
||||
|
بجد هم يبكي و هم يضحك !
يا حبايبي العبوا مع بعض بلاش تتخانقوا ! عيب كده يا قدوة انت و هو و يجب ان نحسن الظن ببعضنا البعض .
__________________
محمد رسولنا و القرآن دستورنا و لغير الله ما نحني ظهورنا محمد عبد الواحد مدرس اول لغة انجليزية - طامية - الفيوم
|
|
#8
22-09-2009, 12:35 PM
|
|||
|
|||
|
اللى ايدة فى الماية مش ذى اللى ايدة فى النار
المتعاقد الغلبان مش ذى المثبت الجبار |
|
#9
22-09-2009, 01:43 PM
|
|||
|
|||
|
بكل امانه شباب الجيل الحالي الله يكون في عونهم جامعه ومصاريف وبهدله وشويه جهله يتحكمون فيهم فلهم كل الامنيات الطيبه وربنا يحقق احلامهم ويعوض ذلهم وهمهم خيرا ان شاء الله
|
|
#10
22-09-2009, 02:38 PM
|
||||
|
||||
|
ماشي يا جمل بس لما اشوفك .....................
__________________
       تحيــــاتي وتقــديري للجمــــيع   <CENTER></CENTER><CENTER></CENTER> |
|
#11
22-09-2009, 03:10 PM
|
||||
|
||||
|
الله يكون في عونهم
__________________
 سبحان الله وبحمده عدد خلقه ورضى نفسه وزنه عرشه ومداد كلماته
|
|
#12
22-09-2009, 10:21 PM
|
|||
|
|||
|
أخى خليك متفائل
ايه انت محضرتش العقد ابو (105 ) ولا ايه ؟ |
|
#13
22-09-2009, 11:06 PM
|
|||
|
|||
|
قول يارب ان شاء الله
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 05:21 PM.
